祥仔 (K11購物藝術館)

营业中

休息中

厚切餐肉·炒蛋·兩日兩夜羅宋湯通粉$48、凍鴛鴦加$2、連加一，結帳$55👇🏼多士香脆，本身已搽牛油🧈，拿起可吃，多士有其厚度，不錯，喜歡😘👇🏼滑溜炒蛋，顏色鮮黃漂亮，喜歡😘一.沒有我不喜歡的重牛油味二.沒有油淋淋的賣相👇🏼餐肉是我的飛佛，何況是厚切，可惜這餐肉的味道實在太鹹😣👇🏼兩日兩夜羅宋湯通粉，非常足料，份量又多，味道濃郁，湯裏有蕃茄蓉、蕃茄塊、紅蘿蔔和各種蔬菜粒⋯，淡淡好味，羹羮滿足😘。這湯是沒有辣的，適合兒童和不吃辣的朋友👇🏼祥仔凍鴛鴦，香濃的咖啡味突出，所以奶茶味稍為遜色，但這咖啡味非一般茶餐廳的味道，應該是用不錯的咖啡豆沖調，挺好👌🏼明白要做到咖啡和奶茶味兩者平衡都是不易的😏🔱某一兩位職員的服務態度要改善，既沒有笑容又不殷勤，是否因人手不夠🤔，或是在培訓方面再著手

星期日假期出左尖沙咀行街，行到攰攰地諗住近近地響K11搵食，去左祥仔食野，5點左右佢話轉左晚餐，無問題啦！侍應話要一陣先落到單，連水都無一杯飲下，雖然無乜人，但啲侍應都好似唔想做野咁，態度又麻麻，我兩個人叫左個豬軟骨肉骨茶寬條麵+脆脆豬扒飯，豬軟骨啲肉一啲都唔軟仲硬過我啲牙，啲寬麵碎晒係咩玩法？最離譜係個豬扒入面仲係紅色，咬都咬唔到，同侍應講，佢竟然話係慢煮所以係咁，我就話想要熟啲，跟住佢就攞左入廚房叮熟佢，轉個頭又同我講，話個豬扒係有啲生，會整過一塊比我🤨再黎果塊好左小小🤏都唔係好想再食。今次真心伏，啲野又唔係平，點解可以咁既質素？😠

上次同男朋友去咗K11藝術館，咁啱見到呢間好似講到好好食咁，咪入去試吓，冇抱太大期望去試，我諗呢啲應該就算唔好食都係普通貨質，但係真係估唔到咁難食。.咁我地就叫佢最出名嘅豬扒飯，但係我想講佢啲飯超級多汁多到係直頭變咗爛飯，真係唔會覺得好食囉🤷🏻‍♀️另外個豬扒入邊唔嫩，同埋陣味有種說不出的怪😅完全食唔出佢邊度特別，特別難食？😂😂😂.食過一次真係覺得好難食，唔建議試😂😂永遠都唔會再幫襯

星期日諗住去間祥仔試下，一坐底見個餐牌，真係即刻想走，款式又少，剩係得粟米汁配豬肉，或者焗雞飯，成碟飯剩係得罐頭粟米汁有味，肉就冇味又難食，杯檸茶無檸茶味，垃圾

今日去咗K11行街，咁就試吓好出名嘅祥仔茶餐廳啦，點知換來一肚氣。排隊攞飛就已經受氣，圓轆轆女店員右手邊嗰度攞飛。😮‍💨等排隊入咗先經典，明明已經有四張枱係急冇人坐，清潔好擺好晒嘢，就係唔俾你入座，仲要面黑，黑過佢自己件衫，跟住我就同佢講啦其實你有咁多枱可唔可以安排咗我哋排緊隊嘅入去，數埋都係得個五個人喺度，佢話佢個訊號冇任何一個號碼，所以唔放我哋入去。最搞笑最後係話你唔好投訴，唔關我事，商場嘅攞飛系統有問題😮‍💨無下次

之前已經食過祥仔ge豬扒飯,真心覺得高汁,今次直頭堂食再次回味!套餐包湯包野飲但個湯都唔求其架!一樣足料好味脆脆豬扒飯係口到招牌炸漿同肉唔會分離,外脆內嫩令人回味係有原因的切開依然粉嫩,有彈性配上蕃茄飯,中和炸物的油膩感!但個人覺得偏酸黑松露鐵板燒雞仲出色松露味突出,超香雞仲要燒到雞皮帶脆身口感雞肉又有彈性,講起都想再食紙包冬陰功乳鴿係好有趣ge fusion組合!有辣勁,但唔多肉肉質嫩口柔軟,超入味!值得再次回味!

