穴蔵

营业中

休息中

新年前間間商店都做優惠，衫褲鞋襪樣樣齊所以今日過嚟又一城哩個商場行街，因為這裡有好多大型運動鋪可以慢慢行慢慢揀心水，不經不覺買完嘢突然肚仔打鼓原來已經下午四點但都未食晏，真的快樂不知時日過！哈哈！睇下水牌不如食日本野因為可以坐得比較舒服，坐低了這裡格局用上木材質料設計比人感覺好warm。好大幅畫掛在牆上我揀了鰻魚飯朋友點了銀鱈魚每個餐都配有沙律、前菜、麵豉湯、漬物、甜品和食御膳 - 燒西京銀鱈魚御膳 $168銀鱈魚煎得香皮脆，肉質嫰滑魚油香。和食丼 - 鰻魚飯 $128大大塊鰻魚好肥美醬汁濃郁，配埋蛋絲白飯一齊食沒有油膩感覺。最後甜品係水晶豆沙菓。

Great japanese fix!We ordered a beef udon- the udon was thin and had a good bite to it, the beef broth was rich and the beef itself was tender.The sushi platter was very good quality with the fish melting in mouth.The fried stingray pieces had a really good bite to them and i can now say ive tasted stingray! We ordered some extra sushi rolls/ hand roll and pieces- the literally came a few minutes after ordering. Service was good but literally speed from ordering to table was amazing!

一直都好想去食，咁岩今日係呢邊就同女朋友一齊黎試下!嗌左刺身拼盤 ，入面有幾樣刺身，都幾新鮮! 每款刺身最少都有兩片!最鐘意食既都係三文魚同北海道帶子~三文魚同吞拿魚都係厚切，好鮮甜另外都叫左幾款壽司~每款都幾唔錯，雖然冇話邊舊特別好味，但大部分都幾新鮮最後就叫左呢個魚子海膽丼魚子好爽口海膽都好鮮!呢蹶真係真心推介!!到依加都好回味~呢間餐廳都真係坐得幾舒服，CP值算幾唔錯如果下次想食日本野諗唔到去邊間，都可能會再番黎食~

lunch $108 滑蛋雞肉飯（親子雞）。包前菜沙拉，主食、漬物，面䜴湯和最後有果子。主食份量好多（女生的話足夠兩個人分享），唔單止係飯，蛋同雞都夠曬料，絕對唔會出現食曬d送而得翻白飯既情況。雞肉嫩滑，蛋的火候也控制得不錯，味道上不過不失。

夜晚時間尚早所以好多位～ 聽聞魚生幾好所以黎試試🌝tuna腩薄脆$58。本身d tuna 都唔錯，不過下層mayo醬比較多，搶左tuna ge 味。天婦羅蝦卷物。$88蟹籽粒粒好爽口，隻蝦都鬆脆，不過個卷一夾有d 散開🙈牛舌$58同黑豚五花腩$48，冇想像中咁香，一般～重點！特上刺身拼盤（9款）$518配酸汁好fresh 好好食，蝦都幾大隻，uni 好甜，三文魚都正但因為有tuna 所以冇得比🤤三文魚籽新鮮每粒都會有個種爆發鮮味感，睇黎以前食個d 都係有腥味ge 垃圾😂e 個拼盤係開心嘅，新鮮！最尾係枝豆海鹽餅$68，幾好食：）總結係滿足ge. 有budget 一點，質素係對得起價錢～🌝✨

提前同兩位好朋友一齊食聖誕大餐！可能時間常早，6點鐘九龍塘既穴藏是日唔需要book位就可以walk in首先叫左幾碟壽司～蔥吞拿魚腩（小卷）- $78火炙左口魚裙邊壽司（2件）- $48牛油果軟殼蟹（卷物）- $98以上三款既味道都不俗，之後再上一個刺身拼盤刺身拼盤（8款）- $318可惜呢個刺身拼盤有少少失望，味道不算太鮮甜，尤其帶子同海膽，或者因為無叫到特上刺身，選材並非最上乘吧食完刺身，最後一輪叫左幾件燒物～左起－黑豚五花腩、燒白鱔、燒雞翼 - $48/$68/$38反而燒物有驚喜，所有燒物唔會煮到好乾身，保留住肉汁既鮮味，為整個晚餐加番唔少分數！下次有機會再黎，都會首選壽司卷物同燒物呢～

