禾牛薈火煱館 (金馬倫道)

营业中

休息中

話說呢間火鍋大部分座位都係卡位，卡位度都裝咗部獨立電視，睇咩台任你揀，名正言順嘅電視汁撈飯😂嘢食方面選擇都幾多，湯底揀咗椰子雞湯，雞件超嫩滑，唔算甜但飲落有種煮家湯水嘅感覺。最鐘意響火鍋店叫老友鬼鬼，油炸鬼同蝦滑永遠都係好朋友，脆卜卜又彈牙，浸一下湯食軟硬交錯更加正✨牛拼盤三種牛肉除咗嫩滑咇汁嘅雪花牛肉粒之外，仲有刁鑽部位牛胸爽同牛脷扣前者係牛胸中間嘅軟骨部分，包住牛肉粒食以提升爽脆嘅口感後者則係牛脷中間部份，超薄切令本身彈牙質感添置軟滑嘅感覺✨墨魚滑撈埋蟹子令口感更豐富嘢飲方面叫咗蘆薈蜂蜜，清涼下火兼潤喉，係邊爐良伴✨除咗餸料之外醬料都有好多選擇可以俾你任撈✨

今日約左男朋友，又拍拖😂😂😂😂😂好耐冇打邊爐，好掛住蒜頭、辣椒 、香茜 、蔥 ，豉油。好正。禾牛薈，個名好吸引haha. 入到黎，原來環境都係好高私穩度，同埋好好坐。餐廳有好多卡位，好大好闊，每個卡位都有個私人電視， 座位環境十分舒服。我地叫左健脾養顏椰子雞湯..$188湯足料，有好多雞同椰子，陣陣椰子香味。湯入面有埋粟米。我最滿意係呢碟蝦刺身，距同其他餐廳整法唔同，有放苦瓜係上面，中和左蒜頭和辣椒的辛辣味，比較容易入口（因為我好鐘意食生蝦，但次次都叫曬救命，太辣😂😂。）牛拼盤有牛脷扣+牛胸爽+雪花牛肉粒牛脷食落嚼勁，牛肉粒有牛味。另外我地仲叫左個三式水晶包 （叉燒+奶皇+芋泥） 餃子同唐山菜。————————其實我第一次食水晶包，岩岩知曉係廣東潮州小吃。女仔都是喜歡甜😋我幾鐘意食奶黃同芋泥，距似湯圓，月餅d friend, 但外皮晶凝通透，口感煙韌，芋泥水晶包最正，因為入面好多芋泥😋自家製餃子就皮薄餡足。整體感覺都唔錯， 環境舒適，食物質素中上。

放假前，總是想同朋友聚一聚。聚一聚，談心事，當然最好選擇吃火鍋做晚餐聚會。今次我們一致決定，揀禾牛薈火鍋館，作為我們假期前的飯聚地點。今晚約了6點30分吃飯，我們好彩有做訂位服務。因為我們知道，坐卡位的，會有私家電視看，即是一邊吃，一邊睇電視，絕對是電視妹的至愛選擇。❤揀了一輪時間，決定要招牌禾牛薈湯底，因為牛魔王🐮又點會不選這湯底呢？招牌禾牛薈湯底裡有什麼呢？當中包了: 牛肚，牛膀，牛筋，大腸。再配合這個沙爹湯底，非常 match。只是我覺得味道有點濃烈啊！😔 還有希望餐廳下次可以 mark 下來，會有花生粒在湯底裡，我怕會有客人敏感。😔食物方面，我們叫了老友鬼鬼（油炸鬼 + 蝦滑），手打黑白墨魚丸，炸魚皮，天津娃娃菜，自家制餃子（帶子雲吞餃），例牌特級手切肥牛，一份蕃薯蜆，2隻黑松露魚肚包，新鮮魚鮫（魚三角）。飲品我們叫了一渣蘆薈蜂蜜水。我個人比較覺得特別的是，老友鬼鬼。因為油炸鬼包住蝦滑，仲要油炸出來的。這個油控制方面，師傅控制得幾好，沒有太多油味，又香又脆。你會一口吃完，接住另一口的。😊我其實不太喜歡吃魚，但這個新鮮魚鮫，令我對魚的有另一番新感覺。因為魚鮫很滑，沒有細骨，又新鮮

