稻成 (新城市廣場一期)

营业中

休息中

疫情下，小出街食飯，喺新城市見到廣告牌見到開左新分店, 去得一定食酸菜魚（雖然廣告牌上寫好吃不止酸菜魚），大約2點鐘左右過了繁忙時間。 餐廳接待員姐姐有禮（帶左口罩是感到笑容的）, 待應生姨姨推介二人午餐。 點心小籠包的肉質較乾, 一口咬也沒有多餘的肉汁流出...香辣花菜又炒得幾好食，送飯一流，微辣蒜泥白肉卷蒜香濃郁, 肥而不膩既五花肉主菜酸菜魚選擇了中辣（其實我下次一定叫大辣😂🤣）但其實食酸菜魚係食酸...但個人口味因人而異用蠟燭暖住酸菜魚，不錯的念頭😂🤣飯都食唔哂高力豆沙外賣咗返屋企味道不錯不會太甜環境不錯地方都好乾淨同埋職員都好有禮貌愉快用餐🥰

21/4/2021 星期三，我哋三人行，好耐冇嚟沙田了，大家都想食酸菜魚，嚟到新城市廣場，見到這間「稻成」以酸菜魚做推介，咁就一於試吓喇。侍應們好nice，介紹我哋叫二人套餐，而酸菜魚仲可以走辣，啱我😊套餐揀咗：小籠包，夠肉汁。蒜泥白肉卷，用白肉包住青瓜，夠晒爽口！酸菜魚（走辣），大大鍋，好多魚肉，酸菜魚湯撈飯，好正。火腿奶油津白，好味。豆沙鍋餅，不太甜，好食。另外，見到餐牌有 北京片皮鴨，由於好耐冇食，今日就叫一隻北京片皮鴨，滿足一下啦！皮脆肉嫩，好食呀！仲有，孜然手抓排骨，又好吸引喎，一碟有3條，剛好一人一條，忍唔住，加埋這一款啦😋最後，食過豆沙鍋餅之後，又心思思想食埋 高力豆沙，因為這兩款甜品，係甜品孖寶，不可缺少。餐廳環境舒適，侍應們好友善，招呼周到，今日好好享受了一頓美味午餐，大滿足！

復活節假期來到等位已經七點幾！真係似與其等咗差唔多一個鐘！入座後每個待應都sell個餐牌套餐!一家四口普通家常便飯，望個餐牌加埋一都要$2000！而且啲內容都唔係話真係咁啱食！立刻Say No!今次叫咗馳名酸菜魚$238，仲加埋薯粉$28非常超值！另外叫咗雞絲粉皮，皮蛋，咕嚕肉，蟲草花炒翡翠苗、小籠包、銀絲卷同澳洲和牛炒飯！當中個炒飯我覺得係必點！份量適中！而且質素唔錯！雖然唔知係咪真係咩澳洲和牛，但起碼食落有口感！個人覺得酸菜魚同呢個炒飯最出色！其他都普普通通！唯一個皮蛋嗌咗有啲後悔，非常之少！唔知點解有舊木要你鐘碎！咁咪一劈野冇得食囉😌

點了套餐人再加餸四人餐，四個人食都好豐富，好豐富！2點心2前菜2主菜1雲吞雞1炒飯1菜1甜點酸菜魚遇上油炸鬼酸菜魚普通辣平時不食得辣既，都食到魚肉滑，份量多油炸鬼脆而不油👍🏻👍🏻配上酸菜魚汁是相配的黃金蝦球金沙滿滿脆口而不油好好味！花膠雲吞雞食到👅👅一般雲吞雞已有膠膠地口感加埋花膠真係不得了飲過最好飲的雲吞雞湯雲吞肉滿，不錯👍🏻黑蒜牛肋骨（另點）好大條骨，亦很多肉牛肉與骨膠原接近七三比例和牛炒飯不像和牛，普通的豆沙窩餅餅薄香脆整體用餐體驗很好！會再次來的。⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有膠板相隔

星期五太多人排隊 等左個半鐘都食唔到特登星期日早小小黎攞飛 終於等左30分鐘就食到每枱都會有一盤既收費前菜香炸蝦膠藕片: 非常油 唔太推介呢個 酸菜爐魚 外加左28蚊薯粉: 味道夠酸辣 薯粉是較幼身那種 都算值得一試辣子雞: 雞粒細小 份量都少 而且不夠辣 以138蚊黎講 cp 值都幾低最後以561蚊埋單 老實講呢間餐廳菜式只屬一般🙈🙈 如果係要排隊等1個鐘以上 應該就唔會再黎啦唔知道係餐廳太忙 定係員工新手 全餐飯 員工都出現過幾次大頭蝦事件🙈🙈落單 加水 上菜都試過去左隔離枱 行過又試過唔小心撞到張枱 臨走時仲聽到職員唔小心碌左隔離枱張信用卡兩次🙈

