第五街冰室 (京瑞廣場) (已結業)

今晚放工後仲要聽線上講座，所以冇時間煮飯，於是早少少同仔仔出去石門食晚飯。見到呢間《第五街》冰室有少少懷舊feel，食物種類選擇繁多 ，而且勝在坐位夠大坐得舒服。打開餐牌，真係好厚好多選擇，有扒類、小菜、炒粉麵飯、湯飯，仲有BB乳鴿。我首選想食BB乳鴿，其他就交咗比仔仔揀，結果佢叫咗三個煲。真心好耐冇食BB乳鴿，佢呢個係即叫即炸。食落皮脆肉滑好夠入味，超有驚喜又十分抵食，$38/隻，$70/2隻。冇諗過凉瓜排骨加咗金不換，味道更提升，呢個「金不換凉瓜排骨煲」真真又幾好味啵，而且十分好送飯。「黑椒牛仔骨煲」，牛仔骨十分多，配菜份量亦十分多，而且味道亦不錯。「沙爹肥牛炒粉絲煲」，味道方面夠晒沙爹味，最緊要不太咸，又係送飯首選。最後加多杯經典懷舊飲品，黑牛同雪糕紅豆冰，慢慢嘆住冰凍飲品，一邊聽住線上講座，真係十分爽。

今晚又到石門，晚上收工都接近9:15，距離10:00仲有45分鐘，所以同同事諗住尤其搵啲野醫肚，黎到京瑞廣場，諗住食完可以順便搭馬鐵，經過一排食店，最終黎左呢間冰室，可能差唔多收舖關係，入到去得幾檯客，坐底見到晚餐有湯飯，就諗住清清地食兩個湯飯，叫左個蕃茄豬潤牛肉湯飯，一個勝瓜魚腩湯飯，唔洗五分鐘就即上檯，賣相都叫做過得去，湯同飯係分開上，食入口味道唔錯既，只係魚腩多左啲骨，不過鯇魚腩係咁上下，多骨係正常，至於另一個，有幾件牛肉有啲韌，但味道算唔錯，兩個餐埋單$130包埋飲品，算係經濟晚餐

嗰日同老公仔去沙田好鍾意食咕嚕肉,見到這間餐廳煮得不錯。首先係佢哋咕嚕肉非常入味比其他大酒家更勝一籌。可以做到色香味俱全真係唔錯。另外我自己女仔當然鍾意食佢哋嘅乳鴿。乳鴿特別因為佢哋採用肉質鮮嫩但係唔肥膩嘅乳鴿。好食之處在於保存肉汁而且新鮮嫩口通常都係幾個月大嘅乳鴿。😊而且我食到其他大酒店嘅都冇呢間茶餐廳做到咁好味。另外就係佢哋西蘭花炒斑腩真係superb,海上冰凍嘅凍飲令到我哋班客實至名歸好想暑假7月一家大細過嚟食。

沙田石門出名多食肆，身為馬鞍山美食沙漠居民經常去石門開餐。今晚同樣去咗石門搵食，見到有間餐廳叫第五街冰室有小菜套餐、鐵板扒餐、一般茶餐廳炒粉麵飯、海南雞飯等等。心諗咁多選擇總有一樣啱食，所以就揀左呢間餐廳試一試餐廳裝修帶有工業風元素，啡色木紋座位，舒適寬敞，天花吊有吊扇，餐廳環境算有特色打開餐牌見價錢都算大眾化，選擇又多，感覺性價比應該唔錯。由於選擇真係好多，選擇困難下所以都研究咗好耐，最後參考隔離檯嘅鐵板餐同小菜，所以決定都照樣咁落單▪️鐵板T骨扒（黑椒汁）T骨扒5成熟，肉質保持嫩滑有肉汁，黑椒汁微微辣好惹味，伴碟薯角都好味好香脆，跟餐既羅宋湯都好濃同足料▪️第五街小炒王分量十足，有韭菜花、蝦乾、蝦仁、雞柳等等，食材都有質素，而且炒得好有鑊氣，微微辣味食落香口惹味，送酒一流▪️薑蔥豆腐魚腩煲煲仔菜熱辣辣上枱，鯇魚腩味道唔錯，食落唔會有泥味。豆腐經油炸過後再炆，濃郁醬汁炆到食材非常入味，菜式色香味俱全，唔錯

