等等HEA

营业中

休息中

近年來內地烤魚風正響，好多人都長途跋涉到深圳食烤魚，究竟香港式既烤魚又可唔可以媲美得上呢，九龍城既呢間【等等HEA】在網上都算有名氣!今日就同朋友黎試試佢，烤魚既有打邊爐嘅特色之餘亦唔會食到滯住滯住！九龍城福佬村道,見到營光招牌【等等HEA】門面仲有個易拉架,正宗台式烤魚/台式麻辣雞煲/南乳豬手任食放題100分鐘，另外可無限追加，震撼價$278/1人，原價$398/2人，+10%服務費，星期五六日公眾假期都要每位收$20附加費。餐廳面積大概容納到40個人,當中有幅牆掛了霓虹燈，令到餐廳嘅氣氛更有台式感，入面有卡位有大枱....裝潢可算是非常新派呢...環境非常整潔。當然係今次黎既重點係烤魚，「正宗台式烤魚麻辣中辣」，餐廳指定用鉗魚，內有豆卜、紫洋蔥、辣天椒、花枝丸、芹菜。烤魚賣相很吸引，望落去湯底血紅色，食起黎又不算太辣，辣辣地又帶小小麻感，會越食越開胃至於油膩度食落又沒有望落去感覺咁油...是可以接受的！鉗魚，魚肉份量算多，魚組織多為大骨，小骨唔多，食起黎可以暢快，最重要係魚肉唔會散開晒，最怕既就係食魚魚肉散散亂亂，整體不錯！另外建議加配上粉類及蜂巢豆腐一齊食，吸收左湯底既麻麻辣辣，

我與另一半很喜愛吃烤魚及雞煲😍於網絡上得知這裡逢星期一至四，有一個烤魚+雞煲/豬手及小食放提的優惠套餐，再到這裡光顧😋來的目的，就是吃這套餐。主食很有份量，我們只額外點了飲品及一樣小食。酸菜魚👍🏻😋雞的味道也不錯😋因為今晚太夜進餐，沒有點白飯。其實，它們與白飯是絕配店員相當有善，不斷叫我們試多一點不同小食。極力推介台式鹽酥雞！好！飽也點一份！果然好好味😋本來想點台式豆腐花芋圓作完美句號。可惜，暫停了！🤭心想！太好了！其實也怕胖😜沒籍口吃甜品了！

之前食過幾次，一直覺得係味道唔錯，亦都有介紹其他朋友食，但係近幾次去就好失望上一次係食士多啤梨生炒骨，冇士多啤梨就算，仲要成碟都係苦今次食脆香雞扒，成碟都好咸真係好失望 近期應該都唔會再食

與朋友來到九龍城逛街，經過店舖被餐牌吸引，烤魚/雞煲/豬手放題，可以同一時間食到3款食物。餐廳內有不少有意思的字句，適合打卡。首先我們點了古早酸菜味烤魚，一條烤魚分成2邊，加上滿滿的配菜，賣相已經令人流哂口水。侍應貼心地交帶，滾起才起筷。另外，還有些配菜附送，包括蘿蔔，芋頭，蜂巢豆腐，生菜。整條魚炸過，魚皮香口，肉質白滑，與咸酸菜夾在一起享用，味道即刻昇華。我跟朋友非常好魚，食完酸菜魚，迫不及待點了半條麻辣味烤魚。這個滾起來，香氣撲鼻，同樣整條魚被炸過，味道更濃烈，又麻又辣，很過癮。其實已經很飽，但又想試麻辣雞煲，就叫了少少。估唔到出奇地好味，第一口食落去少少麻，後勁慢慢開始辣，雞肉亦煮得剛好，真心讚。之後忍唔住問侍應，醬汁加了甚麼，侍應只回答秘方，果然好野不能外傳。仲有，加20元可以任飲，食麻辣必備，爽YY。推介大家去幫襯放題，性價比高。記得訂座，免得大熱天時要等候。

疫情關係無法去台灣品嚐台式美食，今天來到位於九龍城福佬村道，見到有間台式小店， 無論裝修和格局都很像台灣風格，抱着不防一試的心態入去試試。入到去有位姨姨很有禮貌地招待我們入坐還向我們講解佢地的烤魚放題和收費，兩人烤魚放題HK$398，有烤魚（三款選擇麻辣味，蕃茄味和酸菜味）、台式麻辣雞煲和豬手煲。因朋友食唔到辣，所以叫左個酸菜味烤魚，份量十足，還有很多配菜可以點，兩個人點了少許，台式水餃樣子和香港不一樣，肥肥的超可愛，味道很好。另外點了小食鹽酥雞，本身好怕太多油的食品估唔到佢個鹽酥雞一啲都唔油，鬆軟好食。食到一半姨姨來問我們要不要試試台式麻辣雞煲，我其實食完個烤魚已經飽飽地，但又覺得想試吓，於是叫姨姨整少少試試。唔食由自可一食不得了，雞煲好入味又香，飽飽都要食，連唔食得辣都忍唔住要食，啲雞肉又滑又入味，令人齒間留香。慶幸有叫來食否則錯過了，就十分可惜。最後來個甜品台式豆花芋圓超級正，有很香椰奶又滑。這餐非常滿足。

