福晉薈

营业中

休息中

大年初一，朋友即興約咗出去食lunch，就喺冇咩餐廳開門嘅時候，發現新開嘅呢間中餐有開！仲幾好味添🤩📌 香煎蝦膠虎皮椒用咗青椒同紅椒，處理得唔會過硬或太腍，幾爽脆、同埋帶天然甜味；釀入嘅肉醬炸到金黃色，表面好脆、香口。🤤📌 麻婆豆腐餃外皮煙韌、內裏包住帶汁嘅麻婆豆腐！覺得好神奇，竟然可以包得咁好，唔會漏餡之餘、入面帶汁嘅料都冇影響外皮嘅口感。🤩 📌 鳳凰鮮蝦腸皮唔算薄，但口感幾煙韌；d蝦好新鮮、好濃蝦味！仲加入蘿蔔絲，增加口感。🫡📌 竹炭雪山包黑色嘅包，有層好薄嘅酥皮，帶微微嘅咸味(呢個味道非常好食)，咬落外層好脆，包嘅皮幾煙韌，入面係叉燒餡。🤪📌金瑤櫻花蝦炒飯飯一粒粒、乾身，櫻花蝦好香、而且幾脆。翠玉瓜俾到少少水份，平衡乾身嘅炒飯同埋減低熱氣感。😚📌 黑松露燒賣皇豬肉好彈牙！黑松露醬好大擗，非常香濃。🤔📌 高橋蘿蔔糕欣賞佢煎到外層金黃、香脆；內裏好暖、口感腍身、配合粗蘿蔔絲，口感不錯。☺️📌鮮蝦菜苗餃佢哋用嘅蝦都係唔錯，又爽又重蝦味。菜苗鮮嫩、冇渣。😌整體上，性價比唔算好高，不過食物品質、環境都唔錯，適合同家人進餐。有機會會試埋晚上餐牌😍

又到食大閘蟹🦀嘅季節，朋友生日book咗呢間新開食中餐廳，我地十幾人包左房一張大圓枱，啱哂傾偈😊我地叫左三十隻，六両多既大閘蟹🦀🦀分開三輪上，好多膏，大家掛住拆、拆、拆蟹，唔記得影D膏😂😂之後再黎八道菜整體都高質同好大碟！推介(一)：豉油皇海中蝦⭐️⭐️⭐️⭐️外脆內軟，好惹味，食到停唔到口推介(二)：碧綠花膠入扣鵝掌⭐️⭐️⭐️⭐️花膠厚身，有質感，感覺好養顏😍😍推介(三)：太極骨香黃皮老虎🐟⭐️⭐️⭐️⭐️碧綠炒球又滑又簿身，椒鹽頭腩送酒一流喎👍🏻飲埋個姬松茸燉響螺湯，我已經好飽la～不過都食埋個唔太甜既法式奶凍👍🏻哈哈😆呢個價錢👌🏻值得再黎既😋謝謝邀請Happy Birthday 🎂 to my dear❣️

福晉薈是新蒲崗剛開業的中菜，曾試下午茶，地方整潔，招呼唔錯，點心質髙，賣相夠特式。剛巧十月有朋友生日，相約友好齊來飯聚。冰鎮南非鮑魚鮑魚原隻上用刀叉進食，清甜有嚼勁，嚐到鮑魚真味。豉油皇海蝦醬汁惹味蝦肉新鮮彈牙，連蝦殼都哂入味。炸子雞本來興趣不大，見賣相幾好，試吓發覺皮脆肉嫩有驚喜，大厨果然有料到。龍躉兩味翠肉瓜炒龍躉球，翠肉瓜爽口，龍躉肉肥美，熱辣辣夠鑊氣。清蒸龍躉腩，無骨肉質幼滑帶油香。姬松茸燉響螺湯燉湯位上，足料無味精，夠哂火喉。壽桃包採用樹枝托著小小的壽桃，做型別緻可愛，餡料有蛋皇和蓮蓉，勝在不太甜。大快耳頣，餐後相約下次再來。

原本抱住試吓新開酒樓嘅心態，估唔到會有咁大驚喜。可能因為新開，星期日去都唔駛等位，不過入到去見大部份座位已滿。酒樓有2層，我同幾個朋友就好幸運被安排入樓上嘅貴賓房，點心紙都有幾款特別嘅點心係其他酒樓無，其中竹炭咸水角同鮑汁鳳爪係必試；咸水角皮脆餡料多，食咗唔會滯，鮑汁鳳爪嗰汁夠結唔會太鹹，鳳爪好入味。鐘意食辣嘅可以試吓麻婆豆腐餃，而鐘意high tea嘅就可以試黑松露三文魚酥。整體黎講，我覺得呢度d點心好有質素同誠意，而且價錢公道，侍應服務態度都幾好，下次會夜晚黎試吓d小菜😋