稻香超級漁港 (鳳德商場) (已結業)

以往偶有空閒便會與中學同學相聚吃飯，但鑒於疫情關係，已許久沒見，見近來疫情尚算控制平穩，便再次相約了一行八人，分開兩枱用膳敘舊，並挑選了普遍合大眾口味的粵菜酒家。濃湯雞煲翅雞煲翅上桌時熱騰騰的，份量是充足甚大，其濃湯湯底熬製至色澤深黃，飲用時可嚐出真材實料，味道鹹香濃郁，鮮味十足。而湯料有魚翅和雞隻，魚翅柔嫩腴滑，爽口彈牙。雞隻則煲製得肉質軟腍，即使老人小孩亦易於食用，咀嚼時滑溜嫩口，香鮮至極。上湯焗澳洲龍蝦伊麵 配 志明沙薑雞半隻我們點選了雙拼的龍鳳配套餐，價值為 $368，即可享有兩款美食。伊麵頂部配搭有兩件澳洲龍蝦，光賣相香氣已使人垂涎欲滴。其麵條泡浸於茨汁之中，食用時入味鮮香，掛有湯汁，口感黏度極高，柔韌彈牙。龍蝦肉豐滿肥美，食用時新鮮爽彈，緊實鮮甜，原味出眾十足。沙薑雞為半隻份量，剛放至口中的雞肉已隨即散發著濃郁的沙薑香氣，可見製得相當入味，其雞皮滑而不膩，肉質則新鮮香嫩，富有雞味。金銀蛋浸時蔬金銀蛋浸時蔬用上莧菜、蒜粒、鹹蛋黃、皮蛋等製作而成，配料很是豐富，食用時莧菜碧綠鮮嫩，鹹蛋黃濃郁甘香，皮蛋獨特微彈，整體予人感覺鹹鮮清爽，是道清熱潤腸的健康小菜。總結而言，餐廳環境寬躺

又係我啊， 今次黎飲早茶。裝修服務唔多提，都係一般以上茶樓貨色。星期六放假同阿爸阿媽阿女去稻香飲早茶 ， 十一點前結帳都係早茶時段，算長喎。限聚令放寬一桌四人，唔使再分檯。原來稻香都咁高科技，已改用手機下單。阿公阿婆為咗食當然難唔到佢哋。點咗個海底粥，鴛鴦雙潮（ 牛肉球拼鯪魚球） 食物質素有改善喎。呢個綠色嘅芋香餅（唔記得真名叫咩添）阿女就最開心啦熱辣辣加上芝麻粒，香口。脆皮叉燒包 ，外型似菠蘿包， 西式叉燒包。

朋友轉咗去鳳德返工，今日（25/11/2020）約埋朋友來一聚，附近只有這一間酒樓，唯有來這處午餐。午餐時間，不用等位，還有好多位剩，一到下午茶時間，才多幾枱客，都不用等位。一坐下，侍應叫掃QR CODE落單，枱面亦沒有點心紙，對於長者及不懂手機落單既人，實在不方便。點了以下食物：豉蒜虎皮尖椒，都幾辣，邊食邊挑籽，個汁雖然油，但好好味。雞絲粉皮懷舊混醬豬腸粉，好滑，醬汁夠，好味家鄉咸水角，一般啦豉汁蒸鳳爪，唔夠味，份量少天皇乾炒牛河，炒得好香，份量足，牛肉多，味道亦夠味，不太油，正臨走前去洗手間，發現有部環保茶薰機，令周圍既廁所味無晒，舒服。

稻香又有一蚊雞～只限星期一至五（公眾假期除外）18:00-20:30供應，2人同行可以$1優惠價order烤雞一隻～同屋企人落樓下食返餐唔駛煮🥰.原隻烤雞 有幾塊蝦片伴碟，烤雞外皮脆脆，食落有少少藥材味，少少咸，不過雞肉幾滑.竹笙蟲草花菜苗竹笙只得2少舊，成碟夾埋1條都冇😅，蟲草花、菇、菜心味道適宜.胡椒豬肚沙白湯呢個幾好味，咸淡適中，香香胡椒味，沙白冇沙鮮甜，送飯一流.黃金蝦叫炸既小食有啤酒送～蝦肉夠彈，但有1、2隻比較梅

