祥榮餐廳

营业中

休息中

祥榮餐廳係黃埔呢度開左好耐，有時都間唔中黎呢度食午餐，貪佢選擇夠多，應有盡有。新裝修左之後，環境比之前更舒適，好多卡位，空間感又夠，本人最推介佢的鐵板牛扒餐，份量大，肉的品質好。午市有跟湯，呢到的羅未湯夠濃郁好足料，唔似其他餐廳咁水稀稀。而且帶點辣，十分開胃，每次必點。今日簡單食，叫了福建炒飯。炒飯的份量基本上一個女仔一定食唔曬。炒飯炒得乾身，有蛋香味。上面配料的蝦扇貝仔，魷魚都夠新鮮。沒有雪藏味。仲有大量的菜粒，紅蘿蔔，鮮冬菇，醬汁夠鮮甜，撈飯一流。呢度午市套餐每都唔同選擇，價錢合理，encore都唔怕悶。

1. 奶油豬 $20奶油豬外面烘到好脆入面好鬆軟，而且表面加咗好多煉奶，非常邪惡，個包帶少少鹹可以中和到煉奶既甜；仲要奶油豬比出面嘅大，非常抵食。🌟 評分: 8.5/102. 吉列魚柳 配西多士 $45吉列魚柳同西多士都係即叫即炸，上枱嘅時候非常之熱；魚柳炸皮好薄，肉質好鮮嫩但係唔會一切就散；西多士炸到外脆內軟，又唔會好油，糖漿可以自己加，西多士入面仲搽咗好多花生醬，令到西多士味道更加有層次。🌟 評分: 8/103. 乾炒牛河 $44乾炒牛河炒得好夠乾身，河粉炒到條條分明，唔會炒到太淋同埋太油，食落好有鑊氣，加埋辣椒醬更加惹味，牛肉好鬆軟，而且都幾多牛肉。🌟 評分: 8/104. 蒜香豬扒腸仔飯 $44豬扒肉質都幾鬆軟，而且感覺冇用過任何嘅鬆肉粉，所以食得到豬扒自然嘅肉質，不過豬扒偏瘦；醬汁方面調味啱啱好，濕度有蒜香味，比出面嘅蒜蓉汁冇咁鹹，同埋結身少少。🌟 評分: 7.5/105. 紅豆冰紅豆冰紅豆分量超多，而且紅豆煲好腍，好似紅豆沙啲紅豆咁，甜度方便啱啱好，奶同紅豆嘅比例啱啱好，同埋呢杯紅豆冰最好嘅係唔會好多冰。🌟 評分: 8/10環境方面，餐廳係新裝修，整體感覺好整潔，仲坐得好舒

呢日同阿媽行經紅磡，行行吓覺得肚餓，阿媽話佢去祥榮食，行到去發覺好似有啲唔同，原來係新裝修！裝修完感覺煥然一新！淺啡木質加湖水藍色裝修，非常sharp！啲凳又有軟墊，坐落都好舒服。祥榮酸菜魚祥榮酸菜魚魚肉果皮嫩滑，搭配酸菜的酸味，再加上少少辣椒，酸酸辣辣 ，令整道菜的口感更豐富，每一口都能帶給人們濃郁的味覺享受。總體而言，祥榮酸菜魚是一道令人回味無窮的美食，不容錯過。蜜椒薯仔牛柳粒蜜椒薯仔牛柳粒是一道結合了牛柳肉、薯仔和蜜椒的創意菜品。這道菜的牛柳粒經過適度的烹調，保持了肉質的鮮嫩口感，帶有一定的嚼勁。薯仔則被切成小塊，炸得金黃酥脆，增添了口感的層次感。而蜜椒的甜味和微辣感則為整道菜帶來了獨特的風味。調味料的選擇和使用得當，使得這道菜味道鮮美。羅宋湯：呢碗羅宋湯真材實料，材料多，湯汁濃郁，美味又有營養。例湯：合掌瓜排骨湯飲落好清甜，合掌瓜的嫩滑是一道健康又美味的中湯。

