福岡漢堡扒 (厚福街) (已結業)

平時去厚福街都會見到依間福岡漢堡扒好多人排隊，難得今日仲未好多人，所以入去試一試。入到去先知原來佢唔係普普通通咁食漢堡扒，係可以親手煎漢堡扒，用石燒黎煎漢堡扒，幾好玩咁。我地叫左個2人套餐(包括︰2份和牛漢堡、1個拌飯、2杯特飲)🔹🔸🔹🔸🔹🔸🔹🔸🔹🔸🔹芝士蛋蒜和牛漢堡漢堡扒既造型係圓滾滾既，上面鋪左拉絲芝士蛋。燒既時間，首先要用鏟垂直切下適量既肉，之後放上石頭上面燒，稍微壓扁，每面煮大約三秒就反一反，來回幾轉就會燒好。如果想要更加焦香既，可以再燒多五到六秒。依個漢堡扒超邪惡，有和牛既油香配合埋芝士強既味道，每一口都充滿幸福既感覺，都好吃！🔹🔸🔹🔸🔹🔸🔹🔸🔹🔸🔹墨西哥辣椒和牛漢堡漢堡球上面鋪滿左墨西哥辣椒粒粒，入口除左有和牛既油香，仲有辣椒既辣味，雖然係墨西哥辣椒，但都唔會好辣，配埋D蛋一齊食，都幾惹味，係愛辣的人必試之選！🔹🔸🔹🔸🔹🔸🔹🔸🔹🔸🔹和牛乒乒乓拌飯就咁食漢堡扒既話，可能會有D膩，所以個套餐會配個拌飯，中和一下！拌飯有和牛肉、太陽蛋同沙律菜，再加埋特製既韓式辣醬拌勻，口感豐富！一啖飯一啖漢堡扒咁食，岩岩好。🔹🔸🔹🔸🔹🔸🔹🔸🔹🔸🔹特飲特飲杯既容量非常大，我地叫左金橘檸檬同埋西柚。

鍾意食漢堡扒，一定會推薦呢間係尖沙咀厚福街嘅福岡漢堡扒專門店，門口已經可以聞到好香既燒肉味🥩🥩餐廳提供唔同嘅兩人套餐，選擇配唔同嘅主菜，今日就推薦情侶二人套餐✨👯‍♀️👯‍♀️🎖️菠蘿煙肉和牛漢堡扒 & 芝士蛋蒜和牛漢堡扒食之前就要對準返吸氣同熱石，因為陣間擺漢堡扒上去嘅時候就會非常大煙👀👀👀，擺咗塊漢堡扒上去後，就要每隔3秒翻一翻，見到啲煙不斷咁衝上嚟，感覺到塊扒一定勁多肉汁😻😻果然我嘅直覺冇錯，咬落去口感勁軟滑，仲可以沾一沾燒汁/鹽吊味🤩🤩點原唱會主動幫你換熱石，成個過程好食又好玩😆芝士泡豚丼飯超多芝士，泡菜酸酸甜甜，唔會太辣，加埋豚肉勁大份😋

#福岡漢堡扒 (厚福街) (尖沙咀)尖沙咀厚福街11號地下A號舖-兩人套餐ver 4 $366菠蘿煙肉和牛漢堡扒雖然係中size但份量都好多，大過拳頭！店員見我地第一次食好細心咁教我地食，先用剷分開放落熱石度 輕輕按壓漢堡到合理厚度，大概手指尾度可以，每邊大概3秒！就可以食到濃郁juicy嘅漢堡，如果再壓薄d就會比較香口，相對口感較突出，可以自由選擇！而呢個口味就係菠蘿煙肉，菠蘿相中和油膩感，而煙肉亦都會有dd煙韌口感！芝士蛋蒜和牛漢堡扒而呢個就會香味味道都會更突出更邪惡！將漢堡餐扒嘅味道更昇華！芝士泡菜豚丼飯呢個就拎黎配漢堡一齊食，但本身就咁食都好好味，泡菜同豬嘅份量都好多，完全係白飯殺手！西柚特飲$39有西柚微微嘅甜，但係唔會好食到西柚苦澀嘅味道，非常清新。