聽日喺石門睇完之後好想食小菜，於是見到呢間第五街冰室就嚟試試佢～喺門口見到有乳鴿，已經好想食覺得好吸引，原來仲要係$70兩隻，感覺都幾抵～我哋四個人都叫咗好多嘢食，兩隻乳鴿一碟蒜蓉炒勝瓜，一碟腐乳生菜，魚香茄子斑腩煲，同埋沙嗲肥牛粉絲煲！叫套餐仲可以送例湯，我哋都覺得啲例湯味道唔錯，冇味精嘅～乳鴿上枱夠晒熱夠晒香脆，食到停唔到口，趁熱食就最正喇！蒜蓉炒勝瓜夠晒鑊氣，蒜蓉嘅香氣沾滿左落勝瓜度，食到一啖接一啖停唔到口，仲要夠晒爽脆！唔會煮得太淋！腐乳椒絲生菜就夠晒香腐乳味，每塊生菜都掛到d汁，啱哂送飯！魚香茄子班腩煲勁足料，啲茄子超入味，班腩炸得啱啱好！撈飯一流！沙嗲肥牛粉絲煲估佢唔到咁多粉絲同肥牛，其實真係好抵食！我地仲叫左個黑牛，真係大滿足！

放工又唔想煮飯，於是就喺屋企附近搵嘢食，諗起石門呢間冰室，因為之前成日喺度食早餐，都覺得好唔錯，今次決定食佢嘅晚餐呢間冰室地方都幾大，仲有卡位坐添，食物方面種類超多，本Menu成本書咁厚，基本上炒粉麵飯都會有仲有啲煲仔菜，而我就俾佢嘅鐵板系列吸引住，朋友見到呢度竟然有得食乳鴿，佢話想試吓個餐跟咗兩個例湯，雖然係例湯但係味道都好老火湯，入面都有合掌瓜同紅蘿蔔第五街雜扒：呢個雜扒真係超震撼，上枱嘅時候，店員會將黑椒汁淋上去，超有港式風味，份量重要好多，有一大塊牛扒豬扒仲有司華力腸煎蛋同埋薯角，另外加$10仲可以配埋飯或者意粉，我就低估左呢個扒嘅份量仲配左意粉，食到我好，味道方面佢嘅厚切豬扒同牛扒都好出色，真係抵食夾大件黑椒牛仔骨煲：牛仔骨嘅份量同樣好多，入面仲有啲青椒洋蔥，味道調得都唔錯BB鴿：$70就有兩隻乳鴿，估唔到幾有水準，外皮炸得脆，入面嘅肉仲係好嫩滑，真係冇揀錯

男朋友要溫書，就下佢係佢屋企附近食野🤫-🐮香煎咸牛脷扒｜💰118牛脷好濃牛味(｡･ω･｡)而且夠厚身！軟淋帶爽口！又有脆口薯角又有西蘭花同其他配菜！夠晒飽.可以揀🌟黑椒汁燒汁🧄蒜蓉汁🧅洋蔥汁🌿香草汁🌟忌廉湯｜羅宋湯｜明火例湯羅宋湯少酸帶辣，仲有好多配菜好夠味！超好飲🌟仲有餐包.🥦西蘭花炒蝦球｜118估你唔到之勁有鑊氣！蝦球都比想像多而且夠爽口又大隻！西蘭花都炒得好爽口，整體唔油好清！.🦑椒鹽鮮魷｜💰98 脆粉好薄唔會話好膩！而且鮮魷仲夠爽口！魷魚唔會過熟！仲好有嚼勁椒鹽味香！炸椒夠多！配啤一流.🌟送埋湯同白飯同野飲.🐦乳鴿｜💰38/1｜💰70/即叫即炸！皮好脆，肉好嫩口脆到連骨都食得埋🤣.啤酒💰28大大支！用碗好過癮-鐵板餐、焗飯、小炒一應俱全，連泰國菜，沙津，湯飯都有🤣又真係懷舊冰室🤫有鮮奶加蛋又有滾水蛋！芝士撈丁都好正咁🤩.樓底高又闊落，而且好多潮流裝飾！好抵食🤩同埋態度好好又快手🥰

