神經餵飼 (已結業)

好少來太子呢一帶搵食。今次朋友推介說他們的咖啡好飲，便來試試。門口裝飾好靚，入到去有一番文青feel。環境不錯，但椅子不太好坐。飲品選擇比食物多。食物只有黑板上的幾款可以選。價錢屬中上價。我點了日式蘋果咖哩蛋包飯及熱latte 一共$12x。還不錯，日式咖哩甘味的那種，不辣的。汁量剛好夠撈飯。想不到傍邊還有沙律，已撈了沙律醋，感覺健康得多了😂Latte 也ok 只是不明白點解放久了會起泡🤔是奶泡打得不夠好嗎？

又到星期四要去太子學ukulele🎵🎶 上堂前又係尋找好東西吃既指定時間😋 今次揀左講左好耐都未去試既神經餵飼☺️ 經過個幾次都覺得餐廳門面好靚好治癒🍂🍁🌾🎋🌿 入面有好多亁花係天花吊落黎❤️ 餐廳既枱唔多亦擺得唔密，大家可能要早少少去食，閒日七點三左右就滿座了。餐廳位置亦好方便，距離太子地鐵站只係需要5分鐘路程。餐廳內地下個層大約有6-7張枱，容納到20人左右。餐廳仲有二樓，空間都幾大但枱就唔多，得三張長枱同一張細枱，不過二樓係要屈埋對腳坐地下既，而且係self service 要自己搬滕墊去枱邊坐的。 由於枱唔多，二樓好寧靜，好岩三五知己去deep chat☺️👱🏻‍♀️👱🏻‍♀️👱🏻‍♀️👱🏻‍♀️叫左杯latte，咖啡味都幾濃，唔會太多奶而蓋過左啡味，又唔酸，唔使落糖都已經好好味。三個人叫左三樣野食，唔少得既當然係沙律啦，佢賣相唔算好靚，但味道都唔差，沙律配上酸酸甜甜既熱情果source幾開胃同幾特別，個底紫色個d係紫薯蓉☺️ 未試過salad配薯蓉，估唔到味道都幾夾，又可以飽肚d，唔會好似食左陣風落肚咁。除左salad，仲叫左個溫泉蛋明太子海鮮燴飯，叫得燴飯顧名思義個飯就係有汁濕濕地既，佢個

其實都係睇中環境，所以去嘗試呢間食店應該係每日餐牌唔同，每日都有指定菜式、甜品，如果你係想要多選擇嘅，呢間就未必啱你喇雖然本人就覺得食物味道一般，但勝在環境舒適，我都係中意環境多過食物

I always see Feed Your Nerves on the way from work and it always seemed to me as so pretty. Both exterior and interior design is so pretty that it makes you want to dress up when you go there. It makes a perfect place for a date. So I went there for a drink, because usually that's what you get in a cafe. Being in HK, they hve a full menu. It was almost 6 pm when I went so they could only offer salads and sandwiches. Cakes ran out already too. We ordered a double espresso and hot chocolate. Both

本來去“太子果度”之前有朋友介紹過話唔錯，去到門口睇餐牌加上格局，個人認為唔值，繼續向前行，就到“神經餵飼”，門口無餐牌，靠望入舖內黑板，又唔貴，又好似好文青咁就入左去原來門口有寫要自己搵位，唔怪得無人理我地，點餐職員話自助下單，可能我地坐近水吧幫我地落單，落左野食，問我地飲咩，話轉頭先，小姐話唔得要一過落，好啦只好叫埋，落完單要即時比錢，感覺怪怪地，明明餐廳，好似快餐咁男友要滑蛋牛肉飯$88，個汁好似日式咖啡，紅蘿蔔煮得好入味，牛肉肥牛黎，怕老掛好似白烚，之後加汁咁我食肉燥春菊飯，好似台灣野咁，菜係皇帝菜，加埋好有屋企餸感覺咖啡原來都唔錯，可惜男友今日唔閒唔試，就成包糖落晒，真係有點浪費，佢話唔睇好，點知有點驚喜呢度花茶值得叫下，唔係茶包，仲好好快出味，有幾款都想試，好多人話烏龍係美容茶，叫左洋金菊烏龍茶，真係聞同飲都好舒服好香呢度星期一休息，營業時間中午12點到晚上9點，要幫襯早少少去啦，仲有呢度水同架生都係自助，有公主病既比人服侍慣既，諗清楚先好去