上次同奶奶老公食完，好評後， 今日我帶老媽老爸來試， 今日六點幾到，遲左攞位，之後越來越人多， 等左15分鐘左右就有枱， 在廳房裡，好彩有幾個專門服務員，感覺比坐大廳更好。今日照舊叫2隻$1雞， 桑拿環球海鮮匯$138同上次食一樣， 隻雞好好味， 炸得香脆，雞胸厚，雞脾滑，保持水準， 有專用膠手套，乾淨衛生， 不過今次有2片蝦片吸左油食唔到。海皇花膠雜菜煲$98 - 花膠5小片， 粉絲，白菜仔，菜心，金菇..... 多都唔識數。上次白飯都$15/碗， 今次就叫楊州炒飯$98，勁大碗每人食2碗都食唔晒。今次推介個湯- 汽鍋海中寶， 果然係推廣， 有鮮鮑魚仔， 出面都$10隻， 仲有雞腳，瘦肉，紅棗，依家碗湯只係$18,好鬼抵， 一人一碗都唔過份。最後仲加枝百威啤酒$16.8. 淡淡地易入口，我都飲左一小杯。

一蚊雞返黎喇！人龍都返黎， 好彩奶奶同老公搵定位， 唔係有排等。以前一蚊係白切雞， 今次係炸子雞， 都幾大隻， 兩個人可以叫一隻， 阿女大個女計茶錢， 可以叫到2隻雞， 再叫個清炒白菜仔$78，一個海鮮火鍋$134，再叫2個靚仔白飯， 已經飽到咩咁。講返隻雞先， 上菜速度快，今次炸子雞好有水準， 唔係春雞Size, 有雞味，一人一隻雞脾咬， 正！成隻上絕對無呃人， 不過就要剪開，手撕雞都得到， 不過個雞翼位就咸左少少。記得早去等位啊， 5點半就開始晚宴喇！

一蚊雞又黎喇🎊我呢個慳得之人，又黎湊下熱鬧先😎二位一隻一蚊雞出場~今次幾別緻，用個雞籃去盛載，又幾好睇。每人有一對手套同一把鉸剪，比大家可以一嚐用手食雞的滋味，我當然奉陪喇😆隻雞都算大隻，熱辣辣上枱，雞肉係滑同有味嘅，雞髀成隻攞黎食，真係好滋味😍但我就嫌雞皮咸左d，其他都好滿意🤗汽鍋海中寶~足料，用鮑魚仔一隻，幾隻雞腳，豬肉粒，紅棗等，又幾甜幾好飲喎👍以$18黎講，真係抵。雜菜煲$98~叫返一樣正價菜喇，咦，都好大煲喎，有花膠，有魷魚，有蝦米冬菇乾瑤柱，有粉絲金菇，有幾種菜同秀珍菇，真係夠哂份量，味道都好好👍今個晚餐好滿足，有一蚊雞食🤭

上星期跟家人到呢間食晚飯，約左六時，慶祝家中老人家生日，因為我地自備生日蛋糕，到場幾位侍應圍住傾計，由入門我已告知我想拜托侍應幫手雪左我個生日蛋糕，一個職員推一個職員，到我地入座後，十分鐘仍然無人接過我手上嘅生日蛋糕。呢個阿姐又話「搵個個啦，佢係跟你呢枱」到個個阿姐又話「轉頭先」（然後眼見佢走去傾計）到我又捉住另一個阿姐，佢又話「哎，得啦，一陣搵人幫你」結果我忍唔到發火，生日蛋糕都就嚟溶，到底仲要拖到幾時呀！雪一個生日蛋糕都可以拖足成幾個字！另外不禁要講，職員衛生問題有待改善！工作時，當住食客面前該注意個人衛生。

