祥榮餐廳

营业中

休息中

行完街週圍找野食, 行到呢間見裡面比xx樂仲大仲型, 便入去試試!!餐牌多款式又有真實拍攝圖片, 因太多餸想試, 所以每人叫一款啦!!西芹班塊: 雖然是清淡一味菜, 但班塊一D都唔求其, 好有鑊氣和鮮魚味. 不像一般的雪藏魚. 西芹都好綠油油.西檸雞: 來一個開胃餸, 西檸好好味不太酸又帶點甜, 外皮炸得不油膩 內肉軟滑可口. 下次想試埋咕嚕肉 (餐牌內咕嚕肉的圖都十分吸引)味菜牛柳絲: 最後一個重口味,原本是想叫個西冷牛扒餐, 但牛柳絲配上味菜一定要試下, 嚴格來講不是牛柳絲, 是牛柳條…一咬落去D汁有牛味+洋蔥+味菜 混合出一種講唔出既感覺, 下次試下味菜牛柳絲炒面是否一樣是牛柳條先….配: 中湯 - 是日例湯青紅蘿蔔豬骨湯 – 足料有湯料食餐飲 - 而家少有的黃檸咸檸樂 (.餐牌叫龍鳳可樂)

Hong Kong is getting cold again. Since we couldn't adapt the sudden cold in hk (we jsut came back from Australia where is summer now), my mom and I tried to seek food what can save us warm nearby your place. We just randomly walked to a Chinese restaurant called Cheung Wing and ordered a chickenpot With rice. Actually, we have heard the trend of Hk style chickenspot few months ago. Fianlly we did it. And it was worth to go for an account of the reputation. It was ONLY $70 for half chicken. Quick

黃埔真係好多野食, 但係星期六晚一家人食飯, 間間都要排隊, 見呢間咁大唔洗排就試下你!鐵板扒餐既餐湯同餐包, 忌廉湯好creamy, 相就睇唔到, 不過個底都有幾多粟米粒。有d估唔到茶餐廳會咁細心, 個包係暖笠笠咁上枱!中式牛柳唔錯, 肉質嫩滑, 一吹就斷開, 配個汁有微微黑椒味, 少少辣口, 送飯一流!蝦仁炒蛋比較乾身, 如果蛋可以滑d就好, 不過整體唔差, 勝在多料, 蝦仁大大粒!主角鴛鴦牛柳扒餐, 當然茶餐廳緊係唔會問你要幾成熟啦, 黎到真係有驚喜, 有水準既7成熟!鴛鴦牛柳有兩塊完全唔同味既扒, 左面有d血色個塊, 肉質比較淋, 食落比較juicy, 右面個塊就牛味重d, 食落比較好咬口, 同埋黑椒汁濃度適中, 唔會搶左塊扒既牛味, 唔錯!後面個個係跟扒餐既沙律, 不過不失, 青瓜薯仔紅蘿蔔大大粒。最後係XO醬西蘭花炒帶子, 西蘭花爽d會好d, XO醬炒既都唔會差得去邊。扒餐跟野飲, 叫左杯咸檸7, 唔錯!總括黎講唔錯, 呢到小炒好多款揀, 推介食扒餐, 有水準!

第一次寫食評,唔係故意寫衰,但真係好難食!  嗰晚叫菜遠牛肉同粟米斑塊,送中式例湯跟飯.湯~味精水, 不過算!  間間茶仔都係咁菜遠牛肉~牛肉"拿"到都唔知係乜!  菜下邊全部都係油!!!!!  碟嘢冇味!粟米斑塊~第一次食到啲魚冇炸! 煎都費事! 粟米汁希到其實應該叫粟米水囉!結果,我倆只飲左凍0茶, 賣單走人!同戴眼鏡老闆反映, 佢眼尾都費事望, 然後話"係咩?" 態度非常串!

