稻成亞丁

营业中

休息中

一早打去book嘅時候已經有講話有bb同行6點去到枱都係未預備好Book枱嘅時候都無講原來食飯有限時一小時15分鐘入坐後拿拿聲叫嘢食有個4人餐係幾低食嘅好多嘢揀都係$15xx/4位用「夫妻肺片」剪得有少少碎，都幾辣爽口唔油「水晶肴肉」不過不失「乾扁四季豆」呢個唔算好辣，都唔會好油「紅油炒手」略嫌皮厚左啲「酸菜桂花魚」魚肉鮮嫩大件，唔會好辣酸味啱啱好可惜在個薯粉⋯⋯好硬好似煮啱透咁又索唔到啲湯汁「片皮鴨」呢個⋯⋯認真麻麻啲皮中間有啲烈開曬鴨皮唔脆又無汁「鍋貼」本身都對鍋貼麻麻皮好厚但咬落都仲會爆汁「雲吞雞湯」見到好多料，雖然4人份但係都筆到6-8碗出嚟可惜當我想飲嘅時候見到一粒黑色嘢屋企人話係花椒🙄但係呢碗清湯點會有花椒我禁落去軟林林仲好似見到啲昆蟲殼不過屋企人話無腳應該唔係但我已經唔敢飲😂總之我覺得係似昆蟲嘅不明物體「宮寶蝦球」都係辣嘅，酸酸地蝦肉唔算好爽仲有個甜品唔記得影以4人餐嚟講佢份量都好足不過真係一夠鍾就要你埋單都明白星期六日啲日子多人等枱但其實以一小時15分鐘嚟講都真係食得幾急單都未埋啲人就嚟收曬你張枱啲嘢

之前疫情禁堂食外賣自取有8折，又成日經過見到好似幾有風味咁，就即管試下啦。酸菜魚個湯幾好飲，幾夠味，好多酸菜，啲魚肉都好滑，無骨，啖啖肉。不過缺點係啲魚一啲都唔入味，好似湯還湯，魚還魚咁，好似係滾水灼熟咗啲魚先後加落啲湯到咁，拉低左好多分。再叫左個炒牛肉午餐，都幾香幾夠味同幾淋。另外份蛋唔知係咩事，佢比錯左我哋嘅，不過算啦好餓啦，費事換，但好普通，啲蛋好老，唔知係咪特色黎高力豆沙好細粒，除返都$15/粒，外賣焗到有濕氣麻麻地，建議留返堂食先食。

去完sky100睇景，嚟到商場入邊搵嘢食，見到啲片皮鴨幾吸引！加上呢間餐廳都係pet-friendly 可以帶埋寵物坐喺車仔度一齊食飯.▪️片皮鴨半隻 $288半隻其實都有十幾片，如果中意可以另外加皮，配上青瓜、蔥，包埋鴨肉好惹味▫️稻成炒飯 $148▪️東宮炸醬麵 $98青瓜炸醬粗麵 ，濃郁嘅炸醬味▫️稻成小籠包 $62小籠包皮唔算薄，但肉蒸得好香好林包得好好▪️山龍抄手 $62都有6粒，麻辣風味▫️酸菜桂花魚 $297有例牌同埋特牌既份量，仲有鱸魚桂花同龍躉可以揀～今次就簡左桂花魚，夠兩個人嘅份量即叫即煮，雖然等得比較耐，但係都值得嘅！▪️蔥爆牛肉 $128

之前學生特別假期為咗唔想小朋友長時間困係屋企周圍搵啲戶外活動嘅地方，九龍區西九海濱長廊係不二之選但係因為口罩裏面嘅問題，所以要喺商場醫肚先喺圓方搵到呢間餐廳俾佢個小籠包同鍋貼吸引入咗去坐低侍應俾咗兩碟餐前小食我哋入邊係有花生蠶豆綠豆都唔算馬虎😅因為價錢$36之後見到有一個2人豐盛宴一個餐有齊鍋貼、小籠包、酸菜魚、口水雞仲有兩個燉湯因為今次我哋係四個大人三個小朋友二人餐我哋係唔夠飽嘅set lunch都係一啲比較重口味嘅嘢，應該就唔係好啱小朋友食啦我哋叫咗「精選和牛炒飯」炒飯粒粒分明，雖然係和牛炒飯但係又唔會好油四歲小朋友平時「滴米不沾」，今次都食咗一大碗如果堂食會做優惠都會再次返嚟食😍

稻城亞丁比喻為最後一個香格里拉,顧名思義餐廳提供川菜。餐廳採偏暗格調的燈光,座位算寬敞舒服,適合家庭日跟長輩進膳。食物方面,整體質素尚可。排骨香酥惹味麻辣蝦球炒拉麵,美味可口,只是蝦球略欠爽口蒸素餃味道不錯小籠包味道麻麻,質素似急凍點心整體而言,食物質素ok,只是性價比不高。