返工累左一日, 想簡簡單單食返餐, 快快食完返歸休息.....最簡單就淨係諗到茶餐廳喇~~見呢間第五街冰室既門面都唔錯, 就入去食喇~~果然冇入錯門口, 店員非常熱情, 服務態度一流餐廳都幾大幾多位~~呢道既菜式不論中式式西式都有~~有套餐又有散叫, 價合經濟合理...鐵板餐多款小炒~~每個餐都包餐湯~~羅宋湯 & 例湯羅宋湯味道濃郁, 配料豐富例湯就係青紅蘿蔔湯~~清甜冇味精~~美國肉眼扒 $188超正喔, 好大塊扒丫!!叫5成熟剛好, 鐵板會自動再整熟D~~肉眼扒肉質軟腍, 牛味濃郁淋埋燒汁食好味丫!!!今晚中西合璧, 有扒又有小菜海鮮粉絲雜菜煲 $98最鍾意雜菜煲多種類, 一次過可以食多款蔬菜~~蔬菜非常新鮮呢~~海鮮方面有蝦, 魷魚等.....份量十足彩椒翠玉瓜炒蝦球 $108蝦球新鮮爽口彈牙~~翠玉瓜香脆, 爽口清甜

放工收夜和同事一起食晚飯，依間冰室公司附近平時都有去開。通常都係中午食碟頭飯多，小炒未試過，難得今晚多人可試試。小店美食選擇有鐵板餐、小炒、西餐、泰越好多元化，小炒有跟碗白飯和熱湯。價錢相當經濟味道都唔錯。香茅胡椒雞煲 $88熱辣辣出晒煙的雞煲，陣陣胡椒香味，雞件大件，醬汁味濃香辣惹味。炒香的配料芫茜、洋蔥、薑片、蒜頭及乾蔥皆見。咕嚕蝦球 $98蝦球選自中蝦大小，蝦肉新鮮彈牙，仲有好多菠蘿粒，撈左咕嚕汁酸酸甜甜好開胃的餸菜。薑蔥魚腩煲 $88魚腩份量超多食極都仲有，薑蔥爆香好入味，魚肉味道鮮美，熱住食唔覺腥。椒鹽鮮鱿 $98喜歡食鮮鱿的香脆煙韌口感，炸粉亦唔厚，避風塘式調味香口惹味。紅荳冰 $12甜度適中，凍飲好味，杯底好多紅荳。薑檸 $10熱飲，正正常常。

第五街冰室係石門呢個新舊茶餐廳、cafe嘅聚集地，佢嘅裝修好新潮，無舊式冰室果種感覺，空間坐位闊落，坐得好舒服。侍應靚姐傳菜收枱都會同你閒聊幾句，感覺都幾親切。香脆乳鴿 $70/2隻乳鴿燒到好香脆，肉質嫩滑，調味都調得好好，唔會太咸，有啲衝動叫多兩隻。第五街雜扒配黑椒汁 $148雜扒係鐵板到啲啲聲，聽到已經覺得好過癮，加埋黑椒汁啲香氣出哂黎，而且有豬扒、牛扒、司華力腸等，相當豐富，黑椒汁有少少辣，唔食得辣配其他汁會比較好。紐西蘭牛柳配蒜蓉汁 $168鐵板上牛扒個感覺就係爽，牛柳好腍好嫩，加埋蒜蓉汁調味，一口接一口，不過要留意因為鐵板熱力都高，放落咗會越黎越熟。是日明火例湯(踢餐)跟餐送羅宋湯或者例湯，今日例湯係合掌瓜瘦肉湯，例湯好足料，調味好好，好有係屋企飲老火湯嘅感覺。

電話叫外賣自取，叫左個下午茶薯條雞翼，去到俾錢，啲員工態度差，好似唔想做生意咁，其他茶餐廳外賣下午茶唔洗收膠盒錢，呢間要，本身個茶餐已比其他茶餐廳貴，總共$38。 問個員工有冇俾ketchup, 當時佢話有，佢完全冇去check，我信佢就有所以我自己冇再打開check，點止番到公司真係冇俾ketchup...味道真係麻麻，薯條食得出唔係新鮮炸，仲唔暖的，唔會再黎食呢間野。

第五街冰室難得女朋友過嚟接我當然就喺附近睇吓有咩好食啦，上次都食過同冰室唔同分店都覺得佢哋嘅水準不錯所以今次試試佢哋喺石門嘅小菜同埋鐵板係咩感覺肉眼扒鐵板五成熟再配上香草汁個人覺得絕對比出邊嘅冰室來得好，因為佢哋真係唔錯同埋無雪藏味，同埋佢哋嘅份量都幾多眼見基本上肉眼扒都已經係成塊鐵板嘅三分之二，絕對抵食粟米魚柳女朋友咁呀唔係太舒服，想食啲清清地嘅，本來以為都冇乜特別，點知佢哋嘅魚柳唔會太多粉炸出來，都算誠意之作，而且佢哋嘅粟米都冇加水原汁原味上湯勝瓜最後叫咗一個菜俾女朋友食，賣相都幾特別而且勝瓜煮起唔會太過硬啱啱好

