秘 (偉晴街) (已搬遷) 新店位置

岩岩去完日本返唻, 特別掛住日本既野食!今日難得老公可以準時收工, 網上見OpenRice 多人介紹, 位置都好方便, 係正佐敦站同柯士甸站中間, 行路都係五分鐘可以到達, 我地book左七點鐘, 去到馬上安排入座, 今日分別叫左燒黑松露吉列牛同埋浦燒鰻魚飯, 擺位已經加哂分令人好有食慾, 流心蛋非常吸引, 個湯就清清地幾甜, 先講下個吉列牛, 佢有一個爐比你自己燒附送一舊牛脂肪, 燒落梗加香口, 牛肉既生熟情度可以自己控制, 燒完條邊仲好脆卜卜, 送飯一流！至於鰻魚飯, 一d都唔腥之餘仲冇骨, 撈埋飯素非常好味！餐廳仲設有六人枱, 一班朋友唻食飯gathering 都冇有怕！

近排愛上左食吉列牛，所以今晚友人又帶我未食過既餐廳試下！呢間餐廳係佐敦比較靜少少既巷仔，近柯士甸站，我係佐敦港鐵站出大概行左5-10分鐘就到了！餐廳不算很大，有少少工業風，燈光柔和！我地大概6點幾去到既時候唔算好多人，但差唔多走果陣餐廳都差不多滿座了！今次點了一個吉列牛餐，一個芝士豚肉餐！板燒吉列牛配金魚湯定食($166)，這裡的吉列牛油脂比較平均，不用燒得太耐，肉質鬆軟而且juicy，配埋附有的醬汁一齊食更加惹味！牛肉的份量都唔算太少，足足可以食哂成大碗飯！這裡的飯比出面的大碗，唔怕食唔飽，而且仲有飯素係上面！櫻花金魚湯，賣相很美，有肥美的金魚又有櫻花，金魚其實係蝦餃，店員提醒了要襯熱食，唔係就會變硬了！個湯清清地，岩哂食完吉列牛飲！芝士吉列豚肉定食($116)，這款是不用燒的，已經整好俾你。芝士跟豚肉是分開的，可自行喜歡加幾多醬都得!唔倒落去又可以自己點黎食!兩款定食都包括有溏心蛋，蛋黃還有少少流心，味道淡淡地，唔會好濃!總括黎講，餐廳不算很大，店員都很落意介紹食物!食物價錢唔算太貴，質量都不錯，可以再返黎食!

自己一向都好鐘意食吉列牛，見到呢間餐廳有黑松露吉列牛，當然要試一試啦！今日終於都試到喇，餐廳唔算好大，一入到去就聞到好大陣牛肉既香氣，令人垂涎三尺。店員亦好有禮貌同我地講，要燒到幾成熟先至嫩口同多汁，服務好唔錯☺️👍🏻《秘燒黑松露吉列牛配定食 》$186比黑松露深深吸引左，每舊牛肉都被黑松露吉列邊包圍住，牛肉色澤粉嫩，油脂分佈平均，口感軟稔唔會有硬硬既筋，牛味濃，入口散發濃濃既黑松露香，非常可口惹味，外脆內軟，每一啖都好滿足🥰。燒牛嘅器皿上有一舊牛嘅脂肪，用黎取代普通食油，令牛肉味道更好牛燒至五至七成熟，口感最嫩最多汁，配上奉上既醬汁更惹味。《板燒吉列牛配定食 》$146同樣外脆內軟，牛肉軟稔又juicy👍🏻👍🏻同樣十分出色！不過個人認為呢個口感比黑松露牛更好呢🥰青檸梳打 $26呢隻青檸梳打係我飲過最好飲嘅青檸梳打，一開始嗌既時候店員同我地講呢個梳打可能會好酸，但我鍾意飲酸野，所以最尾都嗌咗。味道好fresh同酸甜度岩岩好，啱晒鍾意飲酸野嘅朋友。櫻花汽水 $26見到佢係櫻花好似好好飲咁，所以就叫咗，但飲落係有啲失望，成支汽水得個甜味同埋冇乜櫻花味，可能我唔知道櫻花係咩味，但真係得個甜字，

