稻香漁港市集 (雅蘭中心)

营业中

休息中

這兒的下午茶不多人，易有位。菜肉飽不錯，飽不乾不硬杏仁茶不明所以，面層有光亮的油，但不太甜。櫻花蝦薄罉真太薄，韮菜和櫻花蝦亦不多，最多是紅蘿蔔吧了，味道還可以。海龍皇腸粉盆，故名思意，饀料都是海鮮，共有四款海鮮，分別是飽片、元貝、鮮蝦和班片。理應每款兩件吧，不過這碟未知是否人為錯誤，缺少了元貝的一款。飽魚預了袖珍，蝦是比少的大一點，班片大件也滑，最滿意！

公司話去食圍餐。有獎金去食訂左2圍。收工10點去到。入到去環境幹浄舒適。5錯。上菜快。侍應都快手快腳。幾nice。講下食物質數先。咦。我覺得㡬好食喔。如龍蝦伊麵。好新鮮D肉。條魚亦好滑。整餐飯性價比很好。下次再可以聚下。試埋打邊炉

新春雲霧為大地塗脂，陽光為人間升溫，初七人之誕辰，春饌賀慶。紫花白石耀金塘，花是紫芋，略為硬 ; 石是龍躉肉片，在濃湯浸泡下，略為咸。名為「翠帶濃湯」，蟲草花未如海報排列為帶狀，反而像花簇。雲耳最好味，盡吸菜，肉，藥三者精華。濃湯應泡煮齋菜，不宜煮海鮮。龍躉之另一餸是「紫茄香蒜蒸頭腩」，特色是有兩大條紫茄片墊底，吸納了龍肉之脂華。龍躉兩味只賣138元，是通縮價格，這次的龍躉腩特多脂肪，骨膠原漲爆。但亦未如海報有帶狀蟲草花。春饌之主軸是清淡，中和農曆年的豐脂，多用植物，配合萬物之滋長時節。「金鼎雲萊素燴」是齋舖之風格，以金瓜為盛器，金液瀉碟，與之呼應，佈局如畫，是看得到的味道。雲是雲耳，萊字令人聯想到蓬萊仙境。清清淡淡，好好味味，雲濃蓮甜，百合爽鮮。燒鵝是全年供應，只是特價罷了。其餘兩餸分別是濃酸和辛辣，沒有挑選。代之為香葱廣島蠔和蒸元貝。廣島蠔先酥炸，再回鑊以薑葱爆炒，不用花100元，嘗了兩種滋味，是誠意之作。蒸元貝很大隻，粉絲最滋味。湯是「黑蒜響螺燉老雞」，很大煲，但沒有響螺的鮮甜味。不咸，無味精。價格有競爭力，色相討好，令人春心動。

1. 客人係香港人，茶樓侍應姨姨 本身都係講廣東話，仲係咁對住我地講普通話～從頭到尾我都係用廣東話應佢噶噢。 攞茶俾我地仲要係dum過黎，串到不得了。2. 我地係叫咗兩種茶 ，但要我地沖埋一齊，我覺得好奇怪，跟住睇真啲先發現兩包茶係同一種黎既，真係好亂黎，初頭問佢點解兩種茶沖一壺既，仲要話，係咁噶啦。3. 之後好再有另外一個侍應姨姨幫我地處理，話係攞錯等等。食物方面幾好，但服務上邊因為個別原因就成反比，唔尊重 又求其，好亂來呀。

