神虎麺商店

营业中

休息中

今日約左老婆仔響灣仔食lunch, 本身都係諗住食拉麵, 咁就上網搵下灣仔有邊幾間比較出名架啦.結果呢, 評分同埋口味我就揀左神虎. 咁一去到門口都有驚喜, 因為我同我太太都鍾意食蠔. 一見到就諗都唔諗點左呢個拉麵.好彩佢呢間舖頭有果隻保溫水壺, 我地決定唔叫野飲.雖然等個拉麵都需要一定既時間, 但到佢送到上枱果時係聞到幾濃郁既蠔味. 麵質黎講係好彈牙既, 湯底都好重蠔味, 仲有一pat綠綠地色既係"超級"重蠔味, 蠔既size都可以接受, .唯一黎講比較無咁好味既就係果兩舊雞肉, 因為佢本身又吸唔到個湯既味道, 同埋唔係話嫩口果種.仲有一片青檸仔同埋D洋蔥絲, 都幾點綴下既~整體黎講我係覺得呢個拉麵唔錯既, 亦都推荐叫黎試下,  雖然都成$148/碗. 不過以質素同灣仔區加埋黎計算係可以接受.不過可以既話, 加多隻蛋同埋紫菜我會加分...

經朋友介紹，試試呢間响灣仔區嘅神虎麵商店 🐯一如以往，既然係第一次食，直接揀最招牌，最多料嘅神虎精選。《神虎精選 🐯🍜》老老實實，可能因為朋友講到好好食，我對佢嘅期望係頗高的，結果係有少少失望。以下係分析：1. 香味 (2.5/5) - 首先想講，香味係足，不過唔係我喜歡嘅味道，佢似咩呢，中式豉油 + 花生油 + 豬肉燒賣嘅味。唔係話佢唔香，但風味太中式，我唔覺得係日式拉麵應該有咁嘅香味。2. 麵條 (3/5) - 中幼直麵，小麥香一般，配呢款湯我又覺得係適合嘅，我以下講湯時講多 d。3. 湯頭 (2/5) - 湯係濃郁嘅，但致命傷有兩點，一係真心太鹹，二係味道太似即食麵，豬骨味有但薄弱。不過咁，個麵本身唔多掛湯，拉高啜一啖麵嘅濃淡道算係剛好。我食拉麵9成9會飲晒湯，但呢款湯，我係飲剩嘅。4. 配料 (3/5) - 因為揀左精選，料多就梗架啦。先講腩肉，腍，香，幾好食，不過叫得腩肉就一定隔肥隔瘦，我個人來講都係覺得太肥左D。瘦肉部份，係好食嘅，雖然瘦，但都唔算un，可以算係有咬口，肉香係夠。肉丸部份，我覺得不過不失，有陣似香茅嘅味道，總之係有d東南亞風味。好野最後先講，就係溏心隻蛋，嘩

久久未嚐的超正拉麵，趁著假日一於番嚐！長長的燒伊比利亞豬腩肉，油脂神級甘香，一絲絲相間著的瘦肉柔嫩不已，達致極級的梅納效應！每條拉麵都排滿汁，極點之作！說到餃子，較其他拉麵店的大隻，皮是超厚的，不合朕意。反而唐揚炸雞雖則食到滿口油香，竟然令人食慾難止，慾罷不能，好味到爆！回說唐揚炸雞，雖然只叫兩舊，但居然每件都超級大舊，炸皮雖厚但就是應有的態度，雞肉的汁是咇出來的，怎會不愛？今日的我成功地打倒昨日的我！

好久沒吃拉面。經過灣仔 即管試吓 上午十一時半進店不用等位 點咗個黑虎拉麵精選。份量足 面條軟硬適中 流心蛋剛剛好 湯底味濃 .唯獨湯味非常咸 拖夸整碗麵質數 •價錢一佰四十幾。如果控鹽做得好。應該唔錯

拉麵水準ok，但係新出個沖繩手工可樂，完全係冇可樂味，而且冇乜氣。成個感覺飲落去似一杯擺咗好耐嘅可樂。而且店員拎杯嘢出黎時，我地呆咗….係完全圖文不符…（另外佢地係用一支已經開過嘅碳水加已經開過嘅玻璃樽可樂溝埋一齊）