之前先生係荃灣工作已經試過荃灣店話好味，今次佢帶我黎佐敦店食吉列牛。板燒吉列牛只係炸一炸再自行燒到岩自己既熟度，肉質油花唔錯好軟嫩又有汁有油香，明乎其實外脆內嫩，正，仲有糖心蛋有淡淡鹵過，都唔錯。飯係加左味素令飯更香更好食。浦燒原條鰻魚飯鰻魚好肥美，無咩骨，鍾意食鰻魚一定好滿足。清酒煮托托蜆酒味唔會太濃，加左蒜蓉辣椒碎湯底幾好飲，托托蜆幾肥美。餐廳全日免收加一very good, 餐廳裝修簡潔乾淨，野食味道真係唔錯，先生無介紹錯

聽朋友講呢間餐廳係荃灣好多人排隊，幾好食，既然今次新開左係佐敦，近我多d，一於同男朋友book左位去食。外面裝修得好似日本地道餐廳，有塊布寫住「秘」，係店名，好有氣氛。見到餐牌，樣樣都好吸引，所以同男朋友一人揀左一款，咁就可以share。我叫左浦燒原條鰻魚飯，晚市加配金魚湯定食，因為想試下條金魚。原來份量都幾多，鰻魚燒得好令，鋪係飯面，醬汁濃郁，重有一隻流心蛋切開一半。鰻魚都幾大條，長度岩岩係個木盒size。而金魚中間釀左魚肉，幾彈牙。店員重好細心提醒我地，要襯熱飲個湯。男朋友叫左板燒吉列牛，晚市加配定食。牛既份量都幾多，外面炸得好鬆脆。我地可以自己燒，決定燒到幾成熟，幾有趣既體驗。最後重加左個清酒煮蜆，估吾到d蜆咁大，幾清甜，辣辣地，幾入味。店員提醒我地，d蜆本身已經熟，煮熱少少就可以食，吾係會老，服務幾好。

好幾次經過「秘」神神秘秘甘，今次就去睇下佢既真面目🤣🤣裝修的好型格，座位之間好寬敞✨原來主打係即燒吉列牛。 一場黎到緊係食主打🐮🐮🐮板燒吉列牛：雪花般的牛肉😍外層係略為炸過，可以鎖住肉汁，放上石板燒到自己鐘意既熟度，入口牛味濃郁。而驚喜之處🤩係我放左上板，完全唔記得片牛，一路係甘傾計，十成十熟透，點知入口一樣肉嫩多汁，食得出肉質高級😁 蒲燒原條鰻魚只係$78蚊，價錢超值。原條鰻魚真係好大，厚身彈牙，最緊要冇骨，淋上嘅鰻魚汁好味道😃配飯食就最岩。每款主食可加$58有櫻花金魚湯、流心蛋和飯。金魚真係好靚，打卡一流，連魚鱗都做埋，外表真係唔捨得食😍內裡其實係蝦餃，大大隻鮮蝦好彈牙，可惜皮可能要造型，有點厚。蛋：做到流心，好入味。白飯：加上大量飯素 超開胃✨飯都食多左

好耐之前喺荃灣總店食過，記得嗰時唔book位應該都冇機會食到！知佢開左出佐敦，都想再食。。臨去之前打去問左有冇位先敢去，怕摸門釘知道有位即係狗衝去！！好在都早去，仲有一半吉枱，我地叫左個吉列牛套餐配流心蛋+玫瑰金魚湯+飯素，超可愛呀個金魚湯！！好真實，裡面有d似蝦餃嘅感覺，好正~加埋飯素嘅飯係真係好味d, 連埋加列牛嘅醬，簡直一流~~另外男友叫左個芝士吉列豬扒，都好大份，炸得剛好，熱辣辣，好香口又唔會overcook. 好滿足的一餐