呢間餐廳以前都成日來，最近新裝修坐得更加舒服，所以每當放工太累唔想煮都會黎呢度解決晚餐。最鐘意就係呢到中餐西餐都有好多選擇。今晚叫左焗吞拿魚意粉 $68 同鐵板香煎羊扒 $132。呢到鐵板羊扒好大份，一上枱即刻淋上醬汁就會渣渣聲，超級香！肉唔會鞋，薯菜好香口！竟然有意粉加埋添！抵食啊焗吞拿魚意粉新鮮熱辣辣上枱，好creamy好多芝士超級正！中湯次次都一定會要，因為好好飲，依家要定時保水分，冇d湯水入胃搞唔掂！

週末去黃埔探朋友，佢請我去祥榮餐廳食晚飯，餐廳係黃埔區係老字號，地方夠大又整潔，食物多元化，價錢親民，招呼客人有禮貌。主食奉送餐湯，有中湯、忌廉湯、羅宋湯選擇，今日中湯係冬瓜湯，夠火候又足料，味道清甜。忌廉湯濃稠，口感香滑。豉椒肉片炒河，炒得夠鑊氣，大大碟份量十足，肉片鮮嫩，滑滑的河粉沾滿豉椒醬汁，十分惹味！豆腐斑腩煲，跟白飯。將炸至外表呈現金黃色的斑腩及豆腐，以特調醬汁拌炒後用煲仔上檯，熱辣辣香噴噴，其軟嫩的口感及滋味讓人回味不已！凍鴛鴦味道香濃，保留港式原味道。紅豆冰，紅豆林甜，甜度適中。 港式懷舊西多士，即叫即做，用兩塊厚方包中間夾有花生醬餡，將麵包沾上蛋漿拎去炸。麵包厚身外脆內軟，加上牛油和糖漿交融的味道，美味可口！

之前路過 黃埔地鐵站附近嘅 老字號祥榮茶餐廳剛剛新裝修完， 地方好闊落乾淨， 入面都好熱鬧 好彩有位 ，今晚就黎試下👶🏻放工有碗暖湯飲真係好正👶🏻👉🏻西洋菜湯＆羅宋湯當中嘅湯料很足 而且飲完唔會好口渴 唔落味精系列 👶🏻 羅宋湯都好足料，唔會好油👍🏻主菜👉🏻三蔥爆滑雞煲三蔥爆滑雞煲 一張上枱就香氣撲鼻👍🏻雞肉滑嫩多汁，搭配著蔥香同 惹味嘅蒜頭洋蔥，撈嘅每一口飯都充滿了濃郁的口感和美味。 👉🏻金銀蛋浸時蔬 白菜仔清爽嘅白菜仔搭配著嫩滑金銀蛋，美味又健康👍🏻 白菜仔都好爽口大棵， 做搭配咗啲 豬肉 同埋菇類， 餸飯一流👍🏻飲品最後叫咗兩款七喜飲品😂😂😂👉🏻咸檸檬七喜👉🏻凍檸檬七喜

一岀黃埔站就見到呢間茶餐廳,聽講係新裝修架,店舖地方好大好寬敞,都容納到幾多人!餐牌既選擇真係好多,當日都諗左好多食乜好😂價錢唔算好貴,晚市小菜平均一百蚊樓下就有,份量都好大碟!我地叫左兩個餐,揀左木瓜雪耳豬骨湯同羅宋湯,兩個湯都唔錯!《祥榮酸菜魚 $98》一上枱真係嚇親,冇諗過咁大份😂魚肉既份量真係好多,肉質幾滑,一啲骨都冇,仲有好多芽菜蘿蔔豆卜酸菜墊底🙈《咕嚕雞球 $85》咕嚕雞球幾好食,同平時啲咕嚕肉一樣味🤓份量都幾大碟,抵食!《特飲+$12 》紅豆冰都幾大杯,而且好多紅豆又唔會太甜👍🏻祥榮餐廳紅磡黃埔天地奇妙坊(第1期)地下G7A, 7B 及7D號舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️推薦⭐️⭐️⭐️⭐️

