秋田鐵板燒刺身專門店

营业中

休息中

秋田鐵板燒刺身餐廳位於天文台圍，一開始不是太容易找到此間餐廳。這家餐廳真的不細，在1樓、2樓和3樓都以「秋田」命名，專注於不同種類。我和朋友共享一張鐵板，廚師在鐵板上烹製各種美食。我們選擇了二人套餐，包括以下款色：首先是季節沙律，沙律菜搭配柚子汁，開胃又提神。接著是魚籽鵝肝蒸蛋，充滿著魚籽鵝肝的風味，美味無比。鮮活龍蝦是另一道菜，鐵板烹調使得龍蝦外皮微微焦香，肉質鮮嫩彈牙，每一口都充滿了龍蝦肉的口感以及肉質豐富。而烹調過程中，最深刻是噴火環節的廚藝，，更令我嘆為觀止。原隻鮮活鮑魚，活生生的。鮑魚切成差不多大小的一塊一塊，肉質非常彈牙。象拔蚌也是鮮嫩彈牙鮮味清新，搭配蘆筍，味道豐富。香煎頂級鵝肝，鵝肝香口豐實，油脂甚重。香煎北海道帆立貝，肉質肥嫩彈牙，搭配紫菜增添了層次感。牛肉鐵板燒則是濃郁牛味，肉質嫩滑多汁，口感細膩。秋田炒飯味道也不錯。飯料分明。炒野菜則味道清新可口，可以平衡了有肉有菜的一餐。龍蝦清湯用剛才燒過的龍蝦殼熬煮而成。鮮味十足甜品方面，紅豆薄餅係我至愛。但即場新鮮整少至又少。十分美味。最後，廚師帶來了一個驚喜的彩蛋！廚師做了一個公仔，是用蛋及飯做出來。非常有趣。

We have never experience such an exhausting lunch. We were there for a quick birthday lunch with our boss. And the chef did not care the fact that we ourselves were trying to have a conversation. He continuously trying to join and lead the conversation. We are there to have lunch, not to have a conversation with you. The chef is really unprofessional and do not have the skills the read the room.The food was just ok.The restaurant itself felt dirty and greasy.

✤♡ 經典鐵板燒 • 公仔圖案祝福字句有創意 ♡✤▫️在朋友的帶路下來了 @akita.oc.mhi ，又是滿足的一餐‼️❤️ 有別於其他的鐵板燒，這裡可以用炒飯圍成喜歡的公仔圖案，也可以寫想表達的字句，相信無論是大人、小孩一定都會喜歡‼️💖▫️❥$𝟵𝟱𝟬／ᴘᴇʀ ᴘᴇʀꜱᴏɴ 秋田二人前套餐 🍽️～～～～～～～～～～～～～～～～▰ 季節沙律🥢翠綠色的沙律很新鮮，喜歡那微酸的黑醋，很開胃‼️▫️▰ 魚籽醬鵝肝蒸蛋🥢師傳三兩下功夫就將熱乎乎的蒸蛋呈現在眼前‼️鵝肝確實有畫龍點睛的效果，令蒸蛋更加美味‼️▫️▰ 鮮活龍蝦🥢龍蝦的肉質爽彈得很，淋上用龍蝦膏、牛油煮成的醬汁，既濃郁又美味‼️▫️▰ 鮮活南非鮑魚 (或時令海鮮)🥢一整塊昆布覆蓋著鮑魚，再加入少許鹽將鮑魚烤熟‼️鮑魚切成塊狀，好嫩好鮮‼️加點調製的忌廉昆布汁，也很喜歡‼️▫️▰ 香煎北海道帆立貝 (或香煎頂極鵝肝)帆立貝兩面煎成金黃色，再用香脆的紫菜包著進食‼️看著帆立貝它那一絲絲的纖維，甜鮮又彈牙‼️▫️▰ 鹿兒島霜降和牛薄燒卷🥢一大片和牛卷輕微烤成五成熟，滿口的油脂香‼️中間包裹著青蔥及蒜片，所以不會有太大的膩感‼️▫️▰ 秋田炒飯🥢看著粒粒分明的飯粒在師傅熟練的手勢下不