鐵板漢堡扒有得semi-diy, 勁好玩同埋嘢食仲夠晒熱添😋食材超豐富，有菠蘿🍍煙肉🥓芝士，蛋，蒜🧄同埋重點嘅和牛漢堡扒。首先要用鐵剷將漢堡扒剁開再放上鐵板上面嘅熱石煎🔥等牛扒煎好之後再同鐵皮上嘅芝士同蛋🥚一齊食。芝士入口煙韌、香濃，配上剛煎好嘅漢堡扒，正😚另外，叫左個有飯嘅芝士🧀泡豚丼🍚充滿韓式🇰🇷風味，泡菜伴上豚肉、芝士味道香口同埋一定夠飽😂 飲品再叫埋蜂蜜柚子茶同巨蜂提子特飲，鐵板嘅最佳配搭. Cheers 🍻꧁☬小編食左咩☬꧂ 2人套餐（Version 4)✅菠蘿煙肉和牛漢堡扒✅芝士蛋蒜和牛漢堡扒✅芝士泡豚丼✅蜂蜜柚子茶✅巨峰提子特飲(◔◡◔) ♥️ 人均傷害💰：~ $220♥️

來自韓國過江龍品牌，香港都有2間分店，主打石燒和牛漢堡，可以自己調較生熟程度，坐底點完餐，店員已經會遞上圍巾同一個大袋子，俾客人放外套或手袋，咁就唔會吸到燒烤味，非常貼心👍🏻餐紙上面已經列明漢堡扒嘅食法，不過店員都會示範一次點樣燒，首先用鏟切出適量既漢堡扒，再將漢堡扒放喺熱石上，用鏟輕壓幾秒再反另一面，大概來回3-4次就可以食得。佢個抽風機同平時食燒肉有啲唔同，佢係直接喺塊熱石上方，一燒肉就會即刻抽走啲油煙，超好👍🏻餐廳提供多款二人套餐，價錢都係3百幾左右，已包括味噌湯、胡麻椰菜🥗兩款漢堡扒、丼飯同飲品，豐富又抵食。二人餐 (Ver. 2) $355🌟 芝士蛋蒜和牛漢堡扒（中）個漢堡扒成個波咁，非常厚實，上面仲舖滿蒜片同芝士🧀鐵板上面就有蛋，都一樣有滿滿嘅芝士，仲可以拉絲，配埋塊煎到少少燶邊牛肉漢堡，充滿油香又惹味，如果嫌唔夠味，，餐廳都提供左豉油同埋簡單嘅鹽比客人自己調味。🌟 墨西哥辣椒和牛漢堡扒（中）👱🏼最鍾意食辣，當然要試下呢個墨西哥辣椒口味，無論漢堡定蛋上都舖滿墨西哥辣椒碎，可以撈埋一齊煎黎食，別有一番風味，漢堡扒依然係香濃肉汁，放喺熱石上燒會滋滋聲，睇見都流哂口水💦🌟 和牛乒

今日同朋友係尖沙咀揀咗呢間餐廳食，可以自己煎漢堡扒好似好好玩🤣我哋叫咗一個兩人套餐vel.4 $366個套餐包咗兩份漢堡扒，一個飯，麵豉湯同沙律，嘢飲我哋加錢upgrade咗叫特飲 菠蘿煙肉和牛漢堡扒(M)芝士蛋蒜和牛漢堡扒(M)2分漢堡扒望落唔同嘅只係一個有菠蘿同煙肉，一個有蒜同多少少芝士漢堡扒俾網球再大少少，每次切少少出嚟放上圓形個石上燒🤣好玩又好食😆而且覺得好好嘅係呢度嘅Staff會好主動幫你換熱石👍芝士泡䐁丼飯呢個飯係超大份，我會將啲泡菜再放落個熱石度燒一燒，會更加好味啲😆西柚特飲 +$18百香果特飲 +$18呢度嘅特飲超大杯，而且味道都唔錯，我飲嘅係百香果特飲，百香果味唔會過於死甜，而且加咗超夠氣嘅梳打👍💕

竟然唔知尖沙咀開咗一間好得意，食漢堡扒嘅餐廳，入到去我哋嗌咗個ver.1二人餐，包括有沙律，有飯，有漢堡扒，有飲品，有麵豉湯。呢個二人套餐分別有兩份漢堡扒，而兩份漢堡扒都係唔同味道，一個係雞蛋和牛漢堡扒另外一個係芝士蛋和牛漢堡扒。最貼心嘅係枱面已經來自左一個吸油煙嘅器材，好近份食物咁樣吸晒啲油煙，盡量減少食完之後自己成身油煙味，呢樣嘢做得都幾好。漢堡扒嚟到嘅時候係鐵板上，旁邊有舊熱石，漢堡扒係生嘅，而你需要用佢提供嘅迷你鑊鏟逐少逐少放上去舊熱石到煎，煎幾熟由你自己話事，其實都幾得意，可以叫做有得食又有得玩，至於鐵板上面都放咗蛋漿，蛋漿亦都會隨着鐵板嘅熱力慢慢變熟漢堡扒味道都唔差，好夠味，份量亦都唔細。沙律菜係忌廉芝士味，非常新鮮，入邊嘅沙律汁係非常開胃