星期日約咗妹子去The One修眉，順道逛逛周圍的商場血拼吓。逛到傍晚，又到晚餐時間，上網搵食見到禾牛薈火鍋，想起PAN提過佢湯底出色，反正唔知食咩好，一於試吓。鍾意呢個2人卡位嘅位置，除咗窗邊開揚之外，卡位椅背又比平常的高，而旁邊有一條大柱，形成一個私人嘅空間，枱邊仲有個獨立小電視店員送來調料盤，最特別係有自製XO醬湯底選擇多多唔知揀咩好，見店內掛有湯底的介紹，就揀咗相傳係比貴妃進補嘅 "海中寶"立體的雙龍頭鍋夠霸氣奶白色湯底好清澈，豬肚上放咗素翅、蟹籽、魚皮絲等材料，巧吸睛店員說湯底滾起後，就可以舀上來喝呢個唔係普通嘅豬肚湯，剪開豬肚，裏面藏有青島貝、螺頭、魚皮絲 、魚唇、海參、鮮菇、素翅和花膠。飲啖湯，味道又鮮又香夠濃郁，原來店家已經煲咗十多小時，飲落順喉又滋補我倆飲完一碗又一碗豬肚肉質腍滑，有咬口，花膠可補充骨膠原幾乎食曬啲料先至追加火鍋料，湯料實在太多又美味已經飽咗大半，清清哋加少少，第一次叫咁少料廣島蠔大大隻，肥美軟滑淮山角清甜爽口又健康西洋菜新鮮夠嫩又乾淨好滿足嘅一餐

三五知己聚餐，打邊爐最適合不過，因為可以點很多款食物一起share，平時拍拖兩個人只能點很少款式，如此好機會點可以放過，今天來到朋友推薦的禾牛薈。禾牛薈以紅色和白色為主，鮮豔醒目。環境相當整潔，有卡位，大圓枱，vip房，相當寬敞闊落，私密度高，卡位更切有獨立電視，可以邊看愛回家邊吃飯。坐下後，店員問我們會否試用手機點餐，然後給了我們一個QR code，用手機掃一掃便可以看到圖文並茂的菜單，比起文字菜單更吸引，而且操作簡單，多人一起同時落單也可，不過記住和朋友溝通好，以免重覆下單。等待美食的時候，當然先來混醬，這裡的醬油配料算多，最特別當然是XO醬，外面買一小罐也不便宜喔，這裡隨便吃，看見一絲絲的瑤柱很高興呢！禾牛薈的食物種類很多，光是湯底已有廿多款，令人相當頭痛，每樣都想試，最後我們選了招牌禾牛薈湯底，配料有牛肚、牛筋、牛膀和大腸，分開另上。招牌禾牛薈以牛骨熬製，小酌一口，牛味香濃，齒頰留香，此時飢腸轆轆的我們，急不及待把配料放入鍋中翻熱，喜歡牛雜的朋友一定不能錯過的湯底！牛肚爽口，牛筋膠原滿滿，彈口有咬口，第一次吃牛大腸的我，覺得大腸有點粉，卻不討厭，味道也不錯。特級手切肥牛(大)特

今日嚟到位於尖沙咀嘅禾牛薈食火鍋,有打開邊爐朋友相信亦都聽過呢間火鍋，今次終於到來一試，首先湯底方面我哋叫咗佢哋嘅招牌禾牛薈，佢係由各種牛雜煲成，牛肚，牛筋，牛腸等等，湯底有極豐富而濃郁嘅牛味，呢個湯底第二度真係試唔到。首先要提一提佢哋嘅醬料， 10分豐富，喺火鍋開始之前佢哋會俾個醬料架我哋先混好醬，值得一提嘅係佢哋有自家製XO醬，味道相當之唔錯。食物方面，首先我哋叫咗佢哋招牌嘅手切肥牛，肉味濃郁，油花豐富，一定要試。另外仲叫咗佢哋嘅松葉蟹包，蟹粉濃郁，非常推薦一試。至於佢哋嘅其他食材，好似脆肉鯇，丸類，水餃等等亦非常之出色，而且種類繁多，非常滿足。另外值得一提嘅係佢哋嘅每張枱都有私人電視睇，邊食火鍋邊睇電視簡直一流，火鍋迷必試.

