祺森冰室

营业中

休息中

去到坪洲， 當然要一嘗蝦多士。一咬落去，外脆內軟，但味道欠奉。。充其量只能說是一塊沒有蝦味的可樂餅。四十幾蚊只可以話係食佢人氣。絕對係可以一試，但不會再試的感覺。另外叫了吉烈豬扒三文治，很足料。 豬扒熱辣辣，配上鮮茄及沙律醬。沙律醬和鮮茄可以完美地中和吉豬的油膩感。 如果老闆可以落多一點沙律醬將會是完美。咖啡紅豆冰感覺不錯，但咖啡味很濃，推介嘗試奶茶紅豆冰，味道應該會比咖啡突出。美中不足是紅豆偏硬，沒有起沙嘅感覺。 有點像糖水紅豆溝咖啡。

來到坪洲，當然要試一下這裏最有人氣的三角蝦多士，蝦多士用蝦加薯蓉，個人認為用蝦膠比較香口。豬扒包即炸豬扒三文治，豬扒炸得非常香脆，不油膩，但味道略淡！茶走亦只是一般般水準。值得一讚是這裏的招呼是不錯的。

來坪洲一日遊前特地在網上做足Research，聽說這家店的蝦多士遠近馳名。小店已經營了許多年，據說其蝦多士的秘方只有伯伯一人知道，名副其實是獨一無二的味道。蝦多士很飽滿，即叫即做十分香口。紅豆冰也很讚，椰奶和紅豆量很多。茄蛋治的蛋炒得很滑。

特登來試雜誌介紹的蝦多士, 有4小舊, PORTION係細左D, 不過咁肥GE 野, 都係小食多滋味好D。佢係一D 粉/ 薯茸, 包住D 蝦肉來炸, 都算多蝦架, 都有蝦味。油就一定油架喇, 但食落都唔算好滯GE。熱辣辣, 夠香口~~~

去坪洲玩，對呢個地方完全無認識，唯有上網做吓功課搵吓有咩特別野。食的一環一定不可少，發現最多人提到的是島上一間冰室。祺森冰室已開了多年多，由1970年開始，即係已有四十多年歷史。 入去剛好有空位，不用等。當然點了最出名的招牌蝦多士，仲有紅豆冰和雞絲炒意粉。店鋪裝修很新，應該是重新裝修不久。我没有刻意為冰室留影，因為裝修同一般的茶餐廳没有分別, 有大電視...。 等不久時間就見到主角蝦多士出現，賣相幾好没炸得太耐，味道真係唔錯，幾好味，不太油。不過價錢有點貴，淨蝦多士一碟需要 36蚊! 另一焦點，紅豆冰外表没特別，飲落不會太甜，紅豆是一粒粒的，不是一般只煲爛紅豆再加奶，正合我心意。而另外雞絲炒意粉就没有特別，不值在這裡一提。 整體：價錢跟旺角的茶餐廳差不多，不要以為離島的價錢會特別平。蝦多士和紅豆冰真的幾好味，去到一定要試。其它食品就當填飽肚，不難食，只是平凡一點。 祺森冰室坪洲永安街3號地下B舖#蝦多士 #坪洲 #冰室

坪洲蝦多士人人都話出名，係坪洲特色小食，今日終於黎到坪洲一試！新店剛剛裝修完重新開業，環境乾淨，座位亦算舒適寬敞，不過店舖空間有限，座位數目不多，可能需要搭枱點左好出名既蝦多士，確實有點失望，只係正常味道，未至於話好好食下次到一定必店既程度，$28得4小舊，隻蝦仲要有點小，所謂出名小食實在普通不過！另外，點左腸蛋上海麵，都係正常味道，上海麵仲要份量好小。

