稻香超級漁港 (鳳德商場) (已結業)

是日Family Day ~💖🙆難得爸媽一齊放假 😆梗係拉埋佢地一齊去飲茶啦 🤗其實我好中意飲茶食點心 😅今日去左稻香😃貪佢下午茶時間平好多，而且食物選擇都多 😆😎我地今日叫左手拍青瓜，雞絲粉皮，炸雲吞，蘿蔔糕併芋盒，仲有d傳統必食點心（睇相啦 😆） ~涼拌菜：拍青瓜夠入味 👍不過略嫌太細舊太碎 😅雞絲粉皮d醬夠多 🤓~炸雲吞脆卜卜 😀不過中間冇咩餡 🙊點埋個甜酸醬黎食都 👌可以滿足一下食炸野嘅慾望 😂~蘿蔔糕併芋盒：綠食個兩舊其實係芋頭餅 🤔我望左好耐都睇唔出佢係咩 😅不過食落又有少少芋頭味，甜甜地都唔錯 👍蘿蔔糕就冇咩特別啦 🙄 ~傳統點心方面：蝦餃大大粒，皮都算薄 👌算係咁啦 😆鮮蝦腸粉反而唔係咁好食 🤔皮厚而且唔夠熱 🙊同埋係急凍蝦仁 😑金錢肚完全唔掂 😔硬到咬唔開，然後最後我地一舊冇食到 😐沙薑豬手同樣好硬，而且冇味，只有一堆沙薑粉係其中一舊豬手 上面 😕山竹牛肉都算 👌不過食得出係冰凍過嘅肉，比平時嘅細粒d 😟食物質素整體黎講其實都 👌不過不失 😼性價比都算高🙄食物黎得快，冇漏單👍員工態度都 👌同經理反映食物有問題，立即同我地退單

逢星期日去完教堂都會係附近飲茶，今次就去左稻香飲，呢到唔近地鐵，所以主要都係住附近既街坊黎食，由於地方好大而且人手勁唔足夠，建議大家都係坐近收錢門口位先有人理，而且佢地入座好亂，要睇實分分鐘比人打尖，金錢肚好入味而且夠曬稔，老人家唔怕食唔到，非常野味，皮蛋瘦肉粥都好好味，但明顯睇得出似係粉狀，冇乜米，食落去好似糊仔咁，如果真米煮會好食好多，至於蘿蔔糕都煎得ok，配埋豆瓣醬會好食啲，但真蘿蔔分量唔多，都係粉多，總括黎講中中間間

食物質素 6.5/10宜家做緊優惠，星期一至五十一點前落單兼十二點前離座就可以享有全單半價優惠！見到咁抵，一於今日朝早就去試下！我同屋企人一行三人，叫左7樣點心，埋單$116.5，以價錢黎講的確好抵，不過質素就大打折扣啦鮮蝦網腸一上到枱唔太熱，味道正正常常，無咩特別，我諗叫番普通啲腸粉會好啲粉果粉果個皮太厚，而且偏細粒鼓汁鳳爪鳳爪入味，但完全唔淋，好難咬鮮竹卷同普通鮮竹卷有些微唔同，個汁似蠔油汁奶皇包唔係流心，但味道唔太甜，咁多樣點心入面算係比較好味炸饅頭炸得太耐，完全無外脆內軟既感覺，反而覺得個皮太硬紅油抄手抄手份量多，好似有成8粒，個紅油汁都調得唔錯，偏酸唔辣環境衛生 8/10地方乾淨，坐得舒服，適合一家大細去食服務質素 5/10上菜超級慢，有兩樣點心等左接近45mins

附近唯一的酒樓不過人都算多 訂左位都系要等位同家人大班人食飯聚餐首選都系酒樓 今次食的系套餐其實味道都不過不失 又唔算難食不過有驚喜位紫薯脆卷 都幾創新 其他酒樓都未食過 好受小朋友歡迎🙈