祥榮最近經過裝潢，乾淨整潔，坐落都舒服左。美國肉眼扒鐵板餐：首先試嘗咗佢哋嘅招牌美國肉眼扒鐵板餐。一上桌，肉眼扒香煎得恰到好處，保持肉質鮮嫩。伴隨住嘅黑椒汁，賦予肉眼更豐富嘅滋味。呢個鐵板餐跟餐包、餐湯(揀左忌廉湯)，仲可以加錢配一客意粉及熱檸茶，真係一頓豐富而美味嘅套餐。豆腐班腩煲：另一款令人驚喜嘅菜式係豆腐班腩煲。豆腐嫩滑，班腩燉得入味，配上白飯，是一種滿足的享受。另外，跟餐會有餐湯，我就揀左羅宋湯，味道濃郁而豐富，令人回味無窮。祥榮餐廳除咗提供豐富多樣嘅菜式之外，裝潢新穎，環境舒適宜人。菜單上有多款不同價位嘅餐點，價錢相當合理，適合唔同口味同預算嘅食客。

今日去黃埔探望叔父，晚上一齊去祥榮餐廳，餐廳係港式茶餐廳老字號，我小時候叔父經常帶我嚟食，今日再重臨，環境已經不再，叔父話餐廳重新裝修過，食物多元化，除咗好味，重係大碟又抵食！港式扒餐奉送餐湯、餐包和熱飲。轉凍飲只需加3元，特飲加12元，其他主食亦會奉送餐湯和熱飲。餐湯有忌廉湯、羅宋湯、老火湯選擇，我哋比較喜歡忌廉湯，口感順滑，味道香甜濃郁。美式雜扒，雜扒本身有豬扒、牛扒、雞翼、腸仔、煙肉，因為叔父唔食牛，餐廳將牛轉做雞扒，食材用鐵板熱辣辣盛載上枱，倒入濃郁的黑椒汁，立即發出吱吱聲，並且香味四溢。豬扒和雞扒煎得香口，肉質都好鮮嫩，沾滿黑椒汁十分惹味！肉絲炒麵，滿滿配料的一碟肉絲炒麵好有鑊氣，麵底做到脆卜卜，於炒麵上淋上肉絲及醬汁，不僅口感層次多，味道也很夾，真的是百吃不厭。特飲紅豆冰：紅豆大粒得嚟又起沙，質地軟腍，配上香滑花奶，香甜可口，用上高杯盛載甚有懷舊感！凍檸茶：茶味香濃，檸檬清香冇澀味。甜度適中。西多士，來到茶餐廳一定少不了邪惡的西多士。即叫即做，切開炸至金黃的西多士，入面有一層花生醬，淋上糖漿，加上牛油後的香甜氣味；放入口中，甜香可口，口感香脆鬆軟。

唔知點解但久唔久都會想去茶記食飯，貪佢選擇多，又夠頹，簡單嚟講即係comfort food🥹 呢間茶餐廳位於紅磡，最近翻新咗，環境光猛，卡位舒服，感覺乾淨又企理，經過可以試試佢～ 晚市二人套餐非常抵食，先有粟米雞茸羮，大大碗，好足料，上枱時熱辣辣，飲落香甜又滑，味道適中，唔淡又唔會過鹹！清蒸鯇魚同樣大大條，比出面茶記更大，魚肉滑溜，啖啖肉，骨頭唔多，大人小朋友都適合！中式小菜款式眾多，要咗個蒜茸牛仔骨，炒至入味，牛仔骨嫩滑多汁，唔嚡口，配飯幾match，好想加飯😂 飲品方面要咗西洋菜密同利賓納，甜度啱啱好，飲落幾解膩，整體用餐體驗唔錯👍🏻

今日學完車，係黃埔附近搵野食，試試呢間岩岩新裝修，入面又坐左幾多人既祥榮茶餐廳啦！茶餐廳提供經典的港式快餐，包括常餐、扒餐、快餐及鑊仔小菜等，簡直係「快、靚、正」👍🏻我點左個經典扒餐$128，揀左黑椒汁西冷牛扒配大蝦、意粉，跟餐仲有餐湯、餐飲及餐包送。餐湯揀左西湯，又幾足料。餐包就上枱係熱同軟綿綿，又幾驚喜。餐茶就揀凍奶茶，要加$3。鐵板餐送上黎，侍應會幫手倒黑椒汁，仲貼心遞上紙巾免得啲汁彈到衣服！牛扒夠大塊夠軟淋都不錯，大蝦連殼用炸漿炸起，食就有點麻煩。人均$131📍 紅磡黃埔天地奇妙坊(第1期)地下G7A, 7B 及7D號舖

