神輿日本料理 (已結業)

阿媽突然間話放假，搵間放題同佢試下 !! 呢間見 開飯 呢間有海膽任食 ~~ 唔錯 !! 就帶佢黎試下 ~~黎到門口好靚呀，我媽即刻叫我幫佢影相 !!! 好順利入座，有一座山的點菜紙 ~~ 哈哈 !! 第一時間梗係食下刺身啦 !! 刺身選擇唔係好多，但都好好呀 !! 最緊要夠新鮮 ~~ 我地第一轉叫左希靈魚 / 三文魚 / 帶子 / 象拔蚌 / 馬刀貝 / 甜蝦 / 蟹捧 / 北寄貝 / 油甘魚，全部野阿媽都勁 LIKE !!食完呢個又再叫 ~~ 再黎係三文魚 / 帶子 / 象拔蚌 / 馬刀貝 / 希靈魚，同佢食都真係冇蝕 !! 哈哈 ~~之後我叫左海膽壽司同手卷自私食 !! 個海膽好鮮甜 ~~ 個份量唔錯 !! 唔會太大亦唔會太細 !!想提下個串燒同芝士焗虎蝦，個虎蝦堅大隻，上面大量芝士 !! 蝦身爽口 ~~ 唔會霉 !! 正 ~~ 另外串燒種類都算多，個蝦燒到連殼都可以食到 !! 唔錯 ~~ 我地亦有叫芝士焗蠔，大廚落芝士絕唔弧寒 !! 阿媽話見到佢菜單有 PIZZA 想叫黎食下 ~~ 我答佢咪叫囉 !! 冇問題架 ~~ PIZZA份量都唔細 !! 哈哈 ~~ 但個餅底都好脆呀 !