今日難得收早，就同朋友一齊去九龍城試吓新嘢，宋王臺站一出行5分鐘就到非常方便，呢間店舖主打食放題，佢有五樣嘢可以俾你地試，我自己揀咗烤魚同埋雞煲，另外再加少少台式嘅小食，鹽酥雞炸得好香口，加上芝麻醬簡直係冇得輸，除此之外我哋仲有嗌咗肥牛同埋屙仔麵線放落雞煲裏面打邊爐，滷肉飯份量啱啱好細細碗唔會太過飽，而烤魚方面醬汁同埋魚都好香滑好似打邊爐咁慢慢食，之後我哋轉食雞煲，雞煲個醬汁係自家製，越食越嘢味，而且雞件都好大舊足夠兩個人去食，而飲品方面都有好多新嘢，我自己嗌咗蜂蜜綠茶，只要加$20就可以無限任飲，呢個package都幾抵玩，下次可以試埋佢個豬手同埋其他放題，而且佢會播台灣歌手嘅演唱會，好似置身喺台灣咁，下次可以同朋友再去試。

古早正宗台式烤魚推出古早正宗台式烤魚，台式麻辣雞煲及南乳豬手任食放題，三款美食令人感到台灣的棒，烤魚套餐二人份量很多正宗麻辣味，也令人感到棒，農場番茄味及古早酸菜味，有白飯，刀削，仙草手工芋圓也不可錯過。台式烤魚古早之味道好好呢。可以無限追加特級美國肥牛、士林鹽酥雞、蚵仔滷肉飯等台式美食～士林鹽酥雞這家是很有台北味道之雞，厲害酥雞真棒，記得好像位於士林夜市吃的一個感覺，基本上很難在香港找到這味道。特級美國肥牛牛肉不同部位有不同口感，大家可根據自身喜好選擇。牛肉數量不限，肉味濃，愛吃牛的也可以來不限量地吃，添加的速度亦非常快，實在吃牛的人會多多光顧。手工芋圓豆腐花很涓，味道椰奶，芋圓仙草的口感棒，非常喜歡。蚵仔魯肉飯臺北萬華，是華西街夜市魯肉飯名店老店，不僅獲得各大滷肉飯節獎項，是這臺北的味道，棒～香料蕃茄，把魚肚塞得滿滿的，也不知為何，喜愛西式料理勝過中式料理，也非常去享受這種蕃茄烤魚。想吃烤魚來這店裡，自己在家吃不到的。 還可以加錢任飲台式飲品

解封約食飯，一行七個人去呢間試下台式放題，但可能疫情關係，食物款式唔多選擇，幾張紙仔得幾款，但令人開心嘅位喺，一晚可以食齊羊腩煲、豬手煲、台式雞煲、麻辣烤魚煲，仲有肥牛旺菜同台色飲品任叫，D飲品又唔會太甜，麵線同蚵仔肉燥飯都幾好食，而最後埋單原來除返開都係2百幾蚊每個人，真係好抵食，最好嘅係，得返我地一檯客係度吹水，員工走曬老闆娘都唔趕我地走，會同我地吹下水咁，臨走仲送好好食嘅本地特式雪糕比我地。一定會推介朋友去。

見到網上介紹，一行7人去左試吓，果然無令人失望，舖頭都裝修得幾靚，坐得幾舒服今次試左佢既台灣食品放題，但其實更多係香港同台灣既mix and match首先服務態度勁好，職員不斷向我地推介唔同既食物，又驚我地唔夠食，不斷比新既煲比我地試最後我地總共食左羊腩煲、雞煲、豬手煲同麻辣烤魚全部都好有質素，火鍋配料都好多，食到捧住個肚佢既主食我地試左麵線同埋蚵仔滷肉飯，麵線嘅麻油味好香，加埋阿宗辣椒醬，簡直係台灣嘅味道至於滷肉飯就蚵仔好飽滿，油香味好重小食方面鹽酥雞即叫即整，香脆可口。飲品選擇超級多，睇到花多眼亂，佢既荔枝烏龍茶好正臨走仲請我哋食涼茶雪糕，味道好特別，不過就溶溶地每人除開都係$240，勁抵，值得支持小店，期待下次去食大閘蟹

上網見到呢個任食優惠，任食烤魚、雞煲、羊腩煲、豬手煲，一次過滿足曬咁多個願望😂只係$278一個人，如果加$20仲可以任飲台式飲品同啤酒😳咁抵，唔試都對唔住自己。去到餐廳唔算大，不過乾淨企理，仲有好多卡位，坐得都幾舒服！一開始就幫我地order左烤魚先，麻麻辣辣食到好過癮。不過份量真係幾大條，仲要留肚食其他野😂😂之後就係雞煲羊腩煲同豬手煲，黎到又嚇親，因為又係好大煲，完全唔同我地客氣！店員都好好人，叫我地慢慢食，唔洗急🙈唔會趕我地走。雞煲好入味，羊腩煲點埋佢個台式腐乳醬真係超正👍另外仲有肥牛呀菜呀等火鍋配料任叫，不過我真係食唔落啦🥹除左個煲，仲order左滷肉飯、麵線、鹽酥雞等等台式小食試下，味道都好好👍特別係196台式芋圓，好食到我勁飽都食曬一碗..😝加$20任飲既台式飲品都好抵好好飲，冇hea我地。總結真係好抵食，味道又唔錯，可以encore😄