諗住比多次機會，始終想試下個栗米斑片飯，唉…都係同樣…失望斑片飯上有2大1小斑片，一個字已超級足夠形容……鞋，比蒸斑片更難食，斑片無油是真的，鹽分佈不平均，個汁已經足夠致肥，充滿奶味，不是我杯茶欖意粉$88，是素無肉，份量只夠一小碗，味道偏咸，不知為何好似蝦醬味再試萍果批，又中伏了，除了無玉桂味的萍果批，居然淋咗黑醋橫跨批面，not my favour

星期日下午茶前見不用排長龍就入內試一試，想叫班片粟米飯，售罄，話說每日只售15份，邊會食到…叫了脆豬扒飯，豬扒吉列皮硬，好彩豬扒肉厚身肉淋不硬，失望…飯以茄汁含豉油上煙肉温泉蛋長通粉，味比較咸，份量超少，雖然隻碟好大，但份量只有大約小飯碗，女仔都未必夠，男士無可能填飽半個胃，價錢收$128仲要加一，真係好搵易賺！羅送湯以為好特別，試後大部份坐位如連鎖快餐店般密集，價錢卻番倍甚至多倍，再加一服務費。

我們因為Ricky嘅大名見，尋晚去幫親呢間餐廳，叫咗牛油果沙津、脆脆豬扒飯（升級，連兩日兩夜羅宋湯）、新出的肉骨茶豬軟骨寬條面，同埋雪糕芭菲。牛油果沙津用料新鮮，有幾款水果，連紅菜頭等等，幾好味。脆脆豬扒夠脆，不過個飯就極之普通，同一般茶記的汁醬飯無分別！至於個肉骨茶，胡椒味極重，除咗辣，我食唔出有咩味。個豬軟骨一啲都唔軟，硬到可以練牙力！ 嗰個芭菲，大家唔叫也罷！四條百力兹插在雪糕上面，好似拜神咁！雪糕球嘅味，有椰子、綠茶同朱古力三款。不過味道仲衰過“牛記雪糕”！入面有幾粒生果，不過送頭髮一條！好嘔心。總之，無下次。

餐廳老闆係本地名廚Ricky 張錦祥經常係飲食節目都會見到佢但佢嘅菜式就第一次試啦餐廳門口設有自助取飛等位 夠方便試左個紐西蘭牛肉炒蛋福袋三文治配田園素菜沙律本身幾期待個藜麥沙律 雖然只係配菜但上枱只有沙律菜 小失望* 餐牌圖片真的是只供參考 !!但個牛肉炒蛋係推介嘅炒蛋好滑 牛肉大粒 有口感 唔係普通茶記嘅細片牛肉另叫左杯熱朱古力 味道非常濃 比較適合鍾意濃厚朱古力味的朋友環境： 坐得服務 光線充足服務： 尼到最大缺點係人手嚴重不足 店員會扮睇你唔到 舉手舉到手軟建議有QR code 自助落單可以大大減輕員工工作量

呢期Ricky San好紅，慕名去祥仔試佢嘅豬扒同其他食物，星期三（中秋節假期）下午2點幾去到，Poster寫下午茶2點半開始，但reception 位小姐話2點九先開始，都唔差好多，我地就企係度等同排隊，排到夠鐘，reception位小姐先同我地班客人講，要去部攞位機度攞飛，排左成村人，個個都搶住去攞飛，攪到好混亂，講左咁耐，講返啲食物喇。個豬扒真心好食，鬆脆軟’熟‘，個飯就硬左啲同唔夠熱，牛肉炒蛋三文治，個蛋好滑，夠juice 記得要即刻食，如果唔係，塊麵包就'琳'晒😅炸雞脾沙律，雞脾乾左少少，沙律新鮮花生醬西多士，花生醬完全塗滿整塊麵包，每個格都有花生醬，非常滿足😋整體嚟講，食物質素唔錯，可能人手問題，服務質素，需要改善。

