第五街冰室 (京瑞廣場) (已結業)

石門站🚉對出嘅京瑞廣場🥢食肆林立，今次我就同朋友仔嚟到呢間第五街冰室🍴食晚餐🤤。呢間冰室裝修幾有🤩格調，少少🤏輕工業風，光猛整潔，頭頂有唔少吊扇，空氣好💨流通。最特別嘅係佢周圍都放咗好多 LEGO、Marvel figures 😍。呢度嘅例湯🤤有成三款可以揀，分別係忌廉湯、羅宋湯同埋中湯🥣，質素都唔錯。菠蘿冰🧊香甜涼透心，雪糕🍨紅豆冰好多紅豆🫘而且好軟腍。西多士🍞可以揀🥜花生醬餡或者咖央醬餡😍，有咖央醬餡🤤揀我覺得幾有驚喜。外皮🔥炸得好香脆🤩，入面嘅咖央醬餡🤤好香甜，幾高質👍。🥣上湯浸🥬白菜仔幾清甜鮮嫩😋。我想食魚香🍆茄子，又想食🐟斑腩，呢個魚香🍆茄子🐟班腩煲🍲就一次過滿足晒我呢兩個願望啦！🐟斑腩肉厚加埋魚香🍆茄子一齊食好惹味🥰。野菌🍄鮑片炒🦑鮮魷煲🍲份量足，🦑鮮魷肉質嫩滑彈牙🦷，野菌🍄同埋鮑片都幾入味🤤。酸辣🌶青口幾特別，青口好大隻又厚肉👍，個醬汁有啲似咕嚕肉嘅😋味道，少少酸🤏少少辣🌶幾開胃。

放工約咗個住石門既朋友DINNER，黎到第五街冰室 (京瑞廣場)，晚市套餐都幾抵食，仲好多選擇！鐵板大放送 – 香煎美國牛仔骨 配煎雙蛋一上枱即刻香氣四溢，用鐵板上可以保持熱度～牛仔骨口感柔軟，鮮嫩多汁，油花分布細緻，肉質結實帶油筋，沾以香濃洋蔥汁特別惹味！流心煎雙蛋外脆內軟，正。套餐仲可以免費升級香甜紅豆冰～SET DINNER有齊頭盤、主菜、餐包、餐湯同餐飲。煙三文魚沙律兩大片煙三文魚肥美又豐滿，沙律菜都幾爽脆。熱辣辣餐包搽上牛油特別滋味。餐湯揀咗羅宋湯，香氣濃郁，酸酸甜甜好開胃！紐西蘭羊架蒜汁跟薯菜肉質柔嫩無羶腥味，入口鮮嫩美味，薯角炸得香脆可口，實在食唔停口~西蘭花炒斑片斑片嫩滑，份量都唔少，西蘭花爽脆，軟硬度岩岩好。炸雞脾皮脆肉滑又多肉汁，勁JUICY!!

好耐沒有去石門，每次入石門都係因為周身骨痛，要去找醫師針灸，今次都唔例外，嗚……針完之後不單止全身散晒，肚仔仲餓到扁晒，見附近有間搶眼的冰室，平靚正，醫肚先！冰室都幾大，坐得幾舒服，環境光猛，見到四處放了車仔、人仔、公仔、船仔等擺設品，整齊企理。厚厚的餐簿，選擇仲勁多，有鐵板扒餐、廚師推薦、Set dinner、泰越巡禮、一哥焗飯、小食、特飲等等，中西泰越都有齊，樣樣都有，唔驚無嘢岩食，反而驚選擇困難症發作，哈！在廚師推薦中揀了麵醬茄子魚腩煲配中式老火湯、白飯和熱飲（$98）大大煲，份量好足。是日中湯是霸王花豬骨湯，熱辣辣上枱，舀起湯料，內有瘦肉、紅蘿蔔、霸王花、南北杏等，好足料，味道濃郁，好夠火喉。麵醬茄子魚腩煲熱度十足，仲幾辣口添! 味道鹹香，用來佐白飯最岩。茄子皮保持光亮，皮肉都咁嫩滑；魚腩經炸過，金黃脆口，外脆肉嫩，啖啖肉，好食! 菜也不能少，再點了一碟菜心炒牛肉（$88），加了甘荀、草菇、大大碟，好滿足！炒得好夠鑊氣，菜心翠綠爽嫩，而牛肉就有咬口，但不嚡口，烹調入味。熱檸樂(+$10)暖笠笠，內有三四片檸檬，味道酸酸甜甜，飲落幾舒服，如果加埋薑就絕配!