在東京吉列牛是令很多人瘋狂排隊的餐廳之一，這一陣子在香港就流行了食吉列牛，不過香港吉列牛的價格都比較貴！朋友見我喜歡食吉列牛，就話我知他附近開了一間平價的吉列牛！！而且餐廳更不用收加一服務費。餐廳職員於我們入座後便立刻遞上熱水，服務貼心。我點了慢燒吉列牛加配金魚湯定食,價錢是108+58（$162),比起外面的吉列牛還是便宜。金魚湯定食有（飯，湯和溏心蛋一顆），十分豐富。吉列牛外脆内軟，牛油的脂肪比例適中。我喜歡吉列牛的原因是可以自己動手燒！燒到幾成熟由自己話事，吉列牛燒至7成是最好的狀態，此時的牛肉不會過熟有肉汁而且牛肉依然軟霖，配上醬汁一起食用更是惹味。溏心蛋很甜，蛋白已經凝固，而蛋黃呈點點液狀和膏狀，十分美味。最後是這個金魚湯！！金魚湯造型好可愛，金魚栩栩如生。湯的味道比較清淡，本以爲金魚應該是年糕，誰知道裏面的内餡是蝦肉！外層就是煙韌的皮，像是吃蝦餃一樣，這道金魚湯真係好有創意。

「秘」之前喺荃灣食過，已經好鐘意，就算要排長龍都成日幫襯！依家係佐敦開咗分店，更近我公司，當然要去試下啦！跟總店一樣，沿用工業風，好看又跟板燒的風格很配合！板燒吉列牛定食 $146散叫吉列牛是$108，加$38會有秘之飯素、楓糖流心蛋和櫻花昆布湯。加入飯素的飯，又香又惹味，令人不自覺地整碗KO！以牛脂起鑊，以牛煮牛，原汁原味！是美國的安格斯牛小排，油脂分佈均勻，光看也令人食指大動！楓糖流心蛋除了濃香的蛋液外，仲額外多了一份清新的甜味，美味非常！吉列牛切片後，調味過的麵包糠仍緊緊裹著牛肉，十分香脆之餘，亦封鎖住肉汁，濃郁的肉汁在口腔內爆發，正到無朋友！浦燒原條鰻魚飯金魚湯定食 $136散叫鰻魚飯是$78，加$58會有秘之飯素、楓糖流心蛋和櫻花金魚湯。湯清中帶微甜，而金魚的體型也頗為大件！金魚之內有極多蝦肉，又爽又彈又甜，正！鰻魚的Size有點誇張，木盒也差點裝不下。鰻魚肥美肉厚，醬汁香濃，極為濃郁滋味！

上次喺荃灣經過秘，好吸引，但最後冇入到去食，之後先知原來佢佐敦有分店，就腳啲！呢啲燒吉列牛成日見人post，終於可以試下喇menu主要有板燒牛，仲有火鍋、鰻魚飯、其他小食。本身都想試下吉列牛嘅，但見到有就咁嘅牛肉，就覺得冇咁熱氣，試下呢個先～板燒安格斯牛 晚市加配定食（$146）板燒安格斯牛 $108 + 晚市加配定食 $38終於有得打下卡喇～ 定食擺盤好精美成個set包左好多野，份量十足，物有所值，食完真係幾飽下。安格斯牛嘅份量十足，上餐嘅時候排到好靚🤤另外有一個迷你爐比我地自己燒～用肥膏搽咗個面先，防止癡底。因為係自己整嘅關係，可以控制熟嘅程度牛肉嘅油脂分佈好均勻，燒嗰陣已經聞到勁香嘅牛味，好吸引！店員會不時嚟為你加炭精，好細心秘之飯素：白飯就咁食好齋，加埋上面嘅紫菜同飯素配料一齊食，增加口感之餘，成個飯都好香好易入口。楓糖流心蛋：味道岩岩好，唔會太甜！🤓櫻花昆布湯：味道清清甜甜。記住趁熱飲呀！蒲燒原條鰻魚飯 晚市加配金魚湯定食（$136）蒲燒原條鰻魚飯 $78 + 晚市加配金魚湯定食 $58鰻魚好大，大過手掌！肉質彈牙，淋上嘅鰻魚汁帶出鰻魚嘅鮮味，不過個人就嫌佢有啲太咸。 飯上依

早幾日經過佐敦上網見附近有’秘’既分店，所以決定去食，因為我好鍾意食牛，仲要係板燒。鋪頭其實有點偏，但去到唔洗點等位已經贏了，比起其他分店等好耐已經差好遠，所以下次我都會選擇佐敦分店。未入鋪頭陣烤肉味已經飄左出來，如果間鋪位再開於多人經過的地點一定會更加多客人到。而且牛肉上到時，果然無令我們失望，真係好吸引，已經加快速度影相然後急不及待地食了。價錢算中等，質素比得上價錢。而且個飯加上特別配料及醬汁，真的很好味。

