稻香超級漁港 (鳳德商場) (已結業)

一蚊雞又黎喇🎊我呢個慳得之人，又黎湊下熱鬧先😎二位一隻一蚊雞出場~今次幾別緻，用個雞籃去盛載，又幾好睇。每人有一對手套同一把鉸剪，比大家可以一嚐用手食雞的滋味，我當然奉陪喇😆隻雞都算大隻，熱辣辣上枱，雞肉係滑同有味嘅，雞髀成隻攞黎食，真係好滋味😍但我就嫌雞皮咸左d，其他都好滿意🤗汽鍋海中寶~足料，用鮑魚仔一隻，幾隻雞腳，豬肉粒，紅棗等，又幾甜幾好飲喎👍以$18黎講，真係抵。雜菜煲$98~叫返一樣正價菜喇，咦，都好大煲喎，有花膠，有魷魚，有蝦米冬菇乾瑤柱，有粉絲金菇，有幾種菜同秀珍菇，真係夠哂份量，味道都好好👍今個晚餐好滿足，有一蚊雞食🤭