食過好幾間呢個集團嘅任食打邊爐（包括：美孚、大埔、元朗、鑽石山）我個人覺得鑽石山鳳德邨呢間嘅整體評分最高。晚上8點30分先開始嘅任食打邊爐，通常8點左右就開始有人黎攞飛排隊，湯底有好多款，不過我通常都係揀肉骨茶或者沙魚骨湯底，配料方面選擇都算ok，我最鍾意食嘅魚有鱔、脆肉鯇魚腩同埋脆肉鯇魚片；牛肉有本地同美國，唔太肥，幾好；雲吞同水餃都過得去啦；丸類就係平時食到嗰啲；菜都ok同埋選擇都多。唯一唔掂係響鈴，因為完全唔脆。以$150左右呢d價位，物超所值！

由見佢每斤$138加到$168，再到而家加到$224。一直掙扎食海X($188/斤)定稻香，不過咁啱天時地利人和夾到去到最近嘅稻香，覺得稻香應該唔會衰得去邊啩，咁就中伏。四個人七點幾去到，佢問我哋要幾多斤，無得自己揀。答佢要六斤，又話今日黎既都好細隻得四斤……跟住用車推咗隻勁生猛既蟹過黎，話係最大架喇有4.5斤，唯有一切依佢安排。然後話要預半個鐘蒸，咁我哋另外叫多個餐同龍蝦伊麵(轉芝士加$50)，去個廁所隻蟹已經出現喇!!仲要蟹都未掂就隨即上埋其他餸，八人枱頓時滿哂。當然趁熱食主角帝皇蟹先，六個字:口慼咸、肉質霉。一定唔係新鮮甚至係死蟹。 老實講，有預過會貨不對辦換細啲之類，但絕對唔係換死蟹囉。連套餐嘅椒鹽長腳蟹肉質都好過隻千幾蚊嘅蟹。套餐嘅西蘭花無哂轉豆苗，但唔追就無咗件事，糖水又係要客人主動問，做自助餐啦不如?套餐啲野食不過不失啦，係個芝麻糊係黑芝麻水，又或者無期望就無失望.......另外就係服務態度簡直係世界級，唔奢望你笑容可掬，但唔洗黑面嬲爆爆嘅。講野又串又倔，都分唔到係食野飽定受氣飽。作為一間大型連鎖酒樓，食物質素同服務態度係如斯惡劣的話，呢個時勢就自求多福啦。食後慼 :

我趕住寫lee篇食評因為我驚佢promotion完左～話說我媽咪見到廣告推羊腩煲特價每煲$88同燕窩「登」椰皇（$38）所以就舉家去食啦～我地7:20分去到即刻落單啦點知已經賣sai⋯😑仲要話1個鐘已經賣完⋯椰皇suppose係甜品⋯都賣完⋯😑麥兜的故事「魚蛋麵啊冇魚蛋、牛丸河啊冇河粉」🐷我極度懷疑佢有幾多貨但作為promotion居然咁少貨量我omouthed😂😂好啦咁唯有叫其他啦我媽咪極度欣賞鱔覺得好好味！陳醋排骨我覺得有d酸！～好味足料！海寶全家福正！值得叫！例牌燒鵝～正正常常希望下次promotion可以食到啦～因為真係一心俾佢羊腩煲吸引而黎～但其他嘢食大致都好味ge～

今日去稻香飲下午茶,屋邨酒楼,大集团,唯一的選擇,但唔多人,可能我地成兩幾三点至到,不用等位,一去就有位,一都唔滿,環境都舒服,坐位與坐位之間唔迫.食物水準能保持大集团水準,選擇好多,味道好,食物叫完都嚟得好快,而且熱辣辣！它那炒咕嚕肉和乾燒伊麵炒得好好食雖然酒楼落場,都沒有係咁趕客走,員工服務依然好好,沒有趕收工,只是叫我先埋賬單,他們要入數.作為屋邨酒楼,一大班人食飯聚会,都是一間唔錯的選擇！

