禾牛薈火煱館 (金馬倫道)

营业中

休息中

今日去咗尖沙咀行街🙆🏻🙆🏻未肚餓又見到呢間火鍋店十點後有8⃣折所以等到10點先去食但海鮮同嘢飲係冇折㗎😎🐥健脾養顏椰子雞煲 $188🐂特級手切肥牛 (細) $208💟美國桶蠔 $168🦐自家製法國鵝肝蝦丸 $108💟桂花蚌 $88💟凍蜂巢豆腐 $48湯底🥥椰子味好濃郁 用咗新鮮雞 🐤雞肉幾嫩滑🐮肥牛份量都幾多 厚薄適中桶蠔有五大舊 鵝肝蝦丸幾特別🦐蝦丸打得幾好 同鵝肝幾夾🤗🤗餐廳座位好闊落🤓卡位仲有部電視仔☕茶芥醬料 $25@10% Service Charge💰

朋友知我要去尖咀打邊爐，推薦這店，果然無介紹錯。訂了枱，星期二晚上8:00都接近滿座，已是信心的保證。見店內有幾張poster介紹了不同的湯底，名字特別，再問了店員，我們決定點的魚與熊掌鍋的主角原來手就是鮑魚和牛蹄。不是說笑，用龍頭鍋上枱很有氣勢，店員先把鮑魚逐隻拿出來show給我們看，然後放進湯裡。然後把整條牛筋和白蘿蔔剪件，每個步驟都令我們知道絶對真材實料，推介這個有原條牛蹄的湯底，牛骨湯味鮮，一諗起牛筋的骨膠原就覺有美肌的效用，牛筋不用急著吃，煲的時間長了更腍更好味。因為龍頭鍋實有太型，食物到齊後也忍不住要影一張「食物大合照」。本地手切肥牛有四個級別，我們點了一個細的本地招牌手切肥牛，肉味濃，有咬牛，一食便知是靚牛。另外要讚的是羊肉片，雖然只是薄片的羊肉，但最欣賞的是其附上的腐乳醬，有點像平時吃羊腩煲的味道，有心思。另外要推介的是這裡的自家製韮菜餃，菜和肉的比例好，大大隻。而聖子皇每隻$48也是好的，大大隻，新鮮。絕對是靚料的火鍋，店員服務一流，是一餐開心的飯敍。

選擇了胡椒豬肚湯，豬肚好好好無味！豬肚似就咁放入湯之內！ 湯就幾一般！ 冷氣好好好凍！ 醬料每位$25！有XO醬可選！ 尖沙咀交通算方便！食物都ok! 不過我個人會貴左D!

好少食火鍋係專推牛肉🤣第一次見咁多牛部位可以揀黎打邊爐！坐位好闊絡 坐得好舒服😌有多款醬揀 盛惠$50嗌左好多野食🤣湯底嗌左招牌禾牛薈 個湯底幾濃郁 本身已經有好多牛食 有牛肚牛腸etc 浸得好入味😋 我地再嗌左牛肉 蟹籽丸 蓮藕片 牛拼盤 雞脾菇蓮藕片同雞脾菇好抵食 份量超多🤣牛肉丸勁彈牙！鍾意呢種厚實口感！牛拼盤當中既牛胸爽同牛舌要一讚！十分推薦牛舌！食落相當脆口😋牛胸爽望落白雪雪以為係脂肪 但食落其實係脆口 好正！

平時都好鍾意打邊爐一邊，耐唔耐會約埋三五知己一齊去食一個晚上，今次就去咗尖沙咀其中一間火鍋店，他們主打應該係牛肉食材。港式打邊爐我哋多數都係會食沙嗲湯底或者芫荽皮蛋湯底，因為這天湯底都覺傳統而今次就食芫荽皮蛋湯底可以去熱氣。老實講他們整體美食都還可以但係價錢可以再大份一點就更加好而且佢哋同場都有唔同嘅優惠。食物方面他們的牛肉尚算新鮮，而且牛肉味亦都足夠，都是一個不錯選擇。但是份量可以再大份一點就更好。

湯底以牛肚、牛蒡、牛筋、牛骨及牛大腸熬製而成味道鮮甜而且非常濃郁無論配上肉類或海鮮火鍋材料都相當配合海鮮拼盤$288非常豐富的海鮮拼盤有海中蝦、貴妃蚌、鮮蠔及原粒帶子各款都鮮味十足，而且帶子份外爽甜彈牙蟶子皇$48/只肥美的蟶子皇分量十足，配上辣椒豉油進食提鮮又惹味特色火鍋美食包括松葉蟹黃包 $38/只一咬開湯汁非常澎湃，嘗出蟹肉的鮮甜味蟹黃分量超多，食出啖啖蟹肉至尊本地招牌手切肥牛 $388牛肉部位有五款選擇，如邊爪、封門柳、頸脊、挽手腩及大腩包今次就試了頸脊，肉質鮮嫩可口而且每片肉都是開邊切割，盡顯刀工

