窩心鍋 (已結業)

個幾月前,約老公嘅中學同學們,前晚(28-9-2019 Sat),嚟我8月頭食過嘅呢間,包房打邊爐兼唱K,最後係7大1細嚟,我同老公先攞房唱K同等朋友嚟.陸續到嚟喇當有6個人時,我哋有5個都肚餓,於是叫啲小食:1.-2. $38.00涼拌木耳絲,$58.00嘅手拍青瓜拌海蜇酸酸地,幾開胃,好食. 3.$88.00嘅蝦丸拼墨魚丸蝦丸爽口彈牙;墨魚丸幾脆同熱騰騰.人齊喇,我哋要咗4. $488.00嘅花膠魚唇滑雞鍋同上次一樣,都係拎咗個鍋嚟,喺我哋面前加湯,我哋就先飲湯食料,味道亦ok.5. $198.00嘅瑤柱冬瓜鍋原來同同上次一樣嘅,呢個女友人FN話好味.6. $88.00嘅日本廣島蠔一樣係大大隻,熟透都仍好滑.7. $ 108.00嘅黑牛柏葉正常冇問題.8. $48.00馬來西亞白魚蛋OK正常冇問題.9. $98.00嘅馬刀貝兩份共12隻正常冇問題.10. $358.00例牌嘅本地手切騸牯牛牛味濃但韌,問女職員有邊隻唔韌?佢介紹牛小排.11-12. $48.00嘅唐生菜,唔知幾錢嘅西洋菜正常冇問題.13. $48.00嘅稻庭手打烏冬兩個都好彈牙.14. $98.00嘅手打蟹籽墨魚滑唔

尖沙咀棉登徑都係大部分人放工Happy Hour既好地方，近日就開左一間高質素既打邊爐，下次Happy Hour完不妨三五知己一齊上黎食埋先走。一入到鋪頭，明顯裝潢有別於一般火鍋店，老闆好有藝術氣息，佢響樓梯放左唔同款既公仔同埋畫，什至連牆身都唔放過，而且卡位既設計都好特別，顏色配搭鮮明整理，似去左一間放滿藝術品既火鍋店。我同朋友一坐底，店員先問我地想飲咩，我地叫左一渣竹蔗水，之後佢地立即就為我地準備好調味架，芝麻醬，香葱，生蒜，炸蒜，辣椒，麻辣醬都有。湯底方面:酸菜白肉鍋乃貴店其中之一即人氣之選，酸菜份量充足，配上鮮甜蕃茄，火鍋店仲非常揼本，用左日本既雞頸肉黎熬湯，雞頸肉有別一般雞肉更爽口彈牙，口感係一般雞肉完全冇得比。美食方面:我地先叫左兩隻花竹蝦刺身，花竹蝦非常新鮮，肉質爽滑彈牙。美國Prime小排，自牛前胸肋骨部位肉，頂級的油花跟濃厚味道既肉質，無論你輕輕燙熟，或煮怕生煮至全熟，都能滿足您挑剔味蕾所需！日本水飼豬腩片，水飼豬脂肪較少，肉質爽脆，即使是腩位也不会太過肥腻。招牌四寶丸，分別有鯪魚丸，牛丸，蝦丸，同埋我最推介嘅彈牙墨魚丸！香煎午餐肉併即炸響鈴，打邊爐又點少得午餐肉，午

台式極品酸菜白肉鍋$188非常足料嘅一個湯底 酸菜多到不得了 而且仲加咗大量蕃茄 味道酸酸咪咪好開胃 好醒神一般酸菜白肉係配豬肉 但係窩心竟然想出別的構思 唔用豬肉 換上來自日本的雞頸肉日本雞頸肉 真是吃得刁鑽 質感上和平時吃的雞塊差別太大了 好吃好多 肉質是彈牙的 纖維比較密 而且肉味濃郁招牌四寶丸$108分別有手打牛肉丸,蝦丸,墨魚丸,鯪魚丸誠心推介這個手打墨魚丸 裏面真係有粒粒墨魚 口感非常彈牙 味道鮮甜 在別的地方吃不到唷香煎午餐肉 打邊爐我最愛便是吃午餐肉 特別係煎香過嘅午餐肉 我最抵受不住 獨特嘅香味 及脆脆的外皮 配上酸酸味味嘅湯底 美味非常豬腩片$118一層肥膏一層肉梅花間竹 而且切得好薄好薄 所以有入口即溶感覺 豬皮位置口感煙韌 帶點趙口 一片肉有雙重口感美國牛小排$158這款牛肉片冇得頂 油脂分佈比較多 脂肪味非常香 由於脂肪比較多所以入口有種瞬間融化的效果花竹蝦刺身$128/隻蝦肉晶瑩通透 帶有海水味 口感爽脆 鮮甜這裏還有活魚刺身提供 刺身夠新鮮 質素高每晚十點半後入座全單即可享有7折優惠店內裝修別緻 餐廳共有兩層 非常時尚年輕化 感覺好潮 真心誠意推介窩心鍋

