福晉薈

营业中

休息中

新蒲崗嗰邊有好多酒樓，變相每間都要推出一啲優惠嚟吸引食客。呢一間酒樓好特別，見到夜晚會有搞迷你演唱會，不過主要都係中年人士嗰啲啦。不過呢間酒樓開咗冇幾耐，裝修好新淨，環境乾淨企理，服務亦都唔錯，係新蒲崗舊區難得的粵式餐廳。如果飲茶嘅話，建議早上嚟，星期六11點前有得別優惠嘅孖寶，都只係三十零蚊兩款，份量仲要好足，仲會額外有特價點心。最愛點菜苗餃、蝦餃、腸粉、鮮竹卷。點心的調味恰好，大大份，皮薄餡靚，食完唔會頸渴。

變了，確實變了，同之前食完全兩回事，啲特色點心冇晒。叫返同之前相同款式嘅食物，分別就係大，特別就係個尖椒冇咗厚厚嘅墨魚膠同埋唔係用彩椒。另外叫咗個小食香芒蝦球，嗰份都做得幾厚。個鹹魚咖喱飯炒得幾香，但係食落去就冇乜鹹魚味。個牛肉餅好似生煎包，同埋裏便啲牛肉好似食緊山竹牛肉咁。咁唔係完全失望嘅，都有好食嘅地方。例如個蜆蚧鯪魚球，而家好難得有酒樓啲蜆蚧醬係有咁大粒嘅蜆肉食。個鴛鴦卷都好食，最好食都係個推廣$10嘅排骨陳村粉真係抵。同埋下午茶難得有粥食，熱辣辣嚟到嘅時候仲係滾到起泡，又唔會太稀。整體嚟講如果之前冇食過就唔會有咁大落差。不過總算不過不失。

平日屋企人生日黎試咗佢夏日海鮮龍蝦全包宴半席諗住加多個冬瓜盅點知又話冇預訂冇晒我book位嗰時又冇同我講，真係勁嬲嘢食方面 散叫好過叫餐醉鮑魚OK 龍蝦ok炸子雞好食個椰子雞湯完全勁唔掂 雞肉鞋口 湯冇雞味酸菜魚只麻不辣 小炒肉好油 蝦多士同炒飯算不錯整體一般 唔會夠飽 食完好似冇食嘢咁仲要樓面得一個阿姐 另外嗰兩個男人成日企喺度唔知做乜 行行企企埋單$2000今時今日咁樣嘅服務質素 怪得咁多人返內地比明星效應呃咗 可一不可再不建議

屋企人睇KOL d片見賣相5錯又大力推介有幾好食，即管去試下。1. 間茶樓開係新蒲崗工業大廈旁，一去到個商業中心，間茶樓冇正常門口，要係d暗門入，餐廳個職員叫我地搭第2部lift 上去經後門入，個感覺都5太好，未試過d餐廳茶樓係甘。2.入到去環境似平時茶樓，一行5人坐低，只有母親節餐牌叫，有套餐有散叫小菜，甘明既母親節。Kol 和個經理都推介個胡椒蟹，個餐牌寫胡椒大肉蟹，甘叫一份試下。平時食肉蟹一食就知係咪肉蟹，肉多蟹鉗容易爆開。 黎到係變左5知咩蟹，一問個經理話係菲律賓水蟹跟住就走左去。食落完全冇咩肉，重要d殼用鉗爆極都爆5開，個菲律賓蟹盛為1千蚊，真係火都黎。3. 龍蝦伊麵算係幾好食，但每人得一舊和少過半碗仔伊麵，盛為$550。4.其他餸有乳豬（十舊）盛為$240, 咕嚕肉盛為$170，時蔬盛為$100.味道食落普通過5普通，可以講普通燒味鋪同二餸飯都好食過佢。最後，每人有碗紅豆沙送。只是飲茶和水冇再叫其他野連5人加一total$2400。人均成480，呢個價錢完全有被呃既感覺，最重要係母親都覺得味道好一般，食得5太高興

臨近母親節的時候去吃的一行五人晚飯時段，剩係得一張紙的小菜選擇沒有其他餐牌臨近節日貴啲都明嘅如果可以多啲選擇會開心啲侍應Sell食餐嗰啲都明嘅再問佢有沒有其他選擇？跟住攞咗張細紙仔俾我哋睇其實呢個4-6人餐對比上嚟都幾抵有胡椒蟹有酸菜魚但屋企人唔啱食所以沒有揀最後選擇了散叫咕嚕肉水煮牛燒雞東星班小炒王埋單都食了這個餐的價錢食食吓聽到有個人同嗰個服務員講’我六個人，你叫我食一圍？？‘十分搞笑食物普通普通酒樓水平沒有驚艷