難得一個星期日, 終於可以同屋企人去下街, 行完黃埔之後想搵地方落地見望入去都幾多人幫襯, 所以就揀左呢間入到去環境幾寬敞, 燈光好有舒服好好彩, 我地4個人去, 佢地俾左張大枱我地我地叫左咖哩牛腩飯(跟湯, 白飯同野飲)D咖哩好香椰奶味牛腩同牛根都炆得好淋同好入味,薯仔亦都煮得爽口,送飯一流。蝦仁炒蛋 (跟湯, 白飯同野飲)份量都幾多, 而且好足料, 好多蝦, 韭黃同蔥係裡面D蛋都炒得幾滑, 有水準。上面兩個湯都係跟中湯有齊蘿白, 瘦肉同雪耳, 好足料! 啖湯煲得好甜~~應該冇落味精, 因為飲完唔口乾奶油豬仔包個豬仔包烘得好鬆軟~~上面仲好多煉奶, 食落唔乾身仲有足夠既牛油係上面, 唔似其他地方咁枯寒西多士新鮮熱辣上~~舊牛油好快就被熱溶飲品我地叫左雜果賓治好欣賞杯野唔係藥水味, 而係有果味既糖漿配上梳打水,味道好夾, 唔會好甜~

今次入咗間比想像中好既茶餐廳, 入面顏色好warm, 木質既裝修,好有屋企既感覺見呢到主打咖哩同海南雞飯!就試下咖哩海鮮飯同海南雞飯, 仲試埋個咕嚕肉同金銀蛋浸時蔬個咖哩海鮮飯黎到, 有驚喜!個咖哩汁好creamy, 好重椰奶, 拎黎撈飯真係唔錯!入面既海鮮都算俾得多種類, 魷魚唔錯, 但個青口可以去埋殼就更好!個海南雞飯, 唔咸唔油膩, 又清又香!最難得係雞夠滑, 但的骨唔會又紅又帶血至於醬汁, 對比個沙薑蓉, 我比較中意醋, 更突出雞既鮮味~咕嚕肉甜酸度適中, 好惹味, 非常開胃脆皮唔算厚, 而且可以食到啖啖肉, 算唔錯!個金銀蛋浸時蔬, 我哋揀左菠菜分量算多, 真係好抵食, 大大件皮蛋, 一的都唔孤寒!總體黎講, 非常滿足的一餐街坊食肆做到咁有誠意, 真係要讚下!

屋企附近甚少茶餐廳，於是今日一行4人係紅墈行行下就入左呢間茶餐廳食晚飯。餐牌上既菜式款式勁多!於是叫左最最最想食既幾款。生抄排骨－酸酸甜甜非常開胃，排骨份量多，又唔會好多肥豬肉，又夠穫氣牛仔骨－好正!牛仔骨件數頗多，好入味，D汁咸淡適中粟米魚塊－魚塊幾新鮮，D粟米汁又唔會太稀，下面有菜，可以緩和番多肉少菜既一餐星州炒貴刁－配料好多，有蝦仁、火腿、肉、芽菜、蛋碎、青椒等等，味道好似平時食既星州炒米，有D沙嗲味豬頸肉炒芥蘭－豬頸肉幾爽口，芥蘭亦炒得好好，唔會炒到'林'晒，幾脆口鐵板西冷牛扒配大蝦－塊牛扒幾大塊，我地揀左要洋蔥汁，同塊牛扒好夾，用黎點薯條仲正金菇肥牛煲－香噴噴!肥牛唔會有太多肥肉，除左有金菇粉絲之外，仲有D洋蔥粒、青紅椒粒，但味道又唔覺怪，反而好夾，食極都仲想食，食到停唔到口!遲下一定會再黎食，試埋其他菜式!