一入去話有bb就問使唔使要乜要乜仲安排咗個包廂位坐服務不錯。仲送咗個小玩具比bb玩幾好。叫咗個二人餐加隻片皮鴨。紅油抄手。唔辣。都幾香。塊皮唔多唔厚。不錯。蒜泥白玉。少少辣幾惹味包舊青瓜幾refreshing前菜醒胃。小籠包。皮薄但唔會一夾就穿。有湯汁。熱辣辣。不錯。一隻片皮鴨。皮脆唔會太肥膩。十分香口。底層鴨肉唔會好鞋。一塊包皮一張紙唔會痴到爛晒。都係薄薄一片。幾好食。蟹粉豆腐芋頭煲。唔算多蟹肉。無乜蟹粉香味。芋頭都粉嘅。可以。魚肚羹。有金菇絲。腥腥哋。因為無咗餐嘅羊肚菌螺頭燉雞湯轉。所以not good奶油津白。有奶油味。滑滑地配埋娃娃菜。正。可惜份量唔多。最後甜品高力豆沙。唔夠糖粉。唔夠豆沙。食到面粉原味。總結片皮鴨係不錯的。二人餐就可以再諗諗先叫。咁樣都夠四個人食。只能說這是片皮鴨的威力。

年初四嚟食個午餐，出門口就經商場app排隊，時間岩岩好，直接入座，安排左梳化位置俾我地，環境舒服，可以坐得慢慢食，另有種BB 椅，方便小朋友。先嚟餐前小食我地兩個大人叫左以下食物，樣樣都係水準之作，特別係抄手，真係好好味。辣度適中小籠包皮薄多汁孜然手抓排骨，有俾埋手套，食既時候就唔會整污糟手啦澳洲和牛炒飯，醬油係屬於甜甜地，炒得乾身，口感不錯。整體用餐感覺良好，可能樓底唔算太高，隔離台傾計傾到興高采烈，好嘈吵。

今天我和家人去了大埔海濱公園欣賞花展，回程的時候便來到沙田新城市廣場吃午餐，由於家人比較喜歡吃中菜，所以我們最後選擇在這間餐廳吃酸菜魚No.1【稻成酸菜鱸魚(走辣)】$238雖然酸菜魚可以選擇辣度，但其實正宗的酸菜魚最多只能選擇「少辣」而已，但這裡竟然可以選擇「不辣」的酸菜魚，感覺上就不太正宗了。但即使如此，由於我們不太吃得到辣，所以依然點了這份「不辣」的酸菜魚，想不到味道十分出色之餘，更別有一番風味由於我們選擇了「走辣」，所以酸菜魚上是沒有任何辣椒、泡椒，取而代之是黃色一片片的東西，以及大量酸菜雖然沒有了辣椒，不會有麻辣的口感，但是它的湯底卻帶有濃濃的胡椒氣息，所以味道其實依然有點「少辣」，至於酸菜的味道亦十分濃郁，令到每一口魚肉都酸酸辣辣的，而且肉質也非常緊緻和嫩滑，最適合我的口味之餘，更是我品嚐過最美味的酸菜魚No.2【稻成小籠包】$48雖然小籠包是即叫即蒸，而且內裡的湯汁十分鮮甜可口，有滋有味，可惜豬肉餡料的質感卻有點粗糙，一點也不柔軟嫩滑，所以整體味道只是一般而已No.3【瑤柱芙蓉賽螃蟹】$128賽螃蟹是著名的北京菜，但材料中卻沒有一絲蟹肉，最主要以蛋白模仿蟹肉，「賽」是「媲

我哋見無乜人排隊就去試吓，媽媽又鍾意食小籠包，所以就試吓。到叫嘢食嘅時候，個店員好似唔係好耐煩，我叫咗一樣野想翻去另外後兩頁再話佢知要咩時，佢就話叫住一樣先？一陣再叫？（因為未翻到想去嗰頁，佢等咗幾秒）我話仲有其他喎。佢就再落單。到啲嘢食嚟啦，先嚟咗醉雞再到紅油抄手，佢拎住碟紅油抄手講：「放喺邊？」其實張枱唔係好大，你問我放喺邊😂咁我哋就話有位就放就得。之後再嚟嘅嘢都係好似想我哋接住啲食物咁🙈有啲奇怪。嘢食係好食嘅，不過服務態度要改變下會更好。個雞絲粉皮啲粉皮好碎😂😂