福晉薈The location is interesting - tucked away inside a commercial building at San Po Kong. An inconspicuous spot that one would not pay much attention to but for friend’s referrals. Interior is akin to a 屋邨茶樓。No-frills and unpretentious. Food-wise, fair execution. Particularly memorable items for me were the 金箔欖角一字骨 and 拔絲咕嚕黑豚肉, both of which were perfectly cooked with a nice crispy exterior. The preordered 星洲胡椒炒肉蟹 was very meaty and pretty pungent. Those who are into spicy food said it was fin

同事睇左網上一啲介紹，咁6個人訂左呢間慶祝食飯。同酒樓講預每人HKD1500價錢，埋單HKD9000，咁睇左Menu見到有三頭鮑魚，有翅，有出名既肉蟹，仲有其他菜，講明全包宴。咁果下都覺得個價Ok 合理既，而去到酒樓都有包廂，但食第一道菜慢慢都覺得心知不妙。兩碟前菜似汽炸鍋炸出黎，雞軟骨普普通通，南瓜件用鹹蛋黃炸既都尚算可以，但南瓜係無甜味。鹵水鵝 鵝肉切片上睇落得半隻，，鵝肉正正常常，但無乜驚喜，而啲鵝腸 腎果啲作為伴碟，亦都難得見到鵝肝，但成碟最好食係啲鹵水豆腐翅令到餐飯值番少少票價，雞湯底，但無金華火腿，雞肉。有花膠 翅睇落都足兩，成餐飯算係最好食，清而不腥，有用火助熱住唔會咁快變腥去到鮑魚，講起就把幾火，本身預呢個價錢係吉品鮑，點知唔係。三頭鮑個芡好鹹完全蓋住左個鮑魚味，但鮑魚都極度失望，同檯4個人都覺得係罐頭鮑魚，個芡都係罐頭汁兌出黎，同經理反映就話係澳洲急凍鮑發左一段時間再整出黎，咁好啦，我地全檯無聲出，都唔知駁啲咩好肉蟹的確係好食 個新加坡黑椒醬夠辣夠香都幾夾肉蟹，而且肉蟹都夠多肉夠哂料到。抵讚！但當中都有小插曲，6個人本身間酒樓預一隻肉蟹，食水非常深，我地同酒樓反映會唔

食物上，全部特色菜都係只得顏值，味道上較平均水準低，。呢餐入面，最好食嘅係牛柏葉同蝦腸，請以街坊酒樓標準作比較便可。雞仔鳳梨酥：打咭可以，味道甜得過份黑色鹹水角：標準味道蛋煎糯米夾：某大型外賣包點連鎖店的糯米雞仲好食紅油抄手：睇圖便可招呼上，無招呼可言，爆場時得一個樓面，坐淨3成枱時有4個樓面，替老闆感到欣慰得8碟野都可以落漏單，要客開聲加返，零歉意仲要嗰個職員只係坐定定喺收銀此點係奉勸各位check單，免得浪費時間

📍福晉薈同屋企人節日食飯有時真係去酒樓比較方便今次同大家分享一間精緻小菜既酒樓😋今次嗌左特別優惠餐 （$1588 6位用）🥒濃湯泡勝瓜上湯浸勝瓜感覺健康💪勝瓜爽口仲配埋雲耳食成碟菜都好fresh😚🐥一品脆皮燒雞燒雞新鮮熱辣出爐真係做到皮脆肉嫩💯🐟蒜茸蒸斑件斑件鮮味嫩滑蒜蓉味香濃😋🦐美極煎巨老虎蝦老虎蝦真係好巨大🤤🤤🤤大大隻啖啖肉好開胃‼️美極煎大蝦真係好香好惹味😚🥬松茸菌炒帶子翠肉瓜爽口松茸菌有陣陣菇菌香味再加大大粒既帶子好味👍🏻👍🏻👍🏻不過如果碟餸大碟d就好啦🤣🫘合時甜品紅豆沙呢到既紅豆沙煮到起沙亦有好香既陳皮味高質👍🏻總括黎講福晉薈既小菜全部都好精緻高質唔單單係小菜既外表擺盤靚味道質素亦唔錯✅

為屋企老人家慶生，雖然價錢定位較貴，一位都要大概一千蚊，但食得開心，值回票價！所有菜式都十分精緻，用料新鮮味道亦並重，打卡一流！氹得老人家十分開心！雀仔鳳梨酥可以話係我食過最好食既！可能因為係新鮮焗出來的，餡料同酥皮比例好好。白雪尋龍，即係龍蝦起肉與蛋白同蒸，一上枱個個嘩嘩聲，龍蝦殻十分大隻，蛋白好滑嫩又鮮味。茘枝蝦球真係可以以假亂真，賣相好得，入面既鮮蝦滑好彈牙。其他菜式，有乳豬等，都係唔錯。師傅功力好，材料又新鮮，一定會再回頭！

