神樂 (已結業)

/神樂🇭🇰/➖➖➖<性價比高嘅午市套餐🍣> ➖➖➖最近唔係想食burger 就係壽司🍣🤣今次去到尖沙咀近金馬倫道嗰邊有間日式小店 見佢地lunch都好似算抵食$138就有8件壽司～亦有包埋餐湯同沙律🥗見有個lunch set 有晒日式蒸蛋、刺身、壽司手卷都係$350 如果唔食生冷野一樣有熟食！➖➖➖1️⃣自選壽司 $138 (𝟟.𝟝/𝟙𝟘) 今次揀左真鯛、深海池魚、油甘魚、三文魚、赤身、鰻魚、松葉蟹肉軍艦、蔥呑拿魚腩軍艦師傅會逐件逐件上 即叫即手握😆 本身飯都加左豉油 可以唔洗再加比較鍾意真鯛、深海池魚同鰻魚真鯛魚鱗呈淡紅色同銀白色 魚肉飽滿結實肉厚深海池魚油脂豐滿、厚切 頗有層次感 鰻魚肉比較瘦 但兩件叠埋一齊 口感不錯另外三文魚、赤身、呑拿魚都較常食 不過不失➖➖➖2️⃣美國牛扒照燒定食 $188 (𝟟.𝟚𝟝/𝟙𝟘) 牛扒肉味都算幾濃～厚薄適中 加左照燒汁更入味 略嫌有少少鞋！飯就比較單調 如果有飯素之類會無咁寡😛➖➖➖3️⃣追加小食:紫薯可樂餅 $28 (𝟠/𝟙𝟘) 外皮鬆化、香脆可口內裏有紫薯蓉+ 番薯🍠 口感綿密 不錯➖➖➖📍神樂

呢間餐廳嘅時令食材由北海道、豐州、九州等日本市場直送🇯🇵配角亦絕不馬虎，壽司飯採用北海道産七星米💮配上獨家調製壽司醋同豉油㊙️亦有世界級清酒供應🍶今次係晚市時段揀咗$880嘅’神樂’ Omakase，包括有前菜、刺身、和食料理、壽司等16道料理💗兵庫縣生蠔蠔身雪白飽滿，質地嫩滑，帶海水鹹味，略為偏腥🦪💗煙燻醬油漬寒鰤魚鰤魚肉質軟熟，配上醬油味同煙燻香，濃味鹹香之選🪵💗象拔蚌刺身象拔蚌口感爽脆，以偏酸嘅柚子醋同青檸調味，非常開胃🍋💗深海池魚深海池魚肉質細緻爽口，魚味特別濃郁🌊💗汁煮八爪魚八爪魚肉質帶嚼勁且不韌，連大根都吸收哂甜醬油汁🐙💗旨煮鮟鱇魚肝魚肝經法國紅酒慢煮，質感綿密接近入口即融，味道甘甜🍷💗沙甸魚紫菜卷魚肉捲住漬蘿蔔同蔥，咬落爽脆清新🐠💗拖羅拖羅油脂分佈平均，肉質軟滑筋少，加入紫蘇葉中和油膩感，再用香脆紫菜包住🌿💗燒大蝦大蝦肉質彈牙，配上用牛油炒過嘅枝豆、洋蔥、冬菇粒同紅蘿蔔粒，燒得非常惹味🍤💗金目鯛壽司金目鯛肉質爽滑，配上清甜嘅柚子啫喱，味道更清爽🍊💗剝皮魚配魚肝壽司剝皮魚肉質特別Q彈，配上甘香嘅生魚肝，完全唔會腥🐟💗活赤貝壽司赤貝爽口鮮甜🐚💗白蝦伴海膽壽司來自日本富山縣白蝦，

Fresh & high quality omakase sushi, just price of chain store sushi! Highly recommend!!!!There are choices of sushi that you can pick from the lunch sushi list. 6 pieces, 8 pieces or 10 pieces. Size is reasonable and it is freshly made in just the omakase way. Very good choice for an everyday lunch selection with its price and quality. p.s. the staff are polite and the place is very clean as well!

咁啱行過呢頭去左試新開神樂嘅Lunch Omakase由尖沙咀站B出口行去都係大約5分鐘包前菜、蒸蛋、湯、5款刺生、8款壽司同一手卷環境新開幾舒服，座位夠闊，食材新鮮，樓面唔大都有最少三位侍應，態度好，收嘢斟茶快手，有主動問我洗唔洗籃去放野，服務唔錯師傅都幾friendly，同佢吹左下水咁Overall性價比好高，埋單只係$350加一而且我唔細食都夠飽好似仲有壽司Omakase，唔洗$300有機會會試埋晚餐👍🏻

