影片
更多
2021-12-19
246 浏览
一直都想食神燈，因為係兒時回憶。所以一早預訂做冬食一餐。今日訂6點，寫明8點交枱。6點15分落單，等到6點9上一隻乳鴿，原本落單4隻，見上1隻唔對路，睇返單，原來落漏左。唔緊要，再落返另外3隻。今日8人叫個6人餐，另外再落多2個餸。一心都係想開開心心食返餐做節，過時過節多人預左上菜慢，唔緊要。點知上左3個餸，就有阿姐黎問上齊未，我問返佢你話呢，張單就係枱面，仲有7個餸未上，一路上一個就問一次。到7點半上最後1個另加餸，呢頭擺落枱，果頭阿姐即時話要上埋個甜品。真係O左咀，最後一個餸啱啱上枱，要即時上埋個甜品 我話點食得切，阿姐答我總知我要上埋。呢個時候聽到都已經火，跟手收銀就遞張單過黎叫埋單，真係眼都突。好，我地check單，個餐包6罐汽水，我地叫左6罐汽水，發現有1罐計左散叫，叫收銀改，收銀態度惡劣咁衝走改單，改好返黎企定定係度要人即時比錢，全枱人都火火地，成枱仲未食完，仲要逼人即時埋單，問題係仲有半個鐘先夠鐘還枱。最經典係，我地已經極速食晒啲野，我地想叫阿姐清枱上埋個蛋糕慶祝生日，有個阿姐話趕住擺枱 叫我地自己黎 （重要既事要講2次！）阿姐叫左2次我地自己黎😲😲😲真係反晒白眼，叫我自
所以一早預訂做冬食一餐。
今日訂6點，寫明8點交枱。
6點15分落單，等到6點9上一隻乳鴿，原本落單4隻，見上1隻唔對路，睇返單，原來落漏左。唔緊要，再落返另外3隻。
今日8人叫個6人餐，另外再落多2個餸。一心都係想開開心心食返餐做節，過時過節多人預左上菜慢，唔緊要。點知上左3個餸，就有阿姐黎問上齊未，我問返佢你話呢，張單就係枱面，仲有7個餸未上，一路上一個就問一次。到7點半上最後1個另加餸，呢頭擺落枱，果頭阿姐即時話要上埋個甜品。真係O左咀，最後一個餸啱啱上枱，要即時上埋個甜品 我話點食得切，阿姐答我總知我要上埋。呢個時候聽到都已經火，跟手收銀就遞張單過黎叫埋單，真係眼都突。好，我地check單，個餐包6罐汽水，我地叫左6罐汽水，發現有1罐計左散叫，叫收銀改，收銀態度惡劣咁衝走改單，改好返黎企定定係度要人即時比錢，全枱人都火火地，成枱仲未食完，仲要逼人即時埋單，問題係仲有半個鐘先夠鐘還枱。
最經典係，我地已經極速食晒啲野，我地想叫阿姐清枱上埋個蛋糕慶祝生日，有個阿姐話趕住擺枱 叫我地自己黎 （重要既事要講2次！）阿姐叫左2次我地自己黎😲😲😲真係反晒白眼，叫我自己清枱。我宜家食自助餐？你唔清，成枱野，我自己黎清埋張枱切旦糕，咁我會快啲交枱？
到發火個阿姐好唔願意叫個人黎清左張枱。
完全明白過時過節忙同想快啲清枱比下一輪，但唔係咁既態度做生意囉。第一次黎有咁既服務 真係令人大開眼界，無回頭意欲。
野食係唔差，但食到咁急趕，仲要受氣😤😡😠
张贴
