稻埕飯店 (V Point) (已結業)

現在不能飛，最令我掛念的便是台灣，尤其是美食，想吃台灣美食，主打台灣美饌的「稻埕飯店」﹐繼k11 後新分店正式進駐銅鑼灣V Point，限定的新菜式更是經濟實惠，現在不如來一趟舌尖上的台灣美食之旅吧！黑芝麻豆腐 $38對我來講是小吃的黑芝麻豆腐，外面是黑芝麻醬的豆腐，令白雪公主變成黑寡婦般的「黑忟忟」的外表，但入口非常的討好，芝麻及豆味相當的濃郁，真是好美味。香煎北海道帶子配三星蔥鮮露筍 $118本來已很鮮甜的北海道帶子配上三星蔥，簡直是完美的結合，鮮甜帶子加埋三星蔥香，起了平衡的作用，更添滋味。野山豬脆皮炸大腸 $78超級邪惡的炸大腸，肥美的豬腸，有口感，好惹味。紅蔥素鱔球 $58不要以為是真鱔呀！其實是素鱔，即是以鮑魚菇，做到外脆內軟，充滿菇汁，幾醒胃。黑松露龍蝦古早鴛鴦米糕 $128龍蝦下是糯米飯及鴨血糕。那糯米飯吸收了黑松露和龍蝦的精華，口感濕潤每粒糯米都是鮮甜無比，而鴨血糕有點煙靭，有咬感都很不錯！五木竹笙蔬 $78紫色准山你試過未？呢道「五木竹笙蔬」，就有黑木耳、紫准山、靈芝菇、竹笙、蟲草花，紫色准山清甜又爽口，好味到令我食多兩件。白滷水豬面頰 $68白滷水是甚麼？黑滷水大

之前幫襯稻埕情嘅尖沙咀店，猶記得佢嘅出品富特色之餘亦都令人相當滿意，今日嚟到銅鑼灣又嚟試下佢嘅新分店。鵝不是鴨肉，鵝肉滷得入味，散發著淡淡嘅鹵水清香，配菜醃蘿蔔條酸酸甜甜，加埋隨附嘅甜不辣醬，充滿台式嘅風味。香煎北海道帶子配鮮露筍，煎帶子由機械人送上，感覺新鮮，帶子賣相精緻，好似一粒粒獨立包裝咁樣，煎香咗嘅半熟帶子面頭係香蔥、炸蒜同XO醬等等香口嘅材料，配菜有鮮蘆筍同炸蓮藕片，精緻得嚟亦相當好味。四寶滷肉飯，滷肉飯味道正宗，令人有如置身台灣夜市，上面嘅半熟流心蛋蛋味香濃，入味嘅程度絕不比滷鴨肉輸蝕。紅棗杞子桂圓米水，呢度有個好特別嘅米水系列，配襯米水嘅都係一啲好滋潤嘅材料，米味同紅棗杞子桂圓嘅味道相當平衡，多飲有益。

銅鑼灣登龍街又開了新餐廳，這間餐廳是吃台灣菜的，lunch同同事黎左試下！餐廳座位都幾多而且闊活，點餐用QR code便可以，而且上菜時還用了機械餐車送餐，減少接觸！蟹拑肉酥蛋卷，這個蛋卷跟平時吃到不同，這款外層有炸到脆卜卜的蛋絲，內裡有滿滿的蟹拑肉，味道咸咸香香！再點上附有酸甜醬，味道更惹味！石鍋魚湯青龍蝦台梗泡飯，這個泡飯非常熱辣辣，所以有店員幫忙分配，兩個人吃大概都分到每人兩碗！魚湯好鮮甜，加上拌入了芫茜、蔥粒等，令泡飯更香！內有龍蝦尾一隻，店員亦幫忙刪殼分俾我地，龍蝦尾爽口鮮甜，很美味！草莓優格米水，這杯飲品用上米水加草莓製成冰，飲落很冰涼，加上還有優格，酸酸味味夠很開胃！紅棗杞子桂圓米水，這款飲品有淡淡的杞子和紅棗的味道，點了少甜，所以不會太甜，飲落幾潤！