灣仔QRE Plaza有好多間唔同既餐廳，今次就揀左試呢間秋田鐵板燒😍估唔到灣仔有性價比高既鐵板燒，裝修亦都好日式☺️有壽司同鐵板燒既Bar枱位，亦有普通既四人枱😆店鋪雖然佔左成層，但面積唔算大，座位間都有啲迫，不過都可以接受😝最重要係Lunch Set價錢好抵，唔洗三百蚊就可以食到鐵板燒，抵👍楓 Mepura （$208）🥗前菜田園沙律鮮三文魚籽蒸原壳蛋前菜味道正常，蒸原壳蛋都幾特別🥚係用原隻蛋壳蒸蛋，好香滑既蛋味🍳🐟海鮮（五選一）西京燒銀雪魚柳海鮮有帶子、虎蝦、鵝肝、魚柳同螺片可以揀🦐我就揀左西京燒魚柳🐟魚柳表皮煎得香脆，肉質嫩滑，好新鮮😋不過調味就稍為淡左啲，另外點汁既話都好夠味🤭🐷肉類（三選一）西班牙伊比利亞黑毛豬肉就有牛薄燒、牛小排同黑毛豬揀😚因為我唔食牛，所以就揀左黑毛豬🤗豬肉都好軟林，唔會好韌🥳不過我就中意豬肉片卷住蔥薄燒多啲🤣🥘配菜漁香味噌湯秋田特式炒飯炒野菜日本雪糕或咖啡食埋配菜成個餐勁豐富勁飽🤩炒飯都好好食，炒到粒粒分明💯味噌湯亦好足料👍甜品仲有即燒既紅豆餅😇大滿足🥳/📌秋田鐵板燒刺身專門店灣仔皇后大道東202號QRE Plaza 8樓/😋食物質素：8/10🍽️用餐環境

垃圾到要寫人生第一個食評講有幾差…今日下午去食，order左「菊」套餐已經唔係多客，但個師傅勁趕頭趕命將幾個客所有啲海鮮一次過放哂落去一獲熟每次啲野食到一半佢就上下一round野食搞到食個陣已經凍哂所有野都hea到爆最後食左一半炒飯 都仲未食啲菜個陣個staff已經走埋黎問要雪糕定飲品🙄🙄🙄從來未試過食鐵板燒食半個鐘就走人味道方面，除左佢個鮑魚啲調味咸到pk之外，其他啲野都係冇味咁制😑今次係整差體驗，唔會再有下次

好耐之前食過哩間秋田鐵板燒，當時第一次嘗試鐵板燒，除左野食好味，又同時睇到師傅烹調，都幾過癮架。今日相約朋友在附近想食餐好，我就諗返秋田，希望可以食返當時的美味。事先講明，好多時佢只係接受訂位，記住要book位先呀。餐選擇唔多，我同朋友分別揀左櫻 （自選兩款海鮮）同楓（自選一款海鮮+一款牛）前菜田園沙律—一般，冇特別影低鮮三文魚籽蒸原殼蛋—蒸蛋蛋身夠滑，加左三文魚籽，立時衝擊味蕾，係好味的starter海鮮我地分別叫左原隻大虎蝦、脆蒜片青蔥美國牛肉薄燒卷、香煎頂級鵝肝同埋北海道鮮活帶子原隻大虎蝦—煎得有少少過左火，蝦身唔夠彈，味道可以脆蒜片青蔥美國牛肉薄燒卷—脆蒜片有少少蓋過牛肉本身的味道，可能放得太耐，唔夠脆身所以要咬多幾口，就會容易變成咁。調味都可以既香煎頂級鵝肝—鵝肝好味，夠肥，而朋友將一小舊鵝肝放入蒸蛋，反而係一個不錯的配搭北海道鮮活帶子—大粒厚身，經師傅煎香後淋上牛油蒜片，主菜中最好味之後重有幾樣野：秋田特式炒飯—哩樣係幾有驚喜，煙肉同櫻花蝦好夾，香口好味炒野菜—唔知會唔會都有人同我一樣，係好鍾意日式雜菜隻調味，簡單又好味！紅豆銅鑼燒—唔會太甜，正常味總結，整體食物味道都可以

