第五街冰室 (京瑞廣場) (已結業)

聽日喺石門睇完之後好想食小菜，於是見到呢間第五街冰室就嚟試試佢～喺門口見到有乳鴿，已經好想食覺得好吸引，原來仲要係$70兩隻，感覺都幾抵～我哋四個人都叫咗好多嘢食，兩隻乳鴿一碟蒜蓉炒勝瓜，一碟腐乳生菜，魚香茄子斑腩煲，同埋沙嗲肥牛粉絲煲！叫套餐仲可以送例湯，我哋都覺得啲例湯味道唔錯，冇味精嘅～乳鴿上枱夠晒熱夠晒香脆，食到停唔到口，趁熱食就最正喇！蒜蓉炒勝瓜夠晒鑊氣，蒜蓉嘅香氣沾滿左落勝瓜度，食到一啖接一啖停唔到口，仲要夠晒爽脆！唔會煮得太淋！腐乳椒絲生菜就夠晒香腐乳味，每塊生菜都掛到d汁，啱哂送飯！魚香茄子班腩煲勁足料，啲茄子超入味，班腩炸得啱啱好！撈飯一流！沙嗲肥牛粉絲煲估佢唔到咁多粉絲同肥牛，其實真係好抵食！我地仲叫左個黑牛，真係大滿足！