立鮨 (富達大廈)

营业中

休息中

今日同老公去左旺角立鮨食午飯，因為時間早，冇人排隊唔洗等。一入門口，同個呀姐講“兩位唔該”，冇反應，咁我地自己量左體溫先啦，再問邊度寫紙，佢就咁指一指隔離張枱。十問九唔應，趕客咁款。本來都想走，但又落雨費時周圍搵食，填左之後入去。點知入到去，師傅好主動問我地想食咩，又介紹有咩好食，態度咁好，我地又第一次黎，咁就由佢發辦啦。 正式開餐，先食左八爪魚刺身，D八爪魚仲會郁，好鮮甜，師傅加左D鹽同柚子汁做調味，好食； 刺身方面，有牡丹蝦，象拔蚌，拖羅同有隻似左口魚既刺身，味道都唔錯； 特別有隻燒過的刺身，油份重但唔膩，幾出色。再來，就有驚喜的怪物生蠔，勁大隻，但又不失海水味。通常大隻的生蠔都得個肥美，無咩海水味； 呢隻怪物是我預料之外的驚喜，好味道。今日仲試到D新野，第一次食左隻灰色既北寄貝，以前食開都係紅色嘅。呢隻灰色的北寄貝味道較鮮甜， 咬落爽口；仲有，白蝦壽司同海膽壽司，味道鮮甜，仲有D金箔喺度飛下飛下，幾有心思。最後，仲有碗有蝦頭的味噌湯，正。總括而言，食物既質素同師傅既態度都好好，只係門口接待既呀姐，態度可以友善D就更好喇。辛苦得來志在食，大家都係出來打工搵兩餐，何必要面黑黑，相煎何

昨午去旺角分店吃我喜歡的日本立鮨，話明立食，當然快食快閃，之前去開尖沙咀嗰間，食物非常好食，落order 直接同壽司師傅講，他們就好快幫我處理，但現在轉左顧客直接落單，反而我等了超過半小時才有得食，嗰陣時，全店只得三枱客人，初時我覺得客多所以要等耐一點，後來發覺d師傅停駛手，我問她我的order 很耐未到，她同我們講，你哋落了四個orders 已處理，我話唔係喎！重有7個orders 未到，她就出去問counter ，之後设有同我們交待，等多一陣，其他師傅可能落完埸回來，我再問，他們才快快手整比我，食物真係好食，水準冇變，”正”，但服務就有待改善，可能之前直接同師傅落單，開心一點。

喺旺角想食壽司又唔想去排長龍嘅餐廳，見立鮨人少少，評價又不錯，又未試過立食，咁就試下啦。週末4、5點時間，直接可以入去餐廳，用app或者寫紙點餐。我地嘅第一次立食體驗。三文魚盛合（$58）個賣相唔吸引，魚生可以，飯用上赤醋，對比一般食開白醋嘅，感覺上唔係好接受到。北海道魚生丼 （$158）面嘅魚生大大件好新鮮！海膽亦都入口即融鮮甜！個飯問題，唔知係我地唔慣定喺真係唔夾。師傅整完直接對喺你前面，如果唔係望住師傅個方向真係會為意搞掂左。整體立食經驗，Mr. Jun話唔會有下次，而Mrs. Jun就覺得還好，想快食壽司又唔想外賣，入嚟食都係唔錯嘅選擇。

平時無論好唔好食都唔打食評，今次第一次打食評因為呢間野真係伏伏伏伏伏伏之前食過幾次銅鑼灣同尖沙咀間分店，味道唔錯，所以睇完戲就去左旺角呢間分店，點知中晒伏，仲食到一肚氣😡首先個壽飯勁細又勁咸🤮我記得其他分店舊飯係大啲同冇咁咸既個牛油果壽司，可以求其到連埋個椗上，一舊都當你唔小心，第二舊都係咁，擺明係是是但但，而且好生，硬過我條命🙄火炙左口魚壽司唔單止冇油香仲有渣添🤢漏低左把遮，打電話返去諗住叫佢hold 起返去拎，第一次未講完就cut 我線，打第二次，一話漏低把遮，check 都冇check即刻話冇。野食又唔得，服務又唔得，肯定等執笠🤷🏻‍♀️

喺香港第一次體驗立食壽司，好有日本嘅感覺～邊食邊望住師傅整嘢食，企位好寬鬆，唔會有壓迫感。壽司即叫即整而且質素高，上菜速度都好快。大滿足海膽特盛丼（Mini size)⭐️⭐️⭐️⭐️⭐️見到滿滿嘅海膽鋪喺赤醋飯上面，真係超興奮🤪一開始食覺得海水味比較出，隨後鮮甜味開始出嚟，食得出好新鮮，完全唔腥。預先調左味嘅赤醋飯好香，夾埋海膽一齊食，令海膽鮮味更加出。自選壽司⭐️⭐️⭐️⭐️飯嘅份量偏細，開正我嗰範🤣冇咁快飽可以試多幾款～每件壽司嘅魚生都新鮮肥美，火炙壽司尤其出色，滿足！火炙左口魚壽司火炙北海道帶子壽司自家製玉子壽司北海道帶子壽司珍寶甜蝦壽司本鮪赤身壽司（吞拿魚）