興朋友一起在黃埔睇完戲,天氣冷冷的,看見附近有一間茶餐廳有羊腩煲就入去試下。四個人叫左好多野食,食得好滿足,好飽。我地仲加左牛腩條,大大碟，肉質好嫩滑，好香牛肉味，very good！！我們叫了個什扒,內有雞翼,煙肉,牛扒,同豬扒,仲有薯條扒做配菜添,好抵呀。個鐵板夠熱，ｄ薯條都好脆好熱，係新鮮炸出黎的。仲有個咕嚕雞球係的最鍾意食的，甜酸度岩岩好，雞球唔會有好多炸粉。再叫了一個魚香茄子煲，味道也不錯，食到魚香的味，表面又唔會好似其他店咁，有一層油浮面。ｄ人的服務態度好好，一入到去好快就有人招呼，落單同執枱都好快手，唔會等好耐。店的地方都幾大，又有幾部電視睇，坐的幾舒服。

今晚同同事係紅磡出完JOB, 七點幾係紅磡搵D又平又好食既餐廳.見到祥榮餐廳有羊腩煲好似好正, 另一個同事話想食鐵板, 咁就入去試下入到去, 地方都幾大, 又有電視機睇最後決定叫一個羊腩煲, 咕嚕雞球, XO西蘭花炒花枝, 同一個鐵板什扒侍應服務幾好, 好快有水飲同上餐湯中湯西湯都好充料先上既係羊腩煲羊腩煲同常都係有枝竹, 筍同羊腩, 不過佢仲多樣- 黑木耳, 幾有新鮮感.枝竹 - 食落去唔太硬羊腩 - 唔羶, 肉同皮都好淋, 肥膏都好少, 我最鍾意食皮, 岩晒我佢送既生菜量都OK, 都幾新鮮唔老鐵板什扒姐係出面食既海陸空, 有腸, 煙肉, 牛扒, 豬扒同雞翼, 仲有脆薯條伴菜真係好抵食囉咕嚕雞球雞球都幾多, 食極都仲有, 個汁酸甜度岩岩好, 雞肉炸起上來唔會炸粉大過肉, 有時出面食會食到淨炸粉.XO西蘭花炒花枝上菜時有少少驚訝, 因為佢排得幾靚, 佢唔係炒埋一碟上, 而將西蘭花排好西蘭花 - 夠淋花枝片 - 量多, 爽口飲品方面: 本人飲熱檸蜜, 其他同事就飲菠羅冰同雜果冰熱檸蜜唔太酸或太甜, 菠羅冰同雜果冰D生果份量成半杯咁多, 真係抵飲

和朋友特意走到黃埔花園吃晚飯，祥榮餐廳小菜選擇幾多的，有晚飯套餐，也有時令推介！我是非常喜歡吃咕嚕肉的~菠蘿咕嚕肉一上，酸甜味十分樸鼻，很夠熱！我喜歡的原因是咕嚕肉的外皮還保持很脆，而且酸甜味適中，非常有水準，和大酒家的沒兩樣！當日天氣比較凍，未看餐牌已經和朋友說一定要點個什麼煲吃！冬天進補當然要吃羊腩煲！羊腩肉很彈牙，不是那種一夾就散開的羊腩，湯汁不會很濃味，不會令人有口渴的感覺！枝竹也很入味~~生菜是另上的，料也頗足夠的！法式童子雞，因為覺得幾特別，所以叫了試試。講到明童子雞，就是size比較小的雞，炸的，我們選了燒汁，真的是卜卜脆，不會覺得油膩，如果雞再嫩一點點就完美了！鮑魚雞粒炒飯點了一個鮑魚雞粒炒飯，個飯底都炒得幾乾身，亦真的有鮑魚粒，沒欺場！飲品叫了咸檸七，好醒胃，喉嚨即刻冇咁乾！

今日同幾位同事黎到紅磡黃埔, 呢度唔似旺角咁多人, 可能冇咩大藥房關係, 行到去見到呢間餐廳, 見到d座位唔錯, 大家又想鋸扒, 便入了去:一見到餐牌, 原來有好多選擇, 有中式小菜, 扒餐, 炒粉面飯, 打邊爐我地亦都決定樣樣點d, 第1個點了羊腩煲: 我個人雖然對羊興趣不大, 不過食了2啖發覺一d 膻味都冇, good牛扒併海蝦鐵板餐: 牛肉很鬆軟, 有肉味7成熟, 剛剛好, 5似大X 樂D牛扒甘落鬆肉粉甘攪到成舊塑膠甘其餘中式小菜, 很有鑊氣, 對番價錢只可說性價比高相比起油尖旺區, 呢度食物價錢, 質素都有過之而無不及, 值得一去.