尖沙咀新開左間日本野好抵食😛 本身定價已經唔貴 仲要堂食有85折 外賣75折‼️禮拜日晏晝去到氣氛幾好 師傅同客人有講有笑😛 睇到隔離嘅omakase二百幾蚊 竟然有拖羅海膽 真係超級吸引👅今日食咗定食 下次一定要食omakase😆❣️海膽碎粒海鮮丼定食 $138 (八五折後$120)海膽都俾咗唔少 完全唔腥幾 creamy💕其他海鮮種類有好多 三文魚 三文魚籽 金目鯛 真鯛 油甘魚 甜蝦 魷魚 🦐🐟🦑 新鮮又賣相靚👍🏻飯用咗赤醋 咁多款魚真係勁抵食(•̀ᴗ•́)و❣️黑豚生薑燒定食 $138 (八五折後$120)定食有沙律 前菜 味增湯(⁎⁍̴̛ᴗ⁍̴̛⁎)有少少薑絲 唔會太搶 菇同洋蔥入晒味😻醬汁超級送飯🍚 好易食晒碗飯🤣服務好 環境又新淨 仲要咁抵食 推薦‼️(ง'̀-'́)ง

好耐冇食日本野啦,同事都好鍾意食日本野,特別係壽司🤪, 今日捉埋佢試新野。餐廳入面得10多個位,都爆爆地, 好彩早左一步😜我今次揀咗$350 個個Omakase set, 包蒸蛋、有5款刺身、8款壽司、1份手卷、沙律同面豉湯!我同事叫左10件壽司set, 一樣包沙律同湯😬😬先食蒸蛋同飲湯暖胃熱身, 沙律都ok, 芝麻醬係最夾, 之後, 主角來了! 師傅一件一件壽司咁上, 食左好多款, 仲有我最中意的生蠔同海膽!!!😍😍整體覺得超高質, 魚都好鮮甜! 🤤尖沙咀地鋪又坐得舒服, 環境加埋食物質素, 對比起其他Omakase超級抵食而家水準一流👍🏼扺👍🏼 食到勁飽😂😂

間店個招牌連紅色紙都未搣，應該好新，所以堂食有折就試左，間鋪因為omakase架局所以唔算多位，我星期日12:30啱啱好坐到最後兩個位兩個人叫咗一個10件自選壽司set（$168）同豚肉生薑燒定食($138) share, 司傅都係會睇下我地食完兩件先再即刻整放係你前面, 所以每件都好新鮮，而且唔會怕唻左d自己唔中意食既魚生真鯛，火炙三文魚同辣味三文魚軍艦都好推介定食份量都好夠，每個餐都跟湯同沙律見大部份人都係食omakese，下次再試

今日和朋友去咗一間係尖沙咀新開嘅日本餐廳有OMAKASE和定食等，食材非常新鮮，壽司師傅會喺你前面即整，會一件一件咁上碟，可以慢慢品嚐🥰🥰🥰🧡自選壽司🍣定食10件 $168午市定食會配有沙律和麵豉湯。就算係定食，師傅都會即整慢慢上碟，每次上2件。我就可以同朋友一人一件慢慢食👍🏻👍🏻👍🏻壽司特別之處係壽司飯已有豉油，裏面有少少芥末，我不用點任何醬汁，已經可以即時入口，更食到魚生🐟的鮮味🤩🤩🤩🧡真鯛（肉質緊實，油脂分配平均，超鮮甜）🧡油甘魚🧡鰻魚（有兩片燒得香脆嘅鰻魚，不用加醬汁也好好味）🧡火炙三文魚🧡帶子（加咗少少柚子碎，入口有種清新嘅味道）🧡明太子帆立貝沙碎軍艦🧡辣三文魚軍艦（有七味粉的味道，食到最尾有一點點辣）🧡蟹肉蟹膏軍艦（濃郁又鮮甜嘅蟹膏）🧡沖吞拿魚腩軍艦🧡黑豚生薑燒定食 $138黑豚煮得非常入味，不會乾或硬，有洋蔥和菇做配菜，十分夾😋😋😋🎏重點係堂食都有8️⃣5️⃣折，大家要快啲bookmark。

呢間新開嘅日本餐廳主打親民價的omakase‼️‼️lunch set嘅omakase都係$350🙈午市定食包沙律同埋麵豉湯🥗個沙律好好味，啲菜好新鮮同埋芝麻醬都好好味😚店員嘅服務態度都好好🤩-🐂美國牛扒照燒定食🍱-牛味幾重，都幾嫩🐂但中間位置可能燒得耐咗，所以食落鞋少少🙈燒汁好惹味，超鍾意吸晒啲汁嘅洋蔥同金菇，面頭仲有少少炸蒜頭🧄飯好香、熱辣辣，如果有多啲汁撈飯就正🤪-評分： 7.3/10 價錢：$188-🍣自選壽司定食 (8件) 🐟-可以自選壽司，每款最多兩件‼️師傅會預先幫你整好壽司醋、豉油同Wasabi🙈魚生好新鮮，尤其係三文魚同吞拿魚背，極鮮甜🍣鰻魚都整得好出色，食落暖笠笠，好入味🤩壽司蛋就可以甜少少🤏🏻🙈軍艦比較細件，松葉蟹肉軍艦較乾身，但蔥吞拿魚腩就幾香幾好味🐟-評分： 8/10 價錢：$138-📍 神樂 尖沙咀📍

