稻香超級漁港 (已結業)

稻香一向出名既係打邊爐新鮮及好味~今日來到這兒飲下午茶~二個人叫了七籠點心~雖然埋單只是105元~可惜就是他們的點心不夠熱,水準亦麻麻地雖然價錢不貴~ 但我也不會再來的

因為見到佢有４８蚊隻大閘蟹食．．所以星期六晚，就同成班ｆｄ一行８人去食．．．因為我ｂｏｏｋ左枱，所以唔洗等位就入到去啦．．但係．．．一入到去．．．佢俾張４－６人ｇｅ枱我地．．勁迫．．咁都算啦．．次次搵親waiter都要叫３次．．係３次！！之後我地想叫西瓜汁佢話冇..我個ｆｄ話"你地個menu寫有嫁喎..."個waiter冇理..跟住話有其他汁咁...then我地話唔洗...佢就一路行一路話...."唔要就罷,,""嘩...有冇搞錯...之復我地連叫佢幾次收碟佢都聽完就算...then我其中2個fd咁岩就一齊叫"唔該.."之後個d　waiter就即刻衝過泥換．．．．佢一路換一路話"咁大聲...."最後叫埋單竟然係好細聲但係２個人即刻衝過泥ED係咩服務態度呀？！我估唔到係今時今日會係ＨＫ．．仲要係銅鑼灣區會有ＬＯＲ．．．．超級過分！！

一大班人打邊爐湯底要了醉雞同豆腐魚頭煲前者好重參味, 我幾鍾意後者味道幾清, 齋飲都幾好味野食方面, 都叫左幾多, 最好食係羊肉片, 唔太肥, 羊味不錯清清地食左雜菇野菌, 南瓜片, 鮮枝竹等, 都幾鮮甜雞子幾大粒, 雲吞幾有咬口牛展同肥牛都ok試了駝鳥肉, 味道怪怪的; 墨魚丸及其他丸不夠彈牙, 珊瑚蚌爽口但就無咩味, 雞肉質地很鞋餐後試了杏仁糊... 屋企人幾鍾意, 我就覺得味道麻麻地服務同地方不過不失

不經不覺, 去稻香飲茶好幾年了, 但發覺這裡無論食物或服務的質素都每下愈況. 奇柽上市之後, 竟然愈做愈差.叉燒包: 個中式包皮都尚算鬆軟, 但裡面的餡真係好唔得. 只有三四粒連著肥肉的小小叉燒粒, 反而那個半凝固的汁醬沾了大部分. 或者係因為賣得平, 所以將貨就價吧!各款蒸腸粉: 個腸粉皮有時做得幾"削".各式餃類: 又係個皮有時會厚左!奶皇馬拉卷: 做得濕左!(總結而言, 都係水準唔穏定!)比較ok的有: 菠蘿香芋餐包, 流沙奶皇包.所以現在都唔係好想去這裡飲茶了.係, 優惠時段係長左, 但如果食物唔好食, 哪有如何呢?

禽晚約同舊同事, 一圍12個去打邊爐, book位時話分6:30pm & 8pm 兩輪, 我哋坩早放工更係6:30pm 啦!!!去到已好爆場, 咁多人要了兩個豬骨湯底, 叫了肥牛, X鳥肉, 貢丸, 墨丸, 雲吞拼水餃, 油麥菜, 西生菜, 花枝片, 炸魚皮等等, 總之係食到好飽嗰隻...食物都ok嘅, 咁的價錢都不會expect好好, 係d花枝片怪怪哋.....d waiter超忙但叫到佢理嚟佢都好樂意加水, 加豉油, 但有"留"單情况叫汽水, 6,7枝啤酒, 食到差不多10pm, 埋單好抵, HKD1300.每人都係HKD110. 如果對食物無セ要求, 一大班人嘻嘻哈哈都係一個好去處.

其實是想避開午市人最多的時間食飯, 家人2:00pm到達, 5分鐘已有位, 自己10分鐘後到, 雖然無卡座, 但俾咗張中枱我們四位, 夠哂闊落.叫了個菌皇炆伊麵, 蝦餃, 牛肉, 蝦腸, 鳳爪, xo醬蘿蔔榚, 煎魚餅, 糯米卷, 馬拉榚, 糖不甩, 點心都是大路工場製造, 唔會難食但一定唔會係最高水準, 起碼蝦餃就無法做到手製的薄皮而又唔會一夾即穿. 然而整體食物, 環境, 裝潢都合格有餘, 服務則無為優勢, 仍有改進空間, 此乃一貫中式飲食業最頭痛的問題.時下茶樓落單紙硬係有4-5款, 點解唔可以group埋2張, 一張核心品種, 另一張時令/推廣食品, 方便顧客又便於管理,

同班大學同學諗住聚舊搵d新野食. 有人提議打邊爐, 所以就諗左稻香, 貪佢個位置係人都識去嘛. 先講訂位, 果個聽電話既唔知聽咩, 明明同我confirm左, 去到佢話我冇訂到, 原來佢聽錯左, 搞左一輪先俾我地坐. 睇落去同坐落又真係幾逼喎. 好啦, 講食野. 叫左鴛鴦湯底, 個沙爹湯底完全冇沙爹味. 不過d野食都可以, 我覺得d象拔蝆幾新鮮, 幾大碟既. d芝士腸同d波波都幾彈牙, 其實d食物都還可以, 最唔掂既只係個冷氣, 環境同d服務. 如果改善下都可以諗下再番去既

尋日去飲茶. 去銅鑼灣皇室堡稻香. 點心都唔錯. 只係傳菜 d 阿姐多數係國內人仕, 期間送錯點心, 大家 , 阿姐好努力講廣東話, 可惜全完聽唔明, 要找[部長]解決. 呢間稻香同其他稻香 d 職員 有別. 皇室堡稻香 d 職員大部份表情 , 尤其門口位 , 好似做又 36, 唔做又 36 咁. 我地未必會再去.

