禾牛薈火煱館 (金馬倫道)

营业中

休息中

食物頗多花款，但並不如想像中新鮮，只是一般貨色。服務很差，訂了七點準時到，結果還要等30分鐘才能入座，但遲了給我們四人入座但不到兩小時就要催我們埋單非常離譜。同樣價錢有更好的選擇。

翅瓜雞湯秋風起，又係時候打下邊爐啦～呢間係我其中一間最愛既火鍋店做飲食最緊要放個心落去做，呢間火鍋完全做到左～呢個湯好濃雞味，賣相又好仲記得當年老細推介呢個鍋底，話可以先飲湯，飲完加返清湯落先再打邊爐我由當年愛上至今！ 三色餃呢味三色餃又係特式創意野﹣ 鮮蝦雲吞，皮薄餡靚～誠意十足啦～﹣ 韮菜餃，呢個今次有少少失色，韮菜味有D不足，之前食好D﹣ 意式餃，咩叫意式餃呢？？我叫佢做肉醬餃，因為入面既餡就好似肉醬咁～真係肉醬意粉果D肉醬呀！係咪好特別呢！唔好以為九唔搭八呀，佢同餃子都幾夾幾啱傾架！ 老友鬼鬼呢個又係心思野！將油炸鬼加D蝦膠再返炸一下～就好似煎釀三寶咁，但變左用油炸鬼同蝦膠取代！諗下都知好味啦！ 新鮮炸出黎，即刻脆卜卜放口又得～當炸魚皮咁放湯過一過又得！ 得左！！ 手切本地肥牛出面好多地方都話自己手切肥手幾靚幾靚，但硬係會發現有D切得好核突...或者好韌咁，但呢度真係比到信心我！大多數佢都係比脊肉，肉味重，口感適中，有少少脂肪，包無筋！唯一美中不足咪係細碟左D囉...成兩舊水一陣就清晒！ 川辣牛肚呢個好似新野黎，叫左個試下唔洗放湯，麻辣味香～我自己好中意食牛肚，所以覺得呢個好正

一向熱愛火鍋, 無論咩季節1-2個月總會打一次!!! 有次tst經過見到, 上openrice食評又唔錯, 所以同朋友黎飯局~~我地叫左花膠牛奶湯底 -- 味道好濃奶味, 又有骨髓既味道, 好滑, 感覺好滋潤, 花膠既份量都唔少, 正薄切肥牛 -- 肥同瘦分佈均勻, 色澤鮮明, 未食都已經流哂口水, 入口好淋, 牛味唔騷, 絕對係靚牛...... 鵝肝釀蝦滑 -- 呢個好新穎, 所以好想試, 本身個蝦滑新鮮彈牙, 雖然鵝肝係好食, 但同我想像唔同, 諗住入口即溶, 但鵝肝質感太硬...同蝦滑融合唔到喎老友鬼鬼 -- 全晚最唔掂, 油炸鬼好油, 蝦滑本身又炸過令蝦滑變硬, 唔好食鮑魚 -- 夠新鮮, 拎到過黎鮑魚仲郁架, 必食墨魚釀冬菇 -- 墨魚滑太實, 整體不過不失水晶粉 -- 滾1分鐘就搞掂, 感覺似薯粉但幼身D, 滑之餘帶點煙韌, 正金菇, 娃姪菜, 鳥冬 -- 金菇同娃姪菜都洗得好乾淨, 食得放心... 至於鳥冬係稻庭既....環境好大好舒服, 完全唔迫!! 而且每個car位都有電視睇, 岩哂d 煲劇既人啦...至於服務態度有某2個好似遊緊雲, 同埋講野太細聲, 改善下會更好

湯底一流！！ 從不飲打邊爐湯的我，淺嘗後即刻愛上，飲了兩碗！唔油！材料十足的濃湯！！好好味！食材新鮮！！叫了蝦，鮑魚，聖子！！全部識郁！！絕對新鮮！！鮮味十足！！總結： 物有所值！可以再去！