去得福岡漢堡扒食嘢嘅人應係10個人入面10個都係食漢堡扒，但係因為我係尖沙咀返工嘅關係，通常中午時段先會去，而且食得比較趕，所以例外冇叫漢堡扒，而我叫嘅係佢午市特價餐牌嘅吉列豬扒飯，唔包嘢飲埋單$50樓下，所以非常之抵！

之前成日見人介紹呢間位於尖沙咀厚福街既福岡漢堡扒，見到個食法都幾特別，我地又未試過，所以今次放工之後決定去試下。MENU都算簡單易睇，啱哂我地呢D有選擇困難症既人，我地ORDER左一份二人套餐(Ver 4: $356)。入面有一個菠蘿煙肉和牛漢堡扒、一個芝士蛋蒜和牛漢堡扒、一個芝士泡豚丼飯同埋兩樣野飲。餐枱上有一個簡單既通風喉，平時都係拉到上天花板，今次見係連去枱底好新奇🤣餐紙亦都有教點煎漢堡扒，原來送上枱時啲材料係哂鐵板上面，有蛋汁加埋一啲配料慢慢煎緊，中間有一大舊生既免治和牛漢堡扒。我地可以自由切出想煎既漢堡扒份量，跟住放上熱石燒至自己喜歡既生熟程度。菠蘿煙肉和牛漢堡扒我地試左兩種方法：一種半生熟；一種燶少少。無論係邊一隻，入口都爆哂油脂，勁JUICY！肉味都幾濃！我自己就中意燒至表面少少燶，入口外脆內軟。雖然佢地有跟調味汁/鹽/泡菜，但牛肉本身都有少少調味，所以鐘意食到原汁原味既我地，都冇乜點過🤣煙肉都係爆哂油，夾埋漢堡扒食，肉味雙倍濃郁！蛋都比較滑，邊位仲食到脆邊，兩隻口感好正👍🏻芝士蛋蒜和牛漢堡扒和牛漢堡扒都係一樣所以唔講啦，但呢個蛋加入左芝士，食落好似韓燒既窩邊蛋，好正。😋

喺韓國已經超過30間分店，餐廳用嘅漢堡扒都係100%澳洲和牛製造，從用咗20幾種香料特製，仲可以自己DIY整和牛🐂，又食得又玩得，除咗石燒和牛仲有丼飯可以選擇，高溫嘅熱石足足有成380度，基本上幾秒已經食得🤩墨西哥漢堡扒味道好惹味，而且有少少辣，但係小編朋友喺個唔食得辣嘅都覺得唔係太辣，仲反而開胃啲😋芝士係必要嘅，而且味道啱晒重口味既人去食，一路燒和牛啲香味湧出嚟，非常之香🥹而且侍應好細心燒嘅過程都幫我哋換咗三次熱石板，避免黐底

我哋揀咗兩人套餐（Ver.4）（$366）呢個套餐包咗菠蘿煙肉和牛漢堡扒（中）、芝士蛋蒜和牛漢堡扒(中）、芝士泡豚丼飯同埋兩杯嘢飲（+$18轉做特飲@1）首先講咗嗰兩個漢堡扒先啦其實我係第一次食呢間舖頭（同埋以呢樣形式食漢堡扒）所以真係覺得幾新鮮👍👍店員亦都會好細心教我哋應該點樣食我主要係食菠蘿煙肉和牛漢堡扒我覺得佢哋嗰個牛肉食落去真係好高質❤️❤️佢嘅牛肉味好濃郁之餘亦都好Juicy煙肉燒落去亦都會好脆口我朋友嗰個係芝士蛋蒜和牛漢堡扒😋😋配埋濃郁嘅芝士一齊食嘅話嗰個口感就會更加豐富😘😘而且兩塊漢堡扒其實都有蛋將蛋同埋漢堡扒溝埋一齊食就更加入味咁跟住就講吓嗰個芝士泡豚丼飯啦第一眼見到真係有少少驚訝😱😱因為完全冇諗過碗飯係咁大兜（而且芝士同埋泡菜都真係好多🥰🥰）佢哋嘅泡菜食落去亦都唔會太過辣成個飯一齊食落去就幾惹味最後就講埋佢哋嘅嘢飲啦我就揀咗要巨峰提子特飲飲落去味道唔會太甜☺️☺️而我朋友就揀咗要百香果特飲重點係佢哋嘅嘢飲好抵飲😆😆因為真係超大杯