今日去石門拎身份證，拎完證之後周圍搵野食晚餐，原來星期五晚既石門餐廳都好爆場，周圍都要等位🙄 搵左間冰室，貪佢夠大間，唔使等咁耐😬入座之後發現呢間唔係普通冰室，係勁多選擇既冰室，有中西合璧、常餐、小炒、鐵板餐....一坐低即刻叫啤酒🍻呢度用戰鬥碗飲酒，好有feel, 之後即刻叫個特價乳鴿食著先😋.最後擇左咁耐都係決定食中餐，叫餐會送白飯+湯+飲品。「西蘭花炒班片$98」班片係個餸既精華，厚肉又淋淋地，加上少少芹菜同蘑菇炒一炒就好食👌🏻「椒鹽鮮魷 $98」食椒鹽鮮魷最怕厚粉，好彩呢度炸粉唔厚，薄薄地一層粉，又唔會蓋左鮮味。「第五街小炒皇 $88」去邊都中意食小炒皇，呢度蔥勁多，岩晒我中意食蔥，另外加左好多菜圃一齊炒，夠晒惹味。.以冰室黎講，小菜不錯，黎開呢頭既可以試埋個鐵板🤣好似仲吸引

位於石門馬鐵站旁嘅冰室餐廳，內部裝修和設計非常有特色，唔係一般普通茶餐廳嘅格局，很有設計感嘅環境，假期晚上嘆個晚餐，感覺非常舒服。餐牌有好多頁，食物選擇好多，價錢都相當合理，今個晚餐我同朋友都想食鐵板餐，因為而家真係好少機會可以喺餐廳食到，所以我哋各自叫咗一個鐵板羊架和鐵板牛柳餐。王牌炭燒鐵板餐美國肉眼扒$188鐵板餐包餐湯及飲品，餐湯有忌廉湯和羅宋湯，係十分經典嘅西餐餐湯，湯夠熱，好飲。肉眼扒非常肥美，厚切，肉質鮮嫩，醬汁可以揀黑椒汁、蒜蓉汁，鐵板餐炸一聲嘅香氣四溢，非常吸引。好美味呢鐵板羊架餐$188羊架有兩大件，好香嘅羊脂肪超正，個醬汁都做得幾好，同肉味都好配合，呢個價錢性價比相當之高。

石門兩個廣場有好多嘢食，今日行行吓咁啱發現二期地下背後原來都開咗幾間舖頭，最後決定咗試呢一間，個名望落好港式嘅第五街冰室。裏面裝修同一般茶餐廳差唔多，亦都唔可以話係幾港式，但係有啲好個人化嘅擺設，好似模型同海報，有啲家庭小店嘅感覺。餐牌種類出奇地多，有中式同西式，鐵板，意粉，炒嘢，小菜，樣樣都有。我哋就叫咗一個set Dinner（$128）。主食方面就叫左T字骨意粉，意粉一上到嚟令人意外，因為非常大碟！我覺得兩個人食一碟意粉都可以。牛扒亦都好大塊，切落唔韌，食得出有牛味。黑椒汁普普通通，稍為有啲辣，但係飽肚感真係滿分。個餐仲有煙三文魚沙律做前菜。普普通通，不過不失。附送嘅紅湯或者白湯，我哋叫咗羅宋湯，都幾好飲，同埋都足料嘅。另外仲叫咗一個中式嘅炒野試試。呢度既小菜配埋白飯，湯同嘢飲，我哋叫咗個勝瓜云耳鮮魷（$88）都係非常大碟。鑊氣好重，鮮魷同瓜嘅比例唔會好大差別，調味黎講亦都非常唔錯，唔會太鹹或者太油膩。另外，碗飯係靚米黎嘅，值得一贊。總括來講我覺得呢間非常大件夾抵食，同埋多款式揀，不過可能人手唔多夠，等上嘢要耐少少。不過唔影響佢食物嘅質素，比我想像中好，可以一試。