在銅鑼灣稻埕飯店食晚飯。 佔地位置多，坐得舒服舒適！店員態度幾nice!!香煎北海道帶子配紅蔥鮮露筍，色彩對比分明！賣相好靚，湯羹盛上帶子，隻隻都厚切，好飽滿，而topping有露荀，紅葱醬！夾上帶子一齊食，口感層次豐富！有爽脆and綿綿感覺！味道幾濃味！夠哂香，正。石鍋魚湯龍蝦泡台飯，店員幫我地起龍蝦肉，幫我地分埋，非常好服務！泡飯有蝦乾， 魷魚，肉粒等配料，上湯非常鮮味！石鍋 keep到熱辣辣感覺！龍蝦肉幾鮮味。整體發揮非常好。滷肉米飯，入口好香，滷肉味道幾突出又唔會過咸，滷肉肉汁滲入飯！飯粒綿綿幾煙 un, 好好食！黑糖珍珠奶蓋，頂層奶蓋好滑夠豐盈！黑糖甜絲絲夠香，珍珠q彈，整體好好飲！唔會死甜。

之前喺 K11 食過稻埕 , 近排先知原來佢喺銅鑼灣 V Point 開咗分店 😲😲 !! 地點方便 , 雖然今日有啲雨 , 但因為好近地鐵站 , 我地都選擇冒雨嚟試下 ~ 😀😀 食店闊落 , 簡潔乾淨 , 座位舒適 !除左用手機電子落單 , 食店另一特色就係呢部貓貓自助送餐機 , 好過癮 🐈🐈白滷水八福拼盤 ($188)夠曬睇頭 😳😳  1 次過試曬 8 款滷味 😋 有鵝肝 , 鵝腸 , 鵝肉 , 鵝掌 , 鵝翼 , 牛展 , 蜂巢豆腐 , 同滷蛋 ! 特別鍾意鵝肉同牛展 , 蜂巢豆腐索曬個白滷水汁都好好食 !! 👍👍香煎北海道帶子配紅蔥鮮露荀 ($118)擺盤超精緻 , 帶子煎得好香口 , 裏面仍然嫩滑 , 而且都幾大粒㗎 ! 滷肉台梗米飯 ($30)滷肉好香 , 唔會太碎 , 有口感 , 咬到一粒粒肉同冬菇 , 送飯一流 🤤 滷肉嘅份量都足夠食曬成碗飯 , 呢個飯幾抵食 ~蜂蜜白苦瓜汁 ($38) 一諗起台灣就想飲白苦瓜汁 , 呢度竟然有得飲 , 雖然加咗蜂蜜 , 比想像中甘 😆 但係非常清新 ~ 熱水果茶 ($42) 足料水果茶 ~ 有橙 , 士多啤梨 , 火龍果 , 荔枝等等

早排同朋友去開銅鑼灣行街諗住喺附近食晏，見倒呢間主打台灣菜既餐廳好似唔錯😀環境都幾舒服，店員服務不錯，值得一試😛_白滷水八福拼盤 如果有選擇困難症既朋友仔就啱哂啦！一次過可以試均幾款滷水！小編特別推介牛腱，好軟腍好入味😆同朋友share正！_ 石鍋魚湯龍蝦泡台梗飯 平時小編其實對泡飯冇咩好感，呢個泡飯食落有驚喜好鮮甜！仲有彈牙龍蝦肉😜另外店員會幫手分，夠哂細心😀_滷肉台稉米飯 講到台灣菜點可以唔提滷肉飯呢😉呢個滷肉飯細細碗但係超足料🤤上面仲有惹味糖心蛋😊值得一試🤣柚薑米水草莓優格米水餐廳主打健康米水，今次叫既兩杯味道都唔錯！草莓優格米水打卡幾靚，飲落去唔會話太甜☺️

一直都唔知有呢一間餐廳嘅存在，但係朋友咁啱講起，話好想試，就成班一齊去，都幾高質高級嘅。其中最鍾意食嘅有幾個菜，蟹肉蛋卷，月亮蝦餅，疏乎厘。嗰個蟹肉蛋卷真係冇得輸，因為入邊係好多大量嘅蟹肉，食落去每一啖都係蟹嘅味道，仲要新鮮拎出黎熱辣辣脆卜卜，超級香口。嗰個月亮蝦餅呢都係啲香口嘢同埋好似新出嘅，即係咬落去徐卜卜啦熱辣辣，相對來講呢就冇咁特色嘅，不過都好食。最驚喜最正就係呢個疏乎厘，超級鬆軟，入口即溶，加埋啲珍珠、忌廉、綠茶雪糕，呢個配搭好正。