噚（9-8-2019 Fri）晚，一條team共9個人嚟呢喥打邊爐兼唱K，我哋食咗:1. 好似炸花枝丸正常冇問題2. 炸墨魚咀炸粉算厚，墨魚咀太細粒。3-5. 魚刺身， 竹蝦刺身同象拔蚌刺身都正常新鮮。6. 花膠雞湯雖然花膠唔係超靚貨同唔太夠腍，但好足料，啖湯雖然唔太濃，係可以接受，總比加味精好，而且喺呢啲地方食，唔可以用專業舖頭嘅標準比較。7. 香煎午餐肉竟然點呢樣，呢個係厚切成條狀嘅火腿午餐肉再炸，好脆口。8. 椒鹽花竹蝦頭，尾味道溫和，唔算太惹味。9. 唔知咩牛肉好滑。中10. 響鈴大大件。11. - 13. 水餃，魚皮餃，墨魚滑正常冇問題。14. 蠔大大隻，熟咗都唔會縮到好細。15. 刀貝甲幾新鮮。16. 珊瑚蚌爽口。17. 長腳蟹腳大大條，同事話麻麻，但我覺得OK啦。18. - 19. 腐竹，鯇魚片OK，正正常常。20. - 21. 筍片，金菇，生菜都正常冇問題22. 竹蔗水味道比較淡唔甜。我冇食到:麻辣鴨舌，連食得辣嘅同事都話好辣，所以我唔食。唔知咩金沙肉丸，唔知咩鮮魚片。環境:閣樓係普通卡位，二樓係包房，好有特色，又乾淨。冷氣開得好夠。服務:好好，好有禮貌。價錢:我唔知

香港一年四季都可以打邊爐，今晚就去試新場！今次食物質素高質外，食材都十分有驚喜，湯底必須一讚酸菜白肉鍋開胃酸菜蕃茄底，再配搭日本雞頸肉，口感新體驗- 爽口不韌。而且配以雙層鍋爐，雞肉就係中間，可以慢慢逐一逐一食，啱晒慢食既我地。頭盤，當然食返個刺身-牡丹蝦，係我手指既一倍，鮮甜爽脆，再配返杯冰凍竹蔗水，降一降暑～打邊爐當然點少得靈魂食物-Prime手切肥牛，好有肉味，肉質嫩滑。重有手打四寶丸：牛丸、蝦丸、鯪魚丸、墨魚丸，保證手打，口感十足。即炸響鈴、即炸午餐肉，午餐肉明顯係高級牌最後就係蔬菜籃打邊爐，來來去去都食果d野食，所以要食一定要揀高質。

每week總是要黎一個火鍋今晚就揀左呢間窩心鍋餐廳裡面既設計好特別有好多大大隻既figure呢個屏障係用左中國既算盤🧮好特別喔牡丹蝦🦐刺身啖啖肉，仲有少少粘粘地，就是新鮮的證明（個人覺得）酸菜白肉鍋呢個鍋當中既白肉好特別架，唔係用一般豬既五花肉，而係用日本雞頸肉開頭聽侍應介紹時都心想雞頸有肉的嗎🤔原來日本雞係與別不同的，長知識了呢個「白肉」真係好有驚喜雞味濃不在話下，口感好特別幾爽脆又有咬口，有咬口係因為有啲軟筋！超好味，值得一試白鱔片超新鮮，肉質好soft好滑招牌四寶丸四隻丸都係全手打的，蝦丸&墨魚丸都食到當中粒粒既蝦肉&墨魚肉牛丸既牛味超濃，口感好爽口呀鮮炸響鈴&午餐肉響鈴新鮮炸起，所以趁熱食就最好味同埋建議淥1-2秒，如果唔係淥耐左就失真了午餐肉係用優質午餐肉架所以更加好食超級新鮮既菜籃