朋友食過話唔錯就帶左我去食，佢食過兩次餐牌次次都唔同今次又轉了，環境唔錯舒服既適合傾計聚會。料理都比較有和風既味道，我就叫左一個蕃茄廣島蠔滑蛋飯朋友就叫左個咖哩牛肉配蘋果飯(個名大約係咁)，同埋叫左杯抹茶鮮奶同埋蜜桃茶，我覺得飲品味道一般。至於我個飯呢,我就覺得唔係話好好味，但都幾特別既，蠔既份量都唔少味道帶小小酸 重蕃茄，成件事都幾夾既。而朋友個個呢，就好有和風既感覺，完全吸引我了蛋包飯配咖哩~我試左小小，好得意個咖哩加左蘋果好新鮮既口味,我覺得有一陣M記蘋果批既味道，好得意。唔錯既，都值得試! 美中不足,太早休息, 9點鐘就打祥記得早點去啦~~

My Order:明太子忌廉海鮮燴飯 ($86)青醬牛油果蟹肉法式多士 ($70)ICE MIX BERRY PEACH SODA ($48)神經五青 ($58)明太子忌廉海鮮燴飯說是燴飯但飯不太夠軟，海鮮就是幾條魷魚。可能是要主打健康天然的關係，整個飯沒什麼味道可言，連明太子也吃不出來。看似入味但卻有點太淡了。青醬牛油果蟹肉法式多士 這個多士意想不到的出色，蟹肉夠多而且牛油果這配搭還不錯。中間有加沙拉醬，滿開胃的。ICE MIX BERRY PEACH SODA有很多種類的莓粒，酸酸的好喝!神經五青只喝到青瓜的味道~

其實我唔識白紙工作室係乜東東，只係去開太子要搵嘢食，食到呢間嘢好偽文青所以入左去。入到去乜都係自助，水同餐具都係自己去拎，係收銀位叫嘢食畀埋錢先坐低慢慢等。11點至3點嘅 lunch set 選擇唔多，我要左個蕃茄咖喱雞肉飯 + 熱檸茶。碟飯上枱嘅時候好香，1/3 係飯，1/3 係沙律，1/3係咖哩汁。首先個飯上面有少量木魚/紫菜碎，個沙律有秋葵+沙律菜+芝麻醬+似係齋舖賣甜齋老味切左條嘅物體，個疑似齋老味太甜夾埋啲沙律食感覺有啲怪。個蕃茄咖哩汁第一、二啖食係唔辣嘅，食多幾啖就會feel到有好輕微嘅辣味，裡面啲雞肉唔算嫩滑，但都可以接受。杯檸茶又冇乜好講嘅，正正常常咁囉。

- 青醬酪梨蟹肉法式多士 野菌鰻魚炒飯 -相約左好閨蜜一齊渡過愉快既週末👯 哩間店既名字好特別 背後意思係以舒服既空間同埋美味既食物 治癒人緊繃既神經🔅分別有兩層 我地坐係上層 好chill好舒服☘️ 旁邊擺放左好多小手作 其實哩間係白紙工作室旗下 有聽過哩個名就知道平時係有乾花製作💐 工作坊同巿集等等.. 食物既賣相同味道都唔錯 menu會不定期轉換 值得下次再去👾- 青醬酪梨蟹肉法式多士 好香既蟹肉味🦀 多士整到好soft好脆 下次會再點🍴-野菌鰻魚炒飯好香濃既鰻魚味 加上左野菜同瓜做點綴 中和返個味道🥒

朋友介紹黎呢間cafe..我地今日3點幾黎到...唔算好多人..都唔使等位..坐低左..個環境都幾舒服..好似台灣d cafe style..黎呢度既其中一個原因係個名好特別..想黎見識一下..點知..見到佢淨係得一個menu..好少野食揀..又好貴..結果我地只係每人order一杯野飲..坐下就算..我叫左杯flat white..都沖左幾耐..係用心沖既..拍得住我係墨爾本cafe飲既水準..個拉花都好靚.呃like之選..朋友叫左杯冰蜜桃茶..普通囉..唔算好特別..周圍都飲到..所以呢間係hea下都ok..食野就真係諗下先..