呢間起厚福街開咗好耐，間唔時有見身邊朋友post instagram story，可以自己煎漢堡扒，玩得又食得幾過癮👩🏻‍🍳除咗漢堡扒套餐之外，依家仲有二人套餐，有五個唔同組合俾大家揀叫咗個1號二人餐，比起單叫抵食好多！▶️ 雞蛋和牛漢堡扒 (中)賣相好新奇得意，一大個鐵板上面打咗隻蛋，中間有一大嚿圓轆轆嘅生免治和牛漢堡 (160g)等住你去燒可以按自己喜好用鐵鏟切出想燒嘅漢堡扒size，跟住放上石燒🔥輕輕力按10秒再反轉就ok啦！個人鍾意薄燒，口感正啲；厚燒就會再juicy啲，可能做到半生熟效果原來都好考技巧🙈唔小心放耐咗就燶咗，但係燶咗嘅口感唔錯，食落脆口，係冇咁健康同少少苦囉～🐂 用上100%澳洲和牛漢堡扒，肉質細緻而完全唔韌，放入口仲充滿油脂，好juicy，朋友形容為「入口即溶」 (不過食食吓覺得佢少少油膩🫢一路煎，啲油不斷滲出)牛味唔算好突出，少少都有嘅🤏🏻啱晒我呢啲本身唔係特別鍾意食牛嘅人🧂漢堡扒本身已經有味(應該有調過味)不過我都有點豉油食，因為佢個豉油唔係好濃味，鹽就冇點面頭仲有啲青蔥絲，令佢煎起上嚟香啲🍳下面嘅雞蛋基本上好快熟咗，本身冇咩味道，口感上邊邊位少香脆而中間就

之前同朋友係旺角個間福岡漢堡扒食過 味道吾錯而且吾貴 所定就決定帶朋友黎試下😛 我地叫左兩人套餐 (Ver.3) 另外加大漢堡扒嘅份量🤣🍀芝士蛋蒜和牛漢堡扒整熟漢堡扒嘅方法好簡單 刮一匙羹份量 吾好太厚🥄 壓扁肉塊 然後每隔3秒翻一次 直至表面少少焦脆就食得架啦😝 和牛漢堡扒牛肉味香濃而且充滿肉汁 夠晒鮮嫩😋 加埋煎脆左嘅雞蛋更加好食🥚用石頭燒牛肉之前 可以刮走表面嘅焦 咁就吾洗驚痴底🤣 另外店員都好主動幫我地換石頭🪨 確保石頭夠熱 吾影響燒嘅效果😛🍀足半磅薯條 (黑松露醬)份量好多 兩個男囝食都好足夠 加埋黑松露醬更加開胃😜🍀月見味噌牛丼飯牛丼飯用左肥牛 食落牛肉味夠濃🐮 加埋燒完嘅肉 再配白飯一齊食 減低油膩感🤭🍀金橘檸檬特飲一大杯吾洗擔心吾夠飲☺️ 甜甜地又酸酸微微 可以消下濟😉

跟著朋友食好西，話說朋友話喺福岡食過漢堡扒真係好好食，原來香港都有，仲聽講呢間喺厚福街嘅漢堡扒店長期排長龍，咁就一於去試下喇～.星期五晚happy hour完先黎，9點都仲係full house。遲左食飯又可以食多少少，懶惰唔洗諗就點了個💲359 二人套餐。.其中包括：✤ 前菜及湯✤ 芝士蛋蒜和牛漢堡扒(中) x 2✤ 月見味噌牛丼飯✤ 罐裝飲品 x 2食物上得好快，店員都有講解用小鏟切開一小塊漢堡扒放上熱石燒，輕輕接壓數10秒返轉再返轉就食得。過程中我覺得聽著煎漢堡扒的「渣渣聲」都幾治癒 loll 不小心有幾塊睇得太開心，煎耐了少少，有少少焦香，出奇地脆脆口其實都幾好食，牛味濃郁，配上煎到香脆的蛋食好開心，芝士仲拉到絲。唯一見到煎的過程中不少油滲出🫣 小怕，不過都唔難理解這是無可避免的，不夠油煎應該更惡劣。 牛丼飯份量超大，飯碗都被牛片填滿了 ～毫不吝嗇～還配有雜菌、蔥，當然仲有吸晴的月見…撈呀撈…撈呀撈～～相當滋味埋單除返每人二百蚊都唔洗，食到飽飽又有得玩下，我覺得個體驗都幾新奇有趣 😛

好特別嘅一間食店！有得玩又有得食😋 選了一份160g嘅芝士蛋和牛漢堡扒，有湯飯前菜跟餐。和牛多汁柔嫩，好味😋 店長亦好細心觀察每位客人嘅熱石係咪需要更換👍🏻 另外睇到告示，繁忙時間用餐60分鐘