平安夜，香港大部分的餐廳都加價或只做套餐，穴藏這天的午市也只做晚市餐牌。先點了友人最愛的魷魚和三文魚子壽司，這裡的三文魚子沒令我失望過，飽滿咸鮮，每一粒都鮮美爆燈。魷魚軟糯黏口，甜度稍底。白身魚刺身配酸汁，口感實在有彈性，魚油小但肉身清香，不過切得太厚片，酸汁難以滿足整片的調味，吃著很累很膩口。蟹羔蟹子蟹肉天婦蘿，外皮炸得薄脆餡料蟹羔香濃，太濃，單吃味道太重。中間點了的茶壺湯，清香撲鼻，喝著就舒服。還有一個海葡萄沙拉，普普通通。最後的三文魚壽司不夠肥美，左右魚邊壽司油香充斥著口腔。

平日與媽媽「撐腳腳」都是求其吃，今天正好在九龍塘附近，特意選了這家日式料理店。之前曾經光顧一次午餐，另外也試過其同一集團在銅鑼灣及沙田店，知道是貴價餐廳，而質素也同樣出色的。這家的裝潢及燈光跟其他店一樣是開揚但昏暗，有普通桌和吧檯。我們是八點後入座，沒有訂位，因為想坐普通桌，所以等了大概十分鐘，如果坐吧檯應該不用等的。我們二人坐四人位，一邊是梳化，十分寬敞舒適。如果人多可以坐圓桌，方便傾談。餐牌大大本，很厚（主要是紙很厚）。種類很多，居酒屋應有的：刺身、壽司、天婦羅、串燒、熱盤、鍋物、炒飯拉麵烏冬都有。酒精類餐牌則是另一本，大概翻了也看到很多選擇，不過我們沒有點，主力食物。冬日限定餐牌上有三個鍋，看上去很吸引。由於媽媽沒有試過，我們先點了第一輪食物試試看：這個是冬日限定的鹿兒島豚肉鍋。豬肉很鮮嫩，湯底非常濃（濃得媽媽覺得很咸）其他配菜有金菇、冬菇、生菜、娃娃菜、豆腐、蘿蔔、粗身粉絲等，也很入味。媽媽很喜歡吃天婦羅，但又很怕它的油不新鮮，試過很多店的天婦羅都不滿意。這個炸粉很薄，油味很輕。炸完南瓜和苦瓜的菜汁仍然保留著，那張白紙完全沒有吸到油！而且日式苦瓜十分甜。媽媽非常欣賞！每次去串燒

行經見到幾堂皇高尚,但待客帶你入座的冷漠態度就令人感到不舒服.落單又係咁,粒聲唔出,完全冇互動.两人叫咗一個天婦羅,一個長腳蟹，同一個熊本猪喬麥麵當主食,點知竟然個麵上咗先,吃咗個麵都己七分飽,再等咗三四個字先上主菜,真係哭笑不得.食材方面幾新鮮,味道okay，賣單$800,属少少偏高.其它服務除咗加茶勤力之外,個個都黑口黑面,好令人失望....

Mini rice set 🍚🍜🥗・迷你丼物餐,可以㨂兩款丼物，再配沙律，前菜，熱烏冬，蕎麥面和甜品・迷你丼物有好多款選擇熟食有七款, 有鰻魚，牛肉，黑䐁肉生薑燒,炸雞和三款天扶良,生食都有六款,雖然話迷你，其實一啲都唔迷你架！都好有份量！㨂一生一熟就最好啦！·汁燒牛肉飯同䐁肉生薑燒都好野味，兩款肉都夠淋，啲汁撈飯都好好食,另外個鳗魚都好新鮮,配埋啲甜甜地既鳗魚汁和蛋絲，又吾錯喎！·雜錦魚生飯同蔥吞魚生飯好足料,魚生夠新鮮,個熱烏冬都幾滑呢個set 都算幾抵食👍🏻

《穴藏》被停車場牆上的海膽飯廣告吸引咗上來。餐廳設有吧枱同餐桌兩邊午市Menu 同友人叫咗套餐$288海膽丼首先4個丼中擇選咗海膽丼，Menu上寫就寫迷你丼，但實際份量一啲都唔迷你，食完已經8成滿足。海膽係用上韓國海膽，海水味唔算重，鮮甜度中等。 蕎麥麵麵類方面就有烏冬或者蕎麥麵擇。左起：雞肉大蔥，燒雞翼，免治雞肉，燒豆腐串燒就有9款選擇，每個套餐可選2款。豆腐- 唔會燒得好乾，外脆內裏仍軟身。雞肉大蔥- 串到滿滿一啲都唔慳皮，係略嫌雞肉有小小燒過龍。黑糖紅豆糕最後仲有黑糖紅豆糕做結尾。黑糖夠香且糕身煙靭，中間夾層嘅紅豆又唔會太甜搶過黑糖味。總結$288 有前菜、沙律、一個丼、一個麵、兩串串燒同甜品，價格比十分之高。

