神燈海鮮酒家 (18廣場)

营业中

休息中

做冬，你有無食盆菜?早前睇報紙，有食客幫襯元朗某名店的盆菜，打開包裝袋，冰封三尺，怕且解凍解到農曆新年先可以食到。要將冰山劈開才可品嚐的霜降盆菜，我就無乜興趣，神燈既呢個至尊海味釀鯪魚的盆菜，自設工場新鮮整，會岩我多啲。所以聖誕派對 (西式節日食中餐，從來是我的策略)，就來了一個六人份的，會送到你屋企。保暖袋送上，連個煲都靚過人，已經贏左一半。將鮑汁注入，加翻熱佢，好快可以食得，唔使等到2046。年年有餘釀鯪魚，豐滿好意頭，口感唔錯，原條鯪魚放上面的盆菜，我倒是第一次見，不要笑我孤漏寡聞。驟眼看，已見到唔少靚料，鮑魚、花膠、海參、日本元貝、鵝掌及海蝦等，一應俱全。當中的鮑魚夠腍身，鵝掌好隻軟腍又唔易散，元貝大大粒，份量足，真材實料，並不是勁多蘿蔔係底充生晒既貨色。再落去，就是我等食肉獸既世界，紅燒元蹄皮豐肉嫩，炆腩肉肥瘦有致，仲有鹵水鵝，同埋貴妃雞等，絕不欺場。墊底的，如枝竹、冬菇、蓮藕、雞髀菇等，全是索味的好東西。其中我最喜歡香炸芋頭，粉嫩可口，無得頂。份量好充足，六人食，足夠有餘。

寒風陣陣既冬天一家人去酒樓食晚飯，酒樓又熱鬧又暖笠笠，氣氛好和諧好啱家庭樂😉神燈海鮮酒家多款名菜好吸引，見枱枱都有叫糯米炒膏蟹🦀我地都叫番隻黎食😋食完晚飯仲有每人一碗滋潤雪耳糖水飲添，煲得好膠飲落好滋補🥰~糯米炒膏蟹🦀 $568/隻泰國生炒糯米飯有香噴噴既蟹膏同蟹汁同蟹肉既加持，更美味鮮味，而且口感十足，最喜歡既係有好多大大舊既蟹膏係飯度，真材實料，好好味😋大大隻蟹係飯上面，蟹肉好鮮甜又多肉🦀~薑蔥鮑魚煲(4隻)🍲 $380新鮮鮑魚大隻又炆得入味，咬落唔會韌，口感好好又彈牙，吸收左薑蔥既精華同鑊氣，質素正😋~蜜汁脆燒鱔🍯 $268白鱔外脆內滑，肉質鮮味彈牙，而外皮又脆又有蜜汁既甜甜地味道，好滋味🥰~黑松露脆米海皇炒飯🍛 $128炒飯炒得夠乾身粒粒分明，仲有滿滿帶子粒、蝦粒、鮮魷片，鮮味得黎又夠鑊氣🤤~香茜鮮沙薑豬手粒🥘 $68豬手粒爽口又厚肉，啖啖肉，肉味香濃😋~前菜🥗 $25/碟6位以下配一碟前菜，坐低點菜後就已經放一碟係枱度，可以食住前菜咬住等野食黎🤣前菜係脆脆芝麻果仁，甜甜既果仁炸得香脆，表面沾上甜甜蜜糖同芝麻，好香口😋~茗茶及滾水🫖 $15/位