疫情嚴峻下，下午漫步於西九龍公園後，走進圓方逛逛，突然想吃川菜便前往稻成亞丁，眼見地方不大而且枱與枱之間相近較貼，決定買外賣回家嘆，門前大牌介紹多款菜式，還標榜外賣自取有九折，很好呵！隨意選了兩個套餐連白飯，向侍應訂了兩款套餐，只需等待十五分鐘便可取，回到家中餸菜也有暖意，在家開餐輕輕鬆鬆地慢慢食，確實是不錯的選擇，開始享受京蔥山羊片，京蔥嫩滑又爽口，味道濃郁，大大塊的羊肉片沒有肥膏，香口有咬感。令一款菜式糖醋排骨，甜甜酸酸，骨連肉特別惹味有嚼勁。

抗疫措施加強後一個星期, 太座和我都積極配合, 留家抗疫, 三天來沒外出, 今日終於決定到外面走一回舒展一下做運動🤗🤗回家途中突然想起吃川菜, 順道在圓商場這京川食店買外賣當晚餐, 因為不想在外面進食🤭🤭菜牌內好多款式, 我們選了兩個套餐（小菜+白米飯）京葱炒山羊片糖醋排骨等侯了十多分鐘便完成, 包裝得十分方便, 外賣自取更有九折優惠味道相當不錯, 份量足二人用京葱炒羊片味濃而不肥膩, 山羊片有咬感, 火功出色😋😋糖醋排骨甜酸適度, 肉排好嚼感, 有骨有肉, 但畧嫌芡汁過多, 有漿糊感, 個人較喜乾身些🤔亦是一次不錯的嘗試

因為要抗疫初一至初三都無聊在家，初三赤口決定出關消費，振興經濟。去咗 Elements shopping, 差唔多要諗吓今晚食啲乜，亦考慮了六點前嘅金唐食，但又唔想四五點咁早食晚飯，於是決定買外賣回家慢慢嘆。高級商場內餐廳雖然不少，但要考慮埋價錢，父母也喜歡食上海菜於是就揀咗「稻成阿丁」我哋隨便揀咗幾款餸菜和甜品，共花了四百多元，已經夠三個人食 ，新年都係要食得好少少，所以我認為價錢係合理嘅。出菜唔算來大約等咗10分鐘至15分鐘左右，包裝得好齊整返到屋企仍然是一滴不漏。孜然手抓排骨$158一打開過已經聞到孜然粉嘅香氣，共有五大件一字排骨，排骨見見分量十足所以真係要用手拎起食，正如北方人一樣豪氣。排骨雖然瘦肉偏多但食落去一啲都唔靭，相當有口感，霸氣的孜然粉基本上是調味的焦點，令肉類更加提香，令肉排的肉香更升華。稻成炒飯$148精髓是加入鮮香的鮑魚汁調味，醬汁與飯粒融為一體，炒飯粒粒分明，像是給滿醬汁一樣，圓潤飽滿，更加入元貝和蝦仁提鮮、芹菜粒喎雞粒增加口感。用料十足，一致認為師傅炒得好出色。乾煸四季豆 $98是四川人的家常小菜，基本上都系辣，今次叫咗大廚小辣，所以味道會以大蒜為主，四季豆

平時甚少會嚟圓方，皆因唔係好就腳，同埋地方唔係咁好行，所以都好少行嚟呢面食野。話說早幾日咁岩同朋友相約行下Hea下食下。喺大家都唔知揀邊間好就揀咗食呢間。因為大家對川菜都懷著興奮嘅心情。3人行叫咗小籠包、酸菜桂花魚、高麗菜、和牛炒飯、桂花小丸子糖水除咗小籠包係好食😋其他野真係唔掂！😫😫我個人本身都好鍾意發現及欣賞每款食物的好與壞，但真係覺得唔太掂。酸菜魚 🐟個魚我覺得有少少腥 同埋味道唔入味，我地有加到薯粉，反而薯粉出嚟味道效果唔錯！高麗菜 🥬即係平時食開嘅 「手撕包菜」？？ 我諗係喇，呢個菜個味唔夠香濃、唔夠味、唔入味，味道較淡，可能因為呢個原因，更帶出個油份，感覺很油膩。和牛炒飯 🍚呢個好失望☹️，個飯好濕，食落入口好濕，一啲都唔夠乾身，唔夠粒粒分明，可以太過濕，所以啲味道都唔多夠。桂花小丸子糖水 🍡粒小丸子好食，但整體個桂花糖水無咩特別。唔係難食，但都唔係出色。3個人去到大約 下午4點左右開始食，總共食咗$840。對於食，我都捨得洗錢，但對於今餐咁嘅價錢，咁嘅質素，真係失望。 ❌❌❌❌❌