穴藏除左串燒🍡🍢好食之外，佢既刺身壽司聽朋友講唔錯。比起其他的連鎖的日本餐廳，我覺得穴可以話係再高一級，用既料再新鮮D，師傅的功夫亦好D🤗當然都係一分錢一分貨啦🤪午餐價位由100至400不等，其實都係視乎食物的材料。之前有食過佢既雞扒烏冬🍜，燒得幾好食架，用既烏冬又好幼滑，個餐都係98蚊，我覺得幾合理。今日就揀左壽司🍣配天扶良🍤麵餐，因為有天婦羅 (即天扶良)，又有壽司，成個餐188，我覺得都仲係合理的價錢範圍。一點左餐就先來沙津🥗同前菜，都幾新鮮，顏色配合得都唔錯。烏冬🍜又係一大碗，都有蔥頭、魚旦等配料。湯底都有昆布同麵豉味，製作都真係幾認真👏🏼壽司🍣有5件，有兩件白肉魚、一件蝦、帶子同海鰻。除左好新鮮之外，我好鍾意司傅手握的技術，壽司的飯大細剛好、飯又不會太散或太實，沾的wasabi也不會太多，但剛好就有提鮮作用。老實講，比我在日本食過的一些壽司還要好啊🤤😋天婦羅🍤就不過不失啦，份量唔錯既，不過得一隻蝦而且唔係好大隻，但都好新鮮既。其實的野菜天婦羅就正正常常啦，未去到話好驚人。🤗成餐飯最失色😨就係我坐係梳化鄰桌的小女孩竟然冇著鞋一野瞓身在梳化上然後兩隻腳板 (冇著鞋又冇著襪) 咁踐

今日同兩個朋友去又一城睇戲加shopping，見到穴藏個menu 幾吸引，環境又幾安靜，就約定搵日嚟試下佢啲手勢。『吞拿魚蓉配脆米通』：吞拿魚幾新鮮，落少少青檸汁後，同米通一軟一硬，幾有層次。『牛油果軟殼蟹卷』：牛油果同軟殼蟹幾夾，而且飯嘅比例唔會過多，整體效果幾好。『日式免治雞肉串』：喺日本經常叫嚟食。呢度口感淋咗啲，可以再燒得脆啲。生雞蛋一串一隻，夠豪華。『日式炸雞』：香口惹味，只係份量略少。『天婦羅拼盤』：炸漿夠薄，質素唔錯。

約朋友喺又一城食野，見新開嘅日本菜，便膽粗粗一試。餐廳枱較大，座得舒服，枱面擺好多食物都夠位。👉🏼前菜有沙律同蘿蔔之類嘅野，沙律醬撈埋啲菜清新好味。👉🏼mini set 入面其中一個鰻魚飯，個碗睇落細細，但原來裝到勁多飯。鰻魚燒得好香，配醬汁非常美味。👉🏼mini set 入面第二個飯係豚肉生薑飯，一樣係香噴噴，有好多洋蔥，豚肉亦唔少，配上熱辣辣嘅日本飯，食到幸福嘅味道。😋食完一個飯已經飽咗，但其實仲有個烏冬。👉🏼又係mini set 包埋嘅，烏冬好滑，即使冇其他材料，一樣咁好食，呢個mini set 真係勁抵食。👉🏼三文魚茶漬飯有綠茶浸住食，初時以為會冇乜味，點知三文魚嘅咸味都幾濃，所以食落係好夠味。蒸蛋好滑，入面仲有細細粒元貝，好味。最後仲有個黑糖紅豆糕送，聞落有好香黑糖味，中間有紅豆蓉，好清甜，口感唔錯。總結，呢間日本菜有好多菜色選擇，質素中上，值得嘗試！

One of the Japanese resties from  ANA group . The menu offer here is pretty commercial ,  yet good enough quality, reasonable prices.  Thumbs up for the commercial chain to maintain its quality within the price range . First time to have this egg yolk tempura. It's beautiful . Egg yolk runs down your tongue smoothly . Tempura batters is pretty crispy and  puffy , which it fantastically protects the egg yolk without breaking it . It is a perfect combination.  Be careful when you eat it haha. or d