又到左一年一度去稻香食$1雞既日子啦🐥 原來不經不覺已經係第23年😱 自從4年前屋企附近開左稻香之後我地就食左4年$1雞🤭二人同行就可以食到$1雞 我地四個人當然要叫番2隻食啦👅 上年開始隻雞就變左原隻上既炸子雞啦 雖然要自己剪泥食 不過我覺得炸子雞味道比之前斬件有汁既雞好味👍🏻 而且原隻上 原汁原味😆另外我地就叫左幾個小菜 雖然佢仲有其他小菜做特價 不過唔係好岩食 所以最後我地散叫叫左個花膠海皇什菜煲同埋上湯焗大蝦球伊麵😋 坦白講 兩樣味道都唔錯 什菜煲入面有好多料 蝦乾 花膠 冬菇 瑤柱 象拔蚌 仲有幾款菜同粉絲係底 好足料👍🏻 而大蝦伊麵d蝦都好彈牙 鹹左少少不過都幾惹味😛 趁有$1雞過泥食餐飯都唔錯架😉

My parents brought us here (Pier 88) for dinner as they said they used to go to their other branch /restaurant in Yuen Long a few years ago, so they thought the quality of food and service of Pier 88 would be similar to the one (i.e. in Yuen Long) they knew about.Food:There were 5 of us and we ordered a "6 people set menu". We went for i) A mixed starter (which included small portions of sucking pigs, BBQ pork, soy chicken & the unknown Chinese vegetables), ii) Baked lobster with noodles, iii) S

而家飲茶得番啲大集團，都好少選擇啦，唔係富臨就稻香、唔係稻香就美心。不過我就覺得稻香好飲過富臨，下午茶由兩點鐘正式開始。最鍾意飲下午茶，因為有啲燒味食，又有炒野又有點心，樣樣都有，多選擇。今日燒鴨有啲乾，好似燒完擺咗好耐咁，而且好瘦，不過個汁就好好食。賣相唔錯，雖然話係XO醬，但睇落似辣椒加蔥炒蘿蔔糕，除咗面頭有色部份好食之外，中間蘿蔔糕係冇味嘅，不過應該係預你一啖一粒，係我麻煩想試真D先咬開黎睇。😅薄撐煎得好靚，不過背面就冇煎過喎，唔知係咪依家啲酒樓通常都係煎一面嘅呢？😂呢個加咗櫻花蝦，口感豐富左，比較野味，可惜唔夠熱。唔知點解成個賣相好似將出面嘅食物買返嚟再整比你食🤪芝士豆腐有少少芝士粒，都食到有芝士味，味都可以。不過餃子略嫌煎得乾身，肉汁唔夠。野菌包最熱辣辣，但可惜野菌包好似肉包咁，入面菇菌類不足，但係就好似好多豬肉咁，所以都食唔出係野菌包，但味道唔錯。

燒賣一籠4粒，上枱得3粒。茶淡得似水。點心種類小，職員要三摧四請先加滾水。餐碟洗得不乾淨，有食物殘渣。職員態度愛理不理，唯一優點是容易搵位。星期日11點都不爆場。

話說上幾星期同朋友無端端去左鳳德稻香食小菜，都ok 啦。但見到幾乎大半場都係打邊爐，火紅火綠十分熱鬧。今天原班人馬再去過，打算試一試佢。點知阿姐溫馨提示話打邊爐要 8:30 入座先有任食，而家入的話要散叫唔抵。但見仲要等成個鐘，都係等唔過，有錢就是任性的。散叫有呢D，價錢都 ok 啦⋯⋯肉食動物，叫左兩碟安格斯每碟 $128，普通肥牛同普通豚肉各 $38， 生海蝦又打孖上碟碟 $48。仲有D丸呀，菜呀，腸呀，蠔呀之類的，各款食品都唔錯，價錢都係 $28- $48 。飲品無限 $14 一位，有支裝鴻福堂、汽水、中式甜品、雪糕，甚至爆谷都有。唯獨啤酒就唔包！但佢寫明 8:30 後任飮任食包啤酒喎，早D去晚市 +$14 就反而唔得，果然阿姐冇老點。埋單每人二百有找，算係咁啦。註： 洗手間好污糟，明顯冇人清潔，反胃唔衛生要扣分呀！

Boyfriend, his mother and I decided to sit down for dinner near his residential area. Tao Heung's Pier 88 seemed like a viable option so we came here. There's always some sort of deal going on with this chain of restaurants. Usually a special deal on a fish or chicken dish. Something that is good enough for a simple family meal that doesn't always have to be for a special day.On this day, they had something very surprising. A slab of roast suckling pig for $68. But if they cut it for you, it cos