三人行打邊爐book位嘅時候職員話得返二人卡位因為都想試呢，間火鍋所以決定照book 去到咁啱有張四人枱，職員好好人咁幫我哋換枱湯底叫咗佢哋嘅招牌 花膠魚唇滑雞湯冬瓜墊底上面鋪咗花膠魚唇同雞塊 太肚餓嘅關係我哋想即刻碌嘢食 職員見到即刻制止我哋提我哋飲咗個湯先原來本身個湯底係雞湯，之後加嘅係清湯，一開始唔飲就會浪費咗火鍋冇逐碟影相，印象中已叫咗以下嘅樣日本 A5 和牛：油脂分佈平均，但略嫌欠一點牛味Prime手切牛肉： 有牛味口感亦唔錯，價錢比日本A5和牛平，我同朋友都覺得性價比較:台式滷日本豬大腸：平時打邊爐好少落鹵水豬大腸（可能係我大鄉里）， 豬大腸清潔得乾淨，鹵得入:炸芋頭片：每次打邊爐都必點芋頭，如果係炸芋頭塊應該會更食到綿軟嘅口:手打招牌三寶丸 彈牙鮮味但係沒有太大驚:手打墨魚滑：口感味道正:鮮淮山：擺太耐會氧化，建議盡快食:蜂巢豆腐： 可以吸埋湯底嘅味:窩心小菜籃職員服務唔錯，唔使叫都會自動過嚟加湯、倒飲品環境比其他火鍋店好，唔會好嘈埋單每位700至800蚊， 價錢稍貴，但係湯底好味食物質素亦不錯

位於棉登徑既窩心鍋，堅係隱世，雖然門口唔算大，但內裡絕對是驚喜重重！同朋友兩個去食晚飯，選擇左去打邊爐，今次無去食任食火爐，選擇左去食單點既火爐！環境絕對用心設計，而且環境非常舒適，除左可以二三四個一齊去食之外，餐廳內仲有包廂！不過包廂係環預約既，因為非常之爆！房間夠大可以容納8人以上！最大的一間房，仲可以邊食邊唱K，非常寫意😍配料全部都係新鮮製作👍今次兩個人食，叫左一個套餐，有海鮮，有靚牛肉，有菜等等所以丸都係自家製作，而且好新鮮牛肉脂肪分佈平均，入口鮮味海鮮全部都好新鮮，而且大大隻，包滿足睇下😍自家製既牛丸，堅好味，大大粒，咬落好爽口牛肉食落一啲都唔韌👍

14:15入座海洋一樣一樣慢慢咁上食完一樣要等一陣先有下一樣上速度較慢除海鮮外嘅嘢食要7點先會上問過幾次店員都叫我地等等要問到最後一次先答我地要7點先上咁姐係要客人食完海鮮 停係到 等到7點先可以再食？ 既然有咁嘅規定點解唔一早同客人講定等我地中間時間追加啲野食都好咁樣齋等又唔講明希望店家可以改善一下❤️

好耐都無打邊爐啦，朋友話之前食過番層味，x帶我地幾個去食好野！👌👌一上到去就覺得裝修好特別，好多公仔，仲有幾個不同顏色的款式房間可以KTV，真係可以一路打邊爐一路唱歌/聽歌，係一個2全其美的選擇，正！🤪🤪🤗🤗🤗首先來一個香噴噴午餐肉，食落去超正，煎得好味，一碟真係唔夠食，食起上來至少起碼2，3碟先得👍🏻👍🏻然後有新鮮的海鮮拼盤🦞🦐，放落打邊爐真係好新鮮好甜，掂啊！仲有雲吞，手打肉丸，牛肉丸，彈彈牙，食到停唔到口！😍😍仲叫左幾碟肥牛同豚肉，朋友真係無介紹錯，連d肉都特別好味好食，好快就食完一碟又一碟了！超飽⋯⋯⋯今晚唱k不醉不歸，下次都好想再來食過！🍻

適逢4月之壽星慶祝生日，所以牛奶妹又有機會出街覓食喇打邊爐點食得肉類🐄🐖食肉獸大吃大喝🍺個A5和牛真係無得輸，好彩我地嗌咗大份啫！手切肥牛真係韌得濟，相對地A5就無咁有牛味。而日本黑豚腩就不過不失，肥瘦適中，但唔算有太大驚喜🌝炸魚皮真係好出色，新鮮炸嘅而且十分脆口。加分加分！嚮鈴⋯就無咁香口⋯而且浸一浸湯已經好散哂。清清地食豆腐就中和返油膩，不過豆味就欠奉。餃子就皮厚，餡料唔算好豐富而且有好幾舊肥豬肉添由於我地坐卡拉OK房，有最低消費4800$，我地13人先剛剛先夠數。胡椒豬肚湯底好好味！但酸菜白菜就無下次了⋯味道過酸⋯完全同配料唔夾⋯試咗店員極力推介嘅手工啤，真係麻麻。青島先係皇道小食就試咗炸餃子，炸到十分十分香脆，無得彈！門口有哂湯底俾大家參考，行過可以望下👀👀特別一提，好多bearbrick啊仲要1000%，仲有我啊！牛奶妹啊！好想帶哂佢地返屋企🖤🖤🖤服務一流，但食物有待改善了