以下喺真人真事，絕無添加或跨大任何嘢。喺我唔信邪，睇咗幾篇其他食家俾嘅負評，都照去食呢個任食放題。任食？真喺？你哋睇我食落去就知。真相喺……首先我第一次打去book咗放題，一個人。上午11：30am，店員話$200包嘢飲，有魚，雞，豬手任食。仲話唔限時。我見咁吸引，就book 咗。隔幾日我第二之打去再confirm個booking，點個有個女人聽，唔知喺唔喺上次聽個果個?但佢話一個人冇$200呢個價，要$278，未計加一。吓，我就話上次同我book放題果個女人話喺$200任食？呢個女人就即時解釋話2個人先可$398，即差唔多$200一個人。佢話我一個人去食要$278，仲話最多送埋d台式小食俾你食。eg,牛肉麵，蚵仔煎。我見有埋台式小食就去試吓。果日我上午11：15am咗右去到。得一個女人喺店舖，個款似喺老闆娘，d伙記未返工。我幫襯前再問請楚個放題詳情。問佢喺$278任食，唔限時？佢即時喺到攪辯，以為你夜晚食，先唔限時。你現在早上食，只可任食100分鐘。吓，我book果陣時，已講明喺上午11：30am又話任食唔限時，冇話過夜晚食先唔限時，現在我離到，你又站只可任食100分鐘？到底你哋有幾

睇完戲想食台灣野，就試下呢間點知遇上差店！！點解咁講？1) 俾錯menu客人佢俾左個holiday set menu我睇，上而寫住加15蚊就可以加小食，跟住我揀好左，佢先同我講夜晚冇，要睇另外一個menu..下！？個價錢唔同哂wor! 姐姐！2) 小食價錢突然間上漲鹽酥雞要我俾正價48蚊都唔緊要，我俾！但是，到我俾錢個陣，先同我講話假期晚市要加錢，個小食再加多十五蚊！？喂，咁好離譜者！同你個menu既價錢差好遠wor! 我要俾56蚊？！我已經要俾加一架啦！所以我勸大家唔好再幫襯佢！費事自己食得唔開心!

等等Hea@waitwaithea 。鹽酥雞扒陽春面$69🍜台灣最出名嘅兩樣嘢鹽酥雞陽春面加埋一齊=幸福100%超大份嘅雞扒大過我塊面，炸得超級酥脆，一咬開就係嫩滑嘅雞肉❤ 超級好食呢一間嘅陽春面已經食咗不下10次，水準依舊🥰仲係令我懷念嘅味道I still remember the first time I’m here, it never fails to amaze me haha等等HEA (九龍城)九龍城福佬村道41號地下

🦙等等hea台灣嘢已經食過幾次都係無失水準😁今次放假就揀咗去哩度試下佢個午市套餐，因之前都係食夜晚宜家午市有套餐揀既我地叫左。。。。-三杯雞加滷肉飯$69(滷肉飯加$5）-三杯雞用咗熱辣辣嘅煲上，味道好濃，雞件都算滑，值得一試👍🏾👍🏾滷肉飯，肉汁份量算多，好夠撈飯😌肉汁好夠味-川味牛肉刀削麵$66湯好濃，好夠辣，好惹味🔥刀削麵比較粗身，闊度都比較一致，刀削麵掛湯程度唔錯而牛肉算厚身，易咬，肉味濃😻套餐可以加$10有小食我地叫咗小食-黑松露黃金花枝丸2粒個人覺得比較普通，只係炸左嘅花枝丸上面有黑松露醬😬-鹽酥雞今次嘅鹽酥雞比較硬身，可能今次炸得太耐同多粉，所以比較失望🙈之前食過炸得好好食嫁套餐包了兩杯野飲我哋揀了熱嘅黑糖薑母茶同埋凍嘅冬瓜茶味道都ok, 易入口👍🏾

耐唔耐就會好掛住台灣嘅麵線同滷肉飯，咁啱行過九龍城，見到有個咁得意嘅門面，加埋個招牌咁得意，一於試吓！可能當日係早餐時段，人流唔多！我哋就叫咗一個蚵仔麵線同一個台灣腸滷肉飯。基本上兩樣都係至愛，非常期待😚蚵仔麵線～冇乜味道，加上麵條有啲粗，蚵仔都正常嘅，不是我杯茶，坦白講就不會再食。台灣腸滷肉飯～呢個個味道正常，正宗台灣味道，台灣想當年都冇得食，我鍾意食台灣腸又鍾意食滷肉飯，值得一試。其實我見佢都有個招牌菜係鹽酥雞，有興趣都可以是由於當日食早餐所以冇叫到。環境係幾特別，有台灣Cafe嘅味道，懷念嘅朋友值得一試。