我下午5:08pm到達旺角, 有一單外賣由旺角立鮨送粉嶺圍, 這份外賣在大約五時零八分已經預備好， 餐廳 透過 速遞平台 尋找司機， 由於週末遇上放工黃金時間，短時間沒有司機 接納定單， 司機一般會先接有附貼士的訂單，導致壽司食品放置一小時才有司機 取餐 ，旺角店 眾多壽司師傅 ， 放置一小時期間 並沒有 急於處理 存放 於室溫壽司食品 鋁箔袋…… 建議先把食物安全問題優先考慮， 因為司機在下班繁忙時間運送 前往粉嶺圍仍要大約一小時， 即此 壽司食品在室溫 包括等候時間 合共存放兩小時以上才送到客人手上。 刺身 存放於危險溫度區 會有食物安全風險， 請你們餐廳 對客人 外送壽司食品 存放於合適溫度

和同事談起壽司，大家不約而同大讚立鮨的質素很好，所以很即興的約了一個立鮨團，放工飛奔去旺角站着食壽司。晚飯時間立鮨門外排隊的人不算多，我們等了約10分鐘便入內。有商有量，大家各自點了想食的壽司，有海膽、三文魚腩、大蝦、吞拿魚、帶子和左口魚邊等。壽司每一件都好新鮮肥美，質素保持到，食完壽司有點了海膽三文魚子杯，小小的一杯海膽的份量很多，而且鮮甜。三文魚子卜卜脆！尤其欣賞個壽司飯，味道調得好好。Encore了幾轉壽司，又食了手卷，大家都滿足而歸。不過旺角店的款式比尖沙咀分店稍遜，下次還是回到尖沙咀分店。

喺OpenRice買咗餐飲券🤗🤗真係一個好正確嘅選擇😍估唔到企喺度食壽司，原來真係有另一番滋味！其實企喺度都幾攰㗎，不過好彩餐廳有位俾你放低個袋，同埋師傅整壽司嘅速度都好快💓所以食咗一個鐘就食完啦！兩個人食咗勁多舊壽司，佢嘅壽司飯好有誠意，唔係普通嘅白飯加醋，係幾特別嘅味道💓💓💓同埋食得出材料都係非常之新鮮😍佢嘅蝦頭麵豉湯都係好出色，估唔到個蝦頭可以幫我麵豉湯加咗咁多分🤪不過略嫌個湯唔太夠熱，如果係熱啲就100分啦！

同朋友出開旺角行街買野 突然想食日本野 咁岩見到間立食既壽司店 門口又幾多人等位 就行過去望下 望落壽司既款式都有好多 價錢又可接受 就直接拎飛等位食呢間 眼見等位既人數都愈黎愈多 食物質素應該唔會太差 不過店舖唔算好大 細細間咁 立食既位置都唔多 我諗大約有8張枱左右 幾有日本feel 我地等位等左大約30分鐘左右就入得 店舖係用QR CODE自己落單 客人立食既位置就係對住壽司師傅整壽司既位置 眼前係一大堆刺身勁吸引我同朋友叫左兩個Set黎share食 因為我地本身幾中意食三文魚 所以就揀左一set係全部都係三文魚 叫左一個係特選三文魚盛合$58 佢係有三文魚壽司 三文魚腩壽司 火炙三文魚壽司 六件細細件既三文魚小卷 辣三文魚軍艦 佢地既三文魚件件都好新鮮 好肥美 好厚身 好好食 呢個價錢真係好抵食 另外仲叫左個嚴選火炙盛合$98 有火炙三文魚壽司 火炙北海道帶子壽司 火炙左口魚邊壽司 火炙中呑拿魚腩壽司火炙松葉蟹腳壽司 朋友食左件松葉蟹腳壽司話好好食 好鮮甜 好有海水味 好想再食多件 其他就正正常常 好新鮮 好好味 最有驚喜係個中呑拿魚腩壽司 我同朋友本身都唔中意食呑拿魚 之前係

如同店名：站立食壽司。第一次去嘗試嘅三文魚壽司🍣、扇貝、tuna、甜蝦壽司，食材很新鮮。特別係三文魚及三文魚腩，係入口即化之口感。刺身料理亦新鮮美味。不過第二次再去嘗試，所食嘅壽司食材過於冰凍，使得口感變得一般。估計想食新鮮食材，還需講求到店時間及運氣。不過刺身料理依舊保持完美口感。手卷之中，鰻魚手卷口碑不錯，味道蠻讚。wasabi會俾足量，米飯份量偏小，使肉看上去很大塊。性價比一般，屬於正常。總體推薦指數

