福福拉麵 (已結業)

路過見有間拉麵入左去試, 見招牌拉麵有隻半熟蛋就試試佢本來都驚驚地佢整隻熟蛋黎, 一黎見到真係半熟, 唔錯蛋白都入味, 幾好食湯底唔算太濃, 強調冇味精(有冇味精我唔識試XD)叉燒肥瘦軟硬適中, 有肉味筍都幾好食, 唔似平時食開拉麵o個d有陣味講到咁多廢話....問題黎了, 個拉麵有陣怪味(鹼水味?), 成碗野扣左70分如果改善到個麵, 都算上級之選

上兩個星期返完夜校十點幾同男友四圍騰唔知食乜好，又唔想食茶記喎，男友就提議去教育路食日本野，行過福福我問男友食過未，佢話未問我有冇興趣試試，我望望門口價錢唔算貴，咪due囉，入到去成間野先得一枱客我即刻問男友係咪入左黑店，男友話都差唔多十一點正常的，fine 叫野食囉，我地叫左招牌拉麵、日式燒餅同埋燒鰻魚飯團，五分鐘後拉麵登場，我一見到呢碗麵即時眼前一亮...半隻糖心蛋呀...真係糖心唔係未over cook，一食oishi...麵夠彈牙...义燒入味(肥左dd)，食完個麵正想吹佢地上埋d野食比我地嘅時候...日式燒餅出場啦，好多目魚花呀好開心呀...一夾係佢啦...正式嘅日式燒餅呀...唔係硬掘掘果d燒餅...超開心真係估佢唔到，雖然冇得自選材料...但呢個裡面有魷魚、蝦、紅robert & 椰菜都好match好好味(如果加埋炒麵就更好了)，至於個燒鰻魚飯團就平凡d啦...不過比起女人街果邊的日本料理店來說...這裡的也算是非常的有水準了(不過鰻魚好像少了點)。Somehow，呢間店價錢唔貴、招呼唔差，值得一推，我和男友一定會再去幫親。

因為工作關係, 所以很遲才回到元朗去,正在猶疑不決不知吃什麼的時候就見到它~~~~~~福福.賣日本麵的店鋪！沒有鱼生壽司怎能生存。冷冷清清 , 顧客小猫三两,有什麼好吃啊？？又不想吃即食麵 , 就入來試試吧 , 點了叉燒拉麵和餃子,一罐Asaki。時间一分一秒的過去,十多分鐘拉麵才到 ,餃子更久 ,我想都是一起一次止吧！終於等到了~~~~~~~~什麼, 這是拉麵？？為何會同其他方吃的不一樣,碗上食物的位置和圖片一樣 , 真多此一舉 , 麻煩？吃了一口麵, 十分咬勁,QQ的,有濃厚的麦味,這才是麵。碗邊不帶一滴湯, 應該小心清潔很才這送上來 。那口湯, 湯頭 濃 郁, 帶有 豬骨的香濃味, 應該沒有下味精. 叉燒就薄了點 , 厚一些才好。久候的餃子皮薄, 肉汁甜美 , 原來是每日鮮製, 不是交來的, 原來如此！麻煩的應該是我~~~~想多了！差不多一個小時, 帶着滿足的心情回家去。有時候在想我需的是快餐 , 還是有心用心的食店,我會再回來,再來一罐Asaki！

去到食午餐叫左個照燒雞翼叉燒飯食無叫野飲 要另外加錢確係有d貴我去到果陣一個人都無可能岩岩準備好於是等左都幾耐個飯先到佢d雞翼好好味外皮好脆 入面仲好多肉汁成碗飯先得兩隻搞到我唔捨得食之不過d叉燒就唔好味超級無敵非常之 "痴牙"送多一塊俾我都咪搞總結 唔算差開張無耐算OK

本身是元朗人...長時間都向元朗搵食...成日都覺得元朗日本野好多.區內競爭算大..,不過有quality ...真係唔多...佢地都只係以抵食做賣點...今次去福福...其實係因為見到成條教育路d 日本餐廳出面都企滿人奇怪le 間福福d 人咁少...見到出面d menu 同埋poster..d 賣相ok...價錢唔算貴...咪去下入到去..覺得好攪笑...點解d menu 全部手寫既...order 時都希望佢地寫得ok la叫左煎餃、燒鯖魚、福福拉麵＆　（日本魚片）　鳥冬　雖然上菜時間耐左ｄ．．差d 以為漏左單...可能d 野要燒...不過燒鮪魚燒得好靚..好香...好好味...另外...餃子佢只煎底部..下面脆, 上面軟..皮薄肉汁豐富...不錯..我覺得係自家製..因為香港好多日本餐廳d 野..(特別平價的) 都係向某幾間供應商取貨..食拉麵及小食時...其實好多時都覺得味道差不遠...相反...福福既餃係餡多d, 味道似homemade 的...主菜方面...我食既係鳥冬...好"煙""銀"...有米的味道..我既鳥冬故意配上醬油湯...我覺得好夾....清...清地...烏

