祥仔 (K11購物藝術館)

营业中

休息中

星期日晚同老婆去食飯，見到呢間舖頭唔使排隊就入去食啦！環境非常寬躺，坐得好舒服湯係幾好飲，有驚喜到我嘅！嗌咗個招牌炸豬扒飯，超級大舊，厚肉切開都見到啲肥豬肉嘅分布，我覺得幾好！男人就應該要食炸豬扒飯😆老婆就嗌咗呢個帶子西班牙飯佢話超好食，佢話啲帶子好新鮮而且上面有芝士脆片，係有心機嘅餸菜！呢個瑞士雞翼果然係招牌嘢，佢有少少麻香，識落真係有驚喜！都唔錯👍🏻👍🏻👍🏻👍🏻👍🏻👍🏻

喺電視睇Ricky煮嘢食就睇得多，佢開餐廳呢啲gimmick嘢都要試試嘅好怕喺街食魚，因為多數都係 la 過，有啲化學感又軟腍腍，完全唔係食緊魚咁既然祥仔話係真星斑，就信佢真係平時喺屋企食嘅魚咁嘩！個炸豬扒！外脆內嫩！係酥脆戈隻脆！仲有肉汁！好驚嘆！個長通粉正路，反而spotlight落咗喺片好脆嘅芝士度，好芝味超濃味！冇特別講個羅宋湯係因為真係冇乜特別，係多料嘅，不過兩日兩夜泥講呢，我就唔曉啦祥仔真。星斑。鮮粟米汁 $148祥仔脆脆豬扒 $138經典芝士煙肉長通粉。温泉蛋 $128+$3 升級至兩日兩夜羅宋湯📍尖沙咀

本去K11另一餐廳食，去度沒有開店。朋友便選這店說之前電視節目祥哥(講完先知乜水廚師)，可惜他節目不吸引我連食物也不吸引我，本心試試4星價格1星食品質素，服務1星已比多了，首先拿飛位置和服務員距離遠不是在服務員前面，服務員用鬼食泥聲音叫你佢隔離拿飛自己用手機影低用來等位，幾個號也等了10分鐘，跟著帶位只叫跟著嚟🙄跟咩呢？坐下沒有水，兩個人只有一個餐牌，看到價錢本念算叫lunch，點一個鰻魚飯+白汁海鮮意粉+雞翼， 另跟餐湯不到五分鐘快速上鰻魚飯，份量少飯少鰻魚三小件飯是乾爭爭，我們要求更換，不出幾分鐘又上一個(估計已經整定)，不好食乾哽鰻魚飯。餐湯酸...衰過開罐頭煮再來白汁海鮮意粉衰過大X樂，看到那些海鮮白汁粟米衰過自己整，飯和意粉差到一個點，打算等雞翼點知等好耐，等到我們取消， 千祈唔好因為呢啲咁嘅名氣去試食，咁就會中伏😩火到嚟不要吹噓有多好食

【祥仔】星期日夜晚出尖沙咀食飯，係唔知食咩嘅情況下，就隨便入咗一間唔使排隊嘅餐廳😂環境寬敞，衛生唔錯。🌟帶子椰菜花Risotto $148坦白講係有驚喜，帶子好入味同埋新鮮，Risotto上有啲芝士脆片，好夾成個飯，唔會太滯，可Encore🌟招牌脆脆豬扒飯 $138賣相有驚喜，食落冇乜驚喜😂豬扒真心厚切，質素都唔差，個飯同個汁感覺Hea左少少。老公表示ok嘅，不過我呢啲女人未必岩口味姐😂🌟瑞士雞翼2隻 +$28 跟餐食落口原來唔係淨係瑞士汁，佢用咗啲麻去煮，所以係有麻味，無辣。食落去幾有層次，值得一試！個人建議佢應該要係餐牌寫明佢有麻味，如果唔係家長點左比小朋友，可能未必啱食。🌟粟米忌廉湯足料，好飲，唔想打咁大篇字，反正你哋都唔想睇咁多字😂同埋反正都係跟餐送，又唔洗額外點，自己到時試啦！記得上OpenRice買Coupon食，平咗個加一！

