稻八日式火鍋炸物放題 (已結業)

話說在約一星期前在這店面經過，見到$168的放題貼了售罄，故今天臨出發前已致電查詢，該店員說全部價錢的放題也有。但當我們到達後，坐低左準備點餐，侍應才說暫定了，而當時這店的門口poster並沒有貼售罄，負責帶位的店員亦沒有預先說明，頓時有種被騙的感覺，既然坐低左，走左去唔食又好似太過份，最後選擇了$208 plan。本著一心嚐試才選擇這店，如果在電話查詢時已知沒有$168 plan,咁我地會去另一店牛x，價錢更實惠並且位置更方便。而食物方面，唔算十分出色，跟其他日式火鍋放題店差不多，不過就多左自助炸物，頗有趣，但應該不會再有下次了

等到我頸都長，主打日式火鍋放題的稻八，於平日連假日宵夜時段推出勁抵食火鍋套餐，所有套餐正價75折，最平一人$118可以任食120分鐘，不同套餐肉類有：日本國產黑毛和牛、極上安格斯牛小排、特級美國穀飼牛、美國自然豬肉片、美國進口牛、北海道雞片，澳洲穀飼牛、澳洲M6和牛、豬肩肉、雞腿肉、羊肉、海鮮、刺身無限任添，因應個人口味。自助配料區有餃子、蔬菜和蕎麥麵等30款配料任食，沙律、炸物和雪糕亦任炸任食，2間分店有呢個優惠！放題套餐有不同級別的牛、豬、羊和雞肉，海鮮、刺身可任食，還可到自取區拿取日本鍋物配料，平日供應的套餐由$158-$368/位，今次大平賣！宵夜時段推出全店套餐75折火鍋放題套餐，11pm後入座可任食共120分鐘，超抵食！順便一提，呢到好啱一家大細黎聚食，因爲90cm以下嘅小朋友係免費！係免費啊哈利！而高90-140cm小朋友都有半價！除此之外，有長者卡嘅長輩們都可以半價優惠！想食的又不想排隊等位，可以提早打電話去餐廳訂位！湯底比其他日式火鍋店要多，有8款可選，包括北海道3.7牛乳牛骨湯、味噌芝麻豆乳湯、九洲豬骨濃湯、壽喜燒甜醬油湯、地獄火岩湯、沙嗲湯、鮮番茄湯和鏗魚昆布清湯

之前食過覺得唔錯又幾抵就食左第三次。天氣熱時九點半入座有85折架，但今日凍到死就乜都冇🤷🏿‍♂️.我地五人有兩個鍋，佢話四人以上可以免費轉松露湯底，咁兩個轉晒，點知轉個頭話冇🤷🏿‍♂️.第一次試松露湯，一滾起嘅時候好香呀😍！158套餐羊雞豬任叫..飲品任拎，m字頭同h字頭雪糕係冇得任拎架.我覺得呢度嘅賣點係...可以自助炸野食😍有蝦.丸.茄子.腸等等，仲有好多味粉沈上去.其實乜湯底都好，得第一水有啲味，之後可以叫佢加湯或水，不過會越食越咸，整體ok, 好過食酒樓個啲打邊爐而已

同老爺慶祝拍拖週年, 加上天寒地凍, 最好就係打邊爐! 老爺話既然慶祝週年紀念, 當然要食最好! 於是叫左368 個grade, 有日本黑毛和牛和牛同澳洲和牛, 豚肉, 雞肉俾你任君選擇!仲有刺身﹑海鮮拼盤俾你!日本黑毛和牛~ 雪花好均勻, 好有牛味, 同埋切得好薄, 一淥即熟澳洲和牛拼盤~ 相對日本和牛, 澳洲和牛則比較失色. 除左比較肥之外,,牛味亦無咁重, 有d 部位仲好陣騷味刺身~刺身選擇唔多, 但基本三文魚, 蝦, 北寄貝. 帶子都有. 食一轉其實都幾飽海鮮拼盤~ 全部雪藏海鮮, 無鮮味, 其實唔送好過其他火鍋配料~ 都係以丸同菜為主, 都有20 款俾你選擇. 湯底~ 湯底款色好多, 今次揀左牛骨湯, 正! 濃郁既牛骨牛乳味, 要黎煮牛肉好正!!