近公司嘅茶餐廳之前一直都無留意開因為之前佢啲餐牌遮住晒個窗乜都睇唔到反正附近都好多嘢食就費事冒險入去又好似好隱蔽😹😹😹而家裝修完大大個玻璃坐窗邊位😍可以望到啲人行嚟行去好開心🤣而且都好乾淨企理有空間感唔錯唔錯🫧🧽約咗個同事開工之前去食個靚早先至返工啲早餐都幾多選擇扒餐/麥皮餐/三文治餐/粉麵餐/仲有菠蘿包餐幾有特色😸我就穩穩陣陣叫咗個魚柳歐陸早餐🐟不過其實叫魚柳餐都唔係好穩陣因為有陣時啲茶餐廳嘅魚柳處理得唔好最怕佢又酸又硬又有雪味😖仲要好似係好正常咁樣日日都一樣嘅味我真係唔係好明點解啲人可以忍受到食酸嘅魚柳？但呢間魚柳wow 喜出望外💕超滑無雪味炸得啱啱好亦都唔係細塊見微知著👍🏾佢其他食物相信都係有水準而多士都軟熟新鮮食得出唔係隔夜貨有陣時有啲茶餐廳係是但俾個包你塞住你把口就算所以成日見到啲人會食剩塊多士喺隻碟度但係佢呢度多士都處理得好好🥪烘底酥脆感受到廚房煮早餐嘅誠意🥰絕對唔會令人有想遺留多士喺隻碟嘅想法🤣我個同事食咗鹹牛肉蛋菠蘿包我見個樣都幾正爆餡而且個包幾軟熟佢都話好出色以後食早餐又多個選擇lu yeah🥳

祥榮餐廳係一間區內好耐歴史嘅餐廳，我最近去食咗佢哋嘅招牌菜祥榮焗飯，新裝修同以前真係有好大嘅變化。首先，嚟講祥榮焗飯真係啱曬貪心嘅我。一半係肉醬，另一半係蕃茄芝士焗豬扒，上面仲有一個煎蛋。肉醬同焗豬扒都好入味，焗飯有炒底，令整個焗飯更加豐富味道。煎蛋又香，加埋焗飯入口，真係好滋味。除咗焗飯，隨餐附送例湯，真係好貼心。喺食飯之前飲一碗熱湯，真係可以為整餐飯增添一份暖意。祥榮餐廳經過翻新，而家好開陽光猛，整個環境更加明亮同舒適。佢哋加咗屏風，增加咗一啲私隱度，令食客可以更加放鬆同享受食物。

星期日同D世叔伯去食早餐，祥榮喺區內幾廿年，以前質素都係一般，見佢新裝修，又有大枱，即管入去食下。叫左幾個早餐，都係麥皮，米粉之類既普通野，但佢地出野好慢。當日打風，心想可能order多, 都有耐心等候左接近20分鐘。但之後仍然未有野食，追一追單，侍應態度已經唔好，之後又話冇麥皮…我地問咁可以點做，佢話減返1蚊，個麥皮係值1蚊架啫。剛巧老闆路過，諗住反映下意見，點知老闆首先發脾氣，叫我地「以後少D黎」!個早餐真係冇可能食落去! 生意難做，個個都知，但客人都冇必要受你氣架? 佢仲晦氣話自己「喺度廿幾年，就執笠架啦，下次唔好黎!」一間咁冇心既餐廳，大家自行決定去唔去食啦!

晚上於店內用餐，食完之後，到收銀處用現金找數，那個在收銀處收錢，疑似老闆嘅人，掛住鬧店內員工，唔記得找錢，同佢講未找錢，佢堅稱自己已經找左，再三同佢表示佢真係冇找錢，佢話：咁睇返閉路電視囉！我當然同意！睇完之後，證明佢自己真係冇找錢！同佢講：都話你冇找啦，唔通我呃你幾蚊咩！佢居然話：我都係睇吓姐！佢完全沒有道歉，亦沒有意思道歉！食物已經唔好食，環境唔算清潔，地下油‘立立’，好似溜冰場咁！加上疑似老闆態度惡劣，永久黑名單！