福福拉麵 (已結業)

今天第一次到福福吃飯,點了招牌拉麵和滑蛋叉燒飯.揚出豆腐,味道都非常好,尤其是拉麵真的沒有味精,吃完也不會口渴,非常難得可以在hk吃到沒味精的店,價格又很便宜,揚出豆腐口感也炸的爽口酥脆,好好吃下次一定要多帶些朋友來吃飯,品嘗美食只有顧吃飯照片只拍了一張

今天於家中無所事事，便到OpenRice網站挑選今天的晚餐，眼見各食家對此地評價不俗，便帶同女友往這裡一探究竟了。一到埗，店內坐無虛席。我和女友只好在門外等一下，而侍應生亦很有禮貌地問我們多少位及請我們耐心等候。等候了十分鐘左右，一行二人就進入了福福拉麵。剛坐下，侍應生便遞上餐牌及水。在女友選擇的同時，我亦不忙掏出相機亂拍一番。店內播放著日語歌曲，配上稍暗的燈光，頗有浪漫情調。放於吧台上的各種飲品，以酒精類為多。很快的，我們點了的食物就到來了。女友點了地獄拉麵，而我則要了牛仔骨定食和一份鹽燒三文魚頭。地獄拉麵，賣相不錯，味道算得上是中上。驚喜的是當中的荀片，吸收了地獄辣湯汁的精華，吃下時依然爽口無比，一絕。即使牛仔骨經過炙燒，仍然保有一定的肉汁，入口時奇香無比，非常不錯！鹽燒三文魚頭，口感略為乾身及過咸，份量也比較少，稍為失望的一道小食。雖然最後一道小食減了少少分，但是前面兩樣食物仍是非常精彩，值得一試。總言之對今天晚上的一餐非常滿意，下次必定會再光顧。

元朗的食店的食評,我大部份都做過,呢間反而無.若果不是我前幾日在某froum見到其他人post一張牛肉烏冬鍋的相.我估自己今生都不會發覺到呢間食店..全因我對元朗的日式食物無信心....呢間店位置.我在家中落街.行一條直路就到..2點9入到店內得一枱客環境.有日式佈置.四周仲有日式的酒...店內不大.但我去的時侯少人.尚算舒服..而店員只係較冷淡..也不可介意...牛肉烏冬鍋:55元在今時今日,百物騰貴.呢個價錢我覺得合理.我前幾年也有吃過呢種食物.價錢都差不多.呢種絕不是健康食品.豬骨湯底,一定要濃.有豬油香口..的確做到.簡直係人間極品.成個烏冬鍋牛肉多於烏冬.而牛肉不是難吃的貸品..而是香而帶牛肉濃味.同某2間限時打邊爐的出品接近..因鍋的熱力..食到最後一秒鍾都有熱度....

兩口子在元朗吃日本菜，不外乎是酒泉和酒泉，貪其大件夾抵食試過金田嚴重失望後，對其他元朗的日本料理店，總有一種先入為主的負面感覺，以為都是份量味道均欠奉之流。老婆大人素來嗜吃麵食，元朗的岩手拉麵已窺其全豹，沒有番叮的理由；於是老婆於開飯覓見福福這間以和食及鍋物烏冬為主打的小店，風評好像還不錯，便兩口子來大快朵頤一番。抵達小店的門口，本來還有些掙扎要不要一試:因為看到鋪內燈光頗暗而且人氣欠奉，鍋物的索價也不是便宜，但最後還是不試白不試，打開趟門進去一探究竟。甫步進小店，沒有「2314」的港式日文劈頭而來，心中便踏實了少許，正正式式的一句「歡迎光臨」比起賣弄日本風情的「2314」實在高上幾班。一如所料，小店的間隔跟旺角擁擠的日本料理店雷同，沒有多少個坐位敷用。隨意入坐後，極目所及只有數台客人在閒聊，一位女侍者把餐牌放下便離去招待其他客人了。雖然服務不太殷勤；但看著一個女侍在小店中穿梭服務所有客人，一個年紀稍長的女侍在水吧準備飲品，一個年輕男廚師把弄好的食物遞出來，也有一種家庭式經營的日本小店的親切感(雖然沒有求証是否家庭經營)。打開餐牌後一如所料，小店並沒有以廉價做招徠，這反而引起小弟對其質