聽到 稻程 呢個名字 就知道台灣 那些年古早味 出晒黎！另一樣比較有趣係餐廳有機械貓貓送餐鵝不是鴨肉 （例牌）$108 （鵝片、豆腐、芽菜、醃漬蘿蔔）招牌白滷水鵝片，入味唔乾柴，墊底滷水豆腐豆味濃郁滑溜溜。滷肉台梗米飯 $30 香港想食到好味嘅滷肉飯都唔易，呢間肥肉比例可以味道夠，畫龍點睛係飯面上溏心蛋蟹鉗肉酥蛋捲$138 13隻新鮮蟹鉗肉嘅鮮味真係唔講得笑，啖啖一絲絲蟹肉嘅蛋捲都幾有飽足感時令水果茶 （可選凍/熱）要養生嘅我梗係揀熱，建議浸泡多少少時間果味更突出。金鑽鳳梨汁 蜂蜜味比鳳梨味突出，飲落都順口。

有新舖又點少得我😆睇咗食評大多都話坐得舒服，所以先嚟，因為今餐飯主要係吹水。餐廳喺地庫，但地面已有staff 招待，講咗booking 落扶手電梯，新裝修好靚，有啲文青風❣，入到去果然好寬敞，樓底高，每個卡位都好獨立，講野後面都唔會聽倒。自助QR code 點餐📲，有wifi, 真係貼心❣，點咗個魚湯龍蝦湯飯，炒韭菜花，白滷水鵝翼，黑糖珍珠奶茶。奶茶先到，用紙飲管，好環保🌏，茶底都幾好。泡飯都到了，其實檯都好大張，不過都另外開個架幫我地分，服務好似食米芝蓮三星餐廳咁😍，除咗魚湯同龍蝦仲有芫荽。炒韭菜花，好耐無食韭菜花，有啲豆豉，太鹹而且偏油😵。白滷水鵝翼，除咗鵝翼，仲有蘿蔔同豆腐。整體細節做得好好，洗手間好乾淨寬敞😌，其實好多時啲餐廳賣廣告點抵點好食一大堆呢啲說話意義不大，因為細節遠勝說話😎。

這天逛銅鑼灣肚子餓了，經過V Point，發現「稻埕」在這裡開了新分店，翻一翻門口的餐牌，有不少V Point限定的新菜式，經濟實惠，今天就吃台灣菜吧！餐廳位於地庫，一路走進去，發現裝修頗有心思，以台稉米和滷水醬埕等作擺設，很有台灣特色，不是因為肚子太餓，我肯定又要駐足打卡了。點了餐，原來這裡設有貓咪自助送餐機，輕撫牠會開心地喵喵叫，不夠溫柔牠則會表露生氣的表情，太可愛了吧！這讓我想起小時候的「他媽哥池」(暴露年齡系列)，很有人性啊。原味純米水 $18、紅棗杞子桂圓米水 $32蜂蜜金鑽鳳梨汁、蜂蜜白苦瓜汁 $38@天氣太熱，先來一些飲品，我喝了「蜂蜜白苦瓜汁」，完全沒有苦澀味，又可清熱解毒，我太毒啦，啱我呀！紅蔥素鱔球 $58朋友負責發辦，我沒理會點了甚麼。然後這碟來到，我心諗「正呀！有鱔食」，吃了一口，才發現是鮑魚菇來的，神奇地沒有失望，反而感到十分驚喜，鮑魚菇外脆內軟，十分Juicy，酸咪咪的很好吃啊！黑芝麻豆腐 $38另外這個「黑忟忟」的豆腐，我也很喜歡，外面的黑芝麻醬味道濃郁，與清淡的豆腐有很好的平衡，雖然吃到整個嘴巴都變成黑色，但還是不減喜愛。香煎北海道帶子配三星蔥鮮露筍 $

見openrice呢間台灣新開張冇幾耐，一於又去試下，入到餐廳都幾闊落💥稻埕牛肉自家製手作麵🐗牛肉好厚味濃，口感糯軟，好似食到滿口膠原蛋白咁💥稻埕招牌白滷水獅頭鵝四寶滷肉飯獅頭鵝肉用滷水浸製，有啲丁香、老薑調味，鵝肉比較爽口💫滷肉飯🍚好香用咗台灣米，滷肉唔會太肥👍凍黑芝麻豆漿 - 正正常常，唔會太甜凍柚薑米水🥛佢地嘅特飲都唔錯，米水可健脾養胃👅整體下午茶餐都幾抵食，有正餐嘅份量，值得推介💪

