禮鮨 (已搬遷) 新店位置

今晚約了友人看戲﹐之前找吃﹐本來想試千兩﹐但未上到去已見人龍(那時才六點四十分!!)﹐唯有向下走﹐看到這店﹐未試過﹐就進去了。坐下來﹐看了餐牌﹐才驚覺頗昂貴﹐本來跟友人說不如轉地方﹐但怕事的友人又覺難為情﹐所以就硬著頭皮繼續看餐牌。一杯綠茶盛惠$20!!!友人說不太肚餓﹐所以叫了一個雜錦壽司兩份分($280)。上檯時看到件件壽司都很新鮮﹐才拾回一點信心。友人吃了蝦壽司﹐一放入口就不停的說好味。。。飯不太酸﹐紫菜還脆﹐其他魚和三文魚籽也很鮮味﹐wasabi應該是即磨的﹐總之所有combination 加在一起﹐終於明白一分錢一分貨一點不假。接著來的是土佐豆腐($50) -- 夾上來時那外層的脆皮還是脆的﹐但放入口又不會燙口﹐一絕!!最後是燒Mackerel ($70) -- 頭幾口很好味﹐但因為我要吃掉大部份﹐下面的一件就吃得我滿口油﹐唯一敗筆。埋單$484 (連加一)﹐以食物水準來說算是值會票價﹐但臨走前開始坐滿時﹐就有點嘈吵﹐連友人說什麼也聽不到!!

年前曾到礼壽司食飯,今天又在偶然之間去多次,因為遇着暴雨警告,睇完戲地方又濕立立,不如同三五知己去食晚反叙一叙.見到menu,一樣有我幾滿意慨壽司併盤,刺身又有針魚,慈魚,喜之次,日本雞魚,响螺,榮螺,但因為個人問題末能食到以上刺身(因本人人工低微又孤寒)只叫了壽司併盤,同其他壽司如蟹卷,礼卷,加州卷,海胆壽司,感覺同之前一樣咁好味,食完壽司梗係吃吃和食飽飽肚,見到有汁燒牛脷一定要叫番個先,入口軟熟又夠味道,同一般彈口有一種不同感覺,各具特式,但本人比較鐘情呢個多Ｄ,簡直係招婢菜,叫多個牛肉網燒,天婦羅(絕不比樓上稻菊迅色,價錢亦相差很遠)來做一個自制定食,飽得很>>>>>>>所謂不見一日,如隔三秋礼壽司就不見一年,仍然可靠GOOD

尋晚一個人係IFC shopping (自己慶祝情人節，因為冇情人) 完之後，就去左禮鮨食飯。入到去問Waitress 有乜野新鮮，佢話有八角魚。咁我就叫左一條八角魚、大Toru、北海道海同涷豆腐。1) 涷豆腐比較特別，連冰上，味道不俗，但豆味不足2) 八角魚產自北海道小樽的白身魚，只在冬天可以捕捉，油脂豐富，會食有勁，沾酸汁食，在香港很少有機會食到，味道清新可口！3) 大Toru油脂豐富，但勁多根，師傅解釋因為近網位…本人不能接受4) 北海道海味道濃郁，但有部份已溶，師傅解釋因為由北海道送，所以沒有防腐劑…本人推介八角魚，但一定要叫一條。

一月十八日係咩日子??係我同太太結婚十ニ週年日子,買埋花去國金接老婆收工,比個驚喜佢,開心到佢不得了,但係因為咁,開心到要我請食飯,仲要係国金入面嗰間禮壽司,因為佢只係一個小職員,平時聽Ｄ所謂高層又去禮壽司又去稻菊食LUNCH,好神氣咁,為左慳我荷包,去禮壽司食啦,哈哈咁笑,但對我嚟講一樣咁入肉## 先点了棘吞拿魚壽司..帶子壽司..火炙金槍魚壽司..火炙海鰻壽司,軟殼蟹卷同一條好的式嘅日本空運剝皮鱼刺身,Ｄ金槍魚同海鰻壽司入口即溶,味道好正,個刺身好彈牙又靚好好味,再嚟多個礼壽司,應有盡有份量又多,點解食咁多壽司??因為我太太係個壽司狂,一有壽司食就唔記得自記要減肥,仲唔駛自已比＄添,結果食咗成千銀,價錢須然幾杰,但食落又幾好味,唔似得平時Ｄ迥轉咁難食,絕對物有所值,又令老婆仔開心,話唔埋今個月Ｄ花紅家用可以係呢餐扣數添,哈哈!!!!!

聽朋友話礼壽司d嘢幾貴,同幾個朋友試一試,又食魚生又食和食,仲飲埋sake添,點解咁高興,因為係我生日,屈d朋友請我去試,好羞都冇所謂.. 是日點了以下金槍魚魚生壽司海胆壽司礼卷軟殼蟹卷蚧子沙律---全部都好新鮮,份量又足幾好味之後點左個幾有feel慨石班紙鍋,份量雖然小d,但好味,再叫個吞拿魚他他,有他他汁嘅吞拿魚,真係好好味,唔夠!再加多個,最後整個水魚粥飽飽肚.呢餐真係不錯,但又真係幾貴吓.不過值得^^

去完旅行番香港,係香港站揾嘢吃,有两間日本餐廳,兩間都以壽司為主,結果揀左礼壽司,貪佢多Ｄ和食食品,入到去見到壽司餐牌都幾貴,只叫了軟殼蟹卷同幾樣壽司.和食方面有成五六十種,以一間壽司店來說都算幾誇張吓,結果點了豚肉泡菜,汁煮牛脷.嘩!!呢两個菜餸飯真係一流,味道相當惹味,真估不到有如此水準.

