神戶屋日韓放題

营业中

休息中

窮遊香港-旺角放題點評.講開放題 實唔可以同高級日本餐廳比咖啦日式放題 最緊要多款抵食 咁呢間又做唔做到呢？又有咩做得比人好呢？.呢間最平$179 like fb/ig再平$10（價錢睇圖）今日平日1930黎到 呢到已經爆場‼️可見人氣幾高呢到仲有一大賣點👍🏻就係全場卡位設計👍🏻枱同坐既位都比較大同舒服既但走廊岩岩夠一個人行.⭐️必講 刺身👍🏻最特別既係有松葉蟹鉗刺身👍🏻幫你開埋殻 一口一隻 爽 絕對可回本（但開左殻鮮度有所流失 當然唔可以同即開蟹腳比）👍🏻三文魚刺身夠厚切👍🏻帶子 夠大夠甜👍🏻八爪魚 外層係爽口既👍🏻蝦類刺身都唔錯 真心高質夠甜有d蝦頭仲帶有蝦膏（睇個人喜好啦）（但綠綠地賣相就差左d...冇位放圖啦想睇可問我）.同埋第一轉叫15舊三文魚 其他1-2舊最後全部5舊（就係封面圖）（可能因為外觀賣相問題 可以理解）👍🏻之後第2-3轉叫小小都有黎足既 加分.⭐️壽司係可比高質立食壽司如果前者100分 呢間放題壽司有80分當中推介 ⭐️黑松露珍寶帶子壽司（可睇圖）帶子大小唔算珍寶 但合理既 👍🏻夠甜 👍🏻抵食出面高質 壽司店最平都$20🤦🏻‍♀️但豉油碟竟然係個唔太好用既膠兜（可睇圖）（

神戶屋今日經開旺角 無意中去左呢間放題去試下 一開始食之前 佢有得比你揀一次性要生蠔或海膽一客 我就揀左要海膽 味道都ok 而之後就開始食刺身 可以揀既款式都唔少 盤上既賣相都ok 三文魚同帶子新鮮幾好食 另外我叫左個壽喜燒 份量十足 牛肉質素都唔差 鍋裹面都有金菇娃娃菜 另外佢都有火鍋配料俾你揀 款式都有好多 不過我就無叫 因為我覺得放題應該系食刺身同其他會開心啲😂 至於佢啲炸物一流 我試左芝麻雞翼 炸得層皮好脆 雞肉好滑 好味 炸廣島蠔 炸粉唔厚 蠔都新鮮 可以一試 而值得一試 既系佢地既榴槤炸彈 同樣炸粉唔厚 而裏面真系有榴槤肉 系流心同好香榴槤味 中意榴槤既朋友一定要試 而壽司我就叫左火炙三文魚壽司 因為三文魚新鮮 刺身同飯團比例好 幾好食 熟食就試左燒三文魚腩同汁燒和牛 三文魚腩肥美同和牛都幾稔 可以試下 而麵食就試左叉燒拉麵 份量都幾足 叉燒有驚喜 幾好食 總括黎講 呢間放題性價比算系幾高 有唔少野食都有驚喜👍🏻

我地兩位，店員都比咗個細卡位，坐得舒舒服服咁食。有齊日式、韓式放題嚟講佢嘅價錢唔算貴，一坐低仲會見到like facebook／follow ig就減$10，相當優惠！一坐低當然先叫刺生，賣相同質素都唔hea！個人最推薦三文魚、北海道角螺同海膽（需加錢）唯獨蟹柳同玉子雪得硬咗少少，一舊起兩舊止～ ＃平時日式放題款式已經多，呢度加埋韓式就更多！除咗基本放題都有嘅刺生壽司、炸物鍋物燒物之外，佢仲有日式壽喜燒同韓式芝士部隊鍋，更可以之後加料！我地叫咗個部隊鍋，湯底夠味辣辣地，料都比較多，2個人食會比較多，所以3人以上食會好啲。＃對於炸物愛好者嘅我嚟講，呢到絕對係天堂！其中最最最推薦係炸牛奶！真係勁好食！一個人食咗6條（好似太過份了哈哈）其次係一口芝士同吉列蝦（同天婦羅蝦唔同的！）反而我最愛嘅芝士年糕厚粉咗少少，會重mochi口感多啲～＃飲品方面選擇唔算多，不過都好大路，有汽水、果汁、荳奶、雀檸… 甜品有牛奶樂、杯裝雪糕同雪米糍免費添食 又或者可以選擇其他 有movepick添！＃整體食物水平可以、店員服務態度唔錯、坐得舒服。＃

