神輿日本料理 (已結業)

一行3人訂了8點入坐, 朋友提早10分鐘到, 櫃檯說訂了8點的客人8點才能入座, 朋友只好坐著等, 到了8點又沒問場內客人入座。朋友有點不滿。入座後看到四周人流量可以說不多,可以用少來形容, 而且分配入座的安排都有點奇怪。很多梳化座都沒人坐, 只安排客人坐在拉櫈,食物種類跟其他放題差不多, 店內職員還好, 原本是限時2小時, 可以給我們坐多一小時。***********我們坐在洗手間對出位置, 將近10點至11點期間, 開始聞到店內有很濃味, 我並不知道從哪裡傳出來,但令我氣管炎病發, 原本有想過是會再次惠顧,但因為這一點, 我應該再考慮會不會再惠顧。**************************其實食物的味道是好, 但店內有濃味令我的分數大減原因, 我感覺很可惜

馬來西亞朋友來港，每次定必要食香港既放題，聽講佢地馬拉比較難食到好食既日本野，刺身款式亦好少選擇，而香港既放題對佢地黎講就係可以一次過食到多種有質素既刺身，壽司，及各種日本料理既享受~今次帶佢地食創興既神輿日本放題，地點就腳遊客都輕易揾到，價錢二百多元一位很合理~餐廳裝潢方面有心思，一個個日式屋頂既卡位除左坐得舒服，亦引得友人不停影相比家鄉親友睇~細心睇會發現餐紙內藏環保小玩意，可以撕下左上角跟右邊既教學摺日本紙鶴~好高既點菜紙~首先當然係刺身，三文魚，劍魚，帶子，甜蝦，呢幾款都肉厚鮮甜~之後係炸物，炸蠔夠juicy，香芋波外脆內煙un中間香芋餡香甜口感綿綿的~天婦羅都唔錯，炸漿薄薄又夠脆~燒物揀左蝦，豬肉串，雞軟骨，牛肉串，牛肉最好食，夠林身牛味又濃~蝦都不錯，幾大隻，彈牙~胡麻豆腐，茄子都值得一試，清清地細細份~再點刺身~炸鮮奶係方包包住牛奶餡，芝士年糕不得不點，煙un年糕中間包住流心芝士，飽都要食幾個先夠喉~

今日放工後，黎到創興廣場5樓食放題。。一入到去，覺得環境好舒適。因為好開明，簡簡單單既日本裝式，d 枱既分佈唔會好密，而一張二人枱都夠寛。。可以擺多幾樣食物。唔知係咪平日關係，坐唔滿。坐底左，緊係叫野食先啦。本點餐紙，厚過本書。。。好期待。先講刺身，都有成14款，經常食到既都有。新鮮既，叫左既數量都俾足。特別推介北寄背同赤背。另外叫左少少壽司，壽司細細件，飯唔大舊，符合晒食放題既心態，細細件咁就可以食多幾款，試多幾款啦。 熟食方面，都試左幾野，豬頸肉其實唔錯，係咸左少少，燒蠔覺得唔夠芝士味。 野飲方面，有熱有凍，仲有酒飲。。其實都幾多選擇。整體黎講，野食上得快，新鮮夠熱，價錢中等，唔算特別貴，以後可以多個選擇。

喺旺角要食放題有好多選擇，但要搵間坐得舒舒服服，實在唔容易！而呢間神輿日本料理真的值得一讚！這裏的環境十分寬敞舒適，無論人多或人少都十分合適聊天聚會，而且服務員動作也非常勤快！沒有漏單的情況！放題嘅選擇有很多：刺身、壽司、一品料理、甜品等等，選擇好多好豐富！刺身種類比起出面的食肆多很多，而且刺身非常新鮮和肥美！我最鍾意食帶子同甜蝦，帶子大大粒又彈牙，甜蝦味道鮮甜，非常棒！壽司一口一件，非常適合女生！我十分欣賞軟殼蟹手卷！入面有好大隻軟殼蟹！炸物香脆可口，肯定是即叫即做！熱辣辣，好美味！首推炸榴槤丸！榴槤味好重，喜歡吃榴槤的朋友真的不容錯過！串燒的火喉控制得好好，能夠保持食物的水份！燒汁一口牛，味道濃厚，口感不俗！另外，吃放題也不忘記要吃蔬菜，我們分別點了炒雜菜、牛油雜菇和昆布蔬菜鍋！總的來說，這裏食物高質，環境舒適，我很享受今晚的放題！