神虎麵商店來自大阪，由日籍主廚坐鎮，一直都未有機會過海一試，今日剛好到灣仔附近辦事，當然要去會一會。午飯時段到達神虎，開業多時依然人龍不絕，排隊差不多大半小時才入內，真係人氣旺盛。神虎每個月都會推出限定拉麵，今個月係醬油昆布水沾麵，今天心情還是想食湯麵，所以點了個神虎精選 。神虎精選係原味豚骨湯底外加伊比利亞豬腩肉，湯底入口濃厚豚骨味，加上背脂，鮮甜而不膩口，無腥臭味。拉麵選用傳統拉麵，味道無甚特色，口感偏淋，掛湯能力不夠。配料有自製魚丸，少彈牙魚味重，叉燒肉相當大份，不過偏柴肉味淡，溏心蛋蛋味同醬油味不足。值得推薦既係伊比利亞豬腩肉，入口有一股脆香味，肥瘦相隔油香肉味濃，係咁多配料中最好食。另外點了份炸雞，外表炸得金黃漂亮，惜炸皮偏厚，肉有微嫩亦有柴口的地方，算中規中矩。食後感係神虎的確係一碗湯底傳統既豚骨拉麵，不過改用傳統拉麵而非九州幼麵，係一碗質素中上的拉麵，下次來應該會嘗試每月限定。

好耐冇去過嘅神虎拉麵，今日見冇乜人入去食返碗。今次食嘅係辣味，味道香濃調味一切都恰到好處，麵條係比較有嘅，好掛汁。唯一缺點就係面嘅份量比較細識煮都係唔飽。餐廳做緊活動， follow餐廳嘅社交平台仲會送一隻炸蝦，炸蝦新鮮熱辣，炸粉亦都唔會特別厚。

來自日本大阪的神虎麵商店，由大阪總店調配（Kimura Mamoru）木村守師傅監製。麵店除了不定時推出限定口味，平日只有五款拉麵和神虎沾麵選擇；而且一定要選擇加量裝「精選拉麵」‼️▪️神虎精選拉麵 HKD140這家拉麵店主打豚骨湯拉麵 🍜 湯底濃郁而不膩；豚腩肉選購自西班牙伊比利亞豬腩肉，肥膏佔7成，滿滿油脂感 🤤 口感肥美嫩滑，肉味濃！溏心蛋亦入味，配搭味付筍、紫菜、木耳、青葱、紫洋葱等十分豐富。▫️ 赤虎精選HKD147喜歡吃辣可以一試，頭湯辣勁湧現，配上紫洋蔥，口感新鮮刺激。拉麵屬於中等粗度，口感彈牙，麵身掛汁。薄叉燒味道中規中矩，偏瘦勝在夠大塊；兩粒豬肉丸亦很Juicy。▪️神虎餃子 HKD45這家出品的餃子比其他店大隻得多，味道不錯，內有薑絲再蘸些少黑醋十分惹味，略嫌皮不夠薄。店內地方乾淨整齊，但日式氣氛感覺不多。店員十分友善，見到 👦🏻 背囊放地雨即刻安排籃子擺放！💛 拉麵店只接受現金付款！

神虎麺商店灣仔長期排隊拉麵店，傳統的豚骨湯拉麵是長期供應，除此之外每月都會推出幾款限定拉麵，環境比一般日式拉麵店寬敞，每一款都是點單後現做，麵條同飯份量適中。黑虎拉麵豚腩肉入味腍身，口感層次豐富！麵底超滑，湯底味道亦剛剛好，唔會過於濃郁份量一個人好足夠。义燒蛋飯义燒好似東坡肉咁，超滑同超林，豚肉丸同义燒都係上乘之作，好耐無食過咁高質飯。炸雞塊 炸雞我覺得有驚喜，對我嚟說一般餐廳嘅炸雞都係細塊 ，但呢間係超大塊 ！炸煮後肉汁仍然鎖在雞肉中，咬落啖啖好味

話說上個禮拜五帶男朋友去食過之後，男朋友念念不忘，覺得好食，呢個星期我地又再去過。因男朋友對雞蛋過敏，又大食，所以就問職員可否將雞蛋換成+一面底，因價錢一樣，係上個禮拜五，個職員就換左俾我地。但到第二次去吃，我地照樣咁樣提出，個戴眼鏡鼻高高的女職員態度惡劣，話從來沒有這樣規矩，仲問我地係邊個同事肯俾我地換⋯口黑面黑，雖然最後都比我地換左，但食個拉麵背脊骨落，態度不友善，但佢行入去廚房又對D拉麵師傅有講有笑，服務性行業黎講真係好差😦雖然碗拉麵好食，但因應咁樣嘅態度都食得唔開心都唔會再去，瞬间覺得扣分不少，氣氛唔好，食得都唔開心😢😢😢