元朗日本野大家會諗起壽司, 但除左壽司原來元朗都有其他好食既日本料理.大約7點鐘到達..達到未滿....坐位亦算舒服唔會好迫又幾好woo...自己鐘意加就加同埋個d係檸水黎ga~醬汁唔會好鹹能夠帶出豚肉既味道..豚肉方面唔好肥食多幾塊都唔會好漏woo本身淨係叫個鍋..但飲左一啖湯就決定加$10改定食..因為d湯都幾辣..不過要黎撈飯就一流~~..辣辣地真係好好味呀..豚肉大約有5塊..有2塊比較肥..而肉質方面初時交落去以為好硬但食落又唔會wo..定食會多左一碟小食同一碗白飯..小食係茄子好好味..但白飯就太淋la..希望有待改善份量適中..有5塊..肉汁一流唔會好乾..味道亦唔咸唔會食左之後好口渴~其實店舖位置唔覺眼...但都有一定既人流就證明lee到既野係好食la..見到隔離枱既招牌拉麵好大碗呀!!!不過我就冇食到拉麵係因為個拉麵唔係豬骨油自己比較鐘意食豬骨湯底既拉麵..服務方面待應都話頭醒尾..但價錢方面我覺得有d食物偏貴..但今晚都係食左$134..可接受啦~

很久沒有來過元朗，今次有元朗仔帶路，去了南生圍和下白泥，行程十分緊密，而午晚兩餐加甜品也在元朗完成，實行自家製本地一天遊。先來的是一家名字很特別的日式小店 “福福”。我們來的時候，可能是第一日假期的中午，人數很少，不過聽說晚上很多人排隊的。入來的環境不錯，朋友說這兒的座位的安排和以前是有分別的，聽說現在的座位數量比之前的多。牆身除了以特別的字體介紹店方的推介，還見到不少畫。先來兩碗手打烏冬，兩碗也是豬骨湯底，均不是奶白色，而味道方面，肥牛鍋烏冬的湯底牛味蓋過，味道不錯的，肥牛肥瘦比例平均，不會韌。這兒的烏冬滑度很高，又可以sususu入口中，而煙韌度也有的，吃了多家不同的烏冬店比較來說，發現到我自己不只喜歡一種的烏冬質感，而這一家出品的也喜歡。另一碗鍋燒烏冬只有豬骨湯底的就覺得濃度不夠高。而且大蝦天婦羅放了入湯內，我們放久了也未吃，皮也都被湯浸淋了，不好吃的，而雞肉也比較鞋，其它的配料也不見特別，唯一保得著就是烏冬也是好吃。日式煎餃子的吸引力只是一般，餡料很飽滿，所以要多面也要煎得再脆身一點才會好吃。燒靖魚，沒什麼過人的地方，也沒有失色，家家出品也是差不多，燒得香口，加點點檸檬汁，就已