和牛薈位於香港市中心，更是處於有名的尖沙咀街道—金馬倫道的中央位置，可見地理位置上已經非常方便。去到餐廳樓下，已經有接待員為你通知樓上職員客人的到來，以便為客人盡早安排位置。甫一入門口職員已經為你指明位置，並一早為你擺設了餐具，可見細心之處。餐單上種類繁多，價錢方面與其他商店並無太大的差異。但是驚喜我的是食物質素方面，物超所值。我揀選了胡椒豬肚湯作為湯底，大約三至五分鐘後，遠遠已經聞到職員手中胡椒味，可見用料十足。而且它所出品的和牛肉質鮮嫩脂肪均勻，可見質素之高，對於我這位牛肉喜好者，十分之滿意。老友鬼鬼脆卜卜好鬼得意鮮韭菜餃味道濃沃材料十足自家製鵝肝蝦丸入口非常彈牙皇帝菜新鮮鮮甜桂花蚌夠晒新鮮萵筍賣相一流，切到好薄響鈴夠晒脆新鮮豬腳筋超級好味，爽口得嚟又有啲肉，唔似平時食嘅牛筋咁水晶粉好滑炸魚扣又係小食好好味極品特級手切肥牛，好有牛味，非常軟身，非一般肥牛，正。總括而言性價比，服務質素良好，十分滿意。

星期二晚收工後同朋友去左尖沙咀禾牛薈打邊爐首先要讚一讚個xo醬加調味料時嘗試一下個醬好香瑤柱味香味濃湯底我地揀左雙拼招牌禾牛薈併北海道鮮奶花膠湯仲叫左個小食麻辣涼拌小墨鬚小食夠辣開胃惹味墨鬚爽口彈牙招牌禾牛薈原來係牛内臟加沙茶醬組合而成湯料好足，有牛肺牛肚牛筋仲有蘿蔔同原條牛骨做湯鮮奶花膠湯固然滑有啖啖鮮奶味當然要自己再加D花膠牛肉一上枱已經知道物超所值淨睇油脂分佈均勻係上好既牛肉牛肉切得夠大件食落更有口感呢度既湯底真材實料而且環境好舒服仲有卡位、VIP 房、獨立電視

我同老公班麻雀友， 20年來都最鍾意打邊爐， 好多出名嘅火鍋店我哋都去過， 今次試下呢一間叫禾牛薈， 聽聞啲牛好出色， 等我金舌頭又試下先。喺金馬倫道見到呢隻icon就係禾牛薈。火鍋店嘅地方好闊落， 有圓枱同卡位， 卡位一邊坐三個人都好鬆動。居然喺度見到椒鹽魚扣， 好少地方可以食到， 魚扣即係魚嘅胃， 食落去好似腎咁爽， 配上椒鹽煮法，送酒一流。呢個老友鬼鬼， 係油炸鬼加蝦滑， 我就嫌太多油， 一試無妨。一嚟就叫碟特級手切肥牛先， 路過去洗手間嘅時候，open kitchen 見到師傅喺度劏緊牛肉， 即係新鮮嘅牛唔係廠出送到🐮🐂 呢碟牛肉林身有牛味， 食到舐舐脷呢度嘅響鈴係即叫即炸， 使唔使咁長咁大條咁多先？呢隻鵝肝蝦丸， 食得出係手打蝦丸， 非常之彈牙， 從經濟角度看， 一碟蝦丸98蚊， 加十蚊就可以食到鵝肝蝦丸， 咁當然要試下啦。未試過食呢個豬腳筋， 好爽口彈牙好有肉味， 要注意、最少要滾二十分鐘先食得。最欣賞係佢一次過將所有食物放上枱， 咁樣食客可以按食物煮熟嘅先後次序去淥食物。睇黎下次去滾又有一個新蒲點。

鮮茄坑腩薯仔濃湯湯底番茄酸 May May 好開胃。真材實料，飲唔到有用茄汁調味。好多牛坑腩，牛魔王不能錯過。本地招牌手切肥牛 (大)牛肉好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，湯滾淥十秒剛剛好食得。油香、肉味，皆出色。韭菜餃豬肉、韭菜比例剛剛好。大大粒，韭菜味非常濃郁。魚皮餃唔會淥到甩皮甩骨，包得紮實。餃皮煙韌有彈性。老友鬼鬼將蝦膠釀入油炸鬼再炸。再放入湯淥十秒，完美 !西洋菜當造竹蔗水微甜，飲得出沒有另外加糖。清熱下火。

唔知點解好想食牛，一定要食到靚牛所以頂住呢一個信念去左禾牛薈火煱館打邊爐。打邊爐除左一盤靚牛之外就梗係唔可以少咗出色嘅湯底，今日揀咗個鴛鴦湯底-台式麻辣同椰子雞，一紅一白任君選擇。重頭戲揀咗至尊本地手切肥牛頸脊位，靚牛就係靚牛，個雪花同普通牛簡直係一個天同一個地，淥一淥見到由鮮紅變粉紅鼓油都唔洗點啦，一入口個陣牛味油香味，二話不說即時淥多件啦，仲等！炸午餐肉同麻辣湯底係絕配，識食嘅話一個屈尾十黎番個麻辣公仔麵，加埋湯底入面既凍豆腐同鴨血，一個字爽。炸魚皮，響鈴，老友鬼鬼又係同麻辣湯冇得輸既配搭，脆得黎又瞬間吸收左湯汁既味道。食左咁多濃味野，飲番杯菊花茶，平衡番個味蕾最後送上既牛奶布甸同椰子大菜糕為呢餐完美作結