同屋企人食飯，最好就梗係去酒樓啦！由於係平日嘅關係，酒樓都會有一啲特價嘅小菜，會比假日抵食好多！一入到黎嘅時候，見到差唔多每一台都有叫呢隻雞，坐低嘅時候見到原來係做緊特價，$68/隻，見其他人隻雞都燒得幾靚，所以都叫咗一隻！隻雞上枱嘅時候已經聞好香既燒雞味，酒樓仲會提供一對膠手套同鉸剪，應該係比其中一位將佢起肉再大家一齊食，隻雞唔算好大隻，雞皮脆卜卜既，雞肉醃得好入味，味道好好，肉質都滑同埋有肉汁！但係唯一嘅唔好處就係太快凍哂，d雞油同汁凝固左係個碟度，建議要快d食哂！金銀蛋菠菜，份量一啲都唔小，用料十足，個上湯整得好好味，唔會太咸，仲有鮮甜嘅味道，菠菜配埋上湯咁金銀蛋，味道配合得天衣無縫👍🏻👍🏻$68係酒樓食到咁大條魚真係好抵，平時冇百幾二百蚊肯定叫唔到，果皮切到好細，再加埋蒸魚豉油，拎嚟撈飯，食到果皮嘅香味！蒸魚汁撈飯真係好好食！至於條魚係新鮮嘅，肉質都滑，但係就蒸得唔係好夠熟，仲有好多魚肉黐住係個魚骨度！最後就係花膠瑤柱炆豆腐，瑤柱只係見到有幾條仔，花膠嘅份量都算多，但係花膠食落好硬，唔多好食，配菜仲有翠玉瓜同雜菇，成個煲都幾豐富，醬料既味道都控制得好好！成餐飯嘅餸菜都好滿意，希

今日朋友約左旺角雅蘭等，話想飲茶，甘旁邊就望到呢間酒樓入口，所以就上左去呢度飲茶食嘢😀原來呢度都幾多種類食物，隨左有點心，燒味粉面，火鍋，有茶樓既一般食物外，仲有泰國嘢食🤔🤔泰式鳳爪——-味道ok，但不夠辣，吳鐘意搵好多粉絲放係底，粉絲多過鳳爪，同吳夠配菜，例如加反多D芹菜洋蔥會好味D，用芹菜洋蔥放底，味道仲配合，夾埋一齊食會好味D，好過放粉絲，成碟粉絲無食😰腐皮卷——-炸得都夠熱夠脆，味道👌蘿蔔糕——-味道一般同煎得吳夠燶🙄煎腸粉——-味道ok，如果煎透D會好味D😅薑醋蛋——-未夠入味，豬手如果時間耐D入味就會好食D，但D薑就太老，好多根，蛋就夠味好食😰擂沙湯丸——-最差係昵個，咬落口D粉淋pat pat，一D口感都無，入面既芝麻味道就ok，我同朋友一人食左一個，剩反果兩個都無食，因為吳好食😫🙈🙈

老實自從佢N年前上左市之後好少幫襯，因食物水準插水式下降， 廚師交行貨，但這店令我改觀。當晚吃左兩碟龍躉的菜色，大大碟，材料亦新鮮，真係自己煮也不平宜，也不一定好食，這裡吃不貴很多，又乾手淨腳。先說煎 龍躉扒，冇骨大大件又厚肉，没煎過火， 啖啖肉口腔佈滿油香， 吃得痛快 過癮。$148價錢合理。龍躉骨腩煲，$138平少少，但骨多肉少，雖然都香口鮮味，但都係啖啖肉滋味啲！下次試下炒球，見人大大碟， 伴菜的西蘭花好多， 慳番唔使炒碟菜。南乳吊燒雞質素普通， 冰鮮雞預咗啦， 好彩都新鮮有啲肉汁。 200蚊貴過食龍躉， 但一般公價都係咁上下，收貨但不會再叫。豬腳仔反而有驚喜， 48蚊算大大碟， 鹵水汁有一點點花椒嘅香味， 不尋常但絕對有提味效果。豬腳仔亦嫩滑可口， 下次再來必定會再叫。