行開旺角兆萬見餐廳果幾層有好多平放題，又成日滿座，所以決定訂枱穩陣啲。剛剛遇著晚市放題時段開始，職員忙住上菜，好好彩我哋有訂枱，一到達就已經有得坐低食。同朋友基本上乜都叫咗啲，諗住好食先再encore。首先有蒜香牛柳粒，蒜粒經煎炸後又香又脆，同帶有些許脂肪嘅牛柳粒相映成趣。據我所知，鹽酥雞軟骨就唔會跟炸蒜嘅，不過佢呢度做得咁出色，我地決定照殺！夠熱，夠酥脆，軟骨唔會太硬，配啤酒一流！（啤酒可以任飲）食得放題，又點少得魚生。呢度魚生選擇繁多，只不過我同朋友淨係食呢幾種魚生，有三文魚、甜蝦、帶子、北寄貝、拖羅、等等。又有另外一位同行嘅朋友，佢淨係食熟食，所以特登叫咗啲熟壽司俾佢，有大量火灸三文魚壽司同鰻魚壽司。聽佢講啲熟咗嘅三文魚都仲係好滑，魚油同魚肉分佈得夠平均。除咗炸蒜出色，呢度嘅炸物都值得推介，例如係炸蝦！淨睇見佢金黃色嘅外表都已經贏咗一半，再一啖咬落去外脆內軟嘅蝦身，即時落單追加一份。羊架加咗啲孜然粉去整，無乜騷味，又帶到羊肉味出黎，又無破壞到肉質。可以改善嘅地方反而係個醬，通常食羊會配介末醬同得薄荷醬，但呢個醬兩樣都唔係。甜甜地又酸酸地，似沙律醬多啲，真係唔係好夾，建議就咁食個羊

<<旺角高質放題>>好耐冇食放題啦!! 而家鍾意lunch食放題任食，因為食到飽飽之後仲有大半日行街慢慢消化，而且仲平啲添!😛話食lunch其實上到去都已經過晒lunch hour,人唔算好多，完全唔迫亦唔嘈，很好!廢話少講，快啲點嘢食先!即刻拎晒啲點心紙出嚟係咁劃~食放題刺身當然係重點!忍唔住全部點晒，魚類刺身唔算超多，但蝦同貝類都有唔少~估唔到仲有生蠔添!!成盤刺身拼盤咁上到嚟真係好震撼!!!而且樣樣都好新鮮~激巨赤蝦真係冇得輸，勁鮮甜又肥美!! Encore encore!!😋除咗刺身，炸物都係必食之選~天婦羅脆而不膩，脆漿唔會太厚，唔錯唔錯~不過都係芝麻雞翼最正!!超級香脆熱辣，食不停口!好邪惡呀!燒菠蘿超甜又多汁!!!其實只點了2件，但佢俾咗勁多，但都全部KO晒!!😝😝清酒煮蜆都唔錯，好多蜆，同埋啲蜆唔會縮水縮到唔見曬😂最後食埋雪糕做甜品~臨走先見到原來出面有個雪櫃有韓國雪條😅雖然唔係任食，不過好似book咗枱就可以問職員拎～芒果雪條真係超正!!好滿足!!