亂衝亂撞搵到一間坐得又舒服又好食又抵食嘅地方。放飯一小時，成個登龍街已經食過晒，行到最後見到要落地庫新開嘅台菜，姑且一試，原來有驚喜喎。下午茶由48蚊到100蚊， 有鹹有甜。 我哋去食午餐，所以全部都揀曬鹹點嚟食。最抵食就係鹽酥雞翼，大大隻有三隻，48蚊再加一杯飲品。必叫豬手套餐， 滷肉飯再加原隻豬手四寶鵝套餐牛三寶麵，係我最鍾意食， 麵嘅質地煙煙韌韌好有咬口。 有牛肚牛展牛筋。呢度嘅環境好舒服，員工服務都好好。可惜呢度啲wi-fi收得好差，好彩佢哋有免費wi-fi比我用。

所以話Open rice你都咪話無乜用，行開行埋銅鑼灣，真係有時食嚟食去都係嗰幾味，由其係（男士們）兩支公，放Lunch食嘢唔會太講究，但又唔想食得太求其，Open Rice 嘅食評有時真係幫到手，打開search 下附近有乜食，見到今次呢間（稻埕飯店）台灣嘢啲相，食評同賣相又幾骨子，今日佛誔關係就響Open Ricebook 定位去試下，呢間舖頭位置響V point地庫，如果唔係有相睇，都唔會走落去食，幸好出品如圖片一模一樣，而且環境衞生，今日我12:15入去食，佛誔公衆假期，本應以為會比較人多，但出奇地人少，只見坐了四，五枱左右，不過人少對我反而係好事，疫情關系人少少食得安心啲嗎😋😉。重有呢度要手機落單，但scan完個QR code就發現一個問題，就係訊號好差load唔到個menu😅😅，地庫關係佢哋都知道出咗事，所以已經印咗個wifi密碼響落單要掃嘅QR code張紙度，要用佢店內嘅Wifi先得，話時話都好耐無試過出街食飯要借用人Wifi了😅，總括嚟講，食物滿意度10分滿分我會比8分，由其響相機食先嘅時代，起碼影相打卡食品賣相一流，大家行開登龍街雖然有好多食店比你揀，但呢間台灣飯店

有朋友介紹我嚟呢一度食飯，台灣嘢我都好喜歡，一於試吓啦，咁啱朋友生日🎂喺呢度食飯覺得好開心，員工及經理很友善，食物，飲品，甜品一流，每一道菜都有驚喜，朋友們話一定要再嚟呢度啊。

和同事慶祝生日，見附近呢間新鋪，見佢喺FB話生日有特別安排，俾個驚喜，之前一日打電話嚟訂枱，講咗話同朋友慶祝生日，但係個接線生有少少失去方向，有啲慌張，不過最後都confirm咗個booking。中午一時準時去到，我同個門口接待講話我有同事生日，佢叫我落到去再同其他同事講，雖然我哋點左指定嘅甜品，但係到最後都係冇咗回事⋯⋯ Menu上面好多嘢食，好吸引，可惜用app點單，個app係咁同我講現時無法下單，搞咗好耐都落唔到單，自己倒自己米，之後同經理講，經理好有心，借咗佢哋個iPad Menu，慢慢幫我哋人手落單，但係佢對Menu上面嘅食物，就似乎唔係太清楚，問佢一啲問題都口啞啞，不過到最後佢都好幫到手，幫我哋點左十幾個items，後來個app又好似郁得返，我哋又喺app上面追加。點左嘅菜好快就送到，有啲係由機械人車到嚟你枱邊，再有服務員放上枱，有啲就係服務員直接送到，個機械人都幾得意嘅，不過係咪真係幫到手就唔知啦😆 食物大致上質素唔錯，賣相亦都幾好，好多菜都有花過心機去做陪襯，招牌嘅豬手味道唔錯，好有骨膠原感，白玉卷亦都好好食，好有口感，臭豆腐就一般，聞到臭味，其中一個係套餐，望落去好豐