稻成 (新城市廣場一期)

营业中

休息中

我今日難得去沙田，約埋幾個朋友點知周圍都爆場行吓行吓見到有間幾得意嘅餐廳係食酸菜魚，睇埋餐牌都覺得唔錯就決定入去一試餐廳環境 真係一流，會將枱之間都唔會太迫，行小清新風格10分乾淨，幾適合一班人傾偈食飯服務員介紹咗個二人餐俾我哋食基本上所有招牌野都有例如酸菜魚小籠包甜品甚至口水雞都有環境分數係比食物質數高不過有讚賞當然有野要彈下食酸菜魚咁開胃當然要叫幾碗白飯冇諗過計數果時先知30蚊碗…分量又唔係特別多…所以呢度有少少扣分

約舊同事聚舊，呢服務好好，有溫馨提示都幾細心，食物味道都ok，個酸菜魚幾好食成條魚骨上切片，下次要試下個片皮鴨，其他食物都算唔錯，環境好好，又唔算好逼，會有下次，

今日突然好想食酸菜魚，所以同咗媽咪嚟稻成食lunch😙我哋到嘅時間比較早，所以可以坐喺好舒服嘅卡位😌一坐低店員就放低花生同豆，係要收$28前菜錢嘅，如果唔想要就及早同店員講喇😄花生就正常，豆好脆口，甜甜地幾好食😋媽咪叫咗個四川擔擔麵 ($78)🍜估唔到食落都幾辣，我諗有接近譚仔二小咁辣😂😂啲麵好煙韌，幾有咬口😆不過我個人口味覺得花生味唔係好夠，店員話落單時可以多花生味，下次試吓先😆之後就到重頭戲，稻成酸菜鱸魚 ($238)🐟我哋加咗辣，但辣度都冇擔擔麵咁辣🤣佢酸同辣味都好突出，放埋一齊都好夾，係屬於幾濃味嘅酸辣，不過如果啲魚可以再入味啲就好喇～我覺得魚塊都好滑，冇咩骨，亦冇咩怪怪嘅泥味，份量亦都算好多，入面仲有好多酸菜添😌我哋仲加咗$28嘅薯粉，索埋啲汁真係好正🤣食飽之後個口真係好辣，所以叫咗碗五彩芋圓冰粉 ($58)🤤上面好似有啲三色豆同煙肉咁😂其實係芋圓同埋山楂餅嚟😳呢個配搭真係好特別，加埋啲花生芝麻，令呢個冰粉多咗好多層次，即刻解哂辣🤣另外想讚吓嘅係店員大部分都好有禮貌，令我今次食得好開心😌

同小學同學敘舊, 諗住搵間企理啲嘅餐廳食餐飯, 結果發生下便嘅事情.早一日(7月15號早上11:30)已經打去訂位, 食飯當日(7月16號下午12點)有職員打嚟Double confirm.食飯當晚準時7:00入座, 我哋一行五個人(四大一細) 叫咗個四人餐, 我哋被安排坐一張四人枱 (相對鬆動的).< 問題 >1) 四人餐總共10道菜, 食到8:00嗰陣時, 明明張枱已經唔夠位擺餸, 職員仲係咁send啲餸落嚟.上菜個職員都尷尬啦......2) 食到一半嗰陣時(大約8:00), 職員已經將高力豆沙送埋上嚟! 當時我哋連個酸菜魚都係啱啱開始食, 枱面仲有砂鍋雲吞雞....當時屋企人已經覺得好奇怪, 主菜都未食完, 甜品已經送埋上嚟! 結果我哋叫職員攞返走個甜品先! 3) 酸菜魚原本有蠟燭放喺底保溫, 上菜職員擺低咗盆酸菜魚就走, 食咗大約15分鐘之後, 另一個職員先主動走埋嚟問使唔使幫我哋用蠟燭整返熱啲酸菜魚....4) 食到八點幾左右, 枱面明明仲有五碟食物, 有個職員竟然走過來問係咪可以收野?! 我哋同屋企人同朋友都打咗個突......5) 食到後段嗰陣時, 職員

這家的前菜是辣豆及花生，辣豆應該用了鴨油去炸，10分香，花生亦10分香脆。這一間餐廳最出名是酸辣魚，可以選擇大中小甚至是冇辣，這次選擇了中立，推介喜歡吃辣的人可以放膽叫，下次來打算叫大辣。可以加$28加寬薯粉或者油條。魚肉份量不少，而且肉質頗滑，酸度足夠。比起酸辣魚，我更想推介香辣花菜，椰菜花及肉片加了香辣醬汁比想像之中10分配合，花椒味濃。$48 4粒小籠包味道不過不失，如果不夠飽推介叫黑松露鴨肉炒飯，味道不俗。不過星期六日去的話，未必能坐得耐，因為位於新城市廣場地下的位置，人流旺，所以建議預早預訂或早一點來。