呢間冰室係商場二期地下對出大街，位置不太起眼，旁邊也有不少較吸引的食肆，可能令人忽略該店🙈事關係fb某牛舌關注組見到有人po咗呢間鋪頭的咖喱牛舌，所以就黎試下啦！招牌特餐C - $52，包括咖哩咸牛脷湯烏冬＋葱花火腿炒滑蛋＋芝士牛油厚多士＋熱飲。平日商店地區，午市呢個價錢有牛脷食，真係超值😋2塊午餐肉咁厚的牛脷，煎到香口，不會過燶，味道剛好🤤炒滑蛋，用上上盛雞蛋，蛋漿濃郁😍厚多士 size 恰當，鬆脆＋熱辣辣🔥雖然門面不太起眼，但內裡裝飾予人舒服感覺，格調為偏向冰室的茶餐廳，牆上還有不少大型模型(如spiderman及ironman），增添玩味！個水瓶幾靚＋環境舒適

今日公司叫到會團年，之前有朋友介紹呢間有得叫到會，仲可以自帶海鮮，佢地煮，今年就決定試下！我哋預早幾日打去餐廳問佢哋攞餐單，跟住問埋煮海鮮詳情，職員仲主動介紹邊d海鮮點煮最好決定好就拍板今日晏晝送黎！送到黎野食仲係微熱1）蒜蓉焗開邊波士頓龍蝦，超好食惹味，岩岩好一人半隻，好正2）蒜蓉包，送到黎仲脆口，唔會太硬3）燒羊架，冇咩so味，夠淋4）薯仔雜果蛋沙律，正常味道5）乾炒牛河，爭d鑊氣6）瑞士雞翼，夠入味，又係一隻都冇淨整體黎講，大件夾抵食，同事都話好味，下次有機會會再叫

1,價錢一般，早餐37元。下午茶餐（飯）43元。2,入門口位有拉伸缩帶，以便提醒D客入嚟之前記得掃安心出行。（無纸仔填）。3,早餐食物ok,奶茶一般。4,下午茶餐一般，飯略硬。5,收銀位有寫繁忙時間不分單找數，下午三點幾都不分單。真係想問吓幾時才不繁忙。6,早餐時，聽到店待叫"抄牌"，有人出咗去，返嚟話見成"行"已經抄晒。7,厠所要行入廣場才有的。8,D相係下午茶餐的，隻湯匙就一定要洗多次先至用。

諗住嚟到石門可以睇到車就食呢間餐廳，叫咗個好正常嘅沙嗲牛肉米粉，配火腿奄列。個沙嗲牛肉米粉啲牛肉勁硬，米粉又粗身，食落去完全冇沙嗲味。個火腿奄列就正正常常冇特別，我諗之後都唔會再幫襯呢間野。

以前都有去過呢間餐廳經濟實惠嘅 ，但係服務就一般，今日換完身份證諗住去食早餐，剛剛好11: 32分，早餐到11:30完嘅。 入去都係諗住問下仲有冇早餐姐，冇都諗住入去食下其他嘢，但係點知佢一句得埋嚟：話「有！！聽日早啲咪有囉！」 其實冇咪冇囉，唔使咁樣講嘢呀 ！嗰下聽到即刻掉轉頭走～

去咗沙田石門的京瑞廣場第五街冰室食飯，menu上也有很多選擇，中式西式各適其適。🥰去冰室就一定要叫鐵板餐，紐西蘭牛柳配至愛的黑椒汁，牛柳超厚身肉質嫩滑，黑椒汁亦夠哂惹味！😋除咗西式，亦order 咗推介的乳鴿，見好耐冇食，當然就叫咗兩隻燒乳鴿試下。乳鴿真係食出驚喜味道，皮脆肉質嫩滑而且好juicy，別具風味。😋另外仲叫咗晚餐的菠蘿咕嚕肉配白飯，菠蘿咕嚕肉就酸酸甜甜而且個汁調得剛剛好，好啱我口味，最緊要肉身夠厚。😋套餐的餐湯仲有羅宋湯及青紅蘿蔔豬骨湯。 😋 再加埋兩杯特色飲品雜果賓治和黑牛，都係去冰室必點的飲品。😋

石門呢頭食飯選擇都幾多，今晚泊低車是但入左呢間以為係茶記既食肆，原來除左小菜食，仲有鐵板餐👍🏻好耐冇食鐵板餐，叫左個「德國咸豬手配黑椒汁 $138」鹹豬手切好晒先上碟，鐵板汁另上，自己鍾意落幾多就幾多，鹹豬手外皮先炸過，之後再上碟，厚肉抵食😝.小菜方面就叫咗「即炸bb鴿 $40」、「上湯金銀蛋時菜 $68 」、「椒鹽鮮魷 $98」，小菜價錢幾抵食，尤其係乳鴿，其實$75有兩隻，但我地得三個人實在食唔晒，乳鴿香脆可口，炸到啱啱好，金銀蛋時菜可以自己揀要咩菜，我哋揀咗菜心苗，份量好足👍🏻最後要讚一讚個椒鹽鮮魷，薄粉又鬆，咬落魷魚都彈牙。.以上小菜價錢除左乳鴿，都送例湯、飲品、白飯。價錢抵食選擇多！