元朗咁多間食日本野既餐廳，差不多間間都食過晒，但係都無一間食過之後會有寫食評既衝動。偏偏呢家係元朗都唔太出名既福福拉麵同朋友&女朋友食左好多次都覺得佢好好味，真係我心目中元朗區值得推介下既日本餐廳。今日同女朋友去食晚飯，未去到女朋友已經諗緊一陣要Order D咩野食，去到唔算多人可能係7點鬆的關係唔駛等位。因為都間中黎食，所以坐低左好快手就已經決定order 醬油拉麵、牛肉薯餅、串燒拼盤、泡菜牛肉鍋、雞扒定食。等左唔駛10分鐘，第一道菜黎啦~呢個鍋餐牌上無的，因為之前一次黎到食過泡菜豚肉鍋，被它刺激既味道深深吸引只是覺得用牛肉會更好，於是令問下侍應可唔可以轉牛肉，點知得左 呢個鍋不算辛辣那種我呢D唔太食得辣既人都無有怕，而佢衰鬼之處在於辣得黎不會令材料失去味道越食越想食，連我女朋友唔鐘意食辣野既忍唔住係咁食~其實去到福福好多人都會叫招牌拉麵但係真正吸引我同我班FD黎食既係呢個醬油拉麵，無需濃味既湯底，入口啖湯係一股日式醬油挾雜著強烈既昆布既味道，配搭上笋、芽菜、乾昆布等配料，令人回味~ (可能係醬油湯底，有少少偏咸的~~)呢個薯餅係我女友至愛每次黎都一定要食既，睇落平平無奇薯餅皮很薄

自從個朋友介紹我去福福之後, 就鍾意左呢度嘅燒物! 同男朋友黎食晚餐, 我發板叫左:柚子汁salad: 酸酸地, 幾醒胃~燒牛舌: 係我地最愛, 香! 諗起口水流... yummy!自家製餃子: 我本人另一最愛, 皮薄餡靚, 配埋酸酸地嘅汁, 一流!燒飯團: 餡有三文魚同鰻魚兩種, 外面比佢燒到脆脆香香, 仲有一大塊紫菜比你包住食.大板燒餅:好多餡, 有蝦仔, 魷魚, 生菜絲等, 都幾飽肚, 我地都食唔哂, 打包左一半.講真呢度真係樣樣都唔錯, 食完好滿足. 兩條友百幾蚊食到飽飽, 都幾抵ar.

之前看過雜誌介紹, 今晚有機會試下, 要了招牌拉麵, 炸豬扒定食, 餃子, 煎玉子,味噌 廣島蠔, 整體都好味不過落ORDER 後, 平均要等15-20MINS 先有得食, 相信因即叫即整..所以耐D 希望可以保持水準, 一定會再試其他嘢食招牌拉麵..足料, 感覺正宗炸豬扒定食..豬扒juicy, 吉列crispy, 不油煎玉子..我覺得好食過一門味噌 廣島蠔..蠔好味...菜a bit over cooked3個人: $200 (dinner)

很久沒吃日本菜了，幸好元朗日本餐廳非常多，本想試人氣度高的 "酒泉"，但等候的人多得像免費試吃般，唯有另覓食店。沿著教育路一直走下去食店還多的是，來到福福門口，看見不用等位，而且店內亦不是小貓三四，應該可以一試，就進去吧!!食物選擇還算多，侍應一開始便介紹 "時令推介" 的大蜆及帶子，但由於想叫的二人餐份量已經很足夠，所以並沒有選擇侍應的熱情推介 (但偷看了旁邊食客叫的鹽燒鮮帶子賣相像很不錯呢)我們叫的是：<< 二人前套餐A $158 >>套餐中由冷盤到主食共五道菜，每一道都是二選一的自由配撘，以下是我們選的菜色…冷盤：蟹籽沙律沙律用的不是一般白色那種沙律醬，侍應會問你想用柚子汁還是一種帶草青味的汁，而我們選的是柚子汁，入口酸酸甜甜，感覺卻是十分清爽，尤其開胃得很，作為第一道菜確是最適合不過，第一印象如此出色真叫人期待下一道菜的來臨…前菜：自家制玉子燒接著的是玉子燒，蛋味濃郁，卷蛋一層一層很分明，最驚喜的是層與層之間竟有鰻魚片，雖是薄薄的，但卻排列很整齊，看得出是很有心思，值得加分。後來發現原來散叫應該可以選擇要鰻魚、蟹柳或是紫菜三種口味的炸物：自家製煎