午市到國金食午餐,朋友叫鰻魚定食,我叫左個三色飯,唔知係唔係最近改左MANU関係(因為以前冇呢兩樣),個三色飯魚生多過飯,條鰻魚成條比曬我,好鬼抵食,雖然都一樣百幾ニ百蚊一位,但覺得幾自豪,因為份量十足嘛.

今天爸爸請食lunch，我們最終決定去Rei Sushi。爸爸點了三文魚子海膽飯(見圖，$238蚊)，而我就點了辣汁吞拿魚蓉飯($185蚊)。兩個set都包沙津和喬麥湯麵，沙津的酷汁調教得唔錯，喬麥麵的麵身偏腍，個人不欣賞。三文魚子海膽飯新鮮足料，味道唔錯；辣汁吞拿魚蓉飯要了少辣仍然十分之辣，連一向食得辣的我都耍邊食邊飲茶，過就非常惹味。Set lunch唔包甜品或雪糕，有的孤寒。

Went there for lunch. I ordered a sushi set ($180) (see pix below). The salmon is DRY, crab roe and tuna fish tastes stale. The sushi themselves were not well made (rice not sticking together so fell off easily). None of the chefs there were Japanese as I caught a glimpse inside. My friend ordered a Cod fillet lunch set ($200) and was similarly disappointed. We could have so much better food with this price. Not planning another visit. N.B. Green tea is $20 each too. The lunch sets don't come wi

約了朋友吃飯，地點要在IFC裡面。他想吃日本菜，但不想吃千兩，這裡是必然的選擇。午市沒有訂位，十二時半來到，只有壽司檯，其實更好。這裡裝修不錯，但坐落環境十分一般。是相當的嘈雜，客人交談的聲音，加上侍應也在高聲叫喊，不時傳來「三茶一汽水12號檯！」「麵豉湯兩前後」的，活像地痞茶餐廳。幾位女侍應收碟都粗粗魯魯的，作為一間收上價的日式料理，絕不對辦。幸好我們也不太介意環境，午市套餐由一百五十至二百尾，就簡單的要了兩個魚生飯。像歐洲餐廳，這裡沒有免費的飲品，茶也要收錢，不過質數就比很多不收錢的地方還要低，只是普通的茶葉茶。套餐包前菜、小吃、味噌湯及魚生飯，前三樣都係水準以下，尤其小吃，只幾粒煮竹輪就算，幾求其，味噌湯算好一點的了；魚生飯配料都算對辦，甜蝦、蛋卷、三文、吞拿、魷魚、三文魚子、小肌等等，刺身都算是新鮮。飯是酸甜合度，口感亦適中，也不錯。餐後不包任何東西，咖啡及雪糕當然又要另收錢。埋單五百八十幾，價錢是頂價，但食物不算十分出色，招呼是港式餐廳風格，地方又不見優雅，似乎只係吃個地點。絕對物非所值，午市的話，更不用專誠來試。題外話：日籍師傅帶著3位年青本地徒弟坐鎮，看似對辦。但見徒弟在

心郁郁又試一下有冇驚喜,叫左個銀鱈魚酒盜煮,好特別,出面未食過,聽聞係厨師自創做法,真係好好味.再係推介入面叫左個鮎魚茶漬飯,又有湯味,又有茶味,真係唔知點解,但又真係ok喎,值得一試.. 因為冇食壽司魚生,收費尚算可以䏲

黎食lunch，唔好食。Sushi set 啲壽司唔好食，樓上既千兩仲好，個海膽飯就尚可。(見圖) 唔抵食！

近期到rei sushi食晚飯,發覺佢地d menu幾特別,尤其係師精選一part,例如炸金槍魚面額,外面好難見到,味到也算不錯,有個叫順才梅素麵,聽講順才係日本夏天當造價錢也非常昂貴,配合梅味素麵混和在清涼的醬汁上吃,真係透心涼,可惜佢係季節食品同每月轉餐係,要食要等到下季夏天囉!希望每月都有一樣驚喜....

原本約同事去支持“長者餐廳”, 但同事臨時要開會, 大家決定另擇日子.結果…. 朋友C來電, 話今日剛巧在附近, 便相約食晏. 本想食西餐, 但走勻Harlan’s, PALACE IFC Caf都話full house (今日咩日子???). 結果再來這裏.大家也點了“北漁井”set, 包前菜, 沙律, 蕎麥麵, 北漁飯. 先上蕎麥麵等, 麵身煙韌, 湯底清而帶鮮, 結果被我全數清晒^^ 北漁飯有松葉蟹肉, 三文魚子, 海膽, 蟹子和蛋絲. 松葉蟹肉有兩款變化, 分別係蟹柳及一小座蟹肉山丘. 蟹肉的兩款質感有唔同口感, 但同樣蟹味十足, 唔錯!! 海膽新鮮無異味, 加大大粒三文魚子, 實在鮮味十足!! 因之前食光了碗麵, 結果碗飯食唔晒之餘亦食唔到甜品呢~

一個無端端的黑雨中午,最安全同享受o既,當然係同靚靚艾力嘉食個富貴日本午餐!兩個人叫o左一個魚生切片剌身飯set同海胆魚子蟹子飯set share. 魚生切片剌身飯set賣相精美,剌身包括三文魚,吞拿魚,帶子,大甜蝦,蟹子,魚子,甜旦同埋有一條銀色紋o既魚. 每樣一至兩件,份量剛好. 至於海胆飯set既海胆鮮味,材料亦足,賣相穩鎮.其實成二百蚊一個lunch對於我o地o黎講唔係咩等閒事,但係到成一點八,都仲要等位. 好彩我o地下晝真係唔洗做je! 乜中環d人食lunch 真係keep 住咁高消費gar?!