相信係稻香飲茶，食物質素都會有返咁上下保証，2點開始下午茶時間，未夠2點已經有人等位，但唔算太多人煎釀雙色椒用紅椒黎做煎釀食品比較少，而我個人其實唔太鍾意食椒類，但呢個煎釀雙色椒好好食釀入去既魚肉好飽滿，完全冇腥味或者好碎既魚骨，不得不讚既係佢個椒既辣度適中，個椒食落去仲有椒既甜味👍🏻👍🏻，新鮮煎出黎食落去仲有少少辣口，唔會煮得太硬或者太腍！燒腩仔併燒鵝飯媽咪突然間想食燒腩仔，就叫左個雙併飯燒鵝個皮係脆既👍🏻，但比既位置骨較多，同埋呢隻鵝都幾肥😂😂，見到佢層脂肪都好厚，雖然係咁，但冇影響到佢既味道，咬落去會食到好香濃既醃料醬汁味，真係想骨都「損」埋燒腩仔肥瘦度適中，個皮都係脆卜卜既，味道岩岩好，唔會太咸！再黎就係义燒包，餡料比較少，但味道都可以既最後就係蝦米煎腸粉，外面煎到脆卜卜再加埋甜醬同麻醬，好味，如果腸粉再滑d就更加好總結食物係好食既，但由於冷氣開得太勁，食物放一陣就吹到凍哂影響左味道🥺，服務態度都係有待改善

很久沒有逛旺角，平時揸住車出嚟永遠沒法揾到位泊車，旺角街上人真係多，行兩行已卻步，直接揾間餐廳算，剛好行到雅蘭中心，跟住人群行呀行就見到稻香，整定。因只6點半尚早還有大把位揀，帶位姐姐循例問火鍋定小菜，我兩一齊答小菜❨好有默契❩我好快叫晒餸，泰式原隻魷魚❨$58❩，魷魚肉爽脆，個泰式汁好味，但略咸。片皮乳豬半隻❨$98❩, 個餅皮太乾了，要求侍應換過都一樣，配菜有啲求其😑蛇羹❨$138❩ 個羹太杰身好似漿糊咁，唔似有蛇肉，唯有加啲檸檬葉去掩飾下, 但可惜啲檸檬葉絲太少，而且部份已變乾，好差😑豆苗❨$88❩ 好多油，炒得都幾差😑因間間稻香都唔同廚師，煮功有很大參差，出品水準不同。我早前去青衣城嗰間食完大家都贊，誰知今天嚟呢間有咁大差別，大打折扣。希望呢間稻香有所改善，不竟旺角遊客多，影響的不止品牌，還有我們香港美食天堂這美譽😑

🦑大型海鮮酒樓所謂港式口味，是指1960年代，香港人開始有本土身份認同，當時所吃的口味。有點兒戀殖，西化。真正的古早味，是漁人碼頭風味。因真正的香港原居民，據開埠人口統計，最多是蜑家人（艇戶，水上人）。香港前期是漁港。香港人對其的親切感，表面上不及廣州文化，客家文化，圍頭文化及英國文化。其實，香港人是有「漁民」基因的，故十分喜愛吃海鮮 : 老人家喜愛吃蒸魚，中男喜愛吃蒸魚，女士喜愛吃魚生 ; 火鍋，蒸鍋流行亦與年青一代港人喜吃原汁原味的海鮮有關。幾大菜系少有嗜吃海鮮的，有的多是吃河鮮，湖鮮。香港的粵式海鮮煮法，與西班牙和意大利大有不同，是可以獨步天下，可以發揚光大。此集團最新搞作，是開設真正的「漁港」，與以往的「漁港」系列完全不同。此間可說是海鮮酒樓的概念店，旗艦店。與樓上的同集團酒樓，有雲泥之別。宣傳不多，我路過才發現，覺得其拓展路向甚有睇頭，來試嚐了很多次，由仲夏食至深秋，現作近半年試食報告。回想七月，晚上6時前來取電子登記，發現其整潔程度，大有進步 ; 佔用全層面積，似昔日全盛時期的酒樓那麼大。裝修新，卻無獨特風格，不是懷舊漁村式，亦無「市集」設計作為點題，更不是豪華式裝修，以招