為左Farewell 同事，大家決定去食餐好，所以搵左喺公司附近既呢間秋田鐵板燒。餐廳有四款set lunch，分為有楼/楓/菊/桃，價錢由$198-$350不等，任君選擇，而我今次就揀左---菊。望住廚師喺面前煮，未食都覺得興奮!廚師首先主理蒸蛋。前菜有沙律同蒸蛋，蒸蛋口感滑，蛋味濃。廚師主理緊南非新鮮鮑魚。鮑魚夠晒爽甜。同事點了"桃"，廚師主理龍蝦時為他表演了一手。來到主菜部分，我選了鵝肝及牛小排，鵝肝油脂好豐富，入口即溶，不過牛小排就有小小失色。主菜過後，廚師已經主理緊炒雜菜及櫻花蝦炒飯。炒雜菜有著濃濃的蒜蓉味及牛油香味。用珍珠米炒的飯，炒得粒粒分明，十分唔錯。最後廚師主理了一份銅鑼燒作結，午餐還跟了一份雪糕，十分豐富。不過銅鑼燒質感一般，可以做得更好。第一次食鐵板燒set lunch，可以睇到廚師親自處理食材，真係一個好好的體驗。

三文魚子黑魚子蛋殼蒸蛋前菜都幾精緻，份量2啖食晒。味道唔錯，三文魚子增鮮左蒸蛋。但近幾次食已經冇再落黑魚子。魚質都彈滑，保留魚的鮮味，份量都係唔多。蒜片薄燒牛牛肉包住蒜片煎，好香口，廚師會事前問每人要幾成熟。薄燒最好叫5成熟。份量都係少櫻花蝦炒飯炒到粒粒分明，有時廚師會畫公仔，呢個飯份量就一碗咁上下。鐵板豆沙餅幾可愛，但味道一般般，有時廚師會煎燶。整體來講，份量少，男同事次次都話食唔飽，女同事就話ok.材料唔算最高級，但都算新鮮。

話說一直都好想試下日式鐵板燒，今次終於趁自己生日🎂可以有藉口去試下啦😆今次就揀咗位於灣仔嘅秋田鐵板燒專門店，係尖沙咀都有分店，見好多人都會係度慶生，可以望住師傅用純熟嘅手勢烹調每道菜式，都幾治癒架😻😻呢度嘅鐵板燒有好多款套餐，價錢豐儉由人，今次就試咗鹿兒島四人前套餐，人均千二蚊左右，有好多款鮮活海鮮同和牛，飽到上心口🤰🏻🤣季節沙律、雞泡魚乾前菜有新鮮沙律同即席開鐵板燒得香口嘅雞泡魚乾魚籽鵝肝蒸蛋呢日鵝肝無貨就換成黑魚籽同普通魚籽，蛋汁裝喺蛋殼🥚上，放上鐵板蒸熟，食落特別滑溜，又有少許魚籽鮮味。鮮活龍蝦龍蝦🦞極之大隻而且見到好多膏🤩🤩見師傅先將龍蝦肉煎香，再攞啲膏出嚟煮個蝦膏醬汁，將龍蝦切粒，最後將醬汁同龍蝦肉炒勻。龍蝦肉好新鮮，口感彈牙爽口，醬汁食到唔少膏😗😗對我嚟講略鹹少少不過整體都幾好食。龍蝦清湯煮龍蝦時剩低嘅蝦頭、同蝦殼就會煮成湯，師傅會灑啲酒然後點火🔥火光熊熊嘅場面好震撼🙀湯頭幾清甜而且帶少許海鮮鮮味。原隻鮮活澳州黑邊大鮑魚鮑魚極之巨型😍嚟到時蠕動得好犀利，好生猛😏鮑魚用昆布同鹽焗，之後切粒，淋上昆布忌廉汁食，肉質腍滑保留少許爽彈，配忌廉汁呢個食法都幾唔錯😋😚香煎北海道帆立貝、