見佢地嚮飲食雜誌賣廣告...除左食物, 另一吸引之處係交通方便舖面大, 而且設有多間VIP房可供預訂而不設最低消費喎!!!...再加上網絡食家對佢o既評價都吾錯, 所以今年我班o既周年紀念晚餐就決定選址哩度黎試下啦!!...早早就booked定12人貴賓房…私人空間足, 亦吾怕嘈親隔離…房間間設寬裕夠光猛兼設有平面電視, 我地由6:45pm開場食足3個鐘, 過左輕鬆又愉快o既一晚!!大圓桌面預設左三個火爐位放湯鍋…不過我地認為兩鍋夠晒數…湯底方面選擇左一個較貴價, 聽講有少少治頭痛頭風葯效o既川芎天麻魚頭湯, 特別在服務員會先來清燉上湯分俾我地每人品嚐一碗, 葯味吾重易接受, 反而係覺得頗咸...飲完佢地會再來大鍋色澤較混濁o既天麻魚頭濃湯作火鍋湯底用...顏色雖然吾多吸引但味道鮮濃, 吾錯架!!...另一個湯底就揀左個平凡大眾化口味: 薯仔蕃茄濃湯!!...裏頭仲有粟米添, 令湯底更甜...肚仔餓吾等得, 簡單叫左數樣可即食o既日本燒…醬燒粟米人人讚, 清甜多汁燒醬濃!!...串燒牛舌亦爽吾會韌, 串燒東菇稍為吾夠肥厚... 火鍋料方面首先推介係…手切肥牛肉(x2)...脂肪分佈平均

由九龍城店食到尖沙咀分店, 品質都一樣好......不過分2段時間就唔係咁好.........星期六晚訂了8:30, 那天竟然不用等上一場散場, 仲有卡位添...........這裡卡位都有自己的電視........花生醬, XO醬, 乾蒜, 生蒜, 麻油, 蔥............花生醬好香, XO醬剩返好多油..............花膠牛奶湯底... $108 併芫茜皮蛋.. $30....牛奶味再濃D就100分......花膠也不少......牛奶湯底Refill 都是用牛奶湯.....讚......手切牛.....牛肉味濃, 好淋.....$118 例.....響鈴, 粟米, 竹笙.....芝士獅子狗....獅子狗裡釀左芝士.....夠特別...... 竹笙露笋卷...露笋有點難咬.......麻麻地....其中一個靈魂.......鳥冬, 放入水一陣, 將原先凝固既烏冬打散即可食, 30秒到1分鐘左右即可....彈牙到不得了.....水晶包也很好....义燒, 芋蓉, 奶黃.....皮煙韌的.....Yummy......最後來個甜品......芒果布甸.......

星期四晚七點鐘蒞到，人唔係好多，大廳的大台都我地走都係無人，但窗邊的卡位總算坐滿。近來蒞哩度已經有四五次，鍾意佢的原因係地方舒服，坐得又一尐都唔逼，夠晒私人空間食物方面，平均蒞講水準都幾好，而且佢有一尐幾特別的食材和湯底，好似乾菜豬肺鍋，魚頭胡椒鍋，招牌牛鍋等等今次點的係魚頭鍋，唔係太濃郁，但都幾清甜，而且尐魚頭好滑唔腥，連我少食魚的都食左兩舊。至於黑豚肉亦好味，如果唔食牛，哩樣係幾好的另類選擇。朋友話尐娃娃菜帶苦，失準，不過我就唔係好食得出，覺得都OK。當然不能不提豬肺，出面比較少地方有得食，佢同埋粉腸都好冧而帶爽，可以一試。不過我最鍾意係佢果款三色餃，其中的意式牛肉餃裡面係蕃茄牛肉餡，真係好得意。

身邊的中學同學有兩個已經是媽媽級了，所以中同聚會通常都只會到其中一個媽媽家裡，晚餐就叫外賣，很小到外面吃。忘了是什麼原因，這一次我們竟然約了平日的夜晚出來吃晚餐，還安排交換禮物的環節。平時周末的日子很難約，聚會之期通常都要改至少一次，沒想到原來平日晚餐那麼容易約，以後真的要認真想想把聚會都改成晚餐。那幾天剛好天氣冷，所以大家都想吃火鍋，其中一位朋友就推介這裡，我之前只吃過九龍城總店兩次，尖沙咀的還未來過，聽說這裡有包廂而且可以看足球比賽的。訂座的時候我本來想訂7:30，可是店員要求我要9:30交檯，因此建議我訂7:00，其實我7:00才剛在佐敦下班，還好有人能早到，先叫湯底點火鍋料可以節省時間。尖沙咀分店共有兩層，我們被安排坐在一樓近門口位，還好的是檯與檯之間有足夠的空間，一點也不擠也不算吵，可以好好的邊吃邊聊天。我到達的時候剛好湯底和部份火鍋料已送上，一坐下就可以開始吃。她們點了蕃茄薯仔牛肉粒湯底，湯底加入大量蕃茄，顏色呈橙黃色，喝起來有很濃郁的蕃茄味，而且蕃茄份量不少，滾到軟軟腍腍的非常好吃，還有裡面的紅蘿蔔、薯仔和粟米等等，是頗為健康的一個窩底。炸芝士丸。其實只不過是將芝士丸先拿