今日約咗朋友係尖沙咀飯聚，嚟到棉登徑搵野食，俾我地見到間相當型格嘅火鍋店，牆上又有壁畫，卡位又夠闊，一於試下。Menu 選擇唔算好多，不過勝在夠精，今晚想食啲海鮮，所以揀咗個清湯自家竹蔗水，一邊打邊爐一邊飲，好清新又解渴湯底夠晒足料，有好多紅蘿蔔、 津白同栗米招牌四寶丸，粒粒份量十足，絕對唔馬虎，有蝦丸、牛肉丸，墨丸同鯪魚丸，粒粒彈牙，蝦丸有好香蝦味、牛肉有鮮味、墨丸爽口，鯪魚丸完全冇草青鯹味，平時唔多like 都想再添食今晚主角出場喇！就係大花竹蝦同南非鮑魚，個隻蝦長過我手掌，睇見已經好滿足，食落又彈牙！鮑魚好新鮮，滾完又唔韌夠晒口感，好鮮味，估唔到可以咁出色食完海鮮梗係食返火鍋必食嘅牛肉啦！試吓佢個Prime 級牛肉，果然冇令我失望，肥瘦適中，睇紋都睇得出係正野，食落真係唔駛講野，入口即溶化，真係好有衝動再叫多份食完咁多肉，係時候食返啲菜，菜藍都有三款唔同嘅菜，食完唔駛再加野，已經飽飽，估唔到都可以咁滿足

尖沙咀真係好多野食選擇，今日朋友帶我嚟到呢一間十分新穎嘅火鍋店，裝修有別於一般嘅傳統火鍋店，擺放咗好多特別版嘅Figures同掛畫。餐廳設於樓上舖，私穏度極高，睇Poster原來仲設有卡位OK VIP房，一邊打邊爐一邊唱K真的第一見！咁潮嘅打邊爐店真係啱晒我哋呢啲「年青人」。今日大家都唔係太肚餓，出來也是想傾下計聚一聚，所以我們就各自叫咗D食物，邊打邊傾計，好爽呀！窩心清湯，唔止清湯咁簡單，仲有好多蔬菜係度，清甜滋味我就比較喜歡食海鮮，問店員今日有咩靚，佢介紹大花竹蝦$148隻，又真係幾大隻，又多膏！再來南非鮑魚$78隻，色澤漂亮，好新鮮！四寶手打丸也是必叫之選，最好味墨魚丸，夠曬彈牙！蔬菜盤總類多，食食下都原來已經飽飽地，好開心打咗個消淡得來又健康嘅邉爐。

天氣涼涼地，最岩就係食火鍋啦！今次同朋友撐枱腳，去左一間高質火鍋店位置非常易去，路痴都一定搵到呀！門口有大大的招牌可以俾人睇到，最正係呢間火鍋店可以有貴賓房，客人都可以訂房，岩曬多人嘅私人聚會啦！由門口甫上餐廳，好有現代感，有別於一般傳統火鍋店。而且設計都好有特色選好了火鍋，當然就要來一下調味料吧！不得不提辣醬，因為真係幾辣喔，而且都好香，愛辣嘅朋友值得一試。點了一個佛跳牆火鍋餐，有一大堆海產，最吸引嘅梗係極大鮑魚啦，真係非常新鮮，而且仲會郁嘅，味道好有咬口。另一個必食之選就係帆立貝，新鮮、鮮甜，配合著佛跳牆嘅湯底，無得嘆！全個套餐是有這些食物的，真你海產、肉、菜樣樣齊呀！差點忘記了手打丸，是一個雜錦拼盤丸喔，有肉、有墨魚、有蝦丸。而且粒粒都是手打，所以口感唔會好實好雪味。身為食肉獸，見到咁新鮮嘅肉，又怎能壓抑內心的興奮呢？入口即溶、紋理清晰，頂級呀！

好耐冇同朋友一起食飯了，今次朋友又帶我去打邊爐，位置都幾方便系尖沙咀出地鐵站行幾分鐵就到了。餐廳怖置都幾特別，行樓梯上來見到一排好靚靚的公仔，餐廳坐位舒服又有卡位又望街景，幾舒服又可以慢慢同朋友傾計。一坐低店員遞上醬料俾我地選擇。秘製豬骨湯湯底好清甜又濃厚，又有大大塊豬骨又有粟米。招牌四寶丸：牛丸，鯪魚球，墨魚丸和蝦丸，全部好爽口彈牙，蝦丸仲有蝦肉。美國Prime小排，肉質嫩又不韌，牛味濃郁。南非活鮑，鮑魚好新鮮又鮮甜又彈牙。鮑魚煮熟依然大大隻，冇咩縮水。炸嚮鈴和炸午餐肉。打邊爐點都要點一碟菜，我地點左窩心小菜籃，可以索下湯底的精華。