經常路過尖沙咀金馬倫道，都會看到這間食肆，今晚有空便來到了。店內分兩層，地方寛敞，座位舒適。卡位內還有電視可以收看。XO醬內的江瑤柱(乾貝)很多，配合蝦米、辣椒是必加的醬料。老友鬼鬼$68，用油炸鬼釀蝦膠，油炸鬼即吃比較硬，不過放湯後，就會變脆，十分有趣。鹹菜胡椒豬肚湯$108，鹹菜味道不會太濃郁，胡椒味道十足，喝完胃部和暖，這個湯平時在潮州店內喝都要這個價錢，而且味道正宗，未火鍋先，就先喝兩碗，然後才開始火鍋。自家製四寶丸$178，有蝦丸、鯪魚球、牛丸、墨魚丸和墨汁墨魚丸，其中以蝦丸、墨魚丸和墨汁墨魚丸，最為爽口彈牙。藥膳酒香雞件半隻$98，紹興酒的酒味，已經浸入雞內，雞肉吸收了酒味，肉質鮮味，再加鹹菜胡椒豬肚湯的味道，就更加好味。稻庭烏冬$48，不用淥太耐，只需要看到散開，就可以吃，煙煙靭靭，爽口彈牙。台灣鴨紅$78，鴨紅是軟中帶點嫩，味道比雞紅和豬紅更好。

星期日同女友喺尖沙收工，決定一齊食返餐好，見仲凍福地，打邊邊就係最好不過，打邊邊要數牛肉質素唔錯，喺尖沙咀我就諗起禾牛薈，就去睇下有無位！可能我哋去既時間已經開始夜，唔係太繁忙，大概坐滿一半！ 呢度有個好處就係私隱度甚高，食飯唔駛俾人望住，而且坐位多，一大班人大聲講大聲笑都唔會太嘈到隔離！呢度既鍋底同牛肉，海鮮係比較出色，除此之外都有大量火鍋配料供選擇，另外再加小炒，小食等，足足兩大版紙，真係多到唔知食咩好！醬汁基本上都非常齊備，要辣有辣，要麻有麻，要重口味既蒜蓉，沙茶醬等都有供應，最重要係有XO醬，令到碗醬汁變得更香更惹味！呢度鍋底用料十足，所以已經得過幾次獎，今次我哋就點左佢最近得獎既寒天翅瓜滑雞鍋，賣相非常吸引，同海報上既相，幾乎一模一樣，呢個鍋底主要有滑雞同魚翅瓜，湯底清甜，雞肉嫩滑，足個湯鍋份量都唔錯，入面d湯料都幾多，夠我哋邊食邊點配料我哋邊食邊用手機落單，只要掃一掃個Qr code就可以用手機落單，非常方便，又環保，而且仲有相可以睇！唔駛估估下！呢度出菜都幾有效率，落完單一陣配料就開始送到！ 先嚟到係黑松露魚肚包，外表平平無奇，原來內有乾坤！滾熟左之後滿滿黑松露香的湯汁會

一年356日都想打邊爐，同男朋友2個突然想打，跟過禾白薈就入去。入面好大，有2層，吾洗等位，仲比左卡位我地。有埋私人電視，好體貼。一去到D醬料已經擺哂係到，任拎吾嬲。湯底都好多款比你簡，但我地清清地叫左個好多野菌既湯。其實食物選擇都好多，又有小食同炒飯炒送。點左例牌手切肥牛，好食，牛好軟身，吾係太多肥，岩哂我地。叫左佢地招牌既水餃，入面有大大隻既率口蝦，好食。佢個黑白墨手打丸，都十分彈牙，仲食到好多墨魚粉，足料。我地今日健康火鍋，所以叫埋豆腐、蟹柳加金菇。豆腐係成盒百福豆腐，都大碟。金菇份量都好多，係平時出面叫既多一倍份量。因為2個人食，今次試吾到佢既熟食，見到第二台叫左都幾吸引。下次再戰!

未食之前都聽過佢幾出名所以我地食之前都已經預約定先然後上到去都依然好多人，要等多10分鐘先至入得去坐底後首先當然係點和牛黎食啦我地點左兩款唔同既牛肉，發現兩款都好好味，什至要再翻點多一次。佢既手打蝦丸一樣好鮮味牛魔王們一定不可錯過

今晚同屋企人去左係尖沙咀嘅禾牛薈火煱館食飯，喱個位置都幾方便，幾近地鐵站！坐低發覺卡位有私家電視機，好嘆！一睇menu 已經覺得幾多野食，湯底都有好多款，我地點左健脾養顏椰子雞湯，好滋潤。個湯底方面，都好足料，好多雞，而啲雞都幾滑，仲有好多椰子，好有椰味，夠哂潤，而且唔會太重口，非常好！特級手切肥牛亦都非常好食，肥瘦均勻，有雪花，淥一陣就食，好香牛味，下次一定要anchor 。白鱔都好好食，好彈牙，勁新鮮，屋企人都勁鍾意！唐萵菜都好新鮮，索哂個湯底，好食！稻庭烏冬正正常常！人均消費$350，勁豐富！