一出lift樓層報置成日本神社感覺會令人幻想去左日本旅行一坐底環境都幾舒服，位置唔會太擠迫豬仔一見到厚厚點菜紙就會食指大動一坐底就點左d 開胃菜蟹籽沙律，柚子醋番茄，芝麻醬豆腐為豬胃清新一下之後當然係放題必點既刺身主攻三文魚、油甘魚、帶子、甜蝦、劍魚、馬刀貝、象拔蚌刺新都唔錯，幾新鮮又夠凍之後要食番D熱食天婦羅 上枱熱辣辣香脆可口南瓜、蝦同芝麻雞翼都唔錯芝士焗虎蝦，忌廉焗帶子、芝士焗嚎面層鋪上芝士再炭燒十分滋味串燒 既一口牛，雞軟骨，燒菠蘿，日本番薯同海老 都好好食，值得推介飲品方面選擇都幾多推介玫瑰花茶，玫瑰花味好香，感覺養生酒味香濃，容易入口最後食抹茶雪糕，紅豆雪糕同和菓子做甜品飲飽食醉都係人均$260 真係抵食又滿足

近期壽司放題都係一個很抵食嘅選擇，雖然旺角已經有好多間，但係我個朋友極力推介我去一間位於創興大廈叫做神輿日本壽司放題，環境舒適，座位闊落亦都好乾淨，如果 小人可以坐卡位，多人都有長枱。每人平均消費都係200蚊內， 當中已經包括刺身，壽司，熟食同飲品，任飲任食，選擇非常之多。打頭陣一定係食刺身，當中我選擇了三文魚甜蝦，北寄貝。三文魚夠肥美，夠哂厚身，甜蝦正常，北極貝有咬口，亦都好新鮮。海膽軍艦：放題來講海膽分量都算好多，新鮮程度相當高，最怕係食到好苦澀味，但係今次一啲都冇。壽司係列：鰻魚壽司，和牛壽司，三文魚壽司因為食量真係有限，其實壽司都好多種選擇，我比較鍾意食和牛壽司，我覺得佢牛肉味非常之重，亦都平時唔係好多放題地方都有得食，次選係鰻魚壽司，魚未夠， 唔會太腥，三文魚正常。黃金炸蠔，炸天婦羅：兩樣嘢粉漿唔會太厚，控制火嘅情況非常之好，當中炸蠔入面非常鮮味，炸天婦羅嘅蝦亦都相當唔錯，夠曬大隻。叉燒拉麵：食到咁上下都想搵一樣嘢真係飽肚，選擇了叉燒拉麵，叉燒燒得非常香口，拉麵煙韌度 亦都煮得啱啱好 ，湯嘅湯底係豬骨湯，底非常濃郁。總括嚟講，E個價錢食到有咁多選擇，亦都有好嘅質素， 下次一定

今日同朋友行左成日街，又到晚餐時段，緊係係附近揾野食啦!我地經過創興廣場，見到有間日式放題，就一於入去試下店內既卡位幾別緻，整到好似一間屋仔咁，好似一間屋仔同另一間屋仔黐埋一齊，設計時尚新穎。地方寬敞，環境舒適，可以容納好多人。燈籠擺設幾特別小食隨意點咗幾樣小食， 分別有中華沙律，酸薑，茄子和芝麻八爪魚。份量唔會太多，細細碟可以樣樣都可以試下。刺身拼盤有甜蝦，北寄貝和三文魚刺身。甜蝦鮮甜冰凍， 北寄貝大件之餘仲好爽口，魚生夠晒肥美仲好有口感添。海膽壽司滿滿嘅海膽壽司，海膽味好重，鮮甜之餘又無腥味，非常滋味。隨意再叫了左口魚壽司，蛋壽司，三文魚壽司，火灸三文魚壽司，鰻魚壽司和和牛壽司。壽司款式夠晒多，size岩岩好，唔會太大件，容易入口。好食之後encore再encore秋刀魚煎得好脆口，冇乜腥味，肉質嫩滑仲好juicy，真係有驚喜。甜品緊係要食返個綠茶雪糕啦! 輕輕嘅綠茶味，一啲都唔覺得苦澀，非常滿足。餐牌好大疊，超級厚，霸氣十足!

臨近聖誕 忙着和不同朋友慶祝這次來到神輿吃放題裏面很寬敞 光線也充足這本厚實的本子就是點菜紙分了ABCD等不同項目 有壽司、刺身、串燒、熱食等想叫甚麼把那張紙撕下來填就是撒的過程還挺好玩 小朋友應該很喜歡叫了好幾款刺身有三文魚、吞拿魚、赤貝、螺肉、八爪魚、帶子、象拔蚌等都挺新鮮的 還有不少款不想吃太多飯 所以壽司類的叫的不多 挑了火炙類火炙芝士三文魚壽司 那壽司是一整塊芝士在上頭而平常放題比較少見左口魚裙邊壽司這裏都有火炙和牛壽司半生熟拿揑得不錯串燒類叫了豬肉的、丸子的、雞腎和雞軟骨表面看到有烓過的痕跡 卻不會過乾忌廉芝士焗帶子和香草焗蠔冬天來吃就忍不住多叫 熱騰騰地上 不是事先焗好等的炸物方面叫了雞翼、墨魚餅、芝士年糕及炸鮮奶整體都能做到外脆內軟炸鮮奶裏頭好像還有一點點的紅豆餡而芝士年糕炸過後年糕受熱變得黏、軟 中間芝士漿又多 口感好吃完較上火的炸物就叫了關東煮和綠茶綠茶解膩一流 也不會沖得杯底滿是粉最後叫了一個壽喜燒蛋黃在中間混着牛肉 十分搭整體來說這家選擇不少 無論熱食或是刺身類都可以慢慢選CP值挺高的