由電視上再由浸大canteen做到甚具名氣嘅大廚Ricky，近年一口氣開左好多間以自己命名嘅餐廳，之前已經試過下午茶，今次要認真試埋個華麗版粟米肉粒飯。原來鮮粟米系列有真正嘅斑塊、黑毛豬粒、滑雞球可以揀選，咁就改為試下鮮粟米汁雞球飯，睇下同肉粒嘅感覺有咩唔同先餐湯先上，祥仔嘅招牌湯係要加3蚊嘅「兩日兩夜羅宋湯」，有一小塊香草牛油，混和左羅宋湯唔算特別起到好大作用，本身湯都濃郁，偏西式，並非港式酸酸辣辣路線。主角鮮粟米汁雞球飯終於上枱，熱辣辣香氣十足，最鍾意食粟米汁嘅我最注重個甜度，因為好多餐廳嘅粟米都係偏稀甚至無味，一係就變左白汁，完全貨不對板。食落係好鮮甜嘅粟米香，送飯一流，粟米粒都係爽甜，雞球已經淪為配角，但都份量十足，肉質滑溜，好快就消滅晒全碟，平時要少飯嘅習慣都忘記了。😆

今天去了ricky大廚的祥仔餐廳.之前其實只係食過普通下午茶,冇認真去試過佢啲嘢食.今日就認真咁去試咗幾樣嘢.第一個係沙丹豬扒鐵板上,熱辣辣！第一感覺就係啲豬扒好有誠意, 非常厚! 一塊豬扒上面仲有火腿同午餐肉仲加一隻煎得好靚嘅太陽蛋,旁邊有六條薯角同埋一啲配菜, 味道上... 因為可能見豬扒幾厚... 所以真係要靠佢啲汁.. 你唔食汁嘅話塊豬扒個味都幾淡.好耐冇食沙丹豬扒但呢一份豬扒味道上冇給我好大驚喜...反而係最搞笑的侍應沒有告訴我們這個是一個餐來的,是有附送意大利菜湯! 還好我哋淨係叫了一個海鮮湯,不然就會好似隔離枱咁要cancel自己叫嗰個湯! 呢個送嘅意大利菜湯啲用料好足嘅!但對一向都唔係好鍾意飲意大利菜湯的我來說就覺得比較酸!还是喜歡羅宋湯....反而我們自己掏腰包點的海鮮湯是整晚最滿意的一個菜式!因為味道真的非常香濃又有海鮮的甜味!感覺非常之好!如果能配一塊小小的蒜蓉包或法包,我可能仲覺得更加開心!點了一個祥仔拼盤! 他的蝦多士味道是可以的,但是我還是覺得蝦多士的蝦還是要緊貼在多士上面會比較好, 三文魚tart只有一個, 酥皮是脆的只是略嫌中間的沙律醬有點太多, 瑞士雞

剛好下午茶時間但個set 其實同茶餐廳個常餐差唔多不過可能响k11 入面，價錢上調係高級版茶記$60 一個常餐又點睇？Any肥，個主菜對我嚟講係個炒蛋，超滑溜份量係少左d不過ok瑞士雞翼冇乜特別算入味咁啫至於如果係配雞扒呢D肉都幾嫩So called 兩日一夜既羅宋湯通心粉應該係講濃郁嘅湯底的確，係啖啖番茄湯出晒嚟，有別於平時茶餐廳果款淡口 牛油多士都幾好味敗响擺位… 响炒蛋隔離，咪濕晒囉個包🥺忘記左點茶走最後都係叫咖啡麻麻地 冇飲晒

一直對肉食為主嘅祥仔餐廳都是過門不入，因為個人開餐喜歡go green🌱（希望盡力支持環保減碳）而他又不是朋友相聚閒聊的合適地方但最近身體免疫力愈來愈差，做了血液測試，好多常吃的食物也顯示是敏感來源，當中用大豆菇菌類做成的植物肉和有酵母成份的素芝士，都是致敏源，要繼續go🌱有些困難😔今天再度經過祥仔，駐足一看，發現他們都有提供三款素食午餐，其中一款“蒜香特純橄欖油辣椒意粉” 沒有大豆素肉和菇菌類，也沒有用芝士、牛油做醬汁👏非常適合我意粉的蒜味濃郁，又帶少許辛辣，使人食慾大增，而且非常合我口味😋只是份量太少了😅寧可他們調高價格來增加份量😬

果個黑豚肉粒飯成百幾蚊，d黑豚肉食落去臭既⋯食完一舊都唔想食，心諗大快活個栗米肉粒飯性價比仲高過佢！仲有飲品問題，加杯凍檸茶都要廿幾蚊幾離地⋯，不可一不可再！食完一次都直接blacklist，大家小心中伏～