今日下午同媽咪出旺角，行咗一陣之後媽咪話好想飲茶，然後我哋就去咗稻香漁港市集，都已經有一段日子沒有到稻香飲茶， 一入到去環境靚咗好多，下午茶時間點心好抵食， 仲好容易搵到位。一坐低侍應好快就送上普洱茶給我們， 我們點了片頭灼西生菜+ 頭抽鴛鴦椒(下午茶孖寶 $23.8)， 銀絲滑雞卷$10.8，牛肉球拼鯪魚球$10.8， 原籠馬拉糕$10.8，蠔皇鮑魚燒賣$23.8， 燒鵝瀨粉$22.8，埋單加一和茶價$135， 好抵食啊！片頭灼西生菜，西生菜新鮮，魚片頭爽滑彈牙好味！頭抽鴛鴦椒，青椒好辣反而紅椒冇咁辣，不過太油膩。銀絲滑雞卷，味道普通。牛肉球拼鯪魚球， 牛肉球大大粒味道唔錯， 鯪魚球冇腥味。原籠馬拉糕， 熱辣辣又軟淋淋好好味！蠔皇鮑魚燒賣， 雖然鮑魚細細粒但係賣相都幾靚， 燒賣肉質新鮮。燒鵝瀨粉一般。總括來說地方舒適， 但是服務質素需要改善。

今日飲早茶嘩，原來裝修得咁靚啊，好耐無來，高級左好多蠔皇鮮竹卷：材料豐富，味道濃郁鹹魚雞粒飯：好香梅香鹹魚味，撈埋雞粒，又香又好食原蝦燒賣皇：蝦不新鮮，雪蝦味重奶皇包：熱辣辣，不夠流心香茜叉燒腸：叉燒大大粒有嚼口，腸粉不夠熱都有多款點心泰式點心和小食都有得食惠滿300元有一款$1元餸選擇

今日出旺角四圍行，同男朋友行街最鐘意飲茶。因為食點心吾洗煩，中意食乜點乜！呢間稻香新裝修，風格完全吾同，好光猛又有大魚缸。茶具都吾同。不過一睇之下，點心貴啲。無下午茶優惠點心，跟平時既稻香有分別！就係貴小小啦！不過吾知係咪新開無幾耐。我地嗌左6個點心，得4個有，其他都賣哂，又無職員講聲。坐係度等其他野食哂問先知原來無。🤷‍♀️牛肉球：一籠有4粒，有肉汁都算大粒，幾好食！平時通常得3粒。呢間可能貴啲有4粒馬拉糕糯米卷：馬拉糕太甜，糯米卷我一向吾中意食，所以吾知櫻花蝦🌸薄橕：好食，薄薄一片吾會太厚。又無煎得太燶。食落吾會太油。櫻花蝦都好多。好食蠔皇鮮竹卷：好食。啲汁吾咸。熱辣辣，入面包住雜菜同肉同蝦。好味不過旺角飲茶真係好多人。好迫

揾食先峰又出動，今次來到開幕才十一天的稻香市集。因為未有太多人知道的關係，來到完全不用等位。放眼四周，完全是新装修，新燈新櫈新枱新杯碟新地毯，連廁所都又新又大又多格.......飢腸轆轆，未等齊人都已經先拿起菜單看看，都有很多選擇，包括有多款套餐及散叫菜式，服務員三番四次游說我們選套餐，但作為精明的消费者，當然會比較一下，其中有些套餐，價錢加起來不一定比散叫便宜，所以最後我們都不為所動，一於散叫，點了海味雜菜煲，大澳蝦醬骨，乾煸金蒜蝦及通菜。四個都很好吃，其中蝦醬骨又咸又香，但如果伴碟的由粟米片改成炸蒜片會更好，雜菜煲足料湯濃稠，金蒜蝦還連氣爐整煲上，在枱上即席烹煮 原本還想點冬瓜盅，可惜已經售馨 (真的假的？還是根本没有？)四個人四個餸剛剛好，飽餐一頓後，趕回家睇波去，買單走人!