祥榮餐廳

营业中

休息中

food is ok ~but i think quite 污糟..cos 天花有老鼠~i will not go there anymore~

好味道，不過咸得滯。不過配飯好好味~加碟白飯不用錢~連餐湯、餐包…好抵啊！滿足的一餐~我食T骨扒，好像好嫩滑的樣子，說是「好像」，是因為沒理由以這個價錢吃到嫩滑的牛扒吧？不過又唔係話落o左鬆肉粉咁林，究竟點解呢？算了…好食就得！正~

下午茶好抵,,個蒜蓉雞扒飯同焗雞扒飯都好好食不過d杯好污糟

這是一間港式的餐廳，高級過茶餐廳，既經濟又實惠。我幫襯過很多次，我通常會叫小菜套餐，包括：一個餸、一碗飯、一碗例湯及一杯餐茶。味道都不錯，但就多油左少少，以茶餐廳的一般水準而言，份量幾足，其實真的不錯。兩個人去叫兩個餐就食到飽，都係大概$40一個人，好過去大家樂、美心啦。如果唔鍾意叫餸食飯，還可以選擇扒餐、日式湯麵餐，但日式湯麵就麻麻地，扒餐就幾好。另外，不足的地方係，例水都有幾重味精，不過可以選擇飲西湯。其次是地板好有溜冰feel，及間中會踩中些熟食。我覺得如果係紅磡人少少唔知食乜，又想叫餸食飯，這店是經濟實惠的選擇。

經常與同事們去食ｔｅａ*下午茶餐真係好抵～。我最經常叫的就係蒜茸雞扒飯～上菜速度不單只快～而且個醬汁真係都幾好味*雞扒又大大件。絕對無呃你＄但係有時雞扒就唔多熟…都略嫌有點驚*服務態度唔算差…亦不能話好…地方雖然大…但係ｄ位就好密又多人吸煙喎* 通風系統又唔係好…呼吸都OK 辛苦_ 個地下成日都好似有好多水咁...唔知想點咁。但係價錢真係好公道*＄２０* 包熱飲…凍飲+＄２。利賓納要加＄５。

其實都唔想講, 不過本人與朋友已第二次發現天花有老鼠, 昨天見的肥大老鼠應是廚房鼠, 唉, 朋友已話唔來這一間, 點知連續兩次都見鼠, 隔離枱的妹妹嚇得半死了, 如老鼠掉下來點算, 真係嚇死人>.< 。

午飯時間跟同事試食呢間餐廳。點菜叫左個咖喱牛腩飯。上菜速度好快，一分鐘都唔駛。例湯係花生雞腳，set lunch黎講，個湯叫落足料(好多花生同雞腳湯渣)。咖喱牛腩飯就差少少。d牛腩好，要用刀先可以切得開。狂咬之下，牙變得有d累。最後放棄唔食。整體服務ok,價錢都好大眾化, 揀第二d set lunch的話,comment可能會更正面。

尋晚來呢度食晚飯,一入去個阿姐好有禮貌地帶位.我同老公分別食:海南雞飯:幾好食,個中湯係雪耳湯,好飲;西冷牛扒餐:係"本週推介",$30,塊扒大大塊,加埋d黑椒汁好惹味,個羅宋湯都好飲.我地食左$68,抵食又好味,唔怪得呢度經常都坐滿啦!

佢每日晚餐都會輪流有唔同鐵板扒餐供應：連包、餐湯、飯/意/沙律同茶啡都係$45（唔洗加一）；如果唔鍾意晚餐個扒，可以俾多少少（$60 有找）食其他款式，包括夏天都有供應既羊。值得一讚既係佢個沙律：少薯仔、多生果（尤其是蘋果）、多雜菜、少雜果、仲有椰果...仲要serve 都成個碟頭飯咁滿。如果鍾意食「金鳳」類既扒同大沙律既朋友可以考慮。

上個星期,我去左呢間茶餐廳食晚飯,叫左咖喱雞飯同米線,湯底有味精,但唔算口渴, 雖然唔係新鮮那種,不過都算夠大碗,算係咁.咖喱雞飯麻麻地.即刻埋單走人,真無癮!

