禾牛薈火煱館 (金馬倫道)

营业中

休息中

好耐冇打過邊爐喇！今日我哋嚟到尖沙咀嘅禾牛薈呢度真係打邊爐嘅好去處首先我哋叫咗個醉雞鍋雞嘅份量唔算少而且好入味亦都好滑開始揀配料啦！我哋一開始揀咗呢個油炸鬼入面釀咗蝦滑釀完炸一炸啲蝦滑已經熟咗浸一浸湯已經食得牛味好夠而且好嫩♥️♥️呢個雲吞好大粒好足料仲有呢個魚卜♥️♥️♥️超正重點推介一啲都唔腥平時想食都真係搵唔到好少火鍋店有得叫呢一度嘅座位仲有私家電視唔怕冇得追劇座位亦都坐得好舒服服務都幾好㗎值得再嚟♥️👍🏻

之前試過11點半過嚟食禾牛薈， 貪佢有半價，食過覺得幾好食所以近排又返嚟食多次。因為同好耐冇見嘅朋友聚會，今晚呢度環境又大又有電視睇所以啱晒。好似仲可以暫存啲酒類喺度，熟客嘅話攞嚟聚會最方便啦。最鍾意食呢度嘅肉類有牛有羊有豬，款款都好高質唔係啲渣嘅肉，放埋落沙嗲湯底到嗦晒啲味正。另外都叫咗生蠔，超大粒大概有成六隻咁多，食落去好有口感，大粒得來又滿足。另外都要推介佢哋嘅脆肉鯇，啖啖肉好爽口。最後叫咗個烏冬飽到飛起返屋企

火鍋館有兩層，而且大部分座位都係卡位，而且仲有獨立電視，認真嘆啊～食物方面選擇都幾多，總有一款岩食。🥘健脾養顔椰子雞湯既能養顏清潤又能健脾，岩哂女仕們，味道較清。🥢脆炸響鈴卷新鮮即炸，響鈴卷充分豆味，打邊爐又邊少得。🥢豬粉腸份量夠多，洗得乾淨。🥢韭菜餃水餃餡料夠多，韭菜營養豐富，配豬絞肉，簡單美味。🥢手打牛丸爽口彈牙，不死實，有肉既質感 。🥢唐萵菜、冬瓜片、蓮藕片唔少得健康既蔬菜，全都好新鮮。最後食埋送上既牛奶布甸，分量雖少，但勝在好味。

今天嚟開心聚餐難得大家聚在一起就試吓嚟呢間食牛牛啦，叫了三款🐂🐂🐂呢品嚐一下～至尊本地封門柳牛(大-$388)、本地招牌手切肥牛(大-$318)、極品特級手切肥牛(大-$338)我們都覺得極品特級手切肥牛最好味另外自家製嘅帶子雲吞蝦餃子和精選三色餃都好好味但最特別嘅三式水晶包和老友鬼鬼我個人就覺得一般般品

昨天朋友相約前往尖沙咀吃飯，雖然天氣已經變熱，但我依然最喜愛打邊爐，全因為打邊爐，可以慢慢做慢慢吃，兩人聊天的時間相信比其他餐廳多。湯底選擇了芫茜馬蹄皮蛋湯， 何其壯觀的芫茜湯底，芫茜份量十足，可說是性價比之王。 家常湯底的味道，清香撲鼻，飲起來完全不像味精湯底，又一驚喜之舉。食物方面， 林林總總的，我最愛牛胸爽， 全因為這幾罕有， 加上油香味十足，但肉味偏淡，正正適合打邊爐。甜品也是令我意想不到，椰皇大菜糕及北海道3.6牛乳奶凍， 明明兩種經常吃到的甜品，但沒想到出來的味道和口感，超出我的想像，美味萬分。下次再食過，真是愉快的一晚。