曾經食過~雖然~~唔算唔好食但係味道品質有出入就好似股市咁大上大落侍應太過hard sell一人一碗面都ok飽大食既可能未必夠水準有待維持下邊果篇有點似店長自己寫

其實幫襯左福福好幾次, 不過一直都無寫食評既衝動. 直至今日放假閒逛openrice先發現真正識食既人真係少之又少. 並非想講福福好好好食到可以拎三星, 而係只識彈唔識欣賞食店既人太多, 句句尖酸刻薄, 令一d真正有heart既小食店因為呢d嫌貴嫌少既食評而導致關門大吉, 實在令人可惜. 講番福福, 佢既拉面面質其實唔錯, 湯底亦然, 一定好食過丁面先. 其他野亦都有花心思, 雖然件野出黎未必比想像中咁好, 但人地一間小面館都識得抱住"不時不食"既精神去做菜. 比起其他橫行元朗既so-called"日本菜", 佢可能唔夠人抵食夾大件, 選擇亦未夠多元化. 但如果唔好食既野, 我要咁大件做咩呢? 大家都要知道, 你比咩價錢食既係咩質素, 係成正比既.請繼續努力!!

見到咁多人寫佢好食, 我要俾的評語. 上次幫襯係佢新開張, 諗住佢話自己正宗拉麵就入去試:招牌拉麵 - 湯冇味 (佢重話豬骨au...先入去試), 拉麵又唔彈.. 我肯定出前一丁好食過佢鰻魚 - 細細塊孤寒到死 ( 好似要成三十幾元), 上到尼係冷既, 百街個的好過佢...我同老婆都覺得佢做唔住... 而家幾個月可能佢改善左, 不過我地一次就夠啦...

一個禮拜差唔多去食３，４次．同老板娘都幾熟下．佢Ｄ菜式都差唔試晒咁濟．最值得回味多幾次既係蟃魚飯同埋焗蠔．焗蠔．真係岩岩好熟．個汁又好食．仲有小小海水係度．掂丫．１０蚊隻．都值回票價．蟃魚飯．女朋友差唔多次次都食．不過都真係幾好食下．．題外話．．佢晚市都唔係好多人．可能係位置都離開市中心．所以少人黎呢邊．淨係做學生生意多．鋪頭又唔係咁大．做唔得好多生意．難得而家市價低．應該買個多人流Ｄ．鋪面大Ｄ既位．咁岩鐵腕又汁左．諗諗佢都可以發大黎做

11.20.媽咪又冇煮飯的一晚，又要出街搵食，在我提議下又再食拉麵。　去了叫好的福福拉麵，此店環境與服務都不錯，最特別是檯上還有自己動手倒水的水泵，我覺得很好玩；另外食物賣相也十分精緻，可惜味道就有所不如了：　蒜香鐵板安格斯牛柳粒($40)-吸引的名字，精緻的賣相，不過份量好少呢，味道也只一般，肉質頗肥之餘也欠缺安格斯牛柳應有的肉香。　蛋卷($15)-以非常精美的小碟盛起，引人食慾，可惜味道不香亦不甜，還有陣怪怪的咸味，不要說同台北肥前屋的精彩蛋卷比，連荃灣的和樂居食屋都比它出色很多倍呢!　煎餃($25)-來貨的餃子皮薄又形美，但肉餡不鮮美同時，煎得火侯不足不夠香口。　福福招牌拉麵($32)-又是賣相不俗，但湯底有其色而無其味，淡而無味又不夠熱，麵條欠缺小麥香又沒口感，其他配料也是平平，最好是溏心蛋。店員好心提供日本胡椒粉，添加在拉麵上叫做較有味道，不過還是稱不上美味。　感覺很一般的一頓，我與較咀的媽咪吃到一半已經停手，還好有遲來的玉仔幫手清碟，最後沒有加單就埋單走人了。當然大家沒吃飽，不要緊，隔離就是最愛的平靚正有益甜品，三母女都覺得飯後糖水比正餐吸引好多呢!

元朗一向勁多日本菜餐廳, 早前又開多佐一間, 於是有日同流沙包去試佐. 入到去發覺原來佢係食拉面既, 款式唔算多, 另外都有D定食. 我地叫佐一碗招牌拉面, 同埋一個串燒拼盤, 同一碟前菜. 碟前菜係wasabi菠菜, 味道都幾特別. waitress話佢地既叉燒唔係出面買現成, 而係自己去街市買豬肉返黎自己整成叉燒. 我覺得都整得幾好食, 唔靭, 醃得都幾入味. 不過個串燒拼盤就麻麻地, D肉好靭呀, 同埋我覺得醃得唔夠入味, 有D淡. 值得一讚既係服務態度唔錯, 個waitress同廚房我估計就係餐廳老闆, 所以好慇勤同好有禮貌. 不過我擔心佢地咁少食物種類, 又無邊款特別好味特別出色, 唔知佢地會捱到幾耐...