今晚來到鳳德商塲的稻香超級漁港提早做節。七時三十分抵達，不少客人已正在吃火煱。看過餐牌後，我們便點了半席「中秋金豬龍躉全包宴」，原來還有即時優惠，可減$100。半席已包了大支裝啤酒2支及汽水3罐，還包加一服務費及6位茗茶。～鴻運金豬半隻燒豬皮脆但肥膏較多，點甜醬來吃最好不過。～上湯焗蝦球伊麵賣相不錯，有紅、黃、青椒和洋蔥，蝦球爽口，茨汁恰到好處，伊麵不會糊口。～醬皇炒雙喜蚌分量不少，甜豆配雲耳紅椒炒雙蚌，爽口鮮甜。～杏香百花球蝦膠丸配杏仁片來炸，沾上酸甜醬來吃便不會太乾。～海皇燕窩羮味道不錯，肉絲不少但海皇料和燕窩不多。～清蒸花尾龍躉斑原條魚上，肉厚蔥絲香，魚豉油味道不會過鹹。～瑤柱菌皇泡翡翠瑤柱絲有𡁻口，雜菌和鮮腐竹配濃湯，菜遠吸引了湯的精華非常好吃。～當紅脆皮燒雞半隻燒雞皮脆但肉較鹹，尤其是雞翼位。～家鄉糯米飯用臘味炒的糯米飯較油，飯面的花生和蔥為這飯增加了層次感。最後還有合時鮮果奉上，今天是小蘋果。這裡的菜餚份量不少，吃剩的糯米飯還要打包

今朝三號風球 ， 阿女不用上學 ，去左陪阿爸阿媽 去咗鳳德 商場稻香 飲早茶， 星期一至五， 十一點前下單，十二點結帳，就可享點心半價優惠。（阿媽話個優惠做左有成年）咸魚雞粒飯- 雖然鹹魚無益， 間中少食還可以， 雞粒無⻣好滑。鳳爪排骨飯 - 有兩隻鳳爪芡汁味道濃稠度適中， 好怕吃到芡汁一pat醬汁 傑杰撻撻， 在豬肉咁貴嘅情況下，排骨也不算是少， 好味道。煎堆仔- 脹卜卜，香脆。古語有云煎堆碌碌金銀滿屋。芋泥脆餅 - 小點， 熱辣辣香噴噴，阿女自己食曬一件牛肉球拼 鯪魚球- 一個價錢兩種口味叉燒腸-   係三條腸粉，唔係六格腸粉，兒時回憶。鴛鴦雙潮 - 潮式粉果同蝦餃各兩件， $120有找。

鳳德商場內的稻香超級漁港地方較大，比較容易找位飲茶。今天是星期六，一行八人在一時三十分來到，亦可即時入座。今天主要是吃點心，所以只叫了一碟金菇瑤柱伊麵。伊麵一點也不油膩，味道適中。原蝦燒賣皇內裏的原隻蝦肉爽囗，配合碎豬肉粒，甚有咬口，味道亦恰到好處。三式腸包括了叉燒、鮮蝦和碎牛肉腸。腸粉皮算薄，饀料豐富，沾上豉油來吃，味道更佳。鼎湖腐皮卷饀料亦豐富，蠔油味較濃。時菜鯪魚球比酥炸的遜色，但算是彈牙。家鄉咸水角、香煎蘿蔔糕、香麻煎堆仔、香麻叉燒酥，鼎湖腐皮卷和金勾煎薄撑，雖已涼了但亦外微脆內軟，味道合格。豉汁蒸鳳爪和黑椒金錢肚味道都比較濃。金錢肚下的豆卜吸引了汁醬，較鹹。整體來説，這裏的點心中規中矩，以價錢來看已是合格有餘。