第一次到神燈，應該是仍是在上海街的舊店吧，外貎彷如六、七十年代的酒家，雖陳設老舊；外貌不揚，但食物水準紮實，且價錢實惠，那些「懷舊經典菜式」更是讓人回味！食肆在佐敦重開後，當然是第一時間去試啦，食物水準保持高質，裝修陳設也高級了不少，更加入了許多新菜式，實行新舊共融。好嘢自然值得一吃再吃，適逢這個「阿拉斯加黃金蟹宴」正做推廣 (HKD3,388 - 4位用)，又有藉口大快朵頤一番了。以香炸白飯魚取替炸花生、鹹菜，吃得更精細、更滋味。侍應先將一隻生猛異常的阿拉斯加蟹呈上，看著它不停在碟上爬動，險些兒掉到地上，的確活力十足！陸續上場的有前菜神燈三弄，清脆爽口的手拍青瓜、皮厚肉嫩的香茜鮮沙薑豬手粒及 Q彈的鹵水掌翼。前菜過後是這窩熱辣辣的宮廷蟹爪濃雞湯，湯內除了有鮮雞，還有多隻阿拉斯加蟹腳，平均每人有三、四隻之多，蟹肉鮮嫩；湯底滋潤香濃，每人平均可分得兩大碗，飲完全身暖笠笠，難得的是這煲湯雞仍能保持肉質嫩滑，友人一試後便吃個不停，我也忍不住吃了一點，確是不錯。套餐可在活膏甲羅燒 或 蟹膏蛋白炒鮮奶中二選一，我們選了前者；蟹殼內置有蟹膏、蟹肉、三文魚子及鵪鶉蛋，燒完後所有食材融和一體，非常澎湃

📍神燈海鮮酒家Travelled all the way to the dark side to give Lantern Seafood Restaurant but unfortunately it was quite a disappointment. Was attracted by the 糯米炒膏蟹. But the sticky rice was too wet. There is a good amount of 膏 from the crab but it doesn’t have much flavor. The dish is summed up by the hea attitude of the staff in trying to stir it but not really doing it 😅The suckling pig, the razor clam, the 豬腳仔 and 炸蟹鉗 were all ok but nothing outstanding. The fried duck blood was interesting in terms

同事約食飯，間野叫神燈，原本以為一定畀人燈，上到去個感覺同平時餐廳一樣，可能早咗所以冇乜人，點知越坐越多人，最尾爆場。野食來左之後就知道爆場係有原因！！ 深刻印象乳豬全體，就並唔係一般嘅乳豬，食落去有一陣bbq的味道，同時伴有少許煙燻深刻印象乳豬全體，就並唔係一般嘅乳豬，食落去有一陣bbq的味道，同時伴有少許煙燻嘅感覺。再加埋佢有個細心嘅設計，乳豬嘅肥豬肉起咗出嚟，你每一啖食落口，只有脆皮同埋幼嫩嘅瘦肉。去飲食乳豬兩件已經會令人食滯，呢度啲乳豬食咗六件都冇呢個感覺。另外，有一味海鮮煲仔飯，海鮮嘅鮮美落曬啲飯度，一個字正！價錢如果計人頭，都正常合理，我哋12個人食，總共埋單三千零蚊。

一直都想食神燈，因為係兒時回憶。所以一早預訂做冬食一餐。今日訂6點，寫明8點交枱。6點15分落單，等到6點9上一隻乳鴿，原本落單4隻，見上1隻唔對路，睇返單，原來落漏左。唔緊要，再落返另外3隻。今日8人叫個6人餐，另外再落多2個餸。一心都係想開開心心食返餐做節，過時過節多人預左上菜慢，唔緊要。點知上左3個餸，就有阿姐黎問上齊未，我問返佢你話呢，張單就係枱面，仲有7個餸未上，一路上一個就問一次。到7點半上最後1個另加餸，呢頭擺落枱，果頭阿姐即時話要上埋個甜品。真係O左咀，最後一個餸啱啱上枱，要即時上埋個甜品 我話點食得切，阿姐答我總知我要上埋。呢個時候聽到都已經火，跟手收銀就遞張單過黎叫埋單，真係眼都突。好，我地check單，個餐包6罐汽水，我地叫左6罐汽水，發現有1罐計左散叫，叫收銀改，收銀態度惡劣咁衝走改單，改好返黎企定定係度要人即時比錢，全枱人都火火地，成枱仲未食完，仲要逼人即時埋單，問題係仲有半個鐘先夠鐘還枱。最經典係，我地已經極速食晒啲野，我地想叫阿姐清枱上埋個蛋糕慶祝生日，有個阿姐話趕住擺枱 叫我地自己黎 （重要既事要講2次！）阿姐叫左2次我地自己黎😲😲😲真係反晒白眼，叫我自