今天我地6位黎稻成亞丁食晚飯！服務員很有禮貌的招呼我們！短頭髮阿姐推介稻成片皮鴨，砂鍋雲吞雞，小籠包、稻成燒飯、四川擔擔麵，京蔥爆牛肉！嫩雞煨麵！食材夠新鮮擔擔麵夠淋！上雲吞雞時黑衫經理問我地需不要要幫我地分湯！服務質素真係到位！上菜時間比較快！朋友們都給點贊👍👍👍饃鏌皮夠溫度！夠軟 小籠包皮薄餡靚 片皮鴨個皮做得好薄 肉質鮮嫩多汁 環境一流 總括嚟講 我會比👍🏻👍🏻👍🏻以後會搵多D朋友幫襯的。

今天八時四十九分到達這店，已立刻下單，但當餸菜仍未上齊時，店員在九時十五分，不問我們有否last Order，已要我們埋單找數。在九時三十分，我們剛吃完菜，便立刻要收碗，逼我們走，問他何時關門，他說十時，仍有半小時啊!那為甚麼趕我們走趕得這麽急。可能他想提早收工，但他的壓力令我吃得很急，不舒服，完全吃不到味道，飯餸未落隔，說話也說不得多句，已被趕走!!完全不能享受晚宴。吃晚钣也那麽趕，太辛苦了，以後也不敢來了!

Poor food execution and bad service. Massive of MSG that trying to thirst you out after dinner. None of the staff could speak English and Cantonese. I don’t think it’s not about language it’s about training on customer service. Won’t be going again, and suggest you don’t go too. Restaurant like this should be shut down permanently.

見食評話可以帶寵物入去，所以試下，地方都算寬敞好坐，但食物份量實在太少喇!叫左……炸銀丝卷56元……頭尾加埋得四小舊，全條同隻匙羹一樣長度，望落同雞尾包咁上下，喂！麵粉黎咋喎，好心俾大舊啲啦!卷面層又炸得唔夠脆👎👎恭親王燒羊腩198元…… 都係份量太少，成碟羊腩，一隻手掌都可以遮住哂! 炸粉太厚，又炸得唔夠脆，肉又太薄，所以做唔倒外脆內軟……失敗!酸菜桂花魚298元(小) 加配薯粉48元……味道唔錯，湯底少少酸，略帶甜，麻同辣好温和，唔會太搶味，對我黎講啱啱好。魚肉有啲部位彈牙，有啲嫩滑，份量亦足夠三人食，配料只有薄蘿蔔片和少量金菇略嫌單調唔夠豐富。薯粉有少少煙靭少少淋，略嫌唔夠彈牙! 但佢湯底內有啲切成細細片嘅嫩薑，甜甜酸酸，個人覺得好好味好開胃!整體黎講，本來價錢唔算貴，但因為份量實在太少，整體味道唔算出色，覺得唔夠物有所值! 試一次就夠! 一定冇下次!

是晚第一次上Sky100睇夜景，可惜最近空氣污染得異常厲害，我地上到去，只見灰矇矇嘅影像。另外，由於室內外溫差太大，整塊落地玻璃充滿霞氣，所以都有點兒失望。要睇夜景的話，可能要等到秋冬天朗氣清時去比較適合了！喺Sky100返回地面後，已經差唔多八點幾，我地都好肚餓啦。於是就喺圓方搵到一間食中菜嘅，打算拿拿聲填飽肚子就回家啦！見佢地裝修得幾高檔，雖然已經八點幾，但仍然高朋滿座，證明唔太差卦？而且我地又鍾意食京川滬風嘅嘢食，於是就入去試吓啦！我地點咗半隻片皮鴨，鴨肉新鮮嫰滑，包住京葱青瓜絲等，入口清新而且油而不膩，實在非常正呀！另外，仲嗌咗我最鍾意嘅水晶肴肉，沾上鎮江醋，風味十足！仲有，小籠包裡面充滿湯汁，真係好好食呀！以後有機會再嚟試吓呢度馳名嘅酸菜魚先得！

今日去完sky100就諗住喺圓方覓食 搵左幾間都要等好耐先有位 無意中就見到呢間餐廳 咁見唔洗位就決定呢間 始終帶住長老又帶住小朋友廢是周圍搵 今餐飯我只能夠用整體去形容 不過不失 無野係唔好食 但又未到好好食 半隻片皮鴨貴左小小 同埋萵筍係menu無 係職員就咁講話有 成張單9百幾蚊埋單 感覺上就貴左小小 呢個價錢應該可以食更好炸銀絲卷辣子雞鍋貼夫妻肺片清炒萵筍半隻片皮鴨