今日選擇了放縱一下，食日韓放題，可以食不同美食！食放題，最方便梗係黎兆萬，上次試咗其中一間，今次俾個機會另一間，來到八樓嘅「神戶屋」。刺身嘅種類有好多，而且都好新鮮，個人比較推薦天使蝦刺身，蝦肉鮮甜，而且仲好大片，泰式生蝦都好特別，雖然同出面正宗泰式生蝦有小小分別，但都好有泰式風味！三文魚刺身更加唔洗講，無論去到任何地方都係必點之物，呢度嘅三文魚更加係厚身新鮮。而壽司方面，個人最推薦嘅一定係花之戀同火炙三文魚壽司，無論去到邊度食放題都係必點之物，呢度嘅壽司更加唔會差。而小食方面，個人最推薦一定係一口芝士、芝士年糕同雞軟骨，好多都係啱啱炸起就上。今次仲試咗個日本和牛壽喜燒，呢個鍋完全係足曬本，肥牛嘅份量足夠，仲有好多菜同金菇，湯汁都好夠味，相信大家一定會中意食！最後仲有好多甜品可以揀，有雀巢雪糕、糯米粉、小蛋糕，仲有好多雪條可以揀，款式種類真係好多！總括而言，呢度環境寬敞，服務員嘅態度都好好，見到枱上面有空碟都會即刻幫我地收，上菜速度又快，完全唔洗擔心漏單同要吹單嘅問題，價錢都算合理，完全係高質放題之選！

一開始碟刺身送到黎睇個名已經知唔係路，3款蝦完全冇味，三文魚難食，質素味道仲差過爭鮮，d熟食除左雞翼外真係擺唔到入口，d醬完全唔得，呢間野認真唔得。好垃圾，完全唔會值200幾蚊，佢連百幾蚊既質素都比唔上，垃圾中既垃圾當初同個friend睇open rice比人fake左入黎，見咁多好評所以就諗住試下，點知間野會咁難食，真係食左半粒鐘就想比錢走人，不單止選擇少又難食，真係第一次見識過咁難食既放題，除左野飲冇伏（因為唔係佢地整），其他野真係伏到傻...大家想對放題有陰影可以黎試下

上星期已經book咗呢間喺兆萬中心嘅日韓放題😎😎因為訂枱嘅話有海膽/生蠔/韓式雪條送，唔好蝕丫嘛😂😂😂😂七點半上到去都差唔多坐滿曬😲😲好彩有訂枱咋!!! 員工安排咗我哋坐卡位😍😍😍一黎就梗係點刺身先啦，回本之選😂😂😂好多款刺身全部厚切好大份!!!! 蝦都有分好多款🤣🤣甜蝦/有頭蝦/泰式生蝦/天使蝦，我要試晒佢!!!😋😋😋 嘩💓💓💓💓一上枱就忍唔住即刻post咗上ig打卡!! 預先訂枱送嘅海膽都大份新鮮一d都唔hea喎(要講十次好彩有book枱😝) 👍👍火炙壽司🍣 軍艦壽司🍣日本小食🍥韓國小食🍢仲有火鍋(我地淨係用黎食菜同菇😂😂)🥘通通都好味👍👍呢個honey mustard炸雞脆卜卜微辣正呀!!! 嗌左2件過口癮🐔🐔燒菠蘿好甜勁多汁🍍🍍 任飲都有兩大個雪櫃可以任揀😍😍 啤酒竟然有hoegaarden😲😲😲!!!!之後當然唔少得甜品🍦🍧🍨港式雪條係飲任食😆仲有我最愛的香芋味雪米糍😋😋😋(臨走見到個訂咗枱送嘅韓國雪條雪櫃😆😆OMG 條芒果/士多啤梨雪條喺便利店買廿蚊㗎😍😍如果唔食生蠔/海膽嘅話必揀哩2條呀!!!)