自從在佐敦重新開業之後，「神燈」一直是我其中一間相當喜歡的中菜館，喜歡它的懷舊菜式，喜歡它真材實料的燉湯，也喜歡它的乳豬。最近它推出了四位享用的「阿拉斯加黃金全蟹宴」（$3388），當中絕大部分菜式，都是以巨型的阿拉斯加蟹做食材，盡用整隻巨型阿拉斯加蟹的各個部分，蟹身、蟹爪、蟹腳、蟹膏、蟹黃全部以不同烹調方法入饌。這一晚，我就和數位朋友一起在這中菜館享用了一頓超豐富，又美味的亞拉斯加蟹之盛宴。坐下不久，下過單後，我與友人正在一邊品嚐著惹味的餐前小吃「炸白飯魚」，一邊談天說地的時候，一位女侍應便捧著一個上有一隻藍色大碟的膠籃來到我們桌前，大碟之上正正就是這晚餐的當然主角----一隻非常大隻，十分生猛，不斷郁動，好幾次幾乎爬出碟子之外，跌在地上的亞拉斯加巨蟹。幸好那位女侍應眼明手快，總是快快撈到巨蟹的腳爪，牠才不致跌出碟外。匆匆為這巨蟹拍過照片，等那位侍應把巨蟹拿回廚房，我們便繼續邊吃邊談，等待巨蟹化身為令人期待的美食。最先上桌的前菜 「神燈三弄」包括「鹵水掌翼」、「手拍青瓜」和「香茜鮮沙薑豬手粒」三道小吃。三者中，「手拍青瓜」酸辣度拿捏得宜，爽口又對味；別有風味的「香茜鮮沙薑豬手粒」也不

就黎冬至都想同長輩食餐飯🥰團聚一下👨‍👩‍👧‍👦今次去左佐敦覓食😎佐敦神燈海鮮酒家✨呢度有經典及新派招牌粵菜✨任君選擇😆糯米炒膏蟹🦀一上枱香氣撲鼻而來🤩聞到已流晒口水🤤用左泰國糯米製作嘅生炒糯米飯😎👍將蟹汁嘅精華滲透飯粒中😋👍每啖充滿了蟹黃蟹膏同蟹肉嘅鮮甜味🥰超正整體香而不膩 蟹膏豐富 仲食到飯焦😍👍蜜汁脆燒鱔🔥燒過嘅白鱔油脂會更加豐富🥰口感彈牙😋外表皮脆 入口肉嫩 蜜汁嘅香甜惹人垂涎🤤薑蔥鮑魚煲✨有大大隻新鮮鮑魚🤩口感爽口彈牙🤤👍味道香醇濃厚✨薑蔥炒更惹味 夠鑊氣😋啫啫芥蘭煲🥬一上枱香氣四溢✨夠晒鑊氣😎超正😋👍魚香茄子煲🍆味道鹹香惹味😋 非常入味🥰佐飯一流🤤糖水💕清甜嘅桂花糕🌼滋潤養顏嘅紅棗雪耳糖水足料✨食完晚飯🤤食埋糖水更圓滿🥰

之前聽人講E間神燈海鮮酒家好好食, 於是今晚就約埋朋友一齊試下, 餐廳環境幾大, 裝潢好有中式別苑嘅感覺, 未夠1900已經坐滿哂人! 餐廳提供多款特別菜式, 款款都非常吸引好想試! 🌟琥珀合桃前菜竟然係小妹好中意食嘅琥珀合桃, 已經令小妹對後面嘅主菜相當有期待, 合桃香脆可口又唔會太甜好好味!🌟柚醋舟山海蜇頭海蜇頭厚薄適中, 前半般口感好爽脆, 後面有少少軟身, 配搭柚醋清新開胃!🌟金錢雞金錢雞係款好傳統嘅粵菜燒味嚟, 做法複雜所以好少地方會做, 大多用肥瘦豬肉同雞肝醃漬一晚串埋一齊用叉燒汁慢火燒制, 外脆內軟, 甘香入味🌟蜜汁脆燒鱔燒鱔未食已經聞到好香, 外層包住蜜糖, 食落外脆內嫩一d都唔膩!🌟薑蔥鮑魚煲打開蓋已經聞到好香嘅薑蔥味, 鮑魚好厚肉, 爽彈有嚼勁, 十分惹味🌟糯米炒膏蟹糯米炒膏蟹非常足量, 膏蟹大大隻極多膏, 糯米飯約有六碗, 口感煙煙韌韌🌟雪耳紅棗燉桃膠食飽飲醉估唔到仲有糖水送, 重要係小妹至愛嘅雪耳紅棗燉桃膠, 糖水清甜滋潤, 足料膠質重又唔太甜, 作為飯後甜品極滿足