對坪洲的認識，是來自一個多年無見的師姐，那年她獨自一人搬進這恬靜宜人的小島，即使沒有另一半也活得開心富足。今天是我第一次踏足這片步地，隨性的和好友四處逛逛，我倆上過手指山、下過銀仔灣亭，閒日遊人不多感覺特別輕鬆寫意。一場來到，當然也要到冰室坐一下，嚐嚐這裡的名物。紅豆冰 (+$6)紅豆冰上層的花奶奶味香濃，而下層的紅豆軟稔綿密，份量十足，吃得過癮。招牌蝦多士 $40 (連飲品)讓我朝思暮想的蝦多士終於上場，一客四件的蝦多士脹卜卜，即點即炸、新鮮熱辣，一口咬下，咦？！釀上去的原來不是蝦膠，反而更像蝦肉薯蓉的物體，口感綿綿的，和我想像中爽口彈牙的質感有點出入，不過是自己期望太多就是了。放下四十多塊，和好友繼續踏上未知的旅途。

有半天時間入左坪洲閒逛，响船上略略睇過下有關坪洲的網頁，介紹過e間茶記的蝦多士唔錯，於是決定試下，店内裝修及環境冇乜特別，專程黎試的蝦多士就一D都冇另我失望，只係嫌細件左D，下午茶40蚊4件加杯野杯，物有所值

坪洲潮聖，森祺新裝修，長見人龍，蝦多士個個叫，$4O一份，絕對抵食。蝦多士入口甘香鬆脆，絕不油膩，餡料有薯蓉及原隻蝦，薯蓉小小咸，蝦隻新鮮彈牙，咬落比出名西餐廳的魚餅蟹餅更甘香更有口感。吉烈豬扒湯麵的吉烈豬扒同是外表甘香鬆脆，扒肉嫩滑有肉汁。

説到坪洲的名物，非蝦多士莫屬了！ 再次回到永安街，位於街尾的就是祺森冰室了。之前看過些消息，說祺森結業了，心感可惜。 後來才知道，原來他們只是裝潢！裝潢從開後，店門面變得摩登。 店內依舊有冰室的4人卡位，但一切都變得不再自然 (我還是愛真. 懷舊呢)點了一客蝦多士(4件)$28.即叫即炸，這兒的蝦多士和一般看到的賣相不同。 平時吃的是用蝦膠塗在白吐司上煎炸，而這兒用的是新鮮蝦。4塊蝦多士用吉列方式炸成，吃下外皮脆身香口，內裏除了蝦肉，還有些白汁薯蓉在內。先是香脆，再來是薯蓉的綿泥感，些兒蝦肉的咬感。 蝦並非別人說的有一整隻，只有約半隻的份量，味道沒有別人說的特別，但來到坪洲，一試無防！

長洲、南丫島、赤柱、大嶼山之類的離島大家可能也會經常去到，突然想起還有坪洲，想起對上一次進去好像也幾年或十幾年前了，所以當天就相約友人到坪洲逛逛，順便看看有甚麼好野吃！簡略地逛了坪洲一圈，地方不大，但以舊式茶餐廳特別多，最後選了這間較為特色的冰室吃個下午茶，門面有著鋁質門框，前方有一道鐵閘，門面有點暗淡，不算顯眼。但由逛市集入到冰室也給我一種舒服、寧靜的感覺，遠離繁囂，放慢步伐，凡事可以慢慢來的感覺「祺森冰室」的環境其實與普通茶餐廳沒太大分別，店內大約能容納30人，除了一組組懷舊綠色的卡座外，正中位置還設有一長枱，襯上白底紅字的招牌，令人不自覺地感覺歷史攸久，而當中的休閒感更是市區少有不知是刻意營造還是歷史遺留，即使電視機還是沿用四四方方的迷你電視，好像小時候也還沒有過這樣的骰而佔位甚多的電視機「祺森冰室」的食物款式種類不多，有一貫茶餐廳常見的早餐、特餐、常餐及下午茶餐，價格介乎$2x-$3x，尚算適中。另外還有粉麵類、三文字、小食、麥皮、煎蛋、及飲品，不得不提的是，煎蛋系列雖然不算特式竟有多達8款，但細看之下原來只是加入不同材料炒製，怪不得有如此多款式。至於飲品方面，當然不乏懷舊飲品