周年紀念，想搵啲特別既地方，果然冇失望。食物唔係好奢華，但新鮮而且款式多。服務又唔錯，職員幾有禮貌。。。最有趣係可以自己炸天婦羅，小朋友覺得好好玩(當然要大人陪同拉)

臨近月尾又係時候慰勞一下大胃王同事，上網睇呢間食評唔錯又放題，岩晒。叫左398放題，昆布湯底，入面滿滿昆布甜豉油味道。日本黑毛和牛，油脂分布靚，好滑無渣，肉味濃郁，4款都好出色，同係日本食有得揮。海鮮盛，用料新鮮，誠意位~尤魚一舊舊串起，完全唔怕放左落湯搵唔返，讚。刺身新鮮，甜蝦最好食，鮮甜，讚。自助吧有好多選擇，丸，菇，菜，小吃，面，包羅萬有，今晚全場爆滿仍然補給快，讚。炸物機，好玩又好食，今晚人多需要排隊等，炸粉濕左叫待應更換都好樂意，秋葵炸完外脆好食，讚。飲品選擇多，有貴價雪糕，值回票價，讚。

女友知我昨晚打邊爐 今日又話要打 仲話同事介紹間平靚正既鋪 門面幾日式 晚市人流多 幸好醒目既女友book左位 等10分鐘入座ok親愛的唔食牛 連湯底有牛味都頂唔緊 唯一選擇最平158位 眼見隔離枱d牛😫 感嘆號 感嘆號 感嘆號豬骨濃湯底 先飲啖 非常濃郁似用大量豬骨熬製豬 薄薄片 淥得耐都唔硬 雞肉 柔嫩新鮮無雪味 羊肉 薄片 要讚一下so味適中 自己食左3盤自助吧 各色各樣丸類正常 蔬菜新鮮refill快自助炸物 蝦 秋葵 蕃薯仔等 一串一件 自己整幾過癮飲品任飲 驚喜位 波子汽水😲 放題少見

食飽坐車回家塞車做乜好 寫返篇食評分享下 坐位與坐位之間 頗濶落 地方算大 店員執野快手 服務幾好今晚揀左我最鐘意又較傳統的壽喜燒 友人揀牛乳湯（+18蚊）壽喜燒小小甜算清 牛乳原來都幾好 以為會杰杰地好膩 湯既質地兼香滑牛奶味 幾特別我地選左298位 肉質非常好啊 完全忘記影相 停唔到口 和牛正 起晒雪花有4款 撈到亂晒食 質素好高 牛小排肉味重 以為任食邊爐海鮮和刺身會一般 又估錯了 2樣都新鮮鮮味呢個算好玩 自己炸 粉槳厚薄自己整 有教學 自己推介細甜薯 炸完外脆內軟甜度指數爆棚

簡單黎講就係日式火鍋放題 + 刺身 + 自助炸物天婦羅238 以上既餐包刺身放題， 所以我就選左238有牛小排加普通豬牛雞。牛小排同肥牛都唔錯， 叫完轉頭就拎黎了， 出面d菜任拎都正正常常， 係個咖哩飯冇咩味。刺身方面比想像中好， 原先對火鍋店既刺身冇咩期望， 但完來都幾多款選， 食洛都ok, 同出面連鎖式方題就冇得比嫁啦， 但都好過一般街方小店。有劍魚，油甘魚， 大大粒帶子等等。。。份量都ok啦， 唔會好耐先黎， 同叫左幾轉都仲keep到， 算係咁了最後就講炸野個度了， 好明顯lee個只係卓頭野， 主要都係d小朋友起度玩， 大人都會試下既。。。 自己試過， 唔知點解唔係好上到粉， d面包糠俾人整濕左， d調面粉好多都塞晒倒唔到出黎， 而d職員都冇咩意思去搞番好佢， 可能佢地都知道， 大家都當個個位係玩具， 去玩下就算掛。。。。

湯底加十八蚊叫了壽喜燒同北海道牛乳，非常的正，壽喜燒甜甜的，很開胃，牛肉也不用點醬汁北海道牛乳開頭覺得一般，但到中段d水蒸發左d就變得非常濃郁的牛奶香味，配埋丁面感覺有點似芝士撈丁至於牛肉方面，我吔是選了澳洲和牛套餐，脂肪比例均和，入口即融，和平時食的肥牛很多分別，值得加錢一試（牛舌部位例外）刺身正正常常，但帶子比起其他放題蠻有鮮味的，海鮮拼盤則雪到很冰，可能是因為我們十一點半臨尾市才吃，攞出黎係有層冰薄係面，一般般的，只叫了一次就無再加題外一話，依度仲有炸串機玩添，雖然主角不是它埋單宵夜價221+湯底18/2人再加一，每位261左右，食厭左日式放題或者中式打邊爐可以過黎試一試

呢排天氣開始涼涼地，又係時候去打下邊爐啦！開頭揀佢因為見佢價錢都幾平，而且我習慣早食飯，佢有個優惠係7點半前離座又平d! 埋單每人$180左右，食到飽，性價比唔錯。野食方面佢有個炸機，自己拎蝦呀菇呀痴炸漿去炸，都幾得意！必食既係蕃薯仔超甜，同埋藍莓芝士蛋糕味dreyers上次去食個陣仲係我減肥既時候，去打下邊爐都唔錯，因為佢湯底都幾清（自己揀既）食多d唔同種類既菜，瓜，菇，蘿蔔等，暖笠笠又夠飽又可以同朋友一齊開開心心又唔洗食肥膩野！唔錯既選擇