係OP apps預約咗1130am我估因為星期五lunch 遲咗5分鐘 入到去都仲有好多位待應安排咗卡位比我2位雖然當時只得兩枱客 但見我地杯茶就飲完會主動幫我哋斟茶當full house ge時候待應們都會keep住睇吓每枱茶壺夠唔夠水 唔夠就refill見到客人自拍嘅時候都會主動同客人講 幫你地影Service黎講 我比佢5星星第二枱客人點餐時聽到待應主動sell 兩人餐(聽落去唔hard sell)我計過成set 係平咗個甜品 太約$5x未點餐之前 會上前菜花生🥜蠶豆點餐後餸菜上得好快先黎小籠包同夫妻肺片我同腦公都覺得成set最好食係個小籠包 皮簿肉汁多 夫妻肺片比想像中 辣 如果夫妻肺片可以厚切返少少就好啦覺得太薄片 如果好似厚切咗 減少幾片做返正常份量 都合理我最期待嘅酸菜魚(小辣)上菜啦個份量係夠 湯底偏酸有十幾塊魚 內有酸菜蘿蔔金菇配料如果下次再光臨 我唔會再encore酸菜魚......我覺得一般般蟲草花炒翠苗如果唔鍾意食草青味 就唔好叫高力豆沙 有一個明顯大嚿啲大嚿啲嗰舊 唔代表佢紅豆餡多咗而係麵粉多咗 所以冇餡嘅地方我都冇食到 因為成個餐已經食到我好飽成個高力豆沙

朋友知我鍾意食酸菜魚，揀左呢間聽講係出名食酸菜魚嘅餐廳而家相信係疫情關係，佢地直接出左2人同4人套餐，而家選擇都幾多值得一讚食物方面就逐樣break down 蒜泥白肉卷：白肉幾香幾瘦，蒜頭係炸過嘅脆蒜幾正而且中間夾左應該係青瓜條，減少左油膩感，呢道菜幾值得食小籠包：正常野，算係皮薄有湯汁炸蝦滑蓮藕球：蝦滑唔錯，但蓮藕略嫌太薄，做唔到蓮藕好粉嘅口感湯：好飲，有肉香羊菇菌香又唔會膩重頭戲酸菜魚：坦白講有啲失望，個樣係幾靚仔，但酸菜味入唔到落湯度，麻 鮮 辣 都唔夠，魚嘅份量係幾足但因為個湯濃度唔夠所以都係冇乜味豆沙鍋餅：皮太厚太硬，豆沙甜度都不足每枱只限90分鐘時間，而且係要好準時就交枱，提早20分鐘已經叫我地埋單，而且上菜速度好快，放到張枱冇位放，要食得好急先有辦法食晒咁多道菜，雖然店員但好好禮貌，但始終都係太急

肥沈一族又來試新嘢啦！ 原本今次係想來試一試佢哋嘅酸菜魚，但最後竟然係冇叫到酸菜魚吃，不過佢哋其他嘅食物都很好吃啊！肥沈我自己就超級喜歡佢哋嘅【鮑魚紅燒肉】、【稻成片皮鴨】、【稻成小籠包】呢3款美食啦！此店非常多客人排隊等吃，平日的晚餐時間都坐無虛席，還要排長龍等位等外賣，生意好旺！講開又講，佢哋有提供『2人餐』及『4人餐』，兩者都係有一款或兩款主菜可供選擇，但肥沈我問過店員，原來係可以選擇套餐以外嘅主菜，做法有彈性，當然，散叫抵食定係套餐抵食就要自己計計數啦！今次用餐體驗非常好！下次一定要試試酸菜魚先得啊！

今日同屋企人嚟到沙田新開嘅稻成慶祝食生日飯，餐廳裏面有好多選擇，而我哋都揀咗佢嘅主打菜酸菜魚，魚肉係幾滑嘅，而入面嘅酸菜都好多。片皮鴨我同家人都大讚好食，皮夠薄，而鴨肉亦都唔肥，加啲青瓜同醬汁真係好好食另外仲叫咗特別嘅蒜泥白肉，佢係白肉中間包住一舊青瓜，食落去個口感好特別另外仲叫咗個菜叫津白，奶油忌廉加白菜，食落幾好食但食得多就有啲漏。最後仲加埋甜品力高豆沙，其實就是類似一個紅豆沙包嘅物體，但紅豆較少，包較多。

好耐冇食酸菜魚，突然想食就有朋友仔陪我食喇～🤩二人盛宴 （$458）1️⃣點心（三選一）瓦屋山龍抄手不嬲都係雲吞水餃愛好者，所以雲吞絕對係我好朋友。呢度既抄手唔太辣，啱晒我！🤩2️⃣涼菜（四選一）巴蜀口水雞（微辣）醬汁好惹味～對朋友黎講應該唔辣，我就稍微辣左啲。呢個時候就會好想自己食到辣野！😆3️⃣主菜（四選一）招牌稻成酸菜魚（辣）本餐焦點，我地為佢而來！覺得酸辣度剛好，忍唔住食完又食！🤤4️⃣蔬菜（三選一）金華火腿絲奶油津白奶油好creamy，掛滿喺新鮮既津白上面。5️⃣甜品（二選一）高力豆沙只要有呢款甜品，我就會叫！🤣6️⃣賽旁蟹（$128）因為我地三個人，所以叫多樣唔辣既餸～另外每位收$30茶芥。

