祥榮餐廳

营业中

休息中

又去吃了個四人餐，好正~西蘭花炒斑片，正！椒鹽雞翼則唔掂，沒椒鹽味，雞翼中心未炸熟…環境舒適~ 慢慢食，慢慢傾~

2人餐$88 兩餸一湯4人餐$118 三餸一湯6人餐$138 四餸一湯免加一跟白飯、飲品以上套餐其中一個餸是指定以下其中一款：煎封倉魚、蒸什麼鱔、蒸鯇魚…湯是粟米雞蓉、西湖牛肉、豆腐肉片~ 其中一款，很大窩！勁抵食、勁飽！味道都好好味！餐牌上有二十多款小菜可供選擇，我兩次都吃了西蘭花炒班片，因為真好超好味，d西蘭花好有鑊氣，班片大大塊，啖啖肉，又滑~ 極力推介！下次我或者會試o下西蘭花炒帶子~西檸煎軟雞，個人認為過酸了一點，味道一般~蒜蓉牛仔骨，沒什麼蒜蓉味，但牛仔骨很嫩滑，不錯~煎倉魚好好吃，吃過兩次都是煎得剛剛好，不會煎得過久，導致太乾身；而是剛剛熟，香口，好吃~試過粟米雞蓉和西湖牛肉湯，兩個都不錯，但個人認為粟米雞蓉較美味~食完嘆番杯凍奶茶，好滿足，加上service好好，侍應都好好人，主動幫我執好張枱，再上飲品，仲叫我地慢慢坐，咁o既價錢，有咁好o既食物+服務態度，真係邊到搵？不過杯凍奶茶真係甜o左少少~但真係好好味~ 另外仲有d海南雞飯和鐡板燒$30-$50，一兩年前食過好味，現在不知…

成年半冇返過香港啦, 一直都過住異鄉既生活, 食左成年薯仔, 今次返香港, 梗係會搵D好野食啦.今日原本約左個friend 食lunch, 點知俾人放飛機, 唯有自己一個人係屋企附近搵野食啦. 於是, 近近地就去左樓下既茶餐廳食啦. 一入到間餐廳,覺得裝修好靚,冇諗過茶餐廳會有D咁既裝修(可能我太耐冇返過香港掛), 竟然茶餐廳都有PLASMA, 完全冇諗過, 坐得都幾舒服, 環境唔錯. 雖然地下都有唔少垃圾, but still acceptable.今日叫左個set lunch 焗鴛鴦扒飯, 個飯未黎之前, 飲左個白湯, 個湯淡左少少, 之後黎左杯奶茶, 雖然叫既係凍奶茶, 但係仍然覺得個茶底好香, 可惜個人認為杯奶茶太甜, 如果叫少甜既話就perfect啦.跟住個飯黎左, 鴛鴦扒係牛扒同豬扒,用茄汁焗,蛋炒飯底, 焗飯黎講普通啦, 焗得唔夠耐, 焗完之後, 得個熱, 飯仲未焗到好香, 個牛扒同豬扒都幾好食, 唔會好韌, 好容易切, 個口感唔錯, 加上個汁唔會好濃, 味道岩岩好, 食扒個時, 都仲食到D肉既味. 食完成個set lunch 都幾飽, portion 都唔細, $30一

呢間茶餐廳裝修左之後去過一次, 冇左我以前覺得好好味o既薄牛扒($23)食...好似係..所有平o既野都唔見晒是次食左個$50 o既扒餐, 我叫左牛扒, d牛扒好靭, 我食左一d, 食埋配菜,炸帶子後已經唔食喇不過我會再去試另一d野食, 畢竟以前去食過幾次都ok(差不多每次都係食o個好味o既薄牛扒~)P.S.雖然裝修到好似西餐廳咁, 但d衛生程度係同以前一樣ga~~~希望佢地多加改善la

鐵板晚餐($50),兩款野(扒/帶子/腸等等)+湯+餐包+飯/意粉+飲品本週特價鐵板晚餐($30),本週指定係(雞扒+帶子)+湯+餐包+飲品朋友order了牛仔扒&豬扒,我見份量好多,仲有一大碟白飯,朋友話味道ok我就order了雞扒&帶子,雞扒唔韌又唔"鞋",帶子炸過既,唔太好食,朋友仲話通常唔太新鮮既海產先會用炸既方法去處理餐湯(有:羅宋湯/忌廉湯/中湯任揀,是日中湯係西洋菜湯),我和朋友點了兩款西湯,湯夠晒熱,絕對唔會係暖,羅宋湯比忌廉湯更夠味餐包加左牛油起入面,之後再整熱,熱湯配熱餐包,咁先正總結:味道可以接受,地方唔錯,waiter/waitress都有禮貌,不過餐具就唔太乾淨

本人為黃埔花園居民，往往看見很多食市易名，都感到可惜！原因都是競爭太大，食市臨立，沒有份量的都會自然消失！不過，＜祥榮＞就唔同！在我記憶之中，它們經營都已超過多年，同樣依舊生存，實在是令人鼓舞的一件事！本人想，它們的生存之道是什麼呢？是不是它們有一種其他人沒有的精神，還是有其他的原因呢？其實，店舖的所在，環境地方與衛生，員工的服務態度，食品種類與價格．．．每一方面都要盡善盡美，才令到食客得到滿足，得到食客之信任！它們並非所有事情都可做得盡善盡美，但總括來言都令食客得到滿足，它們仍然有空間可做得更好！希望在不久的將來，＜祥榮＞是一間充滿人情味，食客得到愉快的樂園！

下午茶連凍飲$20, 價錢同區通殺!晚市有扒餐, $45 價錢有湯, 飽, 扒, 薯菜, 飲品, 雪糕. 抵食!讚賞其黑椒牛柳, 外層煎至薄脆, 內層保持肉汁. 牛柳之佳品也不過如此!

$18 一份下午茶, 炒粉面飯乜都有,D 飯大碟到當晚應ㄔ繸o, 仲有野飲送! 但最正都係服務態度一流,Waiter is so nice!