等等HEA

营业中

休息中

餐廳做緊大閘蟹放題優惠，全場爆滿～搣開隻蟹都幾juicy, 入面都有幾多蟹膏下。除咗食大閘蟹之外，都有好多台灣特色小食！阿等麵線，必食item! 好creamy, 食完好有去台灣嘅感覺～鮮茄紅燒牛肉麵，麵質彈牙，牛肉好入味，湯底香濃～水蜜桃生炒骨，有鑊氣！香脆好味，酸酸地仲好開胃～士林鹽酥雞，好酥脆惹味！基隆市甜不辣，煙煙韌韌，好正！茜茜麵，即係芫荽撈麵，幾清新，鴨血都幾結實！甜品有仙草芋圓，食完飽哂！

一食落去已經唔對路 好攻鼻…成浸染頭髮嗰啲阿摩尼亞味🤮🤮🤮完全冇食過咁難食嘅蟹一碟大概有2隻死蟹….冇死嗰啲都好難食-但男朋友期待好耐 興致勃勃第一次食大閘蟹 唔好意思掃佢興佢都覺得唔係好好食最後我淨係食咗一公一乸唯有食下鰻魚嗰啲…………-埋單嗰陣同職員講佢話平時啲客都有講有死蟹 可以退返但碟碟都有死蟹 其實退完一碟死嘅你咪又俾返另一碟死嘅我..明唔明難食到鬧都費事係咩感覺..點解香港咁多伏舖頭-成四百蚊可唔可以俾啲良心😊😊😊😊-送菜送到好亂唔講喇 已經唔係重點🙏🏻🙏🏻🙏🏻

九龍城台式餐廳五隻手指數得晒，等等Hea係我既首選。- 阿等麵線味道令我諗起台灣既阿宗麵線，麵線爽滑惹味，大腸好入味。加埋阿宗辣椒醬，香味提升左一個層次！不過呢個辣椒醬都幾辣下，大家唔好一次過加太多。- 等等蒜蓉炒時蔬總共有三款菜，包括菜心、椰菜同油麥菜。三者都好爽口，味道啱啱好，唔會太鹹，- 豆腐花芋圓材料好豐富，入面有紅豆、芋圓、涼粉同豆腐花。芋圓口感煙韌，自身帶少少甜味。等我下次再發掘餐廳其他台式食物🔥

头先听朋友话九龙城有一间好好味嘅大闸蟹放题，由於西环附近都冇咩质素高嘅大闸蟹供应，所以提前book咗位，从港岛专程前往，叫埋朋友一齐食88min大闸蟹放题。拣咗5-6两嘅套餐，可以自己选择要蟹公定蟹乸；实际入座时间都多过88min，没想到只只爆膏，蟹公蟹乸都系，仲有十几款饮品同姜茶无限供应；自己食晒9只蟹，感觉好满足，同行朋友仲叻d，食超过十只店家人都好好，上菜速度好快，系有机会一定要去多一次嘅超抵食之选！

今日去九龍城食大閘蟹放題，呢間「等等hea」係間台式料理餐廳，適逢大閘蟹盛產季節，做埋大閘蟹放題，六點去到已經座無虛席，好彩訂咗枱先有位，如果Walk in嚟就冇得食啦我哋揀咗四至五兩 $498/位，每一轉會有四隻蟹蟹公大約四至五兩；蟹乸大約三兩半；個人比較鍾意食蟹乸，雖然細隻但非常多膏，有硬膏同軟膏，蟹膏香濃而甘香；蟹公嘅膏好creamy，有好多白膏，雖然大隻但膏嘅比例冇蟹乸咁多，不過都好食，蟹肉肉質都鮮嫩鮮甜，不過食大閘蟹當然係食膏為主另外有台式小食和台式特飲任食，不過個人都係認為專注食大閘蟹比較好，小食嘅質素普通一般，淺嘗即可士林鹽酥雞：即炸熱辣辣不過粉漿太厚，食唔出鹽酥味，配嘅他他醬都唔夾，雞肉都炸得比較乾阿等麵線：上碟嘅時候已經凍咗所以冇咁好味蚵仔滷肉飯：蟹粉滷肉油菜；厚燒鰻魚：蟹粉滷肉油菜係冇蟹粉喺裏面嘅不過油菜都幾翠綠新鮮；厚燒鰻魚非常韌，好似橡膠緊咬唔開，似係啲急凍解凍嘅鰻魚蟹粉花枝丸，蟹粉水餃，生滾大閘蟹粥：花枝丸係炸得幾香，不過食唔到有蟹粉；蟹粉水餃都係一樣食唔到蟹粉；生滾大閘蟹粥係有蟹肉喺入邊，不過味道非常淡，而且唔熱芝士四季春茶；薑茶芋圓：芝士奶蓋幾濃郁，好cr