朋友話近排返工極度辛苦🥺，多嘢做不在話下，老細仲要無理地加佢workload😕 收工打黎灰機咁講"有時真係做到抖唔到氣😭"。捱咗咁多個星期，終於回復正常，即刻約我去食飯🍚🍙。本來諗住簡簡單單食啲嘢就算，但諗諗下都係對佢好啲🤝🤝❤️🥰，慰勞一直以來辛勤工作🥺🥺。呢一間放題見佢唔係太貴🥳🥳🥳🥳，又好似幾多嘢食，所以一試。就決定係你啦🤝呢度選擇真係唔錯，刺身壽司🍣🍣日🇯🇵韓🇰🇷熱食都有。刺身好新鮮🍣🍛🍤，擺盤又好靚，侍應一拎出黎都忍唔住嘩😯左聲。佢地d牛舌同灸燒三文魚都係高質貨🤤🤤🤤。 仲有一啲貴價選擇好似海膽🥰🥰🥰，好鮮甜，冇話因為放題就將貨就價。最得意係連邊爐都有得打😳😳😳。 飲品選擇好多，連日系零卡路里可樂都有👀👀🤝🤪。呢度啲職員好有禮貌，好唔介意你係大食仔。另外就係除咗有無限量雪糕雪條之外，訂咗位嘅人亦都可以免費要一條韓國雪條，平時喺便利店買都要成二，三十蚊一條，絕對係回本之選。Like埋佢facebook仲減十蚊 ，其實真係好抵食，同朋友食完呢餐，朋友走個陣大叫覺得今日係星期五TGIF🤘🤘😂希望佢可以食飽飽有力打怪獸🤪

以前覺得放題是俾錢買難受人又多又迫 服務又唔好侍應掉下一堆雜食就算要擇到好的放題餐廳真心不容易銅鑼灣的滿屋吃過幾次感覺質素有下降旺角的放題中心兆萬多年前也試過質素自是沒保證多年來站得穩的應該有點份量見神戶屋好評極多價錢合理 抱著吃刺身回本的心態原來是日韓放題 也有韓食及火鍋對火鍋興趣不大但朋友訂座時有贈送火鍋 姑且一試飲品，甜品的自助區不大但說真的飲品不外喝個幾罐放題的點餐紙頗多A到J刺身，炸物，串燒，火鍋，鐵板燒，壽司一應俱全第一回合當然是刺身海膽也是訂座時贈送的不會苦澀 喜歡甜蝦非常鮮甜帶子象拔蚌也是鮮美的炸物也不錯 份量剛好才可以再試其他食物點壽司有點錯 因為都是飯不過味道也很好 飯是手握的不是明將質素油甘魚及帶子都有壽司店的影子放題來說算不錯吃芝士蠔的蠔吃得出很完整而且蠔的大小適中實在有太多芝士焗蠔只有白汁跟芝士羊架加上蜜糖芥末子醬很美味呢牛舌也ok吃到這裡已飽了8成侍應每隔一段時間便詢問有否漏單食物是否可以有禮貌及細心的侍應加很多分啊漏了壽喜燒 本想放棄的最後也來了肉不算多 但肉質鮮嫩 不是美國牛一般硬下面主要是津白及菇也點了些火鍋材料 可惜吃不完有點浪費雪糕有3個層次雀巢，

初頭同朋友諗住搵間放題食，見到有幾多有芝士嘅野食，就入左去，點知伏到死未入去之前已經有得落單，一入去就有得食，原意係好嘅。但當我地一入到去，啲野食一次過黎曬（將所有想食嘅野係第一次落單就喊曬可能係我錯）明明已經冇位，但啲職員嘅表情係你地快啲比個位我放野食🤷🏻‍♀️職員有壓力同攰，明嘅。但最重點係，啲刺身完全唔新鮮，我同朋友都係食左幾件就停手。啲熟食都一般，只係得個辣味。暫時最伏嘅放題店，一定唔會再去！