看到評分不錯， 所以與朋友試試。不是太失望，只是比想像中差。不知道為甚麼，整晚邊爐煲都不肯大滾，吃的不太暢快。食物與地方都很乾淨。我們吃了:1. 本地手切肥牛(價錢最貴但完全沒有牛肉味)2. 雪花肥牛(價錢比本地便宜，但稍微有點牛肉味)3. 響鈴(不錯，不油膩)4. 黑豚肉(好吃，很香豬肉味)5. 魚皮餃(不錯，我喜歡它的皮)6. 黑椒牛丸(ok)7. 鮑魚仔(ok)8. 美國筒蠔(ok)9. 唐生菜(新鮮)10. 絲瓜(ok)

我沒有想過，11人打邊爐，竟然會是3個湯底。是夜邊爐學會一行11人來到尖沙咀打邊爐，一開始7個人開了兩個湯底，是多了點，但不是不正常，湯底包括牛湯及豬骨湯，開這兩個是因為有人不吃牛(其中一個是小妹)。然而再來4個人的時候，竟然多開了一個麻辣，原因是有人要吃辣。好野，估你唔到。前菜來了 '皮蛋薑'，好特別啊~~~這裡的牛很出名啊，牛湯也很厲害，整個湯都是牛雜啊，雖然沒有嘗過味道，可是看到大家都吃得津津有味，就知道應該是不俗的。豬骨湯也不錯，又有骨又有菜又有粟米，很有骨氣。麻辣就真的很辣，從未試過一口便有鼻水流出的啊！大家基本上都是吃手切牛的，而小妹卻只可介紹鵝腸同腐皮卷，本來小妹是不吃內臟的，因一時無心之失，吃了鵝腸，嘩，好爽呀~~~就這樣，吃了不少。腐皮卷浸一浸，少少脆少少淋，岩岩好。下次可以再點。其他食物水準都可以接受，不過就不是很突出。不能不提，生麵咬感非常好，打邊爐沒有米氣，很快便會肚餓，但可以吃一個半個生麵，飽肚感便會長久很多呢。時近10點，再來三個人，都不是來吃飯的。其實邊爐事小，飲啤酒講笑話敍敍舊事大。不知開了多少瓶啤酒，又點了多少的竹蔗茅根水，是晚三個多小時的聚會才圓滿完

今次有五位朋友仔生日, 有20人一齊打邊爐, 要搵地方都有排搵, 又要坐得舒服價錢又唔可以太貴,平時去開o個d打邊爐任食又唔好食唔新鮮, 就算唔係任食都坐得唔舒服, 仲要迫到夾唔到野食. 朋友提議去呢間, 因為有一間房可以容納到咁多人, 點嘈點大聲都不會打擾到其他客人!我地一早BOOK定位, 所以唔洗等位, 一上去就安排好晒用具, 間房有電視睇,好正!!隔離仲有好多細房, 5-6個人都坐得. 職員服務態度不錯, 今次真係冇黎錯!!淨係湯底都好多款,有排簡, 咩口味都有,我地簡左個魚翅大冬瓜湯底, 成個冬瓜面都係魚翅,不過真係好鮮甜, 又唔油利, 開始時仲可以當湯飲先, 湯底入面仲有滑雞肉, 正!! 食物有好多選擇, 賣相都好整齊好新鮮.丸類又大粒又彈牙.海鮮類又乾淨.有鮮味仲有好多小食: 有好開胃既涼盤"青瓜鴨舌", "皮蛋薑" ,"炸魚扣" 有新意好味.服務都唔錯, 禁左服務鐘轉頭就有人入黎..最緊要出野食都出得快, 唔洗等好耐.服務員會定時定侯入黎加水,成班朋友食完都讚, 下次都會再去食.**埋單每人約三百蚊, 都唔算貴, 因為要請五個壽星.我地仲要叫左約30支大啤(藍妹/青島).