一般而言大閘蟹於每年農曆八至十月當造，踏入大閘蟹季不少食肆都陸續推出各款大閘蟹宴或大閘蟹放題，而台式餐廳等等HEA亦如往年一樣再度推出大閘蟹放題。放題根據大閘蟹重量劃分為四個價位，每位由$398至$898不等，豐儉由人，而星期五至日、公眾假期及其前夕則需另加$20。我倆當日選擇了五至六両大閘蟹放題($648)，由首次上菜起計任飲任食88分鐘。蟹公約重五至六両而蟹乸則約重四両，每人每次限點兩隻，不論蟹公抑或是蟹乸分別的蟹膏及蟹黃均飽滿豐腴。除了大閘蟹之外更有五款蟹粉美食，包括蟹粉水餃、生滾大閘蟹粥、台式腸蟹粉糯米飯、蟹粉花枝丸及一口蟹粉鴨血。不過蟹粉水餃、蟹粉花枝丸和一口蟹粉鴨血均毫無蟹粉香味，比較推薦的只有生滾大閘蟹粥。另外亦有少量台式美食供應，士林鹽酥雞即點即炸；阿等麵線用上台北著名阿宗麵線的秘製辣椒醬，甚有當地風味。個人特別喜歡萬華街小碗蚵仔滷肉飯，滷汁濃郁惹味肥瘦均稱，蚵仔亦粒粒飽滿。甜品方面有三款與人氣網店合作推出的芋圓糖水，分別有薑茶芋圓、椰奶芋圓仙草及豆腐花芋圓，口感煙韌並帶淡淡天然芋頭及番薯香。出乎意外地台式飲品亦有逾二十款之多，芝士奶蓋口感比較厚實，整體味道正正常常但勝

好少寫食評，但今次唔寫對唔住自己…夜晚7點前攞飛，等第二張枱，疑似老闆娘話好快好快，所以我地行左10分鐘再返黎。點知等到7:25，老闆娘就同攞飛嘅人講，入面大部分食88分鐘大閘蟹嘅枱都係7:30交枱…. 如果攞飛當時有講，我哋會果斷放棄，就可以避開呢一「劫」。當中仲有一段小插曲，有人喺OpenRice book左枱，但老闆娘就話因為無再嗰個餐（我唔知道個餐details)當取消左佢，叫佢重新攞飛，再等30分鐘至1個鐘。先講服務，基本上無。部分侍應似係part time，好迷失… 食物方面，三杯雞同咕嚕肉都係死鹹，完全唔明點解有食評話好食… 魯肉飯都完全唔得… 本身都無諗過出post… 但一朝早我哋都肚疴… 所以想警惕其他人！

為大閘蟹放題而來這間餐廳主打台灣菜大閘蟹加台灣菜網上見到即刻book位不過book咗位都要等九個字左右超級多人…不過值得讚嘅上菜好快80分鐘任食絕對夠時間四兩大閘蟹好多膏麻辣鴨血好好味鹽酥雞屙仔滷肉飯芋圓仙草

