福晉薈 (裝修中)

變了，確實變了，同之前食完全兩回事，啲特色點心冇晒。叫返同之前相同款式嘅食物，分別就係大，特別就係個尖椒冇咗厚厚嘅墨魚膠同埋唔係用彩椒。另外叫咗個小食香芒蝦球，嗰份都做得幾厚。個鹹魚咖喱飯炒得幾香，但係食落去就冇乜鹹魚味。個牛肉餅好似生煎包，同埋裏便啲牛肉好似食緊山竹牛肉咁。咁唔係完全失望嘅，都有好食嘅地方。例如個蜆蚧鯪魚球，而家好難得有酒樓啲蜆蚧醬係有咁大粒嘅蜆肉食。個鴛鴦卷都好食，最好食都係個推廣$10嘅排骨陳村粉真係抵。同埋下午茶難得有粥食，熱辣辣嚟到嘅時候仲係滾到起泡，又唔會太稀。整體嚟講如果之前冇食過就唔會有咁大落差。不過總算不過不失。