本身就好鍾意睇Ricky煮餸當然要試吓佢嘅餐廳啦祥仔脆脆豬扒飯 $138咁厚嘅豬扒竟然可以炸完都仲咁Juicy，完全鎖到肉汁，肉質非常鮮嫩👍🏻 呢塊炸豬扒都真係好高質😋飯同豬係分開嘅～因為豬扒脆卜卜，淋咗汁咪淋哂🤔所以要將佢地分開～好似愛情咁😂保持距離是世上最美的事😅😅那怕是Perfect Match兩日兩夜羅宋湯 （套餐加配）好濃郁，比平時茶記真係好飲好多！！ 酸酸地唔辣嘅，好香嘅香料味😋好飲👍🏻冬陰功雞翼 $78食到好濃冬陰味👍🏻炸得好香脆單骨雞翼😋😋—————————————————祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號舖

午餐 - 祥仔脆脆豬扒飯 $128午餐 - 芝士煙肉長通粉 $128👍 豬扒堅係皇牌，望落 dry dry 地，但食落一啲都唔 dry 仲幾 juicy，無敵厚切，食落有質感得黎又淋到有啲似火腿咁，表層薄薄嘅炸漿做到吉列嘅脆卜卜，肉味就稍遜。雖然價錢唔平但真心值得一試！👍 有茶走/啡走揀👍 環境光猛，係 K11 Art Mall 近地鐵站，係一個幾 decent 又方便嘅高級茶記👌 配豬扒嘅係茄汁飯（叫左少飯真係俾得一啖仔，不過啱哂近排食月餅食肥左嘅我），茄汁偏稀，味道清清地唔會好濃烈嘅甜味，ok la👌 長通粉有啲乾同有嚼口，兩塊焗芝士係靈魂但其餘嘅只係不過不失

是日下午經過尖沙咀，想搵間茶餐廳吃個下午茶，咁岩K11呢間祥仔下午茶呢個時段唔駛等位就一於試試佢～係得K11呢d大商場開鋪，門面都有返咁上下靚仔～餐廳入面環境都好骨緻，坐得好舒服～下午茶先來個羅宋湯通粉，好濃番茄味，通粉整得好林～沙爹豚肉炒蛋多士，多士好脆～+$20有兩隻瑞士雞翼凍咖啡走甜，好濃咖啡味～下午茶餐牌～唯一挑剔的位係，茶餐廳食物黎講係有d貴，不過考慮到餐廳位置係K11，呢個價錢都尚算合理～

今晚黎左間好出名既名廚餐廳試下佢既出品 當佢係一間高級版既茶餐廳也OK脆脆豬扒飯 足料羅宋湯 小食拼盤 凍咖啡祥仔脆脆豬扒飯係港式焗豬扒飯嘅變化友豬扒同焗飯分開上菜並將先沾蛋漿炸完再焗豬扒改成日式吉列炸豬扒茄汁芝士焗飯就變成為新鮮蕃茄醬汁配白飯厚切吉列豬扒大件 外層麵包糠脆卜卜豬扒肉質鬆軟、冇渣多肉汁 濃厚脂肪油香蕃茄醬汁大量新鮮蕃茄製作啖啖新鮮蕃茄味道略為偏酸配以白飯一流可加錢要埋足料羅宋湯 煲足48小時 味道濃郁 每一口都係番茄蓉根本就係2倍濃郁番茄湯?!但非常好飲小食拼盤一次試曬招牌瑞士雞翼同蝦多士仲有蛋沙律 蛋沙律變化成好似薯蓉咁滑既忌廉口感 瑞士雞翼汁濃唔太甜,雞皮好滑雞肉入味傳統蝦多士原隻明蝦貼上厚多士上一起炸香凍咖啡比起茶餐廳既更濃郁 似用左咖啡機個種濃咖啡沖製平均消費$300評分8/10尖沙咀河內道18號K11購物藝術館B2樓B233A號舖