放大假同屋企人飲午茶，已經飲到有啲膩。諗住出新蒲崗行吓開倉，順便飲餐茶就揀咗呢一間。屋企人話平時呢間唔使點等位，但係唔知點解平日突然咁多人。後來坐低嘅時候聽侍應講，中小點都係$20 （牛仔骨除外）。咁又真係好鬼吸引喎。見佢啲點心都幾特別，所以無叫炒粉飯麵。蛋煎糯米雞～份量雖然少，但係表面煎得幾乾身，餡料唔多，但係個口咁啱啱好。墨魚膠煎尖椒～青色青椒夠辣，用上墨魚膠都相當彈牙。炸奶～睇得出同埋食得出都係用新鮮油渣，凍奶餡料唔算太甜做得幾好。麻婆豆腐餃～相當經驗，麻香十足，辣度近中，鍾意食麻辣嘅人一定要試。鳳梨酥～雀仔嘅外貌，覺得脆脆的，上菜嘅時候仲係熱辣辣，餡料飽滿又帶有果肉，呢個值得encore。紫貝天葵椰汁榚～紫貝天葵相當清甜，同椰汁原來幾配。建議先食紫貝天葵部份試一試佢個清甜度，先再混合一齊食。子薑牛肉，牛肉煎飽，同個雞批唔係唔好食，但係就唔夠其他幾款咁突出。表現比較差嘅反而係個菜苗餃較淡，同埋個魷魚鬚魷魚個魷魚鬚係完全冇味㗎。同埋比較。比較孤寒少少就係個蝦餃餡較碎，鮑魚雞粥將唯一一隻丁屎咁細嘅鮑魚仲要切開一半，簡直係骨肉分離。不過其他嘢都好好食，呢間酒樓超級推介。

昨天，和我太太一起到新蒲崗的福晉薈嘆下午茶，好抵食，因為有五折優惠。最美味的是子薑牛肉球，牛肉有濃郁的肉味。此外，蟲草花鮮蝦菜苗餃，不但有4隻，而且足料，值得推介

8月4日眼科醫院一班前同事，非常有揾食肥華心，特登提早一日，在此洒楼為揾食肥華攪生日宴，好讓明天肥華正日，生日嘅日子，可以同家人慶祝，至於今餐生日宴，食物方面除咗個西洋菜陳腎湯，味道略咸外，其他每道菜都有極佳水準，平圽都有B+至A級評分，而今日此酒楼提供之宴會埸地，亦非常寬敞，卡拉0K音响亦合各人心意，令到今日出席肥華呢餐生日宴同事，都玩得開心，食得滿意，再加上肥華帶來的一支，芝華士12年威士忌和一瓶15年盼郎歸花雕酒，令到各同事都可以飲飽食醉，肥華在此衷心多謝，今晚出席同事，呢一餐生日宴🙏🙏🙏

一大班朋友相聚book房食中菜，新蒲崗這間福晉薈算是在中式菜式中認真鑽研的酒樓，很願意在中式煮法中尋求新配搭。前菜先來麻辣豬手，我並不太能吃辣，但師傅竟能讓豬手煮得麻而不辣，吃過後口水不停流，太惹味開胃。藍莓淮山，一堆新鮮藍莓放上冰凍的淮山，繼麻辣豬手後，一碟非常清新的前菜，解放味蕾。之後是矜貴的鮑魚花膠燉湯，非常滋潤。突然送來荔枝一碟，以為這麼早便來生果？原來是鮮蝦球裝成荔枝的手打荔枝鮮蝦球，蝦球夠晒彈牙，荔枝皮夠脆，兩種口感配合得非常好。另一招牌菜是肉餅蒸黃金糕蟹，糕蟹精華完全滲入肉餅，膏蟹頓變成配角，肉餅齒頰留香，如果可以給我一個白飯更好，哈哈。貴妃蚌泡枸杞，大大隻貴妃蚌，枸杞亦非常嫰，其實我未食過枸杞，是一個不錯的體驗。油浸筍殼魚，外表非常香脆，但同時保存到魚肉實淨而有鮮味。這間酒樓雖然地點比較偏遠，但駕車的話有大廈附設停車場，仍是非常方便。價錢中上，但食物質素高，我能感受到這是一間非常認真煮好中菜的酒樓，對中菜有要求的朋友一定要試。

由新開誌業到現在，都間中幫襯。係新蒲崗暫時會揀呢間飲茶，亦有幫襯晚飯。今次唔記得叫孖寶，全部散叫雪山包芝士蝦長春卷鴛鴦臘腸卷＆ XO醬鳳爪黑松露燒賣皇仲有碟蝦腸添，口快食咗忘記影相