神樂 (已結業)

講真金馬倫道真係好多日本餐廳, 尼間新開有折, 仲有得坐, 老啦, 見到就直入😂😂餐廳主打omakase, 除左套餐,刺身壽司可以單點。仲有啲炸物,魚生飯,熟食...研究左一陣,當然試試壽司😍叫左set omakase 值得一提, 壽司師傅超有禮貌同幾型仔😛戴住口罩都feel到🙈會逐件壽司介紹翻俾你聽,可惜我都係記唔住嫁啦🤣正係記得好好食同埋好高質🥰魚生超鮮甜,絕對唔係飯+魚生片咁簡單每件壽司都有特別醬汁或者係mix and match 好似甜蝦+海膽+特製醬油最後仲問我有冇咩意見🙈我比左個👍🏻🤣🤣🤣🤣提提大家我走個陣, 已經要排隊啦😮要食果然要早啲去！Bookmark係我會再幫襯的餐廳👍🏻

琴日行過派傳單，新店開張有75折，今日去試下，單價唔平,午市定食由138至350🤔，仲要加一，但竟然勁多人，疫市新店，逆市價錢，逆市人流，香港人真係好捨得食😋。全餐廳都係bar 位，位唔多，十幾個，坐滿晒，我要咗個燒牛HKD188，同事點咗十件自選壽司HKD138再追加迷你丼飯60.先嚟嘅係沙律，之後係湯，正常基本餐廳質素，湯好夠熱。魚生當然快啲🍣，同事話整體質素唔錯，池魚特別新鮮🤗，佢好欣賞。我個牛等咗好耐，除咗堂食多人，外賣都好多，所以廚房做唔切，壽司師傅見我等咗咁耐請咗我食兩件帆立貝，都幾新鮮😍。牛嚟到，跟飯，除咗牛仲有露筍, 菜同少少菇，露筍幾嫩，牛有少少overcooked, 個汁都幾好味。新店關係埋單只收現金同pay me , 都幾唔方便。

6點後冇堂食 而家要4點幾就去搵野食😂行過尖沙咀發現多左間日本餐廳細細地但裝修幾靚 就入去試下天寒地凍 叫左個燒日本白鰻定食試試$168 成Set有湯有沙律 一上枱 已經有驚喜😳打開個蓋 熱辣辣 大大份白鰻同飯量都滿足 食得出係用日本米🇯🇵日本米先粒粒分明又飽滿 對得住個價錢我見隔離枱食壽司 壽司師傅係你面前做 都幾特別 邊食邊睇show咁問反職員 原來開左幾日咋疫市開店 唔容易 仲要冇堂食登特來比個正評支持 加油👍🏻依家做緊外賣7折 都幾抵遲d開返堂食晚市 一定會再來試下佢既壽司🍣

今日中午去尖沙咀搵好野食，路過呢間寫住新開仲有折既日式餐廳，午餐好多款式揀！而且我完全比佢既壽司吧吸引住😍！就咁試下佢😋我覺得最易試出一間壽司店好唔好就係叫佢既Omakase。呢度午餐既Omakase 絕對收貨！加埋折扣就完全超值！🤩今餐另外驚喜既食材係海膽同即燒白鰻！好耐都無試過呢個價位食到咁鮮味既海膽喇！又甜又香！而燒白鰻有D令我諗起名古屋間鰻魚名店絕對會返食!亦都多謝店員座位上既特別安排