早就聽朋友說過秘係幾好食，而且價格相宜又不用加一服務費，可惜每次經過荃灣都大排長龍，最近聽說在佐敦開了分店，就趁平日晚上人流較少去吃吃看。身為饅魚控的我馬上被菜單的原條饅魚飯吸引著，就點了這個外加金魚湯定食。金魚其實是蝦餃來的，外型趣緻可愛，打卡必點之選。饅魚飯登場時整個嚇到，因為單點$78實在很划算，饅魚肥美厚身，烤得很香加埋加滿飯素的飯一起吃真的是一大享受。溏心蛋也很入味和溏漿滿滿，很好下飯 👍🏻朋友就點了板燒吉列牛加溏心蛋和櫻花湯。吉列牛是整塊預先炸過再切片的，在熱石板烤十幾秒左右就能吃，生熟隨自己控制都幾好。之前在東京旅行時也吃過這種，基本上都一模一樣。 牛肉質感軟淋，加上炸過的吉列外皮都幾好食，預先炸過更能鎖住牛肉中間的肉汁。 飯也是加了滿滿的飯素，非常可口。

吉烈牛並不是新鮮事，但的確難以搵一間有風味既！秘！裝潢有風格，掛飾特別，門外門內兩個世界！食物有質素，價錢比起其他實惠，一百元有找，有湯有飯有牛，金魚外形既蝦餃，有心思！飯內有多種配料及調味，獨特口感配上珍珠米，好味！——————吉列牛自行調節熟度，不韌，冇筋，油脂不夠可向店員再加！—————-鰻魚飯大碗！美味，皮脆肉嫩，一定夠食！—————-飲品多選擇，更有來自日本的碳酸飲料，孤陋寡聞係其他食店冇試過，試完又覺得幾好味。

一人一鍋邊爐試，一人一爐燒肉真係好得意，即燒即食熱辣辣，又過癮。原條鰻魚味道唔錯，不過可以再熱一點，鰻魚魚味不太濃烈，冇辦法啦，個燒安格斯牛咁搶曬風頭！之前係荃灣見到已經很想食，但奈何本人住將軍澳實在太遠，依家係佐敦偉晴街開咗分店，佐敦站或者柯士甸站出都好近，餐牌款式唔算多，可能價錢未必係最底，但勝在用料夠靚夠精！！值得推介嘅一間小店，用心製作，值得支持！我相信有大家嘅支持，香港唔會只得連鎖餐廳，都會有更多特色嘅食店生存！

星期日中午時間去食一d都唔多人，可能係新開嘅關係，又唔係大街位置，所以比較唔顯眼。餐廳嘅裝修裝比人嘅感覺係貴價日本餐廳，但望返佢哋嘅menu，最貴嗰個set都唔洗$200我就只係得兩個主食可以選擇，浦燒原條鰻魚飯（$78）同芝士吉列豚肉（$78），加$20轉定食配埋個秘之飯素同楓糖流心蛋，成個餐$100有找然後好多人話平野無好野，呢個觀念就真係大錯特錯啦！$78食到原條鰻魚，仲要係厚肉多汁，入口充滿魚油香，又有少少焦香味，係香港呢個鰻魚算係相當高質呀而個吉列豚肉都好出色，炸粉唔厚，豚肉又唔會乾，一咬就咬得開，食落唔會膩又無好熱氣嘅感覺，芝士汁另上唔會令到d吉列豚肉浸到林晒，呢個位係細心嘅芝士汁好滑，奶味比較重，同出面平時食嘅芝士汁有少少唔同，都幾夾d吉列豚肉嘅，但我個人覺得唔沾芝士汁好食d加配嘅秘之飯素就無咩特別，只係一般買日本食材嘅地方買到嘅飯素......個楓糖流心蛋就偏甜，但隻蛋嘅半生熟程度係唔錯嘅！另外我仲試咗佢個避風塘軟殼蟹（$58），足足有兩隻完整嘅軟殼蟹抵食到爆！有勁多炸蒜，熱辣辣好香口好正！