稻香超級漁港 (已結業)

星期六晚看完空中飛人, 想打邊爐貪近就去左呢間, 9點幾去到特價時段但竟然都唔爆好肚餓點了個老水鵝片食住先, 來到原來係熱既, 味道唔錯黠了鴛鴦鍋, 牛肉, 粉絲, 生根, 鴕鳥肉, 拼菇, 生菜, 油麥菜, 鯇魚, 芝士腸, 烏東, 菜肉餃等, 大藍帶做特價$6, 叫左幾支, 6個人埋單每人$70, 勁抵

上星期趁仲凍凍地去食，9點後入座果然抵食到爆(肚)！呢間店very奇，weekdays有乜可能越夜越多人(o_0)！人手嚴重不足，每個waiter/waitress好似要serve好大個area．當你搵唔到你個area個人想叫隔o黎area個人，多數都會扮見你唔到．最多人"serve" 你就係埋位o個下，有2-3人打車輪說你食燒味，勁煩！跟住又"lur"你要龍蝦/象拔蚌餐，話送兩個湯底好抵食咁話．食物OK，但係D蔬菜可以追3-4次，臨埋單先俾！冇錯係平靚正，但係service就真係要好好檢討一下．

前兩晚同同事度連開四席「太子宴」,一共十二款菜式連生果因為做緊promotion,所以逄星期一至四都只係$1488一圍連酒水免茶芥加一.每道菜都煮得好好食,我最欣賞係佢無將貨就價,一樣俾好料你.我本人最唔鍾意食肆呢頭俾減價您,呢頭就俾差你.不過呢個promotion做到1月27日,希望過完年之後佢會再出返類似荀~~

成日去稻香吃晚飯小菜﹐又成日見到人打邊爐。唔通真係咁正﹖昨晚終於第一次去打邊爐﹐發覺配料好普通者﹐全部分28、38、同48元一碟。但係另叫一碟辣椒絲就收10元﹐一隻雞蛋收5元﹐連茶介一的都唔平。配料一般﹐麻麻地新鮮﹐脆鯇魚片甚至唔多惦﹐冇鮮味。湯底料亦差﹐連其他任食的酒樓都不如。我去稻香都係貪佢有卡位﹐坐得舒舒服服。如果要坐中間位﹐重要嘈到死﹐又煙﹐又迫﹐真係搵鬼去。笑下就算喇﹗

咁奈印象中都好似未食過稻香, 知道夜晚9點半後碟碟18蚊, 想試好奈, o岩o岩星期六晚終於有機會喇, 10點几等到11點几大半個鐘先有位, 湯底一般, 肥牛都唔錯, 不過厚左d, 帶子都几好, 至愛o既鱔就唔係好甜, 一碟6塊, 不過都係新鮮o既, 唔太厚又唔太薄, 諗起寧記果d又薄又黃又梅o既都差好遠, 桂花蚌好似雪左好奈咁, 係就係好多, 不過完全冇味, 丸都係冇咩味一粒粒野咁, 分唔出係墨魚定蝦, 仲有其他林林嬸嬸咁不過不失, 埋單人頭百二倒, 咁o既價錢算唔錯都唔expect嘩好好食咁, 過得去, 唯一就係冇生蠔打差d喇, 服務几好, 夠快, 宵夜會再去.

8-10-2004星期五晚上21:45開始等位,22:30先至等到.食物普通,水餃太鹹,牛肉係正中(肥)牛肉,墨魚丸無味.值得一囋係知客姐姐,比人(鵝)咁耐,都面不改容.兩個人三百幾蚊,食物質素應該可以好.

Very cheap to have hotpot after 9pm (just around $60-80 per person), & the quality is good, 雞子is good.<br />

只在這裹飲過茶，點心很好味，選擇也不少，價位在銅鑼灣區算是比較合理，有很多闊落的卡位，側邊有空位擺手提袋，三至六人飲下茶吹下水就最岩。經常都有人等位，有時要等成半個鐘，所以請預早登記，在商場逛逛先。稻香我食過幾間，灣仔近大佛口的那間最差(已經摺埋)，大埔富萊花園的最好，食晏都要兩三天前預約，銅鑼灣這分店也不錯。

一行六人訂8:00pm枱等了大約半小時點了鹵水墨魚,沙薑雞腳,乳豬拼盤,溶口燒腩仔,花膠絲雜菜煲,珍珠菜螃蟹,干片四季豆,豆腐海鮮煲樣樣都幾好味, 唯一雞腳硬了一點.埋單每人$92.5服務ok, 但又係差唔多食哂的野waiters係咁執野想趕人走....

星期六未夠12 noon去到, 到等到一點先有位..好慘....不過d野又好食, 又抵, 難怪咁多人等位....叫左around15個點心, 一窩鮮蝦伊麵... 七個人食左around $420, 有野食剩... =(我覺得最好味係d乜乜餃...蒜蓉魷魚...影左好多相..遲d放上黎... ^^