前排經同事介紹而去左呢間新開既拉麵店，對我嚟講係元朗實在幾遠，因為我住將軍墺區，冇咩事真係唔會入元朗，但見同事熱烈推介，而我本身又鍾意食拉麵，所以收工就同同事一齊入去食啦我地總共5個人，當日都叫左好多嘢食，好似想食哂全部嘢咁主食 : 2個鰻魚飯，一碗炸蝦烏冬，一碗醬油拉麵由於我係食醬油拉麵，其他冇食，不過聽同事講鰻魚飯同炸蝦烏冬都好好食，而我個醬油拉麵都好正，其實我唔係咁鍾意食醬油拉麵，因為之前食過既都覺得一係好咸，一係好甜，所以唔係咁鍾意，但由於同事推介，咁就試下啦，一試之下，終於知道咩叫醬油拉麵，超愛佢個湯底，感覺好清，食完完全唔會覺得口渴，口味啱啱好，麵質都啱啱好，唔會太軟或太硬，我直程飲哂成碗湯，真係好耐未試過出街食會飲哂d湯。小食 : 炸豆腐，凍豆腐，波菜卷，全雞串燒(要預訂)，枝豆沙律，餃子，天婦羅由於人多，所以可以叫多幾款小食試下。最鍾意係波菜卷同枝豆沙律，佢地個味好特別，好似有少少甜甜酸酸咁，唔係好識形容。而餃子亦係推介之一，皮薄肉亦都新鮮，好有肉汁感，唔會煎到好乾。最特別係全雞串燒，要先預訂，因為係即日買新鮮雞做，將唔同部位用唔同方法燒，而最正係有個汁點，一個係was

真係正架, 估唔到元朗有間咁正嘅拉麵店. 個醬油拉麵$30真係好日本風味呀, 而且真係唔算貴, 係就係好似小啲, 但係飲埋啲湯其實都好飽. 其實我鐘意食辣嘢, 佢地有個地獄拉麵, 睇落好正, 不過嗰日喉龍痛唔敢食....我下次一定要食地獄拉麵. 個餃子$25(5只)真係無得頂, 食到係新鮮肉味! 個店長介紹海蝦枝豆味噌漬$25, 係用味噌醬醃嘅漬物, 味道好特別, 其他地方好難食到呢個味, 之前喺京都食過呢種, um...好食!佢地個天婦羅都唔錯, 啲粉唔會好多, 唔油膩, 3蝦4菜$35, 都ok啦!...好食到唔記得影相添!

其實今次唔是想去這間的，不果行過他鋪頭時又想入去試下。入到去坐又開始覺得他正中了，因為坐位十分細，令我有點唔舒服。服務上都幾好(可能是新開啦)，幾落力推介。我同我朋友一齊去的，我叫吉列炸蝦讚岐烏冬，我朋友叫左褔褔招牌拉麵，加左一個店員介紹的手目製餃子。其實我唔是好記得d價的，有錯唔好話我呀吉列炸蝦讚岐烏冬36褔褔招牌拉麵 40左右呀目製餃子 26左右呀先講我的烏冬，比我想像中好，十分咬勁也好，口感圓潤(這個是上網搵的形容詞)，湯都十正中的醬油湯，味道不太濃不太淡是有心做的，不果炸蝦的粉又有點厚了(我懷疑是現成貨來的，所以)味道一般。在講我朋友叫的褔褔招牌拉麵，是同得一個食評的相一樣的，好像是麵豉湯的(因為唔是我食)，不果我朋友都講他十分正宗(我朋友有去過日本的)，他說都好過dx千拉麵(元朗有間的)架啦。講到餃子上，都一句"正宗"，煎得都幾好，味道是意料之內，所以都無乜好講了，都好ok的。不過有點貴呀。整體來講味道都十分好，做到日本正中味道，味道上的堅持是對的，你們一定要"堅持"呀。不過份量你又唔好學到足了，太細了，應張份量加一陪左右(唔是叫你們整大件呀，你們唔好想錯呀，大件唔好食架)，

睇過四眼D食評咪走去吓間福福有几好, 今日去到, 果然冇介紹錯.D招牌豬骨湯麵好正, 問開老闆原來佢哋D湯日日用新鮮豬淆製, 冇落味精唔掛得D湯好飲但唔令人口渴. D湯真材實料淆足几個鐘, 名符其實係一碗好有誠意嘅湯麵. 仲有, 佢隻糖心蛋, 簡直係一流! 諗起都想encore!仲有, 佢哋D自家製餃子, 唔係Mass production超級市場嗰隻! 全部用新鮮豬肉自己包, 煎到外面層皮脆トト好鬼死好食!!! 最衰係遠咗D, 不過為咗食好嘢冇計嘅!一定會再去發掘D新嘢!