琴日我同呀媽去左呢度食...呢度環境真係唔係咁好,好多人食煙,d抽風系統抽唔到風咁,焗到我地兩個暈陀陀...食物方面...我地都係叫下午茶,$20果隻,凍飲加$2...我叫左菠蘿海鮮抄飯,加凍檸水,呀媽叫左味菜牛柳絲意粉...個菠蘿海鮮抄飯,同楊州抄飯差唔多,只不係加左幾舊菠蘿落去,味道都算好...但味菜牛柳絲意粉,d牛柳絲柴皮咁,碟野仲好水,麻麻...奶茶,聽呀媽講話夠香滑,好飲服務方面...都算好,但總係唔會將d食物放到桌上,而係佢o係遠處度'第'比我地...總結早知如此,我地去椰林閣好過

食品水準過得去，下午茶的價錢又夠晒便宜。

又去吃了個四人餐，好正~西蘭花炒斑片，正！椒鹽雞翼則唔掂，沒椒鹽味，雞翼中心未炸熟…環境舒適~ 慢慢食，慢慢傾~

2人餐$88 兩餸一湯4人餐$118 三餸一湯6人餐$138 四餸一湯免加一跟白飯、飲品以上套餐其中一個餸是指定以下其中一款：煎封倉魚、蒸什麼鱔、蒸鯇魚…湯是粟米雞蓉、西湖牛肉、豆腐肉片~ 其中一款，很大窩！勁抵食、勁飽！味道都好好味！餐牌上有二十多款小菜可供選擇，我兩次都吃了西蘭花炒班片，因為真好超好味，d西蘭花好有鑊氣，班片大大塊，啖啖肉，又滑~ 極力推介！下次我或者會試o下西蘭花炒帶子~西檸煎軟雞，個人認為過酸了一點，味道一般~蒜蓉牛仔骨，沒什麼蒜蓉味，但牛仔骨很嫩滑，不錯~煎倉魚好好吃，吃過兩次都是煎得剛剛好，不會煎得過久，導致太乾身；而是剛剛熟，香口，好吃~試過粟米雞蓉和西湖牛肉湯，兩個都不錯，但個人認為粟米雞蓉較美味~食完嘆番杯凍奶茶，好滿足，加上service好好，侍應都好好人，主動幫我執好張枱，再上飲品，仲叫我地慢慢坐，咁o既價錢，有咁好o既食物+服務態度，真係邊到搵？不過杯凍奶茶真係甜o左少少~但真係好好味~ 另外仲有d海南雞飯和鐡板燒$30-$50，一兩年前食過好味，現在不知…

成年半冇返過香港啦, 一直都過住異鄉既生活, 食左成年薯仔, 今次返香港, 梗係會搵D好野食啦.今日原本約左個friend 食lunch, 點知俾人放飛機, 唯有自己一個人係屋企附近搵野食啦. 於是, 近近地就去左樓下既茶餐廳食啦. 一入到間餐廳,覺得裝修好靚,冇諗過茶餐廳會有D咁既裝修(可能我太耐冇返過香港掛), 竟然茶餐廳都有PLASMA, 完全冇諗過, 坐得都幾舒服, 環境唔錯. 雖然地下都有唔少垃圾, but still acceptable.今日叫左個set lunch 焗鴛鴦扒飯, 個飯未黎之前, 飲左個白湯, 個湯淡左少少, 之後黎左杯奶茶, 雖然叫既係凍奶茶, 但係仍然覺得個茶底好香, 可惜個人認為杯奶茶太甜, 如果叫少甜既話就perfect啦.跟住個飯黎左, 鴛鴦扒係牛扒同豬扒,用茄汁焗,蛋炒飯底, 焗飯黎講普通啦, 焗得唔夠耐, 焗完之後, 得個熱, 飯仲未焗到好香, 個牛扒同豬扒都幾好食, 唔會好韌, 好容易切, 個口感唔錯, 加上個汁唔會好濃, 味道岩岩好, 食扒個時, 都仲食到D肉既味. 食完成個set lunch 都幾飽, portion 都唔細, $30一