今日同幾個friend 去食放題，佢叫我搵地方 平時食黎食去都係果幾間有d 厭 上網睇左好耐 決定黎試下呢間神輿，位置係旺角創興5/F 夠曬就腳 ！上到去5/F 見到佢地既裝修都好有日本特色，門口仲有個位比人掛下願望牌 ！佢地d 卡位 都有個木屋頂隔開 好靚 ！D 餐單都有好多選擇 好多花款 出面都食吾到！ 前菜當然刺身走唔甩啦，特別一讚d三文魚又厚又大件，螺肉鮮甜！雖然呢d 蝦 個頭燒到有d 黑 ，賣相吾係太好 ，不過食落又吾錯bor~~燒到d 蝦結實 鮮甜 加埋d 秘制沙律醬更加滋味 可以黎多轉 ！呢度d 燒物都非常好食 由其係d 燒菠蘿 吾會太乾 又甜又多汁！除左一般既氣水、果汁酒，熱飲都有好多，有菜蜜、花菜等等！今日哩間放題比左我驚喜，原本仲諗住抱著中伏既心態去試，下次可以再黎！

朋友生日提議去食放題，之前有朋友食過一間喺創興廣場神輿日本料理，食物質素高，又坐得舒服，一於去試吓😋位於旺角市中心位置好方便，價錢合理👍地方闊落，坐得好，舒服傾計一流👍見到啲點菜紙，已經好震撼，急不及待即刻點嘢食。刺身同壽司係食放題必點的食物😋刺身款式多樣樣好新鮮，肉質色澤紅潤，非常鮮甜😋壽司細細件，一啖食得晒，可以樣樣試小小👍芝士焗蠔-蠔肉吾腥，芝士味好香濃，一個人都食了六隻😋炸物都炸得好出色，特別是炸鮮奶，外面炸得脆卜卜好香口，加了小小煉奶，已經好好食👍清酒煮蜆-蜆肉清甜無沙👍燒菠蘿-燒得熱熱地，咬落多汁，超甜！和菓子-放題好少有得食，豆沙餡料，外皮煙煙unun ，呢個必食甜品🍮

阿仔做嘢辛苦，又知佢最鍾意食放題，多謝佢又肯陪我一齊食， 原來呢間好大間好寬敞 而且服務員超有禮貌。👍坐下就畀靚仔發板啦!實在太多嘢食!先來過個刺身先:北寄背 象拔蚌 希靈魚 馬刀貝 甜蝦 赤貝 榮螺 三文魚 油甘魚 八爪魚 松葉蟹棒 帶子吞拿魚鯛魚 每樣只係叫2-4件 阿仔話唔想嘥嘢 !叫小小食，真係好欣賞佢呀! 當然唔少得一品料理:我最鍾意食嘅芝士焗虎蝦 芝士焗蠔 忌廉焗帶子 重有金菇牛肉捲阿仔就最中意食，嘩!嗰個芝士焗虎蝦 比我想像中 都幾大隻架! 啲芝士味滲入 虎蝦甜甜地， 好新鮮 ，熱辣辣 都幾啱我食， 當然仲有爐端燒啦一口牛 肉質軟淋淋 忍唔住再叫多一吋仲有菠蘿海老 日本番薯好得意嘅做到好似粒欖核咁 ，燃燒八魚丸 醬燒花之苑 梗係阿仔食啦 !叫咗兩杯飲品 :我就貪靚嘅叫咗杯玫瑰花茶 ，好香嘅玫瑰味，原來好大杯架 忌廉溝鮮奶梗係畀啲後生飲啦! 當然唔少得甜品:一球都幾大球 我叫咗一球食 綠茶雪糕味道不算濃 但正在清新，阿仔就叫咗兩球紅豆雪糕，當然唔少得和果子 初時叫一粒發覺原來好細粒唔夠食後尾再叫多兩粒 終於一人一粒真係飽到個肚頂住呀!😋😋