食物好新鮮, 賣相都好靚, 又多選擇, 一d都唔求期. 湯底有較多選擇, 我幾鍾意個牛奶湯底, 同有個魚翅冬瓜湯底, 成個冬瓜面都係翅, 正!刺身都好新鮮, 我最鍾意個禾牛刺身, good~~~~仲有好多小食選擇, 炸豆腐, 皮蛋薑, 炸魚扣都有驚喜, 不錯!!!每次成大班朋友, 16, 17個食飯都好頭痛, 因為好多餐廳都冇咁大張枱, 容納唔到咁多人, 一係12人枱夾硬當16人枱俾你坐, 迫到都夾唔到野食. 就算有既又話要叫指定既set, 又話最底消費咁, 聽完都已經唔想去食. 但係呢間禾牛薈唔止有張好大既枱, 仲有房tim! 可以坐得舒舒服服. 仲有細房, 3-4個人都坐得. 職員服務態度都不錯... 今次真係冇來錯!!

朋友提議去呢間食飯亦都好好BOOK埋位...所以唔洗等位而且重有間房比我地...間房有電視睇~~~正~~~第一次打邊爐用冬陰功湯底果然味道超出我想像~~~~真係唔錯~~因為我地4個女仔食野..所以冇叫太多不過值得推介佢個特級肥牛...好味!!朋友重叫左個豬肺....之前都未食過呢樣野,,,,今次試左味道都OK佢地GA SERIVE都唔差....禁左鐘就會有人入黎...同埋出野食都出得快..唔洗等太耐重定時有人入黎問洗唔洗加湯~~~唔錯唔錯~~下次都會再去食~~試下個麻辣~~~

在九龍城的Woo Cow 本人一向都係忠實fans~ 得知尖沙咀分店開張~~~即時book 台 , 試新地方~~ ^^尖沙咀店雖然是樓上鋪, 不過離遠已經見到好大個閃下閃下的" Woo Cow " 廣告版~ 位置 Good~ 新店 woo woo woo~~~ 巧令呀! ^^ 一入門口,老闆都認得我啦(九龍城店幫襯到已經認得) ~ 仲帶我參觀新店~ (好貼心喔)~ 有好多間房喔~ (有私人空間) like ^^好大好有空間感~唔洗有被迫住既感覺 ~ 讚~刺身 一樣新鮮~ 好肥美~ salad 咬落去十十聲架~~~ Fresh 呢個湯底既全名我唔記得啦~ 不過真係好鮮甜~ 係烚下烚下之前~ 可以飲左少少湯先~ ^^ 湯底入面仲有d 滑雞 ~ 方間既腐皮卷, 好多都冇左脆既感覺~ Woo Cow 有脆脆感~ 正~~~~好甜喔就咁當小食都ok ar!!! 炸左既芋片上面加左少少黑糊椒~ 好彈!!!雖然普, 不過本人喜愛~ hahaha彈彈彈彈牙~ 其實仲有好幾樣~ e.g. 本地手切肥牛, 豚肉 (不過upload pics有限, 不能盡錄) 一樣新鮮~唔知真係以為我賣緊廣告~ 不過

去開九龍城總店打邊爐, 已經好喜歡這間火煱店. 最近知道她在尖沙咀開了分店, 地點就腳, 一於約同事放工後去試試分店水準. 分店有2層, 裝修高雅舒適. 因為已預早訂了枱, 不用等位可直接上樓. 我們被安排了坐在卡位. 卡位極舒適, 枱面夠濶落, 最怕打邊爐枱面不夠位放食物. 點了鮮茄薯仔湯併瑤柱冬瓜湯, 兩個湯都鮮甜味美, 其他食物未到我們已忍不住先喝了湯, 湯底與總店一樣保持水準, 極美味 (最緊要真才實料冇味精!).老闆介紹了一款新小食: 金絲脆虾丸 (名字不太幾得了) 新鮮熱辣, 爽口彈牙, 配搭柚子醬, 不可不試.分店還新加日式燒烤小食, 點了燒粟米、燒魚翅和燒雞軟骨. 打邊爐還可順道食日式燒烤美食, 正. 必點精選三色餃和特級手切牛, 三色餃是自家製造, 最愛是意色餃, 一連吃了三隻! 手切牛賣相靚, 食落嫩滑鮮味. 服務員態度有禮, 環境舒適, 食物新鮮, 下次再約一大班朋友來 (老闆說新店有多間獨立房間) 到時可盡情吃喝說笑都不會打擾到其他客人啦 !