無去過銅鑼灣店, 今晚九點後去試下. 坐低叫了啤酒和海浙. 飲住酒慢慢先叫野食.....點了象拔蚌加湯底餐 $228, 揀了海底椰竹絲雞湯底. 火鍋料有手切肥牛, 帶子, 墨魚丸, 牛骨髓, 雲吞拼水餃, 油麥菜, 豆腐.墨魚丸不夠爽口同有太多馬蹄. 雲吞和水餃內的豬肉好硬, 不新鮮. 豆腐有點怪味. 其他的都只是一般. 平時打邊爐的湯底到最後應該濃味好好飲, 但這個卻不是, 只是淡淡的....有點失望.最離譜係個象拔蚌, 等左好耐都未有, 問左店員, 催左兩次, 黑衫的店員都只是點頭, 又無去跟進. 最後再問另一店員, 才說象拔蚌賣哂了. 跟住她還請黑衫店員為我們取消這項. 可是到埋單時, 象拔蚌又計了在內. 計多了我們 $160 ...... 所以大家記住要 check 單啊.

八點五十五分上到去稻香, 企在一陣, 開始入座, 我地前後等左5分鐘左右已經有得入去坐低叫野食~ 4個女仔, 叫左12碟野食, 一支蔗汁, 要左個鴛鴦湯底~ 未開始食, 有好多調味料俾我地自己慢慢搞, great! 最鍾意ge有肥牛, 芝士龍蝦丸拼芥辣墨魚丸, 雖然我D朋友話芥辣配墨魚丸好怪, 但我覺得OK... 其他ge我地都係叫左D普通火鍋配料, 出面都係咁ge味, 無乜特別...服務唔錯, 一有空碟, 轉個頭就有人黎收, waiter又自動自覺加水, 唔使三催四請~ 食到超飽, 我飽到好似食完自助餐咁, 都係每人$80(唔知係咪我地四個都係女仔, 比較細食)

睇左OPENRICE咁耐, 都係第一次寫食評~今晚同男朋友去了稻香打邊爐其實之前睇食評都知道呢間既火鍋唔錯同埋我倆九點後入座, 火鍋配料價錢都係$12或$28而且大部份都係$12碟, 份量都幾多下好欣賞佢有成盒鼓油配料俾我地加多D鼓油度, 落多落少, 視乎你既口味我個人覺得除左辣椒外, 加D生蒜蓉落鼓油度係好味好多!!D鼓油既味道好似由咸變左少少甜咁....味道好正個豬骨湯底幾好, 好足料, 咁先夠味道!全場最好食既係手打芝士龍蝦丸 ($28碟)唔似得旺角X雞商場間酒樓既芝心牛丸....芝士勁少呢度既芝士比較多....而且有醬爆FEEL!!咬一下粒丸D芝士會漏出黎, 真係好鬼正!下次再幫襯都一定係食佢!!至於其他火鍋配料都不過不失!! $12黎講, 質素都叫做好!雖然最後埋單$255....但係我地兩個叫左太多野食....(因為碟碟都幾多下)食唔晒........所以下次叫野食都係要量力而為....唔駛浪費食物佢有一個好處, 就係淨收醬油錢, 唔收茶錢, 收加一....所以全程打邊爐都係飲水.....不過佢另外有涼茶, 橙汁, 庶水等俾你叫....OVERALL, D 野食黎得好快,

是日叫了蘿蔔糕(唔係好掂,凍冰冰)蝦餃ok喇, 排骨飯, 呢個就唔錯, 仲布上素腸粉(好好味)埋單$96,都可以再光顧, 但要小心挑戰食物. 阿姐服務態度ok喇, 做野都好快手.

今日和家人來此飲茶叫了八樣野但大部份是凍的！！我諗佢地只係叮番熱d野xo醬蘿蔔糕、腸粉、餃子全都是凍的..好失望以後唔會再來！比較好的有盎飯和饅頭仔

婆婆生日,由大舅父打點,因為方便婆婆,他在這裡定了兩圍,幾錢一圍就不太清楚,但以菜色來說應該不便宜,先來上湯龍蝦伊麵~幾多龍蝦,用上湯無芝士咁膩,伊麵都食左d,撈左上湯幾好味,但要留肚食其他,乳豬~好脆,唔錯炸蟹拑~因知老公鍾意食,俾左佢,佢話好食西籣花炒珊瑚蚌~珊瑚蚌爽口,西籣花就硬了點翅~一向無咩興趣,俾埋老公,佢話味都ok,係翅少d蒸東星斑~蒸得剛好,好滑,d豉油好好味鮑魚扣花菇~只食了花菇,好入味,鮑魚給了媽咪,因佢喜歡食,雞~到這度菜已8成飽了,只食了一舊脾位,好滑,炒飯同餃子一起上,沒吃飯,吃了餃子,個湯好味,餃子都幾好壽包~唔太甜,啱我,另外原來橙汁,汽水,啤酒係任飲的,眼見男士們都乾了不少,哈~我都飲左三杯.........橙汁^.^食物不錯,服務不差,大家都好開心盡興,婆婆年年有今日,身體健康!!

Went there on a Friday evening last week, super packed and couldn't make a reservations, but we went early and was able to secure a table. Overall I have to say service was mediocre, but for the price we paid it was very reasonable. (I think it came down to less than HK$150 per head) for 4 of us. Tables were rather cramped, I think the 4 of us were sitting in a 2 person table and we didn't have any space to put our food! I think the waiters and waitresses were simply overwhelmed, they were try