老闆請食飯簡左呢間，去到有好大個位圍住一齊坐，氣氛同環境都唔錯，傾計都方便d一開始先食蒸蛋(無影到相)龍蝦師傅一路同我地傾計一路燒，好有睇頭鮑魚好大隻，放喺鐵板上仲識得郁北海道帆立貝鹅肝多士，入口即溶厚切澳洲和牛 牛味好濃最後有炒飯 加咗煙肉櫻花 好滿足

大年初一去秋田食鐵板已變成我家習俗，感覺今年食材大縮水，不知是否疫情影響入貨質量，蒸蛋沒有了黑色魚籽，只得4至5粒橙魚籽，牛小排明顯縮水還有渣，伴碟蒜片不是即燒，但刺身食材仍尚算新鮮，職員態度友善

鐵板燒午餐🔥揀左 桃 ($350 pp)，都幾多嘢食，真係大滿足💯前菜方面係田園沙律同埋鮮三文魚子原殼蛋，賣相得意，蒸蛋好滑，三文魚子鮮甜👍🏻之後就開始鐵板燒部分，海鮮有鮑魚同埋龍蝦😍南非鮑魚好大隻，仲要超生猛🙈 龍蝦肉加埋蝦膏去炒，金黃色好吸睛，味道仲要更加有鮮味🦞 另外加左帶子，好大粒🥰 燒到7成熟咁好好食👍🏻肉就三揀一，有牛肉薄燒卷/ 牛小排/ 西班牙黑毛豬，我今次就要左牛小排🐮牛味濃，一口牛一d 都唔韌，加埋炒香左嘅蒜片一齊食仲好食😋食完龍蝦仲有龍蝦味增湯飲🤣 味道鮮甜👍🏻 最後就係炒飯同埋炒野菜，炒飯落左好多櫻花蝦 🦐甜品就有銅鑼燒同埋雪糕，雪糕可以揀抹茶/ 芝麻，兩款都唔會太甜，做飯後甜品一流💯

聖誕節鐵板燒午餐 🎄（原諒我寫得少）第一次係香港食鐵板燒✅聖誕節實在太忙，太多party，食完想快啲出，所以簡而精咁寫幾句，冇平時咁長氣🤪菊餐（$298/位）有新鮮蠕動嘅鮑魚，兩個人share，我揀咗鵝肝/帶子，牛小排，今餐有指定嘅燉蛋，炒雜菜，同炒飯。.鵝肝夠香，牛小排啱啱好七八成煮，唔鞋口。.鐵板燒以原味為主，好新鮮就唔會話落好多汁醬去煮，不過林尾炒雜菜時，師傅落多咗少少胡椒🤏🏻，唔小心朔左落喉嚨丁，咳咗嘅嘢。臨尾重有個叮噹豆沙餅同雪糕添鳴謝✴️叔叔嬸嬸請我食好野薦度（10👍🏻滿）：7.5👍🏻衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：8⭐️

📍Akita Teppanyaki Specialist Nothing too special about Akita Teppanyaki apart from the cartoon drawing fried rice. Seasoning was a bit underwhelming. Price: HK$1000 pp (dinner) Revisit: 6/10

一行六人因為朋友生日揀咗去食鐵板燒，今次已經係第二次嚟。。。今次揀左最普通嘅二人餐，因為我哋人多所以每款都可以試，一開始先來沙律，好快就有第一款魚子鵝肝蒸蛋，蛋比較細隻鵝肝亦都細粒所以口感一般，之後見佢開始處理龍蝦，鮑魚北海道帆立貝，眼見龍蝦鮑魚好新鮮，放喺鐵板上仍然識得郁，師傅配合唔同嘅醬汁，入口先甜，不過帆立貝時間耐左口感比較韌，好彩都好鮮甜。另外我哋揀咗厚切嘅澳洲和牛，眼見和牛紋理一般，師傅三兩下手勢已經整好，配合埋蒜片，牛味未係好濃，可能都係價錢問題期望不大，好快就到咗炒飯環節，加咗煙肉櫻花蝦蔥粒蛋，飯粒分明，都好好味，之後還有雜菜，甜品係雪糕同豆沙餅。整體來講，性價比一般，唯一要投訴嘅係抽氣十分之差，食到一半已經覺得好辛苦，油煙實在太大，希望可以有改善。