復活假前一晚與友人一同光顧稻成，因每檯限時90分鐘，6時後不能預約，所以6時多到達還是要等到7時左右才可入座，不過等的人也不少，事實證明確是值得等待。餐廳環境像樹林一樣清新舒適，正在煩惱點甚麼時，侍應阿姨熱情地向我們推薦餐廳4人套餐，套餐項目可選自己喜歡的食物。各道菜都很有特色，個人最愛金沙蝦，粉薄蝦很熱很彈口，味道濃郁；涼拌海蜇頭很爽口，醋味剛好；半份片皮鴨份量不多，醬料加配菜熱呼呼吃味道甜甜酸酸非常好（友人忘記把皮與皮之間的紙拿走😆），小龍包都不錯的，一定要在熱的時候吃哦！其他食物沒有特別印象，畢竟這餐上菜速太快，90分鐘內吃完所有東西實在有點吃力，食物高質環境好，服務態度收碟速度都很好，唯一不足真的是上菜太快，餸菜都堆滿桌根本放不下，卻還是繼續上菜，我們也吃得很急。當然可能我們只想著試不同餸菜卻忘了90分鐘實在不宜慢吞細嚼吧。不過稻成食物質素很好，侍應阿姨給我們卡片說下次光顧會送甜品，這家絕對值得再來哦！

Super lunch - new town adds some new restaurants are pretty nice 😍 the presentation is delicate and different which revive the common dish - sour and spicy fish.The taste is yummy 😋, as lunch $188 each fairly priced can ate giant grouper, it worth again.新開的川菜 - 味道不錯、環境不錯，誠意讓大家感到驚喜了。食飯嘛！賣相相當重要😍

每次經過稻成呢間新菜館，好奇點解咁多人係門口等🤔？？終於假日去食晚餐，由於6點後入座係無得訂位，所以都要等咗約一個小時先有位🥱。一睇menu有我至愛嘅“紅燒肉”，茶樹菇跟紅燒肉＋醬汁好夾好送🍚，肥瘦適中，大家都話好味。因為紅燒肉太好味已食一半先記得映相😜。而雲吞雞啲雞肉好滑及湯好濃，足料👍跟住就係主打菜，佢嘅酸菜魚啦！我好少食呢款菜，因怕好辣但一試又唔係噃！其實因個人口味選擇辣度嘅啲魚肉好滑加埋酸菜又好夾，值得試🤩整體嚟講，抵佢咁多人嚟食。現時少有咁有水準京川菜。

第一次食稻成系約咗朋友去沙田食午飯同行街，好耐都無去過，見到新開左好多食肆，唔知揀咩就上OpenRice 揾，見到一間新開嘅酸菜魚，就決定試吓，去嘅時候沿途見到幾個廣告牌，好期待，去到環境優美，比人一種好舒適嘅感覺，但係上次忘記影相所以冇寫食評，今次決定再去食，門口接待員依然笑容好親切，入到去，仍然見到好多人食，幾乎滿座，每人枱上都有一盤酸菜魚，到落單，有個姨姨過嚟耐心向我哋推介，最後叫咗酸菜魚，油炸鬼，片皮鴨，蒜泥白肉卷同高力豆沙，先到涼菜蒜泥白肉卷，味道難忘，開胃，配白飯一流，到酸菜魚，一啲都無令我失望，魚好滑，再飲埋個湯，都系好開胃，酸度同辣度啱啱好，加配左油炸鬼，有啲失望，表面香口，裏面太粉，值得一讚服務員好細心用蠟燭一直幫我地熱住酸菜魚，片皮鴨，因為人少嗌左半隻，雖然等嘅時間比較耐，但皮算脆，肉香，醬料好好食😋最後甜品高力豆沙，推介，因為唔會太甜，太溜，外皮鬆脆，但本人認為豆沙份量可以多啲，雖然食得好飽但係真係忍唔住食埋去😋埋單嗰陣，服務員好窩心甘問我哋食物質素，傾偈，聽我哋意見，態度好好，令顧客有種溫暖嘅感覺。價錢中上，但食物算係岀色獨特，喺香港好少揾到，會再次幫襯。

糖醋骨好似隔夜咁，酸菜魚配料少份量細，高力豆沙高糖粉好少... 失敗... 埋單張單又打錯，要等勁耐，但亦冇改單... 啲食物水準質素差，但價錢唔平，職員服務態度麻麻地。不停推銷食物，成日騷擾客人

馬鞍山爬完大金鐘下來跑到沙田吃晚飯 小夥伴說這家的酸菜魚不錯(我的香港朋友真的都比我吃辣的多啊🤣）來了發現竟然標榜是上海菜 果然也是改良了很多 蒜泥白肉是甜的 抄手不錯吃 但sauce也有點甜 是還ok啦 蠻好吃的不過價格也是在國內可以吃個幾頓了哈哈