上星期五 剛剛和朋友行開紅磡 真係唔知有咩好食 天氣凍凍地 有人提議羊腩煲 但又有人想食鋸扒 就剛入完馬會買6合彩 轉個位就眼見有間餐廳 剛好有我們想食2樣都有 就試試啦 朋友叫了扒餐 佢話牛柳好正 軟 有肉汁 算係唔差 我食過真係幾好 而我自己反而想食羊腩煲 呢度要冬季先有得食 一試真係有驚喜 羊肉夠入味,唔太so,香菇又大隻,仲有d木耳,支竹吸湯底 正呀 再叫一個凍檸樂 真係good 唔洗一陣5條友就食晒個煲 下次過開來都會再試 

朋友冇飯開突然被徵召陪佢食飯…諗住食好野…點知佢話落樓下茶餐廳食算…從門口望入去D座位都算闊落…又有扒餐食…望落MENU堅多野食…但係扒餐價錢平得出奇…咁就同朋友試下啦!!!諗住價錢咁平…份量都唔多嫁啦…咪同朋友叫多個沙爹牛肉粉絲煲試下囉!朋友叫左大蝦牛柳餐同羊扒餐…我自己就嗌左紐西蘭牛扒餐…點知大蝦牛柳餐一上我地即刻後悔叫個煲…因為個份量真係勁大…本身以為係朋友個餐多D…點知我地三個份量一樣咁大份,,,我塊牛扒仲大個我手掌…真是大得驚人…D扒餐上果陣淋汁D za za聲真係好吸引人…最後沙爹牛肉粉絲煲上埋…D粉絲索哂味…真係好正…牛肉又煮得岩岩好…但奈何三分扒餐我地share都食唔哂…個煲份量都唔少…其實以個價錢同野食黎講都抵食過D連鎖快餐店…85蚊都唔洗有湯有飽仲有杯熱飲….凍飲都係加2蚊…係呢個市度仲可以係邊度搵…最重要係個味道真係好鬼正…因為係茶餐廳我地全部都嗌全熟…但無論牛扒,羊扒定牛柳都煮得岩岩好…超級Juicy…間餐廳除左西餐…仲有好多中菜…下次一定要試埋先得

之前睇食評話呢度既咖喱好味, 所以就過黎試下~ 羅宋湯 - 賣相普通, 但飲落有驚喜! 佢既辣味同酸味恰到好處, 湯料都好足! 咖喱石斑飯 - 咖喱調配得真係好好, 濃度又適中, 味道真係好香! 而石斑更有五大塊, 肉質夠嫰, 又唔腥! 我仲專登留起個餐飽去一齊食添~  大蝦西冷牛扒餐 (配蒜茸汁) - 估唔到佢既大蝦係咁新鮮, d肉一咬就離殼, 尤其佢既蝦頭既膏, yummy! 至於牛扒好大塊, 差唔多蓋晒成塊鐵板, 而且煎得岩岩好~ 不過美中不足既係薯條, 炸得太乾lu~

今日黎到祥榮食下午茶。大約三點黎到。叫左一個咖喱牛腩飯+ 熱谷古 茶餐 。 ~ HKD 28叫左唔夠五分鐘已經可以上菜。好快手咖喱唔錯，入口有好香的耶香味，而且有咖喱香味，微辣，唔似出面好多茶餐廳的咖喱得個鹹字。 至於牛腩，諗，但係仲係有咬口。唔似係落左鬆肉粉。而且仲有少少牛根，增加層次感。咬落去都有肉汁，有牛肉味，唔錯。餐飲點左谷古，係其他茶餐廳比較小見。見到有就定一定會叫。 不過其實一直分唔到谷古同朱古力有咩分別 ._. 。谷古入口比較稀同埋淡，麻麻地。至於服務就一般，多d笑容會好d。