星期日晚同朋友二人嚟左呢度食晚飯,未夠八點,全間舖都坐滿人,好好生意喎,我未嚟食過,朋友話之前食過拉麵都幾好味.間舖唔算大,我們不用等位剛巧有二個位係近門口附近.餐版都有好多選擇,我們叫左:蠔鍋配麵鼓湯底轉定食加10元(多一碗飯及前菜)-前菜係涼拌菠菜,原來有d日本芥辣鼓油架,嘩,即刻醒晒,但都好好味呀.蠔鍋都好大個,熱辣辣,好多娃娃菜及有六隻蠔的,都算大隻,好鮮甜呀,湯底係麵鼓湯底,好味呀,不會太咸.冷豆腐-好滑好味呀,配些鼓油及類似魷魚絲的在面頭,好味呀.燒鯖魚-好好味,好香口,好甜,d肉好鮮配埋檸檬汁一齊食一d都唔鯹,好味.鹽燒帶子-都幾大隻,好鮮甜,不過我覺得咸左少少.整體嚟講d野食都好有質素,樣樣都好好味呀,服務都幾滿意.會有下一次幫襯的.

很開心在元朗找到呢一間咁有日本風味的食店, (好似真係置身日本既居酒屋一樣)每樣食品都很用心製作,入口不禁令我高呼「好味呀」~且價錢不貴, 就算人少少都可以吃到很多不同的東西~!值得推介!

放假不想出太遠, 就會選擇到元朗。一來美食多得永遠也試不完;二來交通往來又夠方便, 每次不單吃過夠, 還要買些手信回去才算是滿足呢! 到訪當天是周日的三點半, 竟然只得一檯客人, 或許是因為無茶餐供應只能散叫吧! 這對我無任何影響, 因為我本身都喜愛散叫, 較為自由。 店子以木色為主, 燈光較昏暗, 有bar檯、二人檯和四人檯。 牆身貼滿了人手寫的餐牌, 還畫了多個公字, 挺可愛的。 由於早已打探定福福有什麼好吃的, 所以很快便可落單。 最快來的是招牌拉麵$32, 店員拿來了胡椒粉和七味粉, 建議加在麵中。店方強調湯底是用豬骨煲成, 絕無加味精, 喝過幾口, 幾鮮味的, 沒有出現口渴的情況, 但還是喜愛麵豉味的湯多些。配料放得整齊, 有溏心蛋、日式叉燒、粟米、紫菜、海帶、芽菜、葱、筍, 最吸引我的莫過於是那半隻溏心蛋了,雖有少許凝固, 但蛋黃尚能流動, 精神已為之一振, 蛋白亦很嫩滑, 真後悔無多加一隻呢! 拉麵偏幼身, 帶點鹼水的味道, 但可接受, 幾爽口卻不算煙韌。 至於那兩片叉燒亦很入味, 肉質夠稔不鞋口, 連肥肉也是爽的。 煎餃子$25: 五隻都是脹卜卜很飽滿的樣子,

如果唔係睇了呢度的食評, 我未必會走入呢間小店因為元朗的日本食店實在太多了, 當然, 大多都是做刺身壽司的, 純拉麵店就甚少見招牌福福拉麵, 麵身比較幼, 如果粗身些口感更佳兩塊日式叉燒, 很入味滷水蛋係溏心的, 絕對係誠意之作湯底亦好味, 而且應該無乜味精, 因為食完唔太口渴鍋燒烏冬絕對要誠意推介, 烏冬係手打烏冬, 有咬口加上天婦羅蝦, 炸雞, 蟹柳, 蛋等配料, 好豐富呢但來呢度食野, 要有心理準備閒閒地等20分鐘以上如果你叫套餐的話, 預左45-60分鐘先會上齊因為所有野都係即叫即整, 如果肚餓就不要來了我見到過唔少客戶等到發火

元朗出名的日本料理不只是壽司刺身。其實還有一些買熟食的小點。 “福福” 便是一個小舖子，環境佈置一般，但讚賞來自食物。推介是它的自製餃子、炸牛肉薯仔餅和燒餅。串燒亦是其中的主打，味道算中上，只是串燒set全是肉，如果另外有一些set的蔬菜串燒選擇更好。