「立鮨」算係香港頭一批「立食」食肆，企係到食我就麻麻喇，因為有時行得攰都想係餐廳休息下，話雖如此，都不得否認「立鮨」壽司既出色。《火炙大吞拿魚腩海苔壽司》$48大Toro本身已經夠肥美，輕輕一燒令toro面頭燒出油脂，再配以蔥碎芝麻等調味帶出魚既鮮味，外面包住脆口既紫菜，增加成舊壽司既層次同口感，而且「立鮨」既壽司飯已預先調味，醋同醬油比例剛剛好，名副其實齒頰留香，入口即溶。《火炙北海道帶子壽司》雖然係火炙帶子壽司，但食得出帶子本身都好新鮮，我覺得「立鮨」既火炙壽司比魚生壽司更出色。《火炙左口魚壽司》好鍾意左口魚既口感，而且價錢合理，可以食多幾舊，一定要試!《海膽軍艦》另外海膽都好新鮮，因為好多時喺街食啲海膽唔新鮮會有浸腥味，同一patpat咁。《蟹肉蟹膏軍艦》我自己都好鍾意呢款壽司，蟹膏嘅濃香加上蟹肉絲絲嘅口感都非常好味。 P.S. 而家外賣自取「立鮨」壽司仲有八折優惠

其實我到而家都唔係好明點解唔加張鄧仔🤣咁我覺得有啲人係選擇企 其他人可以選擇坐😂壽司冇想像中新鮮但亦都冇想像中貴但影相睇落好似勁好 就好似海膽杯咁價錢只係$100一杯左右所以我唔可以期望佢嘅海膽勁甜

記得每次食壽司都係個幾間，自從有咗哩個立鮨就食多咗幾次，因為真係好平同埋好抵食，今日算係簡單點咗幾個嚟食 有鰻魚同埋火炙三文魚，蟹膏蟹肉，仲有火炙左口魚，每啖都係油脂同埋魚油香氣。今次同個frd 係車渡食外賣，因為堂食都冇位，都好嘅可以揸上去何文田渡食，個景就係冇景嘅，不過好在每個壽司。另外都幾多選擇同埋幾抵食，每次都會飲佢個湯，都好夠味同幾重蝦味。今次食咗300 幾蚊真係好抵食同埋好多嘢食，推介大家都可以食立鮨。

立食壽司顧名思義就是站着吃的壽司店，這種佔興起是因為日本人上班族時間比較趕所以喜歡選擇用餐時間較少的餐廳，而這種做法對店舖滴流轉量相對比較高呢。說回壽司，用料是新鮮的，而醋飯是褐色的，味道不會過酸，飯份量比正常的小一點點。其中特別喜歡吃海膽蟹棒壽司，味道濃厚之餘，每一口也是豐厚的蟹捧，建議一口吃掉一整塊壽司。小碗海膽飯也不錯，海膽鮮甜沒有腥味，醋飯跟壽司是一樣的，但在吃這碗飯的時候感覺口感比夠厚實，因為真的很少碗，個人覺得貴了一點點。中和大的吞拿魚腩有鮮味十足，唯一美中不足的是個人認為上面加的那一點調味料跟刺身本身不太搭配。但總括來說都是滿意的，而且個人比較喜歡坐着吃，所以下次吃的時候應該會點外賣😂😂😂立鮨 旺角豉油街50號富達大廈地下1-2號舖

二人份單叫 (約28件) 約$640立鮨顧名思義就是一間沒有坐位,只有企位既壽司店,係日本有好多呢d形式既壽司小店,香港就比較少有,當日旺角人潮湧湧 但係呢間"排隊店"幾乎唔需要等就可以入座出面一條短短既人龍都係等外賣 大概大家都想自己安心啲出黎行所以免得堂食登記吧 我地堂食當然亦跟足規舉寫下"正確"資料啦😎。壽司質素唔錯,雖然未至於令你大叫"好好味啊~!!!",但至少你唔會覺得唔值得既一餐!用既唔係一般既壽司飯,而係赤醋飯,感覺比一般醋飯既略帶多少少醋酸味,我認為唔需要點醬油已經夠味,我地先後食左大拖,中拖, 海膽, 覺得無感預期之內大拖可Skip,甜蝦 赤蝦等都係肉質厚實👍🏿最令我地驚喜Encore既有火灸左口魚(入口充滿魚油)同埋鰻魚壽司(肥美多魚油,配合微熱既口感)一流，推推！呀！個人私心，玉子都好味，但相對性價比唔高。至於服務就一般，寫單一定要對照有相既MEUN去✔️，因為佢用簡稱，你不能確定自己有冇落錯柯打，但服務員會經常收左你本"相簿"😅而落單時師傅都不夠細心，漏單，舉手都扮睇唔到，當然可能係人手不足之故。總體而言，同價位既壽司，立鮨高質過某放棄年青人旗下既元x多多聲，如果