小插曲⋯⋯好想試下這個台式放題，所以一早在Openrice 買左coupon ，因打算在公眾當日對換，所以出發前幾天已打電話留位同店員聲明我是食台灣放題卷對換，他只回答我「好好好，你嚟到先啦」當日聽電話嘅店員=老闆娘真的留左座位比我點知佢同時送上一張「大閘蟹」放題比我睇：我：我係食台式放題店：吓，已經無做喎我：張卷10月尾至到期喎店：已經無做啦，你唔早啲嚟我：（心諗你無嘢呀，到期前我幾時嚟都得啦，點唔早啲嚟呀）我：台灣野你地無理由無掛，我咪照落單你照出囉。店：我無紙比你✅嘛我：唔緊要啦，你比白紙我照寫，照入，照落囉，我即時寫左10款、8款野食準備落單店：佢地（廚房）唔識睇嫁，你用喱啲啦（另一店員搵番舊✅食物紙比我地）我：吹脹（心諗-根本就唔想做，自己轉左做大閘蟹放題係你問題，我千里迢迢出到去唔係無得食嘛）故事講完就講食先黎一杯黑糖鮮奶珍珠+麵缐，再加原樽「亞宗辣椒醬，（又心諗）又幾正喎Oh my God, 咁淡嘅這是什麼，雖然麵線質地幾好，但淡如水真係要加辣醬至食到。再嚟：紅燒牛肚牛筋刀削麵，湯底如滾水甜不辣+雞泡魚乾，第一轉好食就諗住再encore點知再嚟嘅時候全部白雪雪好似冇烤過一

谷鬼氣琴晚去左九龍城等等hea食食到一肚氣！😡話說Book左10點後入座，食10點至12點連加一640蚊個餐我同朋友係遲左d，10點35分先到，但一去到就俾個阿姐大大聲勁惡咁鬧，話我地阻佢地收工，話我地做咩遲到，不停大大聲重覆呢幾句鬧到全間餐廳都聽到，起碼企起到俾佢鬧左5分鐘先安排我地入坐！唔講我以為我打緊佢工應份俾佢鬧！咁阻你收工好心就唔好咁貪心開個餐係10點後入座食到12點啦！我地係遲左，但個餐明明寫10點後入座，食10-12點，88分鐘，咁我地遲到食唔夠88分鐘咪12點前趕我地走囉，益曬你添啦！洗唔洗咁樣鬧我地啊？我免費黎食嫁？10點7黎到就已經問我知唔知你地幾點收，話你地趕住收工，咁唔通10點鐘準時黎到既客，你要佢10點半就last order?同佢地講你趕住收工？ 無野下嗎？蟹又要講數咁先俾落單，真係600幾蚊食到一肚氣🤬

秋風起，又到左食大閘蟹嘅季節了！台式餐廳等等hea已經係第二年做大閘蟹放題喇～領有食安中心牌照嘅江蘇大閘蟹，食得安心又放心。餐廳有提供3-6兩嘅大閘蟹放題，3-4両放題$398/位，4-5両就$498/位，另外夜晚10點後再平少少。強烈建議先網上訂位，因為除咗有折扣，walk in經常會排長龍啊！大閘蟹質素超好，我揀嘅係三至四兩，雖然唔係好大隻，但係每一隻無論公定乸都勁爆膏！尤其係公蟹，嗰啲透明嘅膏漿住個口，之後再漿住個喉嚨嘅奇異口感，啖啖滋味～不得不提嘅就係上蟹先開始計88分鐘，唔會呃鐘，好均真！而且上菜速度都好快。除咗大閘蟹之外仲有多款台灣小食同埋飲品都係任食放題㗎～例如有：蟹粉花枝丸、鹽酥雞、蚵仔滷肉飯、鴨血、麵線等等。甜品仲有196芋圓，Q彈大粒有口感！正宗古早台南口味～配搭仙草、豆花同埋粒粒紅豆，絕配～想安坐家中食大閘蟹🦀餐廳兼營嘅Mr crab大閘蟹教主，可以網上訂大閘蟹，再送貨上門，訂購$700就包運費，套餐四百幾蚊有交易，最緊要就係有食環署頒發嘅許可證，安全穩陣。最適合約埋朋友喺屋企食大閘蟹開party！