尖沙咀美食又再加一間個湯底我地叫左海中寶好足料既湯底有四大隻鮑魚同牛肋骨好重膠原 女人恩物佢一上我地飲左一啖湯底飲得出佢本身一定下左苦功有老火湯感覺呢間d牛牛好好味佢係比較爽同少脂肪既邊爪肉同埋老友鬼鬼都係強推炸油炸鬼配蝦滑真心無得輸放喺湯底度等半分鐘左右浸到個油炸鬼脆得來又淋淋地🤤無咁熱氣食個幾粒都無咁驚重點係大家去一定要勁點佢個XO瑤柱醬係其他火鍋店都好少見有真係有一條條瑤柱係到

因星光大道重開了，所以今日專程過來行嚇星光大道，欣賞完美麗的景色，自然就搜尋一下附近有何美食。行經金馬倫道，見到這間禾牛薈火煱館，雖然現在天氣不是很凍，但現在香港食火鍋已經沒有分天氣了，在涼浸浸的冷氣下，全年都吸引著食客。餐廳以大紅為主調的梳化，分外引人注目，有整齊的卡位及VIP 房，再再獨特之處是卡位上都有獨立電視。最開心是餐廳的醬油配料有我最喜愛的調味料，有蔥花、芫茜、蒜蓉、辣椒、連XO 醬都有，非常多醬料。湯底都有多款選擇，有海中寶鍋底 (豬肚內有花膠、海參、元貝、螺頭、魚唇、冬茹)，及牛蹄鍋底 (原隻牛蹄熬湯，最重骨膠原及牛味)及支竹豆腐魚頭湯(有支竹、豆腐、魚頭)…等。支竹豆腐魚頭湯$148我喜愛食魚頭，所以要了個支竹豆腐魚頭湯底，魚頭切開兩邊，很大隻，湯底很清甜。特級手切肥牛例牌$208特級手切肥牛，雖然是例牌，但份量也算多，顏色鮮艷，入口牛味比較濃厚，點上自調辣醬汁，更添牛肉的鮮味。皇帝菜$48食火鍋我差不多都不會缺少靑菜，皇帝菜是我喜愛之一。稻庭烏冬$48稻庭烏冬吸收湯底的鮮甜，煙煙軔軔很好味。白鱔片$98白鱔片切得厚薄適中，份量也不少，帶半透明很吸引，灼上約20秒，入

今次破例 講野食之前要講下佢地既座位先 🤣位於尖沙嘴既 #禾牛薈火煱館 係一間出名打邊爐食牛肉同埋多款式健康湯底既餐廳一坐低第一時間覺得正既位, 係有獨立電視！有得自己轉台 📺 坐卡位都好舒服 張櫈有d 污糟 不過抹一抹就無事啦之後 即刻會有店員黎比一個巨型既盤你入面就裝左成九款唔同既配料 比你加入去本身比左你既豉油度有蒜蓉、蔥、芫茜、辣椒粒、炸蒜粒、XO醬、沙嗲醬、腐乳、辣油點都有一款係啱既 😂 經過一番試驗，我地發覺加蒜蓉、蔥、XO醬同沙嗲醬係最好食既如果怕油既話就儘量唔好拎面果d 啦 好多油 🏊‍♀️ 份menu 有好多野揀, 除左平時既肉類海鮮菜既配料之外，仲有小炒同點心🧐刺身都有🧐贏曬 🌚落完order 等左大約十分鐘就上左個湯底裡面有好多椰子 粟米 紅蘿蔔 雞肉（帶骨的）飲落唔係味精湯底 好順喉 🤤之後既配菜都上得好快 份量係同個價錢成正比既罐裝類飲品就相對比較貴 大家可以選擇試下佢地自家製既飲品！特別想提一提佢地既牛肉 menu 上面係無寫明牛肉既部位既, 只有價錢同等級既分別我地今次試既係本地招牌手切肥牛，脂肪分佈相當濃密，入口亦好有牛既香味，值得一試呢度試過既野食都唔錯