上次夜收工返到大埔，嚟過呢度打邊邊，覺得好正，可惜太夜，吾想食太飽。一直想早D收工嚟食過。今晚早收就嚟開飯。極上安格斯牛小排喺至愛，120分鐘放題，$238 per head 亦好化算。肉類有美國殼飼牛、美國進口牛肉、美國自然䐁肉片、羊肉、日本北海道雞肉。仲有刺身 同炸物。無限 refill.湯底有八款，有特別味道湯底，例如牛乳湯底，當然亦有適合大眾口味嘅湯底。心大心細，亦可+$18 變鴛鴦湯底。北海道3.7 牛乳牛骨湯味噌芝麻豆乳湯鮮蕃茄湯鰹魚昆布清湯九洲豬骨濃湯沙嗲湯地獄火岩湯壽喜燒甜醬油湯我地㨂壽喜燒湯底。今次仍然奉送牛白肉，呢個牛白肉一試難忘。好好味。店員會先嚟一 round 所有肉類, 如果沒有吾食嘅肉類。今次特別喜歡豚肉，薄切，很快熟。配壽喜燒好正喔。今次refill 左兩次 Tim 。😀 再嚟勁大盆剌身，嘩⋯大滿足。還有蔬菜 bar 供應不同蔬菜類、烏冬、白飯等。上次冇試炸物，今次要玩吓先。自助式，圖文並茂教你點 handle. 吾難⋯好玩又好食。仲有雪糕，雪糕糯米糍、雪條，非常正。亦有多款飲品供應。性格比真高。不錯！

講真吾食得多又想2口子食牛，最好就係食放題，今次就試左稻八日式火鍋。因為早嘅關係大約坐咗三份一人，睇完餐牌，我哋今次就叫咗中假的極上安格斯牛小排放題 $238，而湯底選擇蕃茄湯。竟然有自制炸物，仲要種類吾少，有辣有吾辣，當然叫男人試玩啦，整完熱呼呼食，佢都大叫大叫好玩。肉類一黎就有：牛白肉（比較少見，口感都幾特別），牛，牛肉，雞肉 ，羊肉，豬肉，餃子（灣仔碼頭喎，少有）……食物新鮮不在話下，牛肉味勁濃又香，雞肉竟然十分嫩滑（有驚喜）……吾太胃口的我們食完咁多碟都十分飽。吾好吾記得仲有一張紙咁多的刺身，黎到成架刺身船已經覺得值回票價啦 ……刺身味道鮮甜又厚肉，三文魚仲食到感覺腩的口感添。蔬菜就正常新鮮多選擇，仲有烏冬同日式小甜品。意外咖喱飯十分好食，必食（少少咁多，大把野食）啦……因為仲要試食其他。雪糕雪條飲品都係任飲（吾飲得凍飲既仲可以飲熱茶）……玩下炸物食下放題，這店的價錢的確吾錯選擇。怪不得食到一半全店已全滿了……可以下次同朋友黎聚會吹水都吾錯。

今日去大埔睇中醫,之後我同男人就行下街,點知我地行行下就差不多行到去太和,見到原來野食都吾少,同之前來的時候己完全吾同,我地之後見到有間打邊爐牛肉都幾靚同價錢都抵食就入左去試下...入去到好快就有人問要邊款,我地就選擇238的邊爐餐,見又有雞肉,羊肉,牛肉,刺身...湯底就要左蕃茄湯, 不久野食開始黎到,好快4人桌已經入滿了.醬汁都吾少選擇,當然係食芝麻醬加辣豉油啦.飲品有熱有凍,最後都飲檸檬茶和熱茶!~因為我地吾太食刺身關係只叫了少少來吃,八爪魚好有口感,櫻花魷魚同甜蝦都好好鮮甜....沒想到都幾新鮮.牛肉係安格斯所以口感吾洗講一定好味啦, 沒想到這裡雞肉都十分嫩滑,豬肉好有豬味而帶少少膏但一點都吾肥,而且增加不少香度.蕃茄湯底都夠濃郁同香,而且出面仲有吾同蔬菜選擇,最後我地再加蕃茄就更好味道,這裡其實仲有自制炸物,但因為打邊爐己十分飽,最後冇食,而甜品我地就拿了芒果雪糕,這款雪糕係其他地方都只限一杯,但這裡係任食,整體黎講價錢十分抵食而且質素比心目中高添

不論什麽天氣打火鍋是最合適我地香港人的飲食文化！加上日式放題,更受歡迎！我住附近有間人氣日式火鍋店,我也曾幫趁過,今回同友人一起去涮餐飽！日式壽喜燒湯底配上不同颜色的盒盛載不同的肉類食物,牛,羊,豚,雞, 各式其式！喜歡吃什麽,就添食什麽！Yummy, Yummy!還有刺身,点來一盤自已喜愛的,很豐富！魚生很新鮮,甜美！仲可以自已落手落脚,自助式的去做天婦羅,餐廳提供10多款已經串起的食材,自已上漿去炸！你睇,幾正,好味！如果你喜歡吃雪糕,咁真是喜出望外,Dreyer's 唔錯!飽飽！