個寬面真係不予置評。。豬軟骨硬到。。個寬面同個肉骨茶個味係分開嘅，兩樣食物中間冇交集，點解擺埋到一齊。。另外個粟米肉粒飯要120蚊？？兩樣嘢都根本唔值呢個價，一定冇下次。

晚上因為趕時間，見佢冇人排隊就直入。見到個餐牌已經有少少後悔，價錢偏貴但又唔見得有咩特別。我同朋友一個叫漢堡扒，一個叫什扒再加$28加湯同野飲。什扒簡直係不知所謂，擺碟有一半係腸薯角同菜，連雞扒都唔係一整塊，係半塊。收$208。金鳳都好食過佢至於個漢堡扒，落單時同店員講我要全熟，蛋要全熟。唔知點解佢會諗下可唔可以offer到比我。我諗都應該唔係好高要求？到個扒黎左，都唔係全熟，佢拎入去再煮過。真心係無言。

六月下旬周末晚上光顧，餐牌選擇不多，食物內容只得兩頁紙，主推鐵板系列，難道為谷高消費！記憶中的心儀項目，例如粟米班塊、蒜香意粉、溫泉蛋長通粉等皆消失，又因為只想輕食，看來看去選擇困難！終於點了兩個項目：磯燒黑椒牛脷．鮮果沙律 $98味道唔錯，牛脷夠厚，豐富的黑椒，辛香充足合我意。火龍果及番茄切圓片疊起作伴，亦配上少許沙津菜，以白色沙律汁作點綴，保持法菜影子，這一道水準保持。祥仔脆脆豬扒飯 $138之前堂食吃過，疫情期間亦曾外賣，在家成功地用光波爐重拾豬扒脆脆口感，印象非常好，所以抱有期望。可惜豬扒食材失分，懷疑改了貨源或烹調方法，肉厚大塊但嚡口，絕對並非現在非常流行的伊比利亞黑毛豬，不過祥仔沒有說是，但之前並非如此質素！話說過來，幸好炸得酥脆不膩。茄汁飯分開上，味道酸酸不霸氣，這個沒有退步。相信「祥仔」是走高質茶餐路線的，但這天豬扒的質素，只能興迎合普羅大眾「抵食夾大件」的店子媲美，絕非精品！就是報復式消費，亦應該保持質素，否則客人不會重訪。

朋友當左呢度有飯堂，心諗有冇咁誇張，價錢又唔係平，咁啱3:00於是入去試吓下午茶，要咗一份沙嗲豚肉炒蛋多士配兩日兩夜羅宋湯通粉沙嗲豚肉雖然係厚切，仍然煮得軟淋，加入濃味的沙嗲，真係幾好食！兩日兩夜羅宋湯通粉，超乎想像咁好食，濃杰嘅蕃茄湯加入大量蔬菜同煮,甜酸又恰到好處，真係一啖接一啖，眼已經清晒成碟，正😋另外跟餐加兩蚊要咗杯凍檸茶！

又嚟到K11想再試下祥仔,上次食晚飯，今次食啲幾特別嘅下午茶3.3:祥仔3.3下午茶包括有Parma ham巴馬火腿，印度脆薄片沙律，炸薯角，炸魚柳，燉蛋，茶走。巴馬火腿好味道，燉蛋同埋茶走都非常好味道。燉蛋好特別因為有薑汁味道。茶走係高水準。其他食物就好一般。但係供應嘅水衛生程度就唔好，因為托盤下放另一托盤放水杯，但又冇用杯蓋。希望有改善，或者唔好提早預備多一盤水杯供食客。因搭起另外一盤上，衛生程度欠佳

今日來到K11 Art Mall覓食，見到有間Ricky開嘅餐廳，價錢都算合理，所以就入去試下。餐牌基本上係茶餐廳嘅款式，但當然有名廚招牌，感覺用料同煮法應該會更勝一籌。魚柳Tea Set: 多士好味，牛油完全融入包中，唔會太乾口，食得出陣陣嘅牛油香。蛋炒得幾滑，加入咗粟米粒，令到口感更豐富。魚柳質素高，唔會一咬就散，肉質靚，炸得外脆內嫩。唯一敗筆係個羅宋湯通心粉，份量極少，唔夠蕃茄味唔夠酸，十分普通。沙爹豬Tea Set: 豬肉有筋，有啲難咬，但沙爹醬整得幾香，份量都令人滿意。整體嚟講食物質素還好，但要加一就唔抵，眼見全場得三個服務員，飲品勁遲嚟，咖啡唔好飲、檸蜜無甜味，舉咗好耐手都無人理你，性價比唔高。