今日同朋友睇完戲專登過黎食。 第一次星期日唔洗等位😁樓下位置唔算多位...同好似有二樓 不過未上過去。點餐要去櫃面同埋菜單都寫係黑板上面。聽聞饅魚炒飯係招牌菜份量睇落唔算大...但食落都幾飽饅魚都幾多 配埋類似燒汁既醬。 好有日本風味。大阪燒風豚肉滑蛋丼D豚肉大塊到以為打緊邊爐😂配大阪燒個醬 拌飯一流 好開胃Ice mix berry peach soda因為夜晚唔敢飲咖啡呢杯唔算好特別...不過冇藥水味Chamomile and sweet olive oolong tea去cafe 飲花茶都係一種好選擇清清甜甜...飲住傾計都幾舒服

經過太子，被餐廳嘅會面吸引住，一睇就覺得文青必去嘅地方。原來係白紙工作室嘅指定飯堂。入邊嘅裝修都好舒適，冇侍應serve 你，全自助化。自己攞餐具。自己添水。餐牌由於會經常轉換，所以只係手寫係黑板。佢哋嘅餐牌都有幾多健康嘅選擇，減緊肥嘅女士可以好似我咁試茄子秋葵肉藻飯$78一般茄子都會吸收左好多油，但係呢會飯食落口一啲都唔覺得肥膩。肉碎嘅醃得好入味，份量唔多。但好適合女士嘅份量，男士可能會覺得呢個飯唔夠飽。整體感覺食物同環境不錯， 好適合閒聊一個下午

難得一天weekday是公眾假期，感覺就是跟週末放假不一樣，零舍輕鬆，外出逛逛少不了。鬧市中想找個清靜的地方不容易，在太子附近，第一時間想到神經餵飼。在門口見到掛了 full house，雖然不感意外，但還是推門內進一碰運氣，店員說有最裡面有一張枱客人剛走，一般顧客都比較喜歡坐近門口的落地窗，其實裡面靜靜的也不錯。選了一個set，加10元轉cappuccino，另點了一份沙律。定食很精緻，細細份，野菌燒汁很香，可是牛柳韌了些，有點美中不足。南瓜蓉無花果巴馬火腿陳醋沙律南瓜蓉跟無花果都很清甜，巴馬火腿新鮮帶點鹹香，少肥肉，沙律菜亦新鮮，點些陳醋汁很開胃。Cappuccino 咖啡底香醇，奶泡打得綿密，一杯令人假日醒神的咖啡。假期在這裡喝杯咖啡，讓自己好好放鬆充電一下。

每月一聚小組四月份聚會去左某人提議的神經餵飼。佢話網上好多like.又可坐耐d傾下計套餐只有兩款定食選擇唔食豬軟骨的我只好揀魚..見佢$138有沙律主菜同飲品都ok.呢度要排隊點餐，比錢再搵位拎餐具下層無位了，店員叫我地坐樓上樓上要除鞋坐地下，枱係茶几..不過算啦，有位就好食物黎到，小到呢⋯⋯原來係所有野放一碟舊魚好腥..所以我唯有食粟米白飯，食魚就一路食一路飲杯無乜味道嘅蘋果茶大家都一致認為係中伏或者我地唔係偽文青，唔明白d裝飾，一條裝修木梯夠竟係裝修完未收番好定裝飾？我睇唔通，猜唔透！旁邊嘅食客不停影相，影裝飾嘅稻草，木頭，爬哂地咁我地完全一點興趣都無！然後店員上黎話快9點了，要關門，請我地離開。除左覺得自己黎食係神經，我諗唔到其他形容

再度前來，係因為真係覺得好食。今次食泡菜芝士火腿三文治同泡菜牛肉飯。起初諗泡菜三文治會好古怪，本住一試既心態去order，點知有意想不到既好味道！原來芝士火腿配泡菜係咁夾！泡菜牛肉飯內裏有青瓜，很均衡飲食。有時間，都可以再去。