神燈海鮮酒家 (佐敦)臨近冬至聖誕節新年，我推薦呢間海鮮酒家，大部份啲嘢都好好食，比一般酒樓貴少少，冇諗過原來都幾多人食！真係要試🤟🏻多啲人可以試多幾樣菜式叫左，以下我鍾意嘅比例😹糯米炒膏蟹👍🏼👍🏼👍🏼（選用泰國生炒糯米飯，蟹汁滲透飯粒，每啖糯米吸左蟹黃蟹膏以及蟹肉的鮮香，好足料）蜜汁脆燒鱔 👍🏼👍🏼👍🏼👍🏼👍🏼（燒出白鱔既油脂，又有彈牙肉感，每一啖都帶皮脆肉嫩，又甜甜地）薑蔥鮑魚煲👍🏼👍🏼法式蜂蜜芥末蝦球👍🏼👍🏼👍🏼👍🏼👍🏼梅菜蒸菜心👍🏼👍🏼👍🏼👍🏼瑤柱金菇伊麵👍🏼👍🏼👍🏼即燒乳豬👍🏼👍🏼

係咪好多人嘅爸爸媽媽，同我爸媽一樣，對中菜都有一份熱愛呢！久唔久就要食中菜調劑下，嚟到呢間餐廳，見到好多人都有order 海鮮，好吸引😍✨鮑汁花菇玉掌煲～大大隻鵝掌，色澤亮啡，掌身軟滑，夠入味，連濃香嘅汁液一齊食，好Juicy。✨糯米炒膏蟹～上到枱 砂鍋仲好熱，一打開就非常香噴噴，膏蟹勁大隻，蟹鉗敲碎咗先放入去煮，好容易食，啖啖肉，蟹汁滲透落底下嘅糯米飯，好入味！✨薑蔥鮑魚煲～初初以為一煲得四隻，應該份量都唔多，一打開好驚喜，每隻都大大隻，入口爽滑，薑蔥炒，鮑魚吸晒d汁，夠晒鑊氣！✨蜜汁脆燒鱔～就算不愛吃魚，都會鍾意食呢一味😍大白鱔色澤金黃，外面燒到脆卜卜，肉質爽口彈牙，而且已經去晒骨，容易食，配上蜜糖，甜蜜又鮮味。到最尾我哋賣單嘅時候，店員仲送上甜品添，好細心！

寫了第一篇食評後，發現原來寫食評並不是想像中的困難；只要將直接的感受講出來便可以，原來分享可以好簡單！今次想分享一下位於佐敦長樂街的神燈海鮮酒家。食肆的裝修麻麻哋，沒有窗，加上燈光不夠光猛，感覺有點侷促。但食物質素真是喜出望外，我哋六個大人兩個小朋友，合共叫了九個餸，除了一兩個餸麻麻哋之外，大部分都不錯，尤其是濃湯雞煲翅，一份$688，足8兩翅，6大碗，個個食到讚不絕口，非常值得推薦！$228只得幾舊雖然有點貴，但真心好食；肉脂比例剛好，嫩滑多汁，質素高的叉燒才可如此厚切。加咗鹹蛋黃，非常開胃。比較油膩，很一般。帶子夠大粒，份量也不少。開胃惹味，送飯一流；基本上是每台必叫的招牌餸。