今次係第二次黎呢間度食，因為第一次用餐經驗唔錯，服務又好，野食都好食，所以食過翻尋味，黎第二次再次添食。一黎到好似平時咁，都幾多人等位，不過都好快有位，等左5分鐘就有位。一坐底緊係即刻攞野飲，不過唔記得影相。飲品選擇豐富，唔寫出黎喇，各位自己去試下啦。有好多韓式飲品，剩飲都飲飽。一開始暖下個胃，叫d熱食。牛油粟米，牛油味遠處都聞到，實在太香太美味。呢個蝦天婦羅一流，又熱又脆卜卜，真係好新鮮，一定要襯熱食，同行有沙律醬提供。脆炸豆腐，雖然面頭有辣椒粉，但其實唔辣，外脆，內軟，簡直係超級正。呢個串燒，汁都好正。相片比較懞。其他熱食都好食，但記得留返個肚食主菜呀。三文魚，全部都係三文魚。燒三文魚唔錯，入口即溶。呢個魚子醬味道非常夾，一試難忘。刺身又點少得呢，我食左幾轉，好彩有熱食打定底。如果唔係咁凍既天氣食咁多生冷野都要小心d。海膽非常鮮甜。最後雪條總結，太多款，樣樣都想試，我食左3條。

今日午餐同左朋友即興咁去左神戶屋食放題，呢度既放題選擇真係非常多，刺身、熟食、甜品都一應俱全，最適合我地呢啲大胃王去食。我地落左單唔夠十分鐘，就已經有得食了，睇得出店員既服務效率真係好快。神戶屋既刺身種類真係非常多，有甜蝦、三文魚、帶子等，其中以甜蝦最為抵食。呢度既甜蝦真係超級大隻，有一隻食指既長度，而且蝦既鮮味濃郁，口感爽滑。我非常推薦大家黎試下神戶屋既刺身，保證一食就會愛上。係熟食方面，我點左昆布烏冬，烏冬既湯底飲落清新鮮甜，而且啲烏冬食落口感煙韌，整體黎講好好味。另外，呢度既雞串都值得大家一試，雞串唔單止燒得剛剛好，雞既肉質都好嫩滑，配上秘製燒汁一齊食，口感簡直一流！我仲點左我鐘意食既花之戀壽司黎食，花之戀壽司上面既蟹子份量超多，連埋啲沙律醬一齊食，味道真係好match吖！我同朋友都覺得神戶屋既放題真係超抵食，下次仲打算叫更多朋友一齊黎食！

兆萬出名多放題，有間朋友食開嘅放題，就話要同我去試試呢到全部都係卡位，就算兩個人都有得坐大卡位，唔會食到人逼人咁！飲品係自助形式，自己拎健康啲就揀咗烏龍茶一坐低店員就已經會有前菜同醬料都幾細心食物種類多竟然有清酒煮蜆！蜆肉大大粒，鮮甜無沙加埋小小酒味，更加特出蜆嘅鮮味壽司選擇多，咩都試下！花之戀正，三文魚好肥美，口感夠哂豐富另外好中意芥末八爪魚，爽口又帶啲芥末味，辣辣地好過癮！叫咗啲燒嘅野食燒芝士蠔好juicy，啲芝士拉哂絲咁好正蠔身厚肉又juicy加埋芝士燒得超級惹味燒牛舌都係必食推介！一啖一舊岩岩好，牛味香濃！仲有點少得健康嘅粟米！加咗牛油好香甜，必食呀！整體環境服務都唔錯，食物有水準又豐富！可以再嚟呀！

服務態度很好，訂位時20位最後只有10多人仍給我們房坐，全部食客都是外國人亦細心解釋如何填紙下單。食物質素好，亦有按足單上。飲品和食物選擇多，能滿足各人的需要。