尖沙咀新開左間有得坐的壽司店,午市叫左個SET燒日本白鰻飯,包沙律同味噌湯,都幾大碗同熱辣辣 燒白鰻好正 通常燒完會縮水,但都好大塊 ,啖啖肉 ,可惜有少少乾身,尼度仲可以追加食物, 壽司刺身小食咩都有 ,豐儉由人,不過 就係想食赤貝🤣散叫menu搵到 落單紙都冇得寫 ,另外叫職員點,最後散叫左一份, 食落爽爽甜甜 我當甜品咁食😅滿足$168 +$45 要加一 而家有折, 全單二百蚊有找 ,可以一試👍🏻後記：雖然我坐角落, 但姐姐照顧有加, 斟茶勁快手 讚👍🏻

今日同女朋友試食左尼間, 午餐都有幾款最後我叫左OMAKASE, 女朋友要燒白鰻定食我就一件一件慢慢食, 反而燒白鰻等既時間耐D, ORDER前, 已經講左我唔中意食草青味, 如紫蘇葉尼D所以師傅都以紅魚, 炙燒, 生蠔為主所有壽司都已經調好曬味 魚生大大塊又鮮甜由於白鰻要D時間, 最後有件壽司比女朋友食左, 哈哈白鰻雖然要等, 但上的時候熱烘烘如果多D汁, 會好D整體來講, 壽司比較出色, 下次都叫兩份OMAKASE, 唔會比人搶

新一年試新嘢黎個新開始Omakase $350 有五件刺身+8件壽司 未加一食材除咗新鮮 仲好有心思五件刺身 一啲都唔求其 有白魚、八八魚仲有鮟鱇魚肝唔腥唔膩好食重點：每款醬汁同食法都唔同，有啲會用紫菜夾紫蘇葉食，味道同口感都一流壽司款式豐富同用料新鮮、特別！ 有鵝肝帶子，拖羅肥美！最特別係有一件柚子啫喱配魚(應該係鯛魚)配搭新穎又好食，柚子啫喱嘅甜同口感令魚鮮味更出，同魚肉入口即溶口感相比，很有趣另外 海膽係日本嘅味道，一啲都唔腥！ 仲有前菜沙律同埋湯本來只求食材新鮮 過下思鄉口癮點知充滿驚喜 好欣賞師傅嘅配搭同創新成個進食過程師傅都會同客人有交流又會問下你有無咩唔食或者好想食反而仲比日本師傅多一份親切感呢個價錢有如此食材和享受 呢間掂呀 低調得黎真心好食

無晚市真係慘過食💩完全冇諗過我尼D 日日OT既返工人士😑😑😑其實上星期同同事食過一次午餐叫左份北海魚生飯 覺得好好味 見佢仲做緊折 就決定買份返屋企做晚餐🥺尼間餐廳係尖沙咀同紅磡中間向住紅磡方向行 就搵到佢價位由百幾蚊到幾百蚊 由君選擇最後對自己好D, 買左成份OMAKASE😌即叫即做, 等左5-10分鐘到壽司外賣係好ok的  因為完全唔怕凍左🤣🤣真係好好味同好滿足🥢賴尿蝦係甜, 魷魚勁爽口, 魚生都唔係薄切外賣都絕無欺場🥰😍上次冇影相, 今次補影張🤣

前幾日行尖沙咀見到依間新開既日本餐，新張期內全單仲要有75折就入去試吓，先講下壽司飯，醋同飯既比例剛剛好，米同水份煮好好，唔會太濕易夾起唔會散，咬落亦唔會太實！關鍵在於師傅既手藝魚方面都非常新鮮嫩口，每件壽司唔需要自己點豉油wasabi，因為師傅整既時間已經加左，味道岩岩好，如果自己想令外加亦可，但本人覺得師父整既味道已經好好所以冇再令外加今次我簡左自選壽司，非常高汁下次一定會再黎試埋佢既omakase

見佢係新開嘅日本店門面仲要寫住午市全單七五折梗係嗱嗱臨入去試吓啦 結果入到去真係冇令到我失望 啲嘢好好食 （右口邊 魚肝 鮑魚 帶子 鵝肝 吞拿魚 拖羅 手卷）全部都好高質！食到飽一飽 ，賣單見到個價錢絕對唔貴希望識食嘅你哋 有機會可以試吓呢一間🥳當然仲有其他刺身同埋壽司（希望你哋幫我試埋！）真心推介帶埋啲屋企人或者朋友去食有晚市外賣自取 大家唔使擔心環境方面入面都好整齊好靚 見到幾個師傅料理 ，睇住佢哋整壽司都係一種享受。