有胃民話大胃好少食中菜，懷疑係咪ABC，今餐就話畀大家知，大胃都會食中菜嘅，亦冇浸過鹹水，但呢度嘅海鮮絕對係浸過鹹水海嘅首先嚟碟大胃最愛嘅鰻魚⋯吖！唔係，係鱔，燒到比鰻魚更脆，淋埋蜜汁同檸檬汁真係極致鴨血有新食法，將佢炸到好似豆腐粒咁，外脆內嫩，點吓調味料，大胃之母都食到唔停口豆腐盒非常之充實，有重量有希望，topping有蟹肉、蟹籽同蛋花，中間嗰層係菠菜，食落真係超有層次極推薦呢盆焗魚腸畀怕腥嘅人，完全冇腥味蛋又夠嫩，好有內涵，仲有啲叉燒伴味糯米炒蟹真係不得之了，一打開蓋，鑊氣衝天糯米滿有蟹香同膏肉，蟹又夠晒大隻，犀利呀難以想像鮑魚都可以咁鮮咁有彈性，證明佢地夠晒新鮮，用薑蔥爆一爆佢，為味蕾帶嚟新衝擊呢度嘅茶水都幾好，仲有玄米茶揀𠻹！茶芥係炸白飯魚，大胃之母轉眼之間就清晒，差啲冇留畀大胃嚟返支Asahi，中菜送酒先夠氣氛㗎嘛到最後，竟然有糖水同桂花糕送而且唔會太甜，但又香口，真係好有驚喜

想食一餐豐富嘅晚餐🥣，又有海鮮又有質素，搵到呢一間喺佐敦嘅中菜。甚少喺呢一頭搵食，不過今次真心覺得食到好嘢，每款菜式都好掂，食材新鮮唔只係用調味料搭夠，仲係精心處理，食到嘅係味道同埋誠意😌———————————————————————————🥢糯米炒膏蟹🦀💬糯米有焦香味，滲透蟹汁嘅鮮，火喉夠，膏蟹超級巨大，好多膏，可以要嚟送飯，唔係講笑☺️.🥢薑蔥鮑魚煲🍲💬砂煲嘅熱力，令到鮑魚有足夠嘅溫度，在煲內連埋薑蔥略炒，已𠝹花嘅鮑魚彈牙爽口，味道很不錯😌.🥢鮮沙薑豬手粒🐽💬朋友話食過，係隱世名物，無錯，絕對係走漏眼系列👍🏻。帶有酒香、輕輕嘅水口辣汁唔搶鏡，沙薑汁又夠出色，入味之餘又唔會骨肉分離，爽彈唔肥膩，絕對係無得輸☺️.🥢蜜汁脆燒鱔🐠💬加入蜜糖🍯同檸檬汁🍋，令鱔更加提升，外脆皮內肉嫩，啖啖肉口感豐富☺️.🥢招牌焗魚腸🐠💬唔係人人喜歡嘅家鄉懷舊菜，鍾情嘅絕對愛不釋手，魚腸加入蛋同叉燒，焗到唔乾身，反而仲有啲濕濕地嘅感覺，更覺精彩👍🏻

爸爸就黎生日 搵到依間食海鮮小炒都幾多款又多食評 所以就book定檯同一家人黎試下餐廳有好長一條樓梯 老人家行上去會比較吃力上到去坐喺近出菜嘅位置 全晚都好多侍應出出入入 出菜+一車車要洗嘅碟經過 每次都撞到坐轉角位呀哥 （膊頭/椅腳）而且佢地出去有一度門 度門一閂 啲風就不停吹埋黎 都唔太舒服張檯個位有啲迫 張檯好細 啲餸上得好快 上齊菜都擺唔哂🍴即燒乳豬 皮夠脆 但啲肉就太鹹 同埋上檯凍左 暖都唔算 唔可以叫即燒🍴京燒蔥爆遼參 唔夠鑊氣 普普通通🍴蜜汁脆鱔 鱔肉太鹹 加左檸檬汁好啲 上檯後唔夠熱🍴蜜糖芥末蝦球 皮淋哂 個醬太甜只有蜜糖味 🍴蟹肉菠菜豆腐盒 全碟無蟹肉 菠菜係無味 豆腐盒只係炸左嘅玉子豆腐 上檯只係微暖🍴瑤柱金菇伊麵 全晚最熱嘅食物 算係正常味 但無成碟瑤柱嘅職員會好勤力收吉碟 但問佢地拎牙籤就唔記得拎 埋單都好慢 味道無驚喜 不過不失 依個價位唔值