見天氣好, 便去一個從未去過的坪洲走一圈。坪洲地方不大, 也幸好人沒有長洲、南丫島那麼多，終於可以遠離煩嚣。基本上, 最旺的一條街就是永安街, 看見褀森門口有張蝦多士的相, 便決定入內一試。這天剛好是星期天, 原來這裡星期六、日、公眾假期是沒有早餐、下午茶，只有常餐, $30 - 35, 一個面 加一杯飲品, 凍飲加兩蚊。叫了蝦多士, 有驚喜! 本以為是蝦膠, 但看到裡面有大大一隻蝦, 旁邊的, 試真一點，是薯蓉!!! 我這個薯仔怪實在開心到彈起! 熱辣辣的, 脆卜卜，口感一流! 一大讚!至於五香肉丁餐肉通粉, 放得工工整整的, 通粉也煮得剛剛好，不會過淋，只能說句沒有最好，只有更好。坪洲的確沒有長洲般多姿多采，間中放空一下，這裡也是好地方。

同朋友入坪州玩, 見到好多人都話要食蝦多士, 所以就去左褀森冰室.冰室就係一間舊式冰室的格局, 但環境都算企理乾淨.當日雖然過左午飯時間, 都仍然好多人.當然要先來一份蝦多士:評分: 3.5/5蝦多士賣相漲卜卜, 感覺足料, 但食落, 又唔覺D蝦膠特別彈牙, 又無乜味道, 勝在唔油, 但真係無驚喜.(註:以上係兩份既份量)之後亦order 左西多士:評分: 3/5就係茶餐廳西多, 不過不失, 裏面夾有花生醬. 上枱時唔係特別熱, 唔係好有新鮮做起的感覺.最有驚喜既放到最後, 就係炸雞翼:評分: 4.5/5上枱時熱辣辣, 炸到金黃色, 唔會太燶, 食落口雞翼仍然好juicy, 一D都唔乾, 而且好入味, 唔駛兩分鐘己經清晒(註: 以上為兩份既份量)下次再入坪州, 我都應該會為左炸雞翼而再去褀森~!

又一趕客餐廳，唔想人地幫親早講，搞到食客唔開心店主唔開心何必呢？搭擡搭到好似俄羅斯方塊粓，唔知道仲以爲去了難民營體驗生活。碗野食了八成然後停幾秒換手狑水飲就當係食完自動收拾埋，駛吾駛甘樣?招牌蝦多士似乎並不如傳聞中好食，很油而且粉漿多蝦米很少，不好食。豬排出前一丁，什麽來的，粉狀的不新鮮面加上迷你的豬扒，搞錯呀！薗子湯面，面爛湯無味。椰香菠蘿冰，一般沒有特別。整體而言惡劣。

我耐不耐都會同我老公入黎坪洲行下，食下野，同去龍母廟拜神，我食左1，2次後，有以下感覺：（1）如果係假期，基本上你係好難等位，比你好好彩排半至大半小時入到去食，之後入面果d店小2，係會不停係你檯邊徘徊，等你幾時食完即刻抹檯，執野，加糖，加乜加物，煩到你嘔電，其實佢果度係1d都唔好座，位子好逼，若一pair人走入來同人搭檯都唔係問題了，但真係要同旁邊唔識果個人大脾貼大脾咁坐，除非你咁好彩，果pair又係情侶，座埋同一邊，否則你係要就住隻手黎食既，因為旁邊果個你唔識，撞到人就唔好意思啦。 ok，都係小問題姐，我志在食野姐，但正如一開始咁講，你係咁係度加呢加路，傻仔都意會到佢想你拿拿聲番檯，我知你好生意，食完即走是常識吧，我無怪你呀，但唔該你等我食完小小野，至插你塊布黎抹檯呀？？有乜理由我埋頭苦幹緊食麵，你會不停企係度抹檯，但後面好多客喎大佬。。。我未試過食麵食到咁大壓力（2）呢間食店係無toliet...食完手仔立痴痴，或急尿，請你走去急步腳程3分鐘外的public toliet(在郵局旁）。（3）1場入黎食蝦多士既網友，你地要好早走黎朝聖，事關呢個招牌菜唔係跟佢營業時間而隨傳隨到，假期就