餐廳嘅主打係食拉麵，湯底我哋都覺得非常濃郁，而且味道我哋都覺得唔好做得太肥膩，非常適合香港人食，而且佢嘅雞蛋做得非常好食，食得出係餐廳自家製，面質方面，亦都做得啱啱好，食得出日本嘅味道，成個拉麵嘅食材，無論喺配搭上同埋擺盤都做得非常靚，價錢嚟講，我哋都覺得比起呢一個質素嘅拉麵都唔會做得太貴，鍾意食拉麵嘅朋友絕對唔可以錯過呢一間餐廳，我同朋友都非常鍾意食，值得一題，店員嘅態度亦都非常友善，非常值得加分！

今晚去咗灣仔食四小龍搵麵，心血來潮擇一間啦，神虎，i chose you！入到去間鋪都算闊落，仲竟然唔使等位，正。2個人叫咗一個神虎拉麵，一個黑虎拉麵，一碟餃子。神虎拉麵嘅豬骨湯十分正！同佢隻拉麵又夾，放耐咗都唔會脹。飲晒個湯。叉燒又夠大塊。一碗啱啱好。黑虎都好，黑蒜味重啲咁，喜歡的人會很喜歡。知餃子夠大隻，但味道一般，冇突出色。整體係香港嘅拉麵之中算好的一層。最特別係佢啲濕巾，有紅色同藍色，未見晒，made in japan㗎。

湾仔长期排队拉面店之一，大角咀亦有分店。传统的豚骨汤拉面是长期供应，除此之外每月都会推出几款限定拉面，而且两家店的款式还不同。这频率这创意，是懂得吊胃口的，为了期间限定我愿意反复来吃。·环境比一般日式拉面店要宽敞，每一款都是点单后现做，面条份量适中，不过好像不能选择软硬。尝试的两款都是牛肉拉面，捞面的口感要比汤面更爽弹和有嚼劲一些，调味则是各有各的精彩。·10月限定【煎牛肉捞面】大片牛肉煎熟后散发出浓厚的肉香，些许牛油融化进面条，不在于食材种类繁多，而在于对味型的把控，成就出这碗每一口都咸香过瘾的碳水。调味中加入了柠檬汁，但吃完我还是被腻到。·11月限定【仙台牛脷汤拉面】牛舌熬的汤加上两款牛舌的不同部位，这一碗有让我全方位感受到牛舌的美好。厚墩墩的牛舌尖带几分脆弹，牛舌尾切得薄而大片，柔软滑溜得让我难以相信这是牛舌，入口瞬间仿佛还在轻轻颤抖！·盐味牛舌清汤比清汤腩的汤头更加柔雅，但它的鲜味却能在舌尖上一层层推进、并在口腔里回旋很久。丝毫不像其他拉面汤底那样多喝几口就感到咸腻，一个人可以轻松喝光。

因為掛住日本之旅, 所以想去食拉麵回味吓😛朋友介紹呢間神虎拉麵神虎精選 $135呢款係人氣首選, 湯底係原味嘅白雞湯, 好香濃, 😋用咗伊比利亞豬腩肉, 超級肥美, 份量好大, 成碗麵整體偏濃味, 麵質ok, 似日本拉麵店嘅味道赤柱精選 $142配料其實都係一樣, 只係湯底係辣嘅, 辣度啱啱好, 鍾意食辣嘅朋友仔揀呢個就啱啦餐廳嘅裝修都好有日本感覺, 乾淨簡潔, 碗麵好足料, 應該係會想食到嘅拉麵味道, 值得去試吓~

灣仔咁多間拉麵店之中，神虎麺商店算係我食得最多次既一間，因為難得每個月都keep住有新限定，每次黎都有新鮮感，而且即叫即煮，湯頭煮得夠熱，所以都唔介意會等得比出面既拉麵店會耐少少，今個月新限定係即煎牛肉撈麵$128，擺盤吸引，配料有主角牛肉、火箭菜同溏心蛋，牛肉大概煮到七成熟，肉質軟嫩有肉香，溏心蛋有半熟晶瑩的流心蛋黃，由於唔係湯麵，所以麵質煮得更加有咬口唔會過軟，今次醬汁用左檸汁牛油，開頭食會覺得幾香濃，但食到尾會覺得比較膩，相比起來，如果都係牛肉類限定款，我自己就比較鐘意幾個月前限定款既日本和牛骨湯沾麵，希望舖頭黎緊都可以出多d限定沾麵款，畢竟係香港搵有質素既沾麵仲難過拉麵呢......