成日都會去中國保險大廈搵食㗎啦，不過去咗咁耐都未試過呢間打邊爐。 今日就拉埋大隊同朋友一齊四個人去試吓呢間打邊爐。 去到先知道原來用某apps11點半入座有半價㗎, 不過算啦等唔到咁夜所以都照去食。入到去環境都非常之唔錯唔似平時嘅打邊爐鋪頭，佢哋安排左俾我哋坐卡位仲有一部大電視添。由於湯底都比較貴所以我哋揀咗比較普通嘅蕃茄坑腩湯底 $108我呢個湯底都幾好食好濃嘅蕃茄味入邊仲有啲牛肉添。肉類方面叫咗個手切肥牛$268，大大份肉嘅質素都相當之唔錯。另外都叫咗啲海鮮，脆肉脘 桶蠔 ，加埋落呢個蕃茄湯底之後好入味唔錯。

禾牛薈火煱館 我其實常常路過金馬倫道都見到個 receptionist 好好笑容，哈哈！終於緣份來到，食到超飽😋😋 環境唔錯，有卡位獨立電視，又有vip 房佢個名叫禾牛薈，直覺一定要食牛，好！我就點了個普通 level牛肉，試下用平價食牛係咩質素先。還有湯底超足料，海鮮。。。通通報告:🔹煱底: 瑤柱火腿冬瓜雞腳湯 $128 請看照片，超多瑤柱，金華火腿，怪不得湯底夠濃味😀😀🔹帶子雲吞蝦 $88 強烈推介💥大隻鮮蝦加大粒帶子，吃到停不下😍😍😍😍🔹特級手切肥牛 $208 份量都唔少，雖然不是貴牛，但我真心覺得好好味，有嚼口又濃牛味，完全係平價食貴野 👍👍👍👍🔹聖子皇 $48隻，名不虛傳，大大隻，灼熱後好鮮甜，不用沾醬油😀😀😀🔹響鈴 $68. 我每次火煱必點，所以我已吃過無數次，對這家的響鈴，不是鮮炸脆卜卜，反而夠厚身，一放入湯到就完全可以吸收很多湯汁，味道、口感都變得好 juicy 😉😉😉🔹自製菊花茶 ，好有住家feel 清熱氣！🍹🍹🍹🔹另一亮點: XO 醬，又係瑤柱多到痴左線特別配上蜂巢豆，好惹味啊，記住一定要吃啦👍👍👍👍

今日和朋友行過尖沙咀，行到攰就搵嘢食，見到這間位於金馬倫道48號禾牛薈火鍋館，上到去覺得地方頗大座位寬闊，坐得相當舒服，由於我哋得三個人，所以只係點了數款食物，湯底點了北海道鮮奶花膠湯，很足料，很不錯脆炸響鈴卷即點即炸很脆口， 還有些微熱感覺是新鮮，手打蝦丸彈牙鮮甜，還有脆肉鯇、鮮牛頸脊和鴨血，最後問侍應 有乜嘢菜好食，他就介紹了有機西洋菜苗，我哋就要咗一碟，上枱相當漂亮整齊，食落感覺真的很嫩 食完我哋再encore多一碟👍🏻👍🏻👍🏻

今天行開尖沙咀，晩飯時間我同朋友打邊爐癮起，即管係附近搵食先！行行下就搵到呢間火鍋館，由於6點尚早，人流唔算太多，我地都好快等到位。入到去佢地就安排左張大既卡位比我地，夠曬舒適。最好既係有部約22呎電視裝左係到，可以一路食一路睇，重要係餐廳每個位置都有，坐到邊都睇到。一開始有不同醬汁選擇，亦有4-5款湯底可以簡，店員亦好樂意同我地逐一咁介紹。我地最後簡左個椰子雞鍋底，雞肉份量十足，淨係食個鍋底料都有半飽。之後叫左牛肉同鵝肝丸，特級牛肉軟稔，唔係平時薄薄既牛肉片，我幾鐘意食。個鵝肝丸有驚喜，彈牙得黎又唔肥膩。值得一提嘅係佢個自家製菊花茶同自家製北海道牛奶凍，菊花茶飲落去甘甜，菊花味濃。整體我覺得可以再去！