香港人無論春夏秋冬都係咁想食打邊爐，雖然近排天氣熱左，但有冷氣打又使咩怕熱喎，為左就晒港九新界既朋友，我地簡左尖沙咀既禾牛薈食晚飯。呢度唔係任食，質素有番咁上下保証，第一次黎，原來有幾層架，地方好大有卡位、VIP 房、獨立電視，環境幾唔錯。而落單就用左 scan QR code 既方法，而且都好快上。好多醬汁，更加有 xo 醬。去邊打邊爐一定要叫碟牛，我哋叫左最勁既至尊本地手切肥牛(大) $388，部位選左頸脊，真係好軟滑又有肉味，正! 湯底我哋揀左雙拼，椰子雞加台式麻辣湯底，各有特色，椰子雞俾我哋加左勁多芫茜變左芫茜湯，清熱解毒。老友鬼鬼係其他火鍋店都成日有, 但呢度既油炸鬼炸得好脆，就算浸完湯都好脆。炸物處理得係幾好，魚皮，響鈴，午餐肉都冇油益味。菜同菇都好新鮮，粟米好甜，中意食既朋友記得點。野飲既話菊花茶既菊花味夠重，唔會太甜，suggest ! 最後用左出前一丁做左個火鍋既完美結尾，好滿足～而且只要like + share Facebook 就有甜品 北海道牛奶奶凍同椰汁大菜糕都好好食，清一清食完火鍋既咸味。

今晚約咗朋友尖沙嘴食晚飯，朋友介紹這附近有間很出色的火鍋店入到店舖，店員很有禮貌地招呼我們坐低，非常殷勤，有禮貌細看一下餐牌這裏有很多火鍋配料選擇這裏座位非常寬敞，而且舒適，空間感十足，加上柔和的燈光令人十分放鬆Menu都見好多選擇，而家好多火鍋店都sell好多特色鍋、麻辣鍋，呢間就好反樸歸真。好多都係典型既港式火鍋湯底同食品今日我哋揀咗個清清淡淡嘅火鍋湯底，🍵瑤柱火腿冬瓜雞腳湯，別看鍋中材料不算多，有瑤柱、火腿等，當然還有冬菇及主角冬瓜。冬瓜湯底味道重十分鮮甜，等待其他餸上枱之前，已經不停飲湯，鮮甜健康老友鬼鬼又係好脆炸得好香。就咁點醬食就好香口，放湯食都好食，而且個甜酸醬有少少辣，更加惹味。自家製餃子(帶子雲吞蝦)OMG，依個餃實在太正，有帶子加雲吞蝦是完美既組合，十分鮮甜我地幾個女仔超鐘意蜂巢豆腐，蜂巢豆腐的口感滑嫩有嚼勁，配著湯一口要下去有湯汁流出，真是絕妙的享受！炸魚皮勁香口，食落脆卜卜，口感超好。打邊爐不可缺少的水晶粉口感很煙軔，經過瑤柱火腿冬瓜雞腳湯煮滾後，味道更好入更入味油麥菜也是少不了的蔬菜之一，個人🔟分喜歡油麥菜的獨特味道，今天的油麥菜十分青綠新鮮最後送上的甜品(免

好耐冇帶老豆去打邊爐，於是搵到呢間火鍋店帶佢一試因爲早上去，好彩未要等位店員仲比左個卡位我地，有獨立電視咖環境幾寬敞，坐得好舒服因爲呀爸唔食得辣，於是揀左個胡椒豬肚湯底我同佢既至愛之後仲叫左好多配料食到飽一飽芋絲，火鍋必叫 入味唔肥 清清地珊瑚蚌，海鮮類，好爽口脆鯇骨腩，啖啖肉好彈口白鱔片，老豆最愛 幾薄但有小小骨水晶粉，滾一滾就食得入哂湯味黑牛栢葉，薄薄一片 幾十秒就食得爽口豬頸肉，幾厚好彈口唔錯再叫多個皇帝菜食打邊爐一流既配菜，食到兩個都飽住走材料都好新鮮，如果多啲人食會更好食多幾款唔同既野好想試佢個海中寶，不過怕兩人會食唔哂下次拉齊人就食