神虎麺商店

营业中

休息中

湾仔咁多间拉面店之中，神虎麺商店算系我食得最多次既一间，因为难得每个月都keep住有新限定，每次黎都有新鲜感，而且即叫即煮，汤头煮得够热，所以都唔介意会等得比出面既拉面店会耐少少，今个月新限定系即煎牛肉捞面$128，摆盘吸引，配料有主角牛肉、火箭菜同溏心蛋，牛肉大概煮到七成熟，肉质软嫩有肉香，溏心蛋有半熟晶莹的流心蛋黄，由于唔系汤面，所以面质煮得更加有咬口唔会过软，今次酱汁用左柠汁牛油，开头食会觉得几香浓，但食到尾会觉得比较腻，相比起来，如果都系牛肉类限定款，我自己就比较钟意几个月前限定款既日本和牛骨汤沾面，希望舖头黎紧都可以出多d限定沾面款，毕竟系香港揾有质素既沾面仲难过拉面呢......