同亞女去石門上數學，順便食埋dinner先返屋企，雖然叫冰室，但見門口嘅餐牌都幾多款式，有鐵板類、焗飯/意類、小炒王類等等，佢見到有雪糕紅豆冰發光，拉左我入餐廳😂。紐西蘭羊架扒（黑椒汁）上枱見到每件羊架好大件。我叫左5成熟，切開羊架紅紅的同埋幾嫩，仲配有沙律菜、番茄仔、西蘭花同薯條，真係好豐富。番茄菠蘿汁焗豬扒飯配羅宋湯超多菠蘿🍍炒飯底，豬扒juicy同夠淋唔韌。加$18叫左雪糕紅豆冰，勁多紅豆，紅豆大大粒又好腍，再加埋雪糕👍🏻，不會太甜。羅宋湯都好濃郁但點辣，所以未必適合小朋友，但好岩我口味。勝瓜雲耳（走肉）想食d菜，勝瓜甜又爽，勝瓜又爽脆，好快比我清哂。

🌟今日見完客係石門食飯，估唔到而家京瑞廣場附近開左好多新既食店，茶餐廳、西餐、韓燒全部應有盡有，而今次就搵左間朋友介紹既茶餐廳試下d小菜🤤——————🐽 魚香茄子班腩煲上枱已經見到勁大煲，中好大煙同起泡泡，夠曬熱辣辣！班腩好多，啖啖肉😆肉碎同茄子吸曬d汁，送飯一流🐽 菠蘿咕嚕肉咕嚕肉酸酸甜甜非常開胃，外皮亦十分脆唔會林曬🐽 上湯金銀蛋白菜仔湯底好清甜，上面鋪滿金銀蛋，非常足料，白菜仔亦好有心思甘排好係底，心機十足🥰

呢間位於沙田既冰室真係可以話係將新同舊互相融合埋一齊睇下店內咁有玩味既佈置就知道啦每人先一碗靚湯有中湯有西湯都好足料豆腐班腩煲首先當然要黎Ｄ男人既浪漫先啦班腩件件都好大件，而且魚味十足而且份量超級勁足一路食到尾都依然仲食緊豆腐直頭索晒成個煲既精華，必食之選XO醬炒三地三地係指雞肉、翠肉瓜同埋四季豆成個小菜又有鑊氣又惹味雞肉夠晒嫩滑而且落左唔同既蔬菜，令佢又吸收到蔬菜既清甜，蔬果又吸收到佢既鮮味，正胡麻醬炒牛柳粒通常港式小炒都係用左沙律醬煮野但係用胡麻醬真係少見Ｄ可以幾有心思而且味道係勁夾有Ｄ似打日式邊爐食牛肉點芝麻醬咁，勁夾牛柳勁ＪＵＩＣＹ，仲要好少見地唔會韌勁正馬來沙嗲蝦球又係超惹味既一道小炒用料勁足，好多蝦球同埋洋蔥、燈籠椒等等既唔同蔬菜蝦球都幾彈牙爽口沙嗲醬有好香既香料味，而且香得有層次呢道菜用黎送酒吹水一流

一班兄弟老死，喺林離別之前，覺得一定要食本地港式地道小丑作廢大家美好嘅回憶，所以係大家放工之後喺石門呢個交通方便，又係大家工作地點中間嘅地方，搵到呢間餐廳。小炒王材料多，炒得好香口，味道都唔錯。鍾意佢呢啲菜，有啲爽口又夠綠色健康。每位仲有湯餸，今日係羅宋湯，味道好飲，而且又有唔同嘅蔬菜配料。沙田總係令人想起食燒乳鴿，估唔到茶餐廳都有乳鴿食，而且水準都唔錯，乳鴿嘅皮都幾趣，又唔會做得太鹹，肉質都算唔錯。每個小菜仲送飲品一杯，凍可樂亦都唔使加錢，凍檸茶我至愛！

小炒王冰室呢間位於石門的小炒店，好溫馨。同朋友經過想試，果然無失望！好中意呢種細細間的小菜館，好家庭感覺又香港地道風味交合埋一齊！牛肉炒通菜，好有獲氣！通菜係我至愛！野菌扒豆腐，朋友好中意食，拒都中意d素材料，清清地！豆腐又好入味！蜆肉意粉好多料，中規中矩的一道菜。而牛仔T骨就真係好好食，牛肉牛味十足！兩個main course 都跟個煙三文魚扒！好抵食！呢家餐廳味道幾好，價錢又親民，下次可以試吓其他菜式😊