阿媽突然間話放假，搵間放題同佢試下 !! 呢間見 開飯 呢間有海膽任食 ~~ 唔錯 !! 就帶佢黎試下 ~~黎到門口好靚呀，我媽即刻叫我幫佢影相 !!! 好順利入座，有一座山的點菜紙 ~~ 哈哈 !! 第一時間梗係食下刺身啦 !! 刺身選擇唔係好多，但都好好呀 !! 最緊要夠新鮮 ~~ 我地第一轉叫左希靈魚 / 三文魚 / 帶子 / 象拔蚌 / 馬刀貝 / 甜蝦 / 蟹捧 / 北寄貝 / 油甘魚，全部野阿媽都勁 LIKE !!食完呢個又再叫 ~~ 再黎係三文魚 / 帶子 / 象拔蚌 / 馬刀貝 / 希靈魚，同佢食都真係冇蝕 !! 哈哈 ~~之後我叫左海膽壽司同手卷自私食 !! 個海膽好鮮甜 ~~ 個份量唔錯 !! 唔會太大亦唔會太細 !!想提下個串燒同芝士焗虎蝦，個虎蝦堅大隻，上面大量芝士 !! 蝦身爽口 ~~ 唔會霉 !! 正 ~~ 另外串燒種類都算多，個蝦燒到連殼都可以食到 !! 唔錯 ~~ 我地亦有叫芝士焗蠔，大廚落芝士絕唔弧寒 !! 阿媽話見到佢菜單有 PIZZA 想叫黎食下 ~~ 我答佢咪叫囉 !! 冇問題架 ~~ PIZZA份量都唔細 !! 哈哈 ~~ 但個餅底都好脆呀 !

從未試過收左單話沒有單牛仔骨生既叫佢搞搞佢四個字都吾比番你叫人整整佢當你無到係咪要做到咁好聲好氣吾得吾想做就吾好做囉何苦要我食個飯都吾開心整體我好多謝依間野比我見識再多

神輿位於旺角中心點，喺創興5樓。一上到去已有店員招呼入坐。餐廳內裡非常寬敞，我哋一行幾人安排坐喺卡位上，座位亦都好闊落。坐底後望一望份厚厚嘅Menu，選擇繁多，真係有點花多眼。先order飲品再落食物，食物亦好快送到。刺身三文魚及吞拿車刺身都幾肥美，而且品質新鮮。另外帆立貝跟甜蝦新鮮唔在講，食落都好鮮甜。壽司首先最值得推介正是呢個海膽壽司，入口甜加上帶微微海水味，份量都好適中。鰻魚壽司配上甜甜嘅鰻魚汁可謂絕配。和牛壽司真係好重牛味，必食之選。燒物燒蝦配上鹽燒，味道上佳而且size都唔細。燒墨魚丸入口彈牙。芝士大蝦上芝士融融地，非常香口。芝士連糕做得幾好，粉漿唔會太厚，內裡芝士足夠，洽到好處，因太多會好漏。榴蓮波波帶著流心嘅榴蓮餡，香味濃郁。最後食埋佢哋嘅雪糕，分別有3種選擇，芝麻、綠茶同紅豆。食埋甜品呢餐可謂完滿。放題嚟講真算比較多種類，最重要係晚市時段只需$263連加一一位，價錢相當公道~

臨近聖誕當然同朋友聚一聚食餐豐富晚餐慶祝一下！決定餐廳時餐廳的食物品質當然要水準高外，環境舒適同地點都好重要。經朋友介紹，今次嚟到旺角區食日式放題。位於旺角創興，位置方便。餐廳在5樓，不用跟火鍋樓層同一升降機，不用排長隊之餘亦不用嗅到一大陣火鍋味，空氣清新更多。到達餐廳門外，裝修富有日本特式，簡約的令人感到舒適，座位闊略坐得舒服，我們一行6人坐卡位，一點都不覺得逼！日式放題選擇種類非常多，單看點食物紙就知道，只是選擇種類已有10多種，分別有刺身，壽司，卷物/手卷，小食，炸物/天婦羅，爐端燒，一品料理，主食/鍋物，飲品，甜品。。。。特別一提是飲品，飲品除一般果汁，茶類等外，食客可選擇加28元任點酒類類飲品。日本清酒，啤酒，水果汽酒等。。。最欣賞一點係只計算飲酒人數而加每位28元，不會收取唔飲酒的食客，太棒了。放題首先點當然係刺身，壽司同卷物。刺身壽司選擇種類算齊全，有光澤夠新鮮。由於小妹比較愛食壽司多於刺身，所以小妹會推薦軟殼蟹手卷，海膽手卷，火灼和牛壽司同火灼芝士三文魚壽司。每件壽司份量不會太多，食客不用擔心食壽司食飽，可更放任地點選食物。再嚟炸物，吉列炸蠔，榴槤球，炸鮮奶，天婦羅一定