今次吃這間火鍋店主要為了鎮店招牌菜-「寒天翅瓜滑雞鍋」而來，店員說是他們的得獎菜式，果然不令我失望! 先來一個高貴視覺效果的擺位❨請看相片❩﹐這已經很吸引。貼心的店員會等客人影完相才將托底的冬瓜切開。食法是先滾起湯，喝兩三碗，吃點雞，然後湯鍋用作火鍋湯底。湯頭滿滿鮮雞湯味道，我一連飲了3碗，雞份量夠2-3人吃。另外，我覺得不錯的，是特級手切肥牛，因為夠新鮮、油脂分佈平均，加上牛肉片有一點點厚度，吃起來有口感，美味! 注意：湯裡的冬瓜建議留在最後吃，因為都吸收了火鍋的精華。

朋友係九龍城食過呢間分店，薄有名氣，又覺得好唔錯，今日帶我去食尖沙咀店，地點好方便。環境光猛，新派裝修，多張大圓枱，高sofa位，有私人空間感。菜單食品應有盡有。招牌菜都好吸引。醬料費$25/位，選擇都幾多。有卡位坐，仲好寬敞，可以一邊睇獨立電視，一邊打邊爐，家的感覺，好爽！如果一大班人，仲有VIP房，唔駛坐大廳。健脾養顏椰子雞湯 ($188)雞有1/4隻，肉質鮮嫩，充滿椰味，湯底加了紅、白蘿蔔、粟米，令椰子雞湯更鮮甜，感覺很滋潤。本地招牌手切肥牛 ($258/例)雪花均勻，色澤漂亮，肉質鮮嫩，肥瘦比例剛好，好有質素，超好吃的。手打黑白墨魚丸($98)用黑白配很有趣，質地扎實，口感彈牙，不錯。油麥菜 ($38)份量不少，好新鮮。

岩岩係日本去完旅行番黎，好想食番d香港野，講到香港特色食物，少不了火鍋，朋友介紹依間很高質素，所以就黎試試，坐底卡位，有獨立電視好正，之後伙記問我用唔用電話點單，心諗又要dl apps咁麻煩，但原來只要用qr code,係網頁點單，好方面。海中寶鍋底店員推介的湯底，夠哂足料，面上有d素翅，而大大個豬肚包住，花膠、海參、元貝、螺頭等等…，十分豐富，打開個刻食材係湧出嚟，第一樣係飲湯先，湯底好鮮甜，要形容的話，有d似過時過節先會煲的花膠海螺雞湯，好正。三式水晶包有叉燒，奶皇和芋泥，以前有段時間香港好興食水晶包，但興左一排就消失左，今日見到忍唔住又食下，店員好細心講，食唔慣打邊爐的話，可以拎去蒸。松葉蟹黃包同水晶包異曲同工，但小籠包的樣，放落湯底煮完，食哂口才知精彩，包內滿滿的蟹肉和蟹膏，好飽滿。鮮肥鵝腸+西班牙橡果黑毛豬條鵝腸新鮮爽口，不過都係要辣辣地食鵝腸先爽，黑毛豬條，豬味好濃，口感夠冧身，其實唔食條狀可以選擇豬肉片，不過條狀少見一點。本地招牌手切肥牛睇店名就知，少不了要食牛，有數款選擇，我就最簡單要了招牌，煮幾秒就拎上黎食，口感係爽滑，肉味當然濃，配埋海中寶的鮮味，真的不錯

火煱，絶對是香港人，一年四季都喜歡食的菜式之一。由多年前的任食火煱，到今日越食越精，食材更靚，湯底更是五花八門。不過這類精品火煱，價錢通常都有點貴，知慳識儉的我，當然甚少幫襯。今日決定去找一間品嚐，最後選了這間，位於尖沙咀金馬倫道，主打港式火煱的禾牛薈火煱館。預先透過網上預約了位置，準時七點半去到。禾牛薈占地兩層，座位非常多。本人被安排到一樓的卡座，座位上有部電視，方便食客邊看邊食。先選湯底，種類繁多，豐儉由人，最後選了中等價位的椰子雞湯，用料充足，味精不算重，入口香甜，正！這裡的材料是逐碟計算，必食的當然是牛肉，分三級，最高級為至尊級，我就食最便宜的特級手切肥牛，石理紋非常誘人，肥瘦均勻，入口仍有小小咬口。西班牙橡果黑毛豬，肉質很嫩，絶對值得一試。還試了其他有趣食材，例如竹笙露笋卷，水晶包，及三式餃。三式餃，有雲呑，菲菜餃，還有一種比較特別的意式牛肉餃，有點肉醬的滋味。材料質素不錯，份量適中，可惜價錢不便，一款湯底，六種食材，加一些汽水，連茶芥醬料，盛惠每位500元。另外，亦不要對服務有很大期望，總括而言，不過不失，但賣點不強。禾牛薈火煱館 (尖沙咀)地址:尖沙咀金馬倫道48號中國保