今日去左九龍城既等等Hea食晚飯，好彩去到唔駛等等🤣，即刻可以入座。- 小碗手工滷肉飯滷肉份量足夠，唔會食到最後得翻白飯。滷肉既肉丁肥瘦適中，調味唔會太甜或太鹹。另外仲配有半隻性感既溏心蛋，蛋黃綿軟。- 鹽酥雞雞肉唔算嫩滑多汁，但唔係乾柴嗰種。外表非常酥脆，鹽酥雞本身已經沾上千島醬，味道超夾。- 椰汁芋圓涼粉芋圓非常煙韌，涼粉爽口，椰汁增添甜味。當離開餐廳時侯我見到門口大排長龍，原來餐廳推出大閘蟹放題，另外仲有台式小食放題。

今日下午3:45pm 去食下午茶, 嗌左下午茶餐, 等左20分鐘先有得食! 坐低左先知道佢地做緊大閘蟹任食, 但我只係想輕食一個下午茶, 可能因為佢地掛住serve 蟹而唔理其他餐啦個初戀撒嬌金磚係貨不對版, 芝士味唔濃。而且環境都唔算乾淨, 成個地下都係啲蟹嘅殘骸。雖然啲姨姨嘅服務態度都不錯, 但總之就肯定無下次

最近去咗九龍城嘅等等Hea台式餐廳，因為見美食群組介紹佢哋有88分鐘江蘇大閘蟹放題任點任食，唔同重量唔同價錢。鍾意大大隻嘅話六両以上都有得選擇👍🏻最正係任飲台式飲品、小食同甜品任食，可以嘆住等大閘蟹😍每樣小食都試咗少少🤏除咗水餃普通啲之外，花枝丸同埋鴨血雖然蟹粉你都唔重但係都好好味，我個人最鍾意係個蟹粥，好綿滑又有蟹黃嘅鮮香。轉個頭主角大閘蟹終於出場啦！呢度都好均真，88分鐘係以大閘蟹上枱計，所以完全唔會驚蒸得嚟都唔夠時間食嘅問題！而且仲提供一次性手套，唔使驚整污糟對手！大閘蟹都好高質，隻隻都爆曬膏🤩當造蟹乸的確比較出色，肉質鮮甜而且有香滑軟膏同濃味硬膏兩種質感😍蟹公方面鍾意白膏嘅朋友係時候出動啦！除咗香滑嘅軟膏仲有黏口嘅白膏，蟹公腳又啖啖肉，正！我哋冇食到最後一隻就即刻encore，每一轉都係四隻-六咁上，速度都幾快又冇漏單，我哋兩個女仔一共食咗20幾隻大閘蟹，最遺憾係唔記得疊起啲蟹蓋影相留念😆總括嚟講，第一次食大閘蟹放題嚟咗等等Hea真係一個好好嘅體驗🤩唔怪之得連口罩小姐冠軍waiyi都推薦😍大家想去記得早啲訂位呀！

今次到我食🦀大閘蟹啦🤟👏👏👏今次選擇左九龍城嘅#等等Hea即係上年我已經食過，不過覺得幾抵食，所以今天又黎幫襯佢啦🤣最平$398/$368已經有交易，任食🦀大閘蟹同多款小食🥰🥰不論蟹公蟹乸🦀都爆曬膏😋😋😋蟹肉鮮甜，蟹膏停留係口腔入面，非常滿足🥰食大閘蟹又點能夠唔飲花雕呢！只需加$48，就可以任飲話梅花雕王🥃😎😆爽死我🤣🤣快啲仲有熱水係瓶底保溫♨️，飲落暖哂胃♨️又可以減低膩既感覺👍除外佢本身亦有好多包括左既台式飲品任飲👅另外佢本身都包括多款小食👄，但由於我已經食到太飽所以只係叫咗兩個🤣我就淨係叫咗士林鹽酥雞🐔，同埋萬華街小碗柯仔滷肉飯🍚🥰🥰🥰雖然任食但係鹽酥雞都非常鬆脆🥳而且🦪柯仔滷肉飯大家都見到，飯仔細細，但大大粒柯仔🦪喺上面，滷肉汁有又夠濃💋，直情有種喺台灣食緊野嘅感覺😭總括而言未食大閘蟹嘅，快啲去呢間試吓💃🕺🏃‍♂️🏃‍♀️🏃‍♂️🏃‍♀️另外提提大家記得訂枱，因為都長期滿坐😂個人評價： 總結 4.8/5星