今日同朋友想打邊爐咁啱行經尖沙咀見到呢間餐廳好似幾正就上咗去食了呢度嘅卡位會有一部私家電視可以俾你邊睇私人電視邊打邊爐真係好有私人空間啊我哋叫咗個胡椒豬肚湯入面好足料有好多豬肚呢度都有好多配料可以選擇每樣配料都好平有好多都係40幾蚊豬肺有勁多件呢度牛嘅部位都有好多款我就叫咗牛舌同埋牛胸爽份量都有好多我哋仲叫咗鵝腸全部都好新鮮牛丸又夠爽口彈牙烏冬又係嗰種好彈牙嘅烏冬所以呢一餐都唔係好貴真係好鬼抵好鬼好食

畢了業後已出來工作數年，跟身邊的朋友也好像少見了最近終於約到一位中學時期認識的好朋友，她是要輪班工作的，多難得才約到她。尖沙咀金馬倫道有一間頗有名的火鍋店，之前在尖沙咀逛街也經常經過，卻覺得應該很貴所以沒有光顧，難得和很久沒見的朋友聚聚，多花一些金錢還是需要的，終於也試了這間餐廳。在九龍城也有分店，但我想以人流來說，尖沙咀應該會相對多人。先到了餐廳樓下，有一位接待生接待客人，然後會詢問客人有沒有訂位，然後才安排客人到樓上就座。現今有很多餐廳都開始流行用手機點單，這裡也不例外，用手機掃描單據上的QR code後，便可用手機點餐，方便得多了。值得一讚的是，裏面的環境可以令人感到自在，竟然每一張靠牆的桌子都會有一部小型的私人電視，令客人有多一種娛樂👍🏼我和朋友坐的位置也不錯，椅背軟綿綿的，空間也足夠。來吃火鍋，先點的當然是湯底，自己最想試的湯底價錢比較昂貴，點了一個價錢適中的湯底。椰子雞湯很是足料！有大量的海底椰片，裡面還有很多件雞，絕不吝嗇，味道也不會像味精湯。「老友鬼鬼」這詞語是廣東話，即是自己和朋友十分友好的意思，這道菜是油炸鬼(即是油條)，所以便滑稽地命名為「老友鬼鬼」吧。油炸鬼被分

今晚同班朋友去尖沙咀打邊爐，訂左呢間禾牛薈，我地大約六點半到被安排左坐卡位，呢度每個卡位都有電視睇，好正呀！坐低就可以開始點湯底同嘢食，呢度掃個QR code 仲可以手機點餐，有埋圖片睇，仲可以環保啲襯湯底未黎之前，可以調定個醬汁先，大推個XO醬真材實料話咁快就上菜啦，我地點左個招牌禾牛薈($198)，牛雜湯底，有一大碟牛肚、牛膀、牛腸、牛筋。特級手切肥牛($268)，個牛肥瘦均勻，牛味濃，必食！手打黑白墨魚丸($98)，兩隻色其實差唔多味。老友鬼鬼 ($68)，油炸鬼加蝦滑再炸，香脆好味的餐前小食自家製餃子 （$88），個餃子係非常足料，有蝦，帶子，肉同木耳，食兩粒都幾飽。蒙古羊肉片 （$88），肉質幾嫰滑，唔太大羊騷味。松葉蟹黃包 ($76 for 2)，沾上醋吃好像食緊蟹粉小籠包。自家製法國鵝肝蝦丸 ($108)，呢個其實係蝦丸入面包住d鵝肝，鍾意食呢兩樣野ge可以一試。凍蜂巢豆腐($48) ，呢個吸收晒啲湯嘅日月精華， 健康又飽肚。脆炸響鈴卷（$68），睇個形狀咁不規則都知係自家新鮮炸起，用來點湯或就甘食都好好味最後仲送北海道3.6牛乳布甸，唔夠食可以再問佢攞，呢餐質素唔錯，超