稻埕飯店 (V Point) (已結業)

今次中飯來到Vpoint新開既呢間餐廳，裝修靚，坐得都好舒服😌我嗌左白苦瓜牛腱肉套餐，有一個送，一碗湯，一碗飯，一份小食，半個蛋，不過量唔多，我一個女仔都覺得唔係咁飽。牛腱肉滋味濃郁，不過有小小油膩，白飯真係好細一碗，希望店家可以多加啲飯，少落啲油啦價錢唔算平，一人大概80幾蚊，加埋服務費。

訂座11:30，可惜門口要到差不多11:45至可以入。室內環境ok，因為位置係地庫，感覺唔夠開揚係一大短處，但勝在裝修算舒服，檯與檯之間有足夠空間。想試佢地嘅鵝，可惜話賣曬，我唸係因為太早未準備好。食物質素正常，最吸睛反而係個送餐機械人。服務上佳，雖然明顯唔熟手，不過態度搭夠。

銅鑼灣登龍街開咗新嘅台式餐廳 我係俾佢個甜品再加上有下午茶而吸引入嚟嘅 佢係開喺地底位置 一落到地底入面超級大 基本上佢個格局係類似酒樓咁樣 真係第一次見咁大嘅台灣菜餐廳🥢🤣枱大 位置闊落 真係好唔似食台灣菜😅佢係用我最討厭嘅QR code落單😓可惜我諗將來全部餐廳都係咁落單📝就算係下午茶佢都係 偏貴嘅 可能啲錢落哂去裝修度啦😅🍜稻埕牛肉自家製手作麵 $70雖然就貴不過好足料 牛肉份量超級多 另外亦有溏心蛋🍳蘿蔔同埋紅蘿蔔🥕🔺湯底濃郁 唔會過鹹🔺麵質適中 唔會過淋 而且彈牙🔺牛肉淋淋地 有咬口我鍾意呢碗麵呀🥰🥒金銀蒜泥五花白肉 $58白肉入面係包住青瓜片🥒好香嘅蒜味 但係又唔會過鹹 食起嚟就出面淋入面爽口 又夾喎🤤⚫️黑芝麻豆腐 $38豆腐上面係鋪咗少少青瓜絲🥒芝麻味濃郁 建議撈勻啲令到每粒豆腐都沾上芝麻醬😋味道係超夾🥞Q版黑糖珍珠舒芙蕾班戟配抹茶冰淇淋 $58個名好長😂簡單講一句即係梳乎厘pancake🥞其實嚟到都唔算Q版😂如果正常size咪好大份🤔先講配料...🔸蕨餅有超多超濃郁嘅抹茶粉 抹茶苦苦地 蕨餅甜甜地 口感煙韌🥰🔸抺茶雪糕fail! 抹茶味好假 仲好重奶味 唔得😓🍿無啦啦側

又貴又唔好食既台灣菜 啲米係生既 職員講話正常 我真係未聽過 個麵同係出面普通食差唔多 炸豬扒啲粉好多 除左個小食比較上正常就無其他 諗唔到有咩既原因下一次要去食 價格同食既完全唔成正比

醫完臉就去醫肚，去到登龍街，好似又無左幾間鋪又多左幾間新。最後揀左尼間台灣菜食。入到去裝修其實唔係好彩得出台灣style, 但帶住口罩都聞到有陣台灣臭豆腐味有d係夜市既感覺我同朋友一人叫左一個飯麵，因為入座果陣都比較夜，所以都唔考慮叫小菜慢慢食，要做十點灰姑娘我就叫左三寶牛肉麵，麵量岩岩好，三寶有筋（好冧，好膠，正正）；牛肚（夠冧唔痴牙）；牛腩（肉軟入味）,湯底唔錯。朋友叫左鹽酥雞扒魯肉飯，聽佢講魯肉唔錯，送飯一流，份量超大，雞扒都大大件，我都食左舊，鬆脆，調味岩岩好，正。我地一致都覺得流心蛋好食！最後就點都要叫甜品，因為我地最初就係睇中佢先入尼食，雖然飽到不得了，但越食越幸福，佢係pancake梳乎厘，鬆軟唔過甜，cream有少少咸味cheese 中和，一流，珍珠冧但中間有咬口，黑糖隨自己心意落，超夾！抹茶雪糕都好配，完美！下次早d去可能會試下小菜，今次經驗足夠令人回頭再去同期待。

路經登龍街，見到新開台灣鋪，落地下一試。可能是新開，未儲到人氣，中午時段都未滿座，整體評分高過標準。食物足料好味，非一般街鋪可比，環境舒適，位置相隔適中，價錢合理，可再試。

吃飯時間銅鑼灣幾乎間間滿座，在豋龍街見到這家餐廳有位，即刻入到開餐。餐廳環境簡潔舒適，淺色木質陪襯深色座椅，有個大算盤屏風，似是希望算盤打得巴巴響。點餐可以用二維碼，少了餐牌接觸可以放心下單，同時即時看到消費金額，心裏有預算。落單之後等左短短時間，機器人過來送餐，又一新的體驗。菜餚還是需人擺上餐檯。叫了苦瓜茶和米水，感覺清爽解暑。鵝肉煮的剛剛好，鹹香可口。滷肉飯和鵝菜感覺很台灣，鵝菜應該就是A菜吧。蒜泥五花白肉中間卷了青瓜，吃起來爽口清脆，完美組合。泡飯中有龍蝦而且魚湯鮮甜，台灣的米吃起來綿綿黏黏，相當順口。服務人員態度熱情，效率高。整餐飯食得開心又滿足。