忙了大半天工作，沒時間停下來，直至差不多三時才可以吃午飯。剛好父母親在附近，於是相約去稻成試試。由於之前每次來都很多人等枱，所以都一直碰不到機會品嚐菜式。本來想點口水雞和酸菜魚，但老爸今天不能吃辣，只有點了三個小菜下午茶餐一起分享。我們點了乾煸四季豆、紅燒肉和蟹粉香芋燴豆腐，分量恰到好處，豆腐的菜色只是稍微淡口，可能蟹粉不是當造季節。紅燒肉很入味，有很多茶樹菇伴在裏頭，很下飯。整體上大致都弄得好。如是共聚吃了一個愉快的下午茶。

認真咩？稻成 • 好食不止酸菜魚？事實係連酸菜魚都做得唔好食🤦🏻‍♀️♀話說，我地一行4個女仔去食一坐低，侍應好快手咁上茶同前菜之後職員就好熱情咁介紹我地食套餐話會抵食過散嗌如果唔夠先再加d小食2人豐盛宴 (HKD $688)燉湯 : 羊肚菌螺頭燉雞湯 x 2點心 : 稻成小籠包涼菜 : 蒜泥白肉卷 + 瓦屋山龍抄手主菜 : 招牌稻成酸菜魚蔬菜 : 金華火腿絲奶油津白甜品 : 高力豆沙外加 : 乾编四季豆($88) + 雞絲伴粉皮 ($62) + 酒糟醉雞($88) + 孜然手抓骨($138,最尾因為唔熟而取消了)燉湯➡️淡而無味…. 似普通煲湯再倒落個燉壺小籠包➡️皮薄，一咬去就有肉汁流出，好好味👍🏻白肉卷➡️不過不失，無咩蒜味，腩肉中間係青瓜抄手➡️正! 好夠辣，皮薄👍🏻酸菜魚➡️辣度、麻度及酸度都不夠，同埋餐廰用嘅係鱸魚不是桂花魚，加咗$28要薯粉但係都係冇味的🙈高力豆沙➡️普通，三樣野好似溝唔埋，俾人感覺似應該獨立分開食奶油津白 + 四季豆 +雞絲伴粉皮➡️不過不失，正正常常醉雞➡️一D醉嘅感覺都冇，亦都無酒香味手抓骨➡️一切落去就見到粉紅色😖，最搞笑係職員話朝早都有人投訴過，仲話有可能係調味料的

星期六下晝去都唔需要等太耐，上菜速度同幾快，以呢個價錢，魚肉嘅質素可以才好啲，例如用桂花魚。職員有問我哋需唔需要加錢轉龍躉肉，可以免費升級送薯粉俾我哋。但係當然個價錢就有一定嘅差距，所以最後都係決定額外加一份薯粉。使用嘅魚肉因為係淡水魚所以都會有一定嘅泥味，吾算好滑同好多，到魚下面會用啲蠟燭令佢保持一定嘅溫度，但就正正係因為越煲越熱嗰陣泥味出咗嚟，夫妻肺片偏感，真心如果多啲朋友嚟食會叫埋片皮鴨。味道吾算太差，但價錢稍貴

聽說這間酸菜魚味道很好，星期六晚一行三人來到搵食，知道這間要排隊，八點才到都要等一個鐘，不過唔緊要，最緊要有得食😋片皮鴨半隻$208薄薄的餅皮，脆脆的片皮鴨皮放上，加上配料醬汁，真係冇得輸👍🏻👍🏻👍🏻推介食小籠包$48小籠包皮夠薄，剛剛好味道一流，推介食酸菜魚$238+$28薯粉酸菜魚真的名不虛傳，魚真的好滑，酸菜湯很夠味，我們叫了小辣，辣味同花椒味剛剛好，薯粉好彈牙👍🏻推介食金華火腿絲奶油津白$88津白煮得本身都夠林，不過奶油味太重，普通高力豆沙$58入面紅豆沙都好味，但皮太厚了片皮鴨下面有個精緻的櫃桶是放置濕紙巾和手套細心的安排👍🏻

味一般般啦環境係好ok嘅，地方雖然唔大，但枱與枱之間有好足夠空間👍🏼特色：加錢要大的酸菜魚，肉質好好，值得加，有條好啲嘅魚食價錢：物不所值，呢個價錢太多好的選擇！其他食物：套餐就是套餐吧！不過單點的也不太好！結論：可以一試酸菜魚（加錢版）