朋友週末小聚，諗住搵間傳統嘅酒樓，神推鬼擁下去咗鳳德邨嘅稻香，歎下屋村酒樓小菜。晚飯有孖寶，等我研究下先。阿姐極力推薦麵包蟹，話得返一隻唔食就走寶，唔鍾意避風塘嘅話，仲可以free $30 送伊面底。響唔食唔俾面嘅情況下我哋就咁叫咗啦⋯⋯上枱之後係點？OK啦。麵包蟹都多膏，但蟹肉就唔夠鮮甜，而且殻太硬好難食到，食食吓大家懶鬼都放棄了。上湯伊面就咸咗啲，初初食上層都OK，底層多汁又咸，似咸湯浸，少少失敗。另外仲叫咗薑蔥焗美國蠔，鍋仔夠熱，D蠔又超大隻，都好味夠 juicy ，正的 ！ 話咁快清晒。必試鹹鮮倉魚...... 上枱我即刻聞到好鬼腥，條魚用鹽醃過，估計一兩日左右。食落係唔腥既，不過有啲似鹹魚，奇奇怪怪。個人意見⋯⋯唔試絕對冇損失。孖寶我哋配左炒菜，大澳蝦糕炒蕃薯苗，味道正常而且夠大碟。另一個小菜就叫咗菠蘿咕嚕肉，亦係經典嘅味道，呢D無得輸，細碟咗啲轉頭就冇晒。最後佢係經典的通才炒牛肉，辣辣地幾好味，而且牛肉多過菜。枱夠大張，闊落好坐。服務都唔差，有傾有講有溫度。六個餸埋單八百幾，屋村酒樓屋村價，都算OK啦。

好日唔買燒味，難得有幾日假期，食豪啲都要吧！稻香燒味本人一向都覺得唔差，唔想食太貴，喺稻香買份優惠燒味都食得過!比較一下上年年底，「燒腩仔半斤+貴妃雞/豉油雞半隻」售$89，相隔大半年加左$10。「燒鴨半隻+叉燒半斤」就$118，之前$108就是「燒鴨+雞」。燒鴨好少食到，所以今日就買個貴少少嘅孖寶叉燒某部分較瘦，好難。但師傅好好，竟然斬左個兩個叉燒頭，燒得燶燶的，好好味。雖然味道甜左啲，但食到停唔到，我一個人都食左大半盒食完之後好漏燒鴨都好大盒，香料味好重，所以好咸。今晚食咁多肉肉，唔飽到上心口都假嘅。由於依啲街外野，多數落重味精，食完覺得好頸渴。我相信送酒，汽水一流。

前嗰幾晚同屋企人第一次去稻香食飯，甘啱屋企附近有間稻香漁港。去到稻香嗰陣時，唔洗等即刻可以入座。入座之後，好快有姐姐問我地飲咩茶，又推介我地食孖寶。於是，我地叫左兩個孖寶黎試下。118蚊2餸，加多60蚊仲多個餸。本來以為平野冇好野，點知一試之後就180度改變。味道唔會太鹹又唔會太淡，D菜又唔會太淋或太硬。都幾好味。雞粒豆腐D豆腐又唔會碎又夠滑，D汁仲可以送飯食。 原來平野真係有好野。抵食又好食，下次會繼續支持依間鋪頭。

我最愛的父親大人, 已在天家享受舒適的生活 ，我兒時， 他常常偷偷给我零用錢的不爱就奇怪，呵呵呵 不過既然世上有＂父親節套餐", 那就趁家庭敘會, 來試一下吧!提早1天预訂, 由海蝦升级為波士顿龍蝦， 兼送红洒 肉質彈牙，新鮮！ 可惜那個汁。。。太過生粉芡了，沒味沒道的 蠔皇金錢扣鮑螺片 大大碟，不小家， 冬菇炆得入味，生菜份量很多，要均衡飲食，多菜少肉呀！清蒸花尾躉 ~ 我最愛吃魚， 吸收骨膠原 這尾夠足秤， 大大條， 蒸得剛剛好，不錯！ 全體乳豬 ~ 不太肥，而且很脆卜卜， 超標也要吃！ 整體也有某些餸菜要改善的，但因姨姨服務態度一流，有講有笑，回應也快捷，所以整晚吃得開心愉悅呢!

因為最近wechat做緊稻香同美心集團有$100減$50優惠，所以我就帶家人星期日去左飲稻香！因為近我地叫左燒鵝米線，冇瀨粉好sad!燒鵝唔錯、湯底冇味魚香茄子炆米 好食流沙包真係流心好食仲